གནས་ཚུལ་མཁོ་གཏོང་བ་རྨོག་རུ་བསྟན་པ།
ཕྱི་ཚེས་༢༡ ཉིན་བོད་མི་མང་སྤྱི་འཐུས་ལྷན་ཚོགས་ཀྱི་སྐུ་ཚབ་བྱང་ཕྱོགས་ཞུ་གཏུགས་ལས་འགུལ་ཚོགས་ཆུང་གནས་མཆོག་ཝ་ར་ན་སིར་འབྱོར། བོད་བསྟན་སྲིད་ཆེད་རང་ལུས་མེར་བསྲེགས་གནང་བའི་རྒྱལ་གཅེས་དཔའ་བོ་དཔའ་མོ་རྣམས་ཀྱི་ཆེད་ཝར་ནའི་སཱ་ར་ན་ཐའི་བོད་དགོན་པར་བཞུགས་པའི་གདན་ས་གསུམ་གྱི་དགེ་འདུན་པས་བླ་མ་མཆོད་པ་དང་འབྲེལ་བའི་ཚོགས་མཆོད་གྱི་སྒོ་ནས་མཆོད་འབུལ་སྨོན་ལམ་གནང་། ས་གནས་དཔོན་རིགས་ཁག་ཅིག་ལ་ཞུ་གཏུགས་ཀྱི་སྙན་ཞུ་སོགས་ཕུལ་ཏེ་བོད་ནང་གི་ཛ་དྲག་གི་དཀའ་ངལ་སྐོར་ཞུས། ཉིན་རྒྱབ་ཆུ་ཚོད་དང་པོའི་སྟེང་ཝར་ན་གྲོང་ཁྱེར་ནང་ཡོད་པའི་གསར་འགོད་ལྷན་ཚོགས་ཀྱི་ལྟེ་གནས་ཚོགས་ཁང་དུ་གསར་འགོད་ལྷན་ཚོགས་སྐོང་ཚོགས་གནང་། བོད་ནང་གི་ཛ་དྲག་དང་བོད་ཀྱི་གནས་བབ་སྐོར་ངོ་སྤྲོད་གསལ་བཤད་གནང་། གསར་འགོད་པ་རྣམས་ཀྱིས་དྲི་བ་དྲིས་ལན་གནང་སྟེ་གསར་འགོད་ལྷན་ཚོགས་གྲོས་རྗེས་ཞུ་གཏུགས་ལས་འགུལ་བ་རྣམས་allahbad གྲོང་ཁྱེར་ཨེ་ལ་བྷ་ཐུར་ལ་བསྐྱོད་ཡོད་པ་རེད།
ཁ་སང་ང་ཚོ་ལྷན་དུ་འཛོམས་བྱུང་། ཚོགས་ཆུང་འདི་ལ་མཚོན་ན། ཧིན་རྡིའི་སྐད་ཐད་ནས་སྐུ་ངོ་ཟླ་བ་ཚེ་རིང་དང་ལྕམ་ཡེ་ཤེས་སྒྲོལ་མ། རྒྱ་ཡིག་ཐད་ནས་ལྕམ་གངས་ལྷ་མོ། བོད་ཡིག་ཐད་ནས་སྐུ་ངོ་རྨོག་རུ་བཤད་མི་དགོས་པར་ད་ཐེངས་ས་གནས་རེ་རེ་ནས་གནས་ཚུལ་དུས་ལྟར་མཁོ་སྤྲོད་གནང་བས་ཤེས་སླ། ཚོགས་ཆུང་འདི་ཧ་ཅང་གི་འཛོམས་གསུམ་འཛོམས་པ་མ་ཟད་ད་ཐེངས་ལས་འགུལ་ཧ་ཅང་གི་གྲ་སྒྲིག་པོ་གནང་བྱུང་བས་དགའ་ཡོད།
ཚང་མ་ལ་ཐུགས་རྗེ་ཆེ་ཞུ་བ་ཡིན་ད་དེང་སང་བོད་ནང་ནས་གནས་ཚུལ་ཧ་ཅང་གི་ཚབ་ཆེན་དུ་འགྱུར་པ་སྟེ་མངོན་གསལ་རེད་ཡིན་ཡང་ཕྱི་སྡོད་བོད་མི་མང་པོ་ཤིག་གིས་ད་དུང་གནས་ཚུལ་གསལ་བོ་ཟིག་ཧ་གོ་གི་མེད་པ་འདྲ་དེ་ནི་ཆེས་བློ་ཚབ་དང་ཡིད་སྐྱོ་བ་ཟིག་རེད་