༄༅།། དུས་སྐབས་གང་ཞིག་ནས་ང་ཚོས་༧རྒྱལ་དབང་བཅུ་གསུམ་པའི་ཆུ་གླང་གསུང་འཕྲིན་འདི་ལ་སྒྲོ་འདོགས་བྱེད་རྒྱུའི་བློ་ཁོག་རྙེད་པ་ཡིན་ནམ། ཡང་ན་གསུང་འཕྲིན་འདི་ལ་རང་བཙན་གསལ་བསྒྲགས་ཞེས་སྐབས་རེ་འགར་གཞུང་ངོས་ནས་ཀྱང་བཏགས་ཡོད་པ་འདྲ་ལ། གཞུང་གི་རྩོལ་བ་དེ་དག་ནི་དེ་རིང་གི་གནས་བབ་འདི་མ་མཐོང་བར་སྐབས་དེ་དང་དེའི་དགོས་མཁོ་འབའ་ཞིག་གི་གཞན་དབང་དུ་སོང་ཡོད་ནའང། དེ་རིང་ད་དུང་གསུང་འཕྲིན་འདིའི་དངོས་ཤུགས་བརྒྱུད་གསུམ་ལ་མི་འདྲ་མིན་སྣ་ཚོགས་འཇུས་ཏེ་རང་བཙན་གསལ་བསྒྲགས་ཞེས་ཁྲོམ་བསྒྲགས་གང་ཡོང་ཅི་ཡོང་རེ་བྱེད་པ་ནི་གསུང་འཕྲིན་རང་གི་ངོ་བོ་དང་བརྗོད་དོན་ལ་འཁྱོག་བརྗོད་བྱས་པ་དང། སྐབས་དེའི་ལོ་རྒྱུས་ཀྱི་གནས་བབ་གང་འདྲ་ཞིག་གི་འོག་ཏུ་གསུང་འཕྲིན་འདི་ཕེབས་པའི་༧རྒྱལ་བའི་ཐུགས་དགོངས་རྟོགས་ཀྱང་མ་རྟོག་པའི་ཚུལ་དུ་འགྱུར་འགྲོ་བཞིན་ཡོད་ན། འབྱུང་འགྱུར་དོན་དམ་པའི་བོད་ཀྱི་རང་བཙན་ཞེས་པ་དེ་གང་འདྲ་ཞིག་ཡིན་མིན་གསལ་ཁ་འབྱེད་པའི་དུས་ཚོད་སླེབས་འདུག་ཅིང། གལ་སྲིད་བོད་ཀྱི་རང་བཙན་ལ་ཕྱི་ནང་མི་མཚུངས་པའི་བསམ་སྤྱོད་ཡོད་པ་ཡིན་ན། ད་ལྟ་ནས་གསལ་ཁ་བྱས་ན་ཡག་ཤོས་སུ་མཐོང་སྟབས། གསུང་འཕྲིན་ས་འཕྱར་གནམ་འཕྱར་གྱིས་༧རྒྱལ་མཆོག་བཅུ་བཞི་པ་ཆེན་པོར་ཟུར་ཟའི་རིགས་འདི་རྣམས་དངོས་ཤུགས་གཉིས་ནས་མ་དོར་ཚེ། ང་ཚོའི་མདུན་ལམ་ནང་ཆིག་སྒྲིལ་ཟེར་བ་དེ་རི་བོང་གི་རྭར་འགྱུར་ངེས་པ་ནི་ཐེ་ཚོམ་མེད་པ་ཞིག་རེད། ཉི་མ་དེ་འདྲ་ཞིག་སུས་མགོ་ལ་ཤར་དགོས་ཀྱང་དམིགས་བསལ་རྒུད་འགྲོ་བ་ཞིག་དེ་བས་ཀྱང་ཡོད་པ་མ་རེད།།
རྒྱས་པ་འདི་ནས་གཟིགས།
གྲོང་ཁྱེར་ཧོབ་ལུས་ནས་མེ་འཁོར་ནང་སྤེལ།།
༄། རྒྱལ་བ་རིན་པོ་ཆེ་བཅུ་གསུམ་པ་མཆོག་གིས་མ་འོངས་བོད་ཀྱི་བདེ་དོན་གྱི་ཆེད་དུ་གནང་བའི་གསུང་གི་དགོང་དོན་རྟོགས་པ་ལ་བསོད་ནམ་གྱི་ཚོགས་དགོས་པས་ཁྱེད་ནས་ཚོགས་གང་ཐུབ་བསགས་རོག། བོད་ཀྱི་བདེ་དོན་གྱི་ཆེད་དུ་དཀའ་ལས་རྒྱབ་མཁས་ཚོ་ལ་ཁ་མ་གཏང། ལྷག་པར་དུ་༧རྒྱལ་རིན་པོ་ཆེའི་མཚན་བེད་སྤྱོད་བྱེད་ནས་གང་དྲན་དྲན་མ་ལབ་། བོད་མི་ནང་ཕན་ཚུལ་ལ་འགལ་ཟླ་མ་བཟོ། བོད་རང་བཙན་དོན་གཉེར་བ་ཚོ་བོད་དོན་གྱི་ཆེད་དུ་རེད་། དབུ་མའི་ལམ་དུ་ཕེབས་མཁས་ཚོ་བོད་དོན་གྱི་ཆེད་རེད་། རྒྱ་དམར་གྱིས་སྒོར་མོ་མང་པོ་བེད་སྤྱོད་གཏང་ནས་བོད་པ་ཚོ་འགལ་ཟླ་བཟོ་བཞིན་ཡོད་པ་ཁྱེད་ནས་མཁྱེན་གསལ་རེད། ཁྱེད་ནས་བོད་མི་ནང་ལོག་ལ་དཀྲུགས་ཤིང་མ་་རྒྱབ་རོགས་། ཁྱེད་ནས་༧གོང་ས་བཅུ་གསུམ་པ་མཆོག་གི་གསུང་དེ་བོད་རང་བཙན་ཡིན་པས་གསལ་སྒྲགས་མ་ཡིན་པ་ཧ་གོ་དོན་རྟོགས་ན། ་་ཁྱེད་་ཀྱི་ཁ་པར་དང་ཁ་བྱང་གནང་དང་ང་ཚོ་ཁྱེད་དང་་ཐུག་ནས་གསུང་རོགས་། དེ་མིན་ཡིག་ལམ་དུ་གང་དྲན་མ་བལ་སྐུ་ཆེ་། བོད་པ་ཚོ་ཆིག་བསྒྲིལ་བྱེད་གལ་ཆེ་