སྐྱོ་བྲག་དགའ་དབང་།
འཛམ་བུའི་གླིང་པའི་སྤྱི་སྲོལ་བཞིན་བོད་པའི་དྲ་རྒྱ་དག་ཏུའང་ཞབས་མཆན་ས་མིག་ཡོད་ལ་ངས་ཀྱང་ཐོག་མའི་སྐབས་སུ། དུས་བབ། ཁ་བརྡ་སོགས་དྲ་རྒྱ་མང་དག་ཅིག་ཏུ་མིང་འདྲ་མིན་གྱི་ཐོག་ནས་ཞབས་མཆན་འགའ་ཤས་བཀོད་མྱོང་། ཞབས་མཆན་ལ་དགོས་དམིགས་གཏན་ནས་མེད་པ་མིན་ནའང་གལ་ཆེན་ཞིག་ཏུ་མཐོང་མ་སོང་ལ། ལྷག་པར་མིང་རྫུན་ཞིག་གི་འོག་ཏུ་ཡིབས་ནས། ཏིང་འཛིན་རྒྱལ་པོའི་མདོ་ལས། ལུས་དང་སེམས་ནི་ཤིན་ཏུ་མི་སྡོམ་པ། །དེ་ནི་ཚིག་ཏུ་མི་སྨྲ་ཅི་ཡང་མེད། །སུ་ཡིས་ཉེས་པ་ཅི་བྱས་བརྒལ་ལོ་ཞེས། །རྟག་ཏུ་གཞན་གྱི་ཉེས་པ་ཚོལ་ཞིང་རྟོག །ཅེས་གསུངས་པ་ལྟར། རང་སྣང་དགྲ་རུ་ལངས་པའི་སྤྱོད་ཚུལ་གྱིས་སྤྱི་སྒེར་ཚང་མར་སྐྱོན་འཛུགས་ཁོ་ནས་དུས་འདའ་བ་ནི་རང་གཞན་སྡུག་ལ་སྦྱོར་བྱེད་ཙམ་ལས་དགེ་ཕན་ཅི་ཡང་མེད་པའི་མཐོང་སྣང་གིས་ཞབས་མཆན་གཅིག་ཀྱང་མ་བཀོད་པར་ལོ་གཅིག་ཡས་མས་འགྲོ་བའི་ཉིན་ཞིག་ཁ་བརྡ་དྲ་བར་ཤར་ཕྱོགས་ཁུག་རྟས་སྤེལ་བའི་བསམ་ཚུལ་གྱི་ཞབས་མཆན་དུ་སྐྱོ་བྲག་དགའ་དབང་ཟེར་བ་ཞིག་འདུག །ཤར་ཕྱོགས་ཁུག་རྟ་ངེད་གཉིས་ངོ་ཤེས་གྲོགས་པོ་ཡིན་ཞིང་ནང་དོན་ལ་དགག་མཆན་འདྲི་དགོས་དོན་མེད་བཞིན་དྲ་འབུ་ཞིག་གིས་ངའི་དངོས་མིང་བརྐུས་ནས་འབྲེལ་ཡོད་སྤྱི་སྒེར་དག་གི་དབར་དཀྲུག་ཤིང་བྱ་བའི་ངན་ཇུས་བཤམས་འདུག་སྙམ་པའི་དངངས་འཚབ་ཀྱིས། ཁ་བརྡའི་དྲ་བདག་ལ་ངའི་དངོས་མིང་གཞན་གྱིས་བེད་སྤྱོད་བྱས་པ་ལས་ངས་རྩ་བ་ནས་བྲིས་མེད་ཕྱིར་གང་མགྱོགས་བསུབ་དགོས་པའི་རེ་བསྐུལ་ཞུས་པ་དང་ལེན་གནང་རྗེས། གློག་འཕྲིན་ཁ་བྱང་ལས་གསང་ཚིག་ཤེས་མི་དགོས་པའི་ཕྱིར་ན་ཁྱོད་ཀྱི་གློག་འཕྲིན་ཁ་བྱང་རང་བེད་སྤྱོད་བཏང་འདུག་ཟེར་བས། སྔར་ལྷག་གི་འཇིགས་སྔངས་ཤིག་གིས་ངའི་མིང་དང་གློག་འཕྲིན་ཁ་བྱང་དག་གཏན་འགོག་བྱ་རོགས་ཞུས་པ་ཡིན། རྗེས་སུ་ཁོམ་རྩེད་ལྟ་བུར་རྩོམ་དུམ་རེ་ཁ་བརྡ་དྲ་བར་འགོད་སྐབས་ངེས་པར་དུ་ལན་འདེབས་དགོས་པའི་ཞབས་མཆན་འདྲ་ཡོད་ནའང་གསར་རྩོམ་ཞིག་སྤེལ་ན་མ་གཏོགས་བྱ་ཐབས་མེད་པ་ལན་ལ་ཐུགས་རེ་གནང་མཁན་ཚོས་མཁྱེན་པར་ཞུ་འདོད་བྱུང་ངོ་། །
ཡག་པོ་བྱུང་། ངས་ཡང་དེའི་སྐོར་ལ་ཁྱེད་ཀྱི་ཐོག་ཏུ་ཁོང་ཁྲོ་ཏོག་ཙམ་ལངས་བྱུང་། ཁྱེད་ཀྱིས་ཁུག་རྟའི་མཉམ་དུ་དེ་འདྲ་བཤད་ཨེ་ཡོད་ན་རེ་ཡང་དྲན། དེ་རིང་གསལ་པོ་བཟོས་པར་དགའ་པོ་བྱུང་་་ཤ་ཉེ
ཁྱོད་ཀྱི་གློག་འཕྲིན་ཁ་བྱང་བཀོད་མཁན་ཞིག་ཡིན་དུས་ཕལ་ཆེར་ཁྱོད་ལ་ཆ་རྒྱུས་ཡོད་མཁན་ཞིག་ཡིན་སྲིད། དེ་མིན་ན་ཁྱོའི་ཡིག་ཟམ་ཇི་ལྟར་ཤེས།ཁ་བརྡ་དྲ་བས་དེའི་རིཊ་ལ་གཟབ་གཟབ་བྱ་དགོས།
ཞེད་སྣང་མ་བྱེད་སྐྱོ་དགའ་ལགས། རྩ་བའི་ཆ་ནས་ཁྱེད་རང་ཡང་ཟང་ཟིང་ལོང་ལོང་དང་ཡར་མར་གྱོད་དང་རྩོད་པ་ལ་དགའ་བོ་ཡོད་པའི་གང་ཟག་ཅིག་ཡིན་པ།
གྱོག་མར་འགྱོ་ཚེགས་རྒོད་ན། རྐང་ལག་ཐང་ཆུར་འབྱར་ཟེར་བ་དེ་རེད། ཡིན་ན་ཡང་སྐྱོན་ནི་མ་རེད།
སྐྱོ་བྲག་དགའ་དབང་གིས་གསུང་པ་བདེན་པ་རེད། ངས་ཀྱང་ད་བར་དུ་མིང་རྫུན་འོག་ནས་གང་བྱུང་བཤད་བཞག་པ་མེད་ཀྱང་། ཁ་བརྡའི་ནང་ཞབས་མཆན་བཀོད་པའི་ལོ་ཤས་དེའི་རིང་ལ་དྲ་གྲོགས་མང་པོ་ཞིག་དང་ཁ་རྩོད་བྱས་པ་ཡིན་ལ་ཚིག་ངན་ཡང་མི་ཉུང་བ་ཞིག་བཤད་པ་ཡིན། འདི་དག་ཐམས་ཅད་སྤྱི་སེམས་སྙིང་བཅང་ལས་སྒེར་མཁོན་རྩོད་བཞག་པ་ཅང་མེད་ན་ཡང་། འདིས་རིགས་ཀྱིས་མི་མང་པོ་ཞིག་ལ་མི་སྐྱིད་པ་བཟོ་ངེས་པས་ད་ནས་བཟུང་སྟེ་དགོས་ངེས་ཀྱི་རིགས་མ་གཏོགས་རྩོད་པ་རྒྱག་རྒྱུ་མིན་ལ་དོན་མེད་ཀྱི་མཆན་བཀོད་རྒྱུ་ཡང་ཇེ་ཉུང་ལ་གཏོང་གི་ཡིན།
ངས་མིང་ཡང་འདི་ལྟར་འཚམས་འཚམས་སུ་་གཞན་ཞིག་གིས་བེད་སྤྱོད་གཏོང་གིན་འདུག་་་་
དེ་ཡང་དེ་འདྲ་ཞིག་ཡིན་པ་འེ་ཡིན་ནམ་་་