༼རྒྱལ་བ་ཀརྨ་པ་ཨོ་རྒྱན་འཕྲིན་ལས་རྡོ་རྗེའི་འཁྲུངས་སྐར་ལ་ཕུལ་བ།༽
བེ་རི་འཇིགས་མེད།
མཚན་དཔེའི་སྐུ་ཡི་མེ་ཏོག་ཚོམ་བུ་མདོ་ཁམས་ལྷ་ཐོག་སྒང་ནས་བཞད།།
སྐྱེས་སྦྱངས་མཁྱེན་རབ་སྦྲང་རྩིའི་ཕོན་པོ་དབུས་འགྱུར་འཕགས་པའི་ཞིང་དུ་སྨིན།།
ལེགས་གསུང་སྙན་པའི་དྲི་བསུང་མངར་མོ་ཕྱོགས་མེད་འཛམ་གླིང་ཁྱོན་ཀུན་བརྡལ།།
རྒྱལ་བའི་དབང་པོ་ཀརྨ་པ་ཞེས་གྲགས་པའི་མཚན་སྙན་དོན་དང་མཐུན།།
ཐུགས་བསྐྱེད་མཐའ་བྲལ་མ་དྲོས་རོལ་མཚོར་གཞན་ཕན་རླབས་ཀྱི་རྩེ་འཇོ་རྒོད།།
བློ་གྲོས་སྤོབས་པའི་གསེར་གྱི་རི་བོར་སྐྱེས་སྦྱངས་ཉི་ཟླའི་རྣ་ཆ་འཆང༌།།
གསང་གསུམ་འཕྲིན་ལས་དཔལ་གྱི་དུམ་བུར་མ་ལ་ཡ་ཡི་དྲི་བསུང་འཁྱིལ།།
བྱ་དཀའི་མཛད་པ་རྒྱ་མཚོའི་ཀློང་ནས་ཕན་བདེའི་དཔག་བསམ་ལྗོན་བཟང་སྨིན།།
ལགས་ཏེ་ཁྱོད་ཀྱི་སྐུ་རབས་ཕྲེང་བ་མུ་ཏིག་བསྒྲིགས་པའི་ཚོམ་བུ་ནི།།
སྐྱོན་གྱི་དྲི་མས་ནམ་ཡང་མ་གོས་པདྨ་དཀར་པོའི་རྩ་བ་བཞིན།།
རྒྱལ་སྲས་དཔའ་བོའི་རྣམ་ཐར་གཙང་མ་དགེ་ལེགས་སྨན་གྱི་ལྗོན་པ་ཡིས།།
དམུ་རྒོད་གདུལ་དཀའི་རྒྱ་ཧོར་བོད་ཀྱི་ཉེས་བརྒྱའི་ཟུག་ངུ་དྲུང་ནས་འབྱིན།།
གནམ་གྱི་མཐོངས་ན་ཉི་མ་དང་ནི་འཛིན་མའི་ཁྱོན་འདིར་ལྷུན་པོ་བཞིན།།
འགྲན་པའི་ཟླ་བྲལ་གོང་མ་དེ་དག་མི་མངོན་དབྱིངས་སུ་གཤེགས་པའི་རྗེས།།
གཟིགས་པ་དུས་ལས་གཡོལ་བ་མེད་པར་སྤྲིན་ནག་འཁྲིགས་པའི་མཁའ་ཀློང་ནས།།
གང་ཁྱོད་རང་བྱུང་འོད་སྣང་གསལ་བ་ཚེས་གསུམ་ཟླ་བ་བཞིན་དུ་འཆར།།
སྙིང་སྟོབས་སྤོབས་པའི་སྦར་ཁྱིམ་གཅིག་གིས་མུན་པའི་ལྕགས་དྲ་ཧྲིལ་ལེར་གཏོར།།
ཧི་མ་ལ་ཡའི་གངས་རི་མཐོན་པོ་གོམ་པའི་འདེགས་འཇོག་གཅིག་གིས་བརྒལ།།
གློག་འོད་འཁྱུག་པའི་སྤྱན་ཞཊ་གཅིག་གིས་ཕུག་རྒྱངས་རིང་པོའི་མདུན་ལམ་གསལ།།
བྱིས་པའི་དུས་ནས་རླབས་ཆེན་མཛད་པས་འཛམ་གླིང་ཧྲིལ་པོ་གཡོ་འགུལ་བྱས།།
དེ་རིང་ཁྱོད་ཀྱི་འཁྲུངས་སྐར་དུས་སུ་བདག་ཀྱང་ཞུགས་པའི་སྐལ་བཟང་ཐོབ།།
ལྷོད་མེད་སེམས་ཀྱི་རང་མདངས་མཚོན་པའི་དྲི་མེད་ལྷ་དར་དཀར་པོ་འདི།།
སྙིམ་པའི་མེ་ཏོག་ཟོལ་གྱིས་བཏེགས་ཏེ་གདོང་ལྔ་འབར་བའི་ཁྲིར་བཏུད་ན།།
གང་ཁྱོད་སྐུ་ཚེ་བསྐལ་བརྒྱར་བརྟན་ཅིང་མཛད་འཕྲིན་ཕྱོཊ་བརྒྱར་འབར་གྱུར་ཅིག།
༢༠༠༤།༦། ༢༦།ཉིན་སྤྱི་འཐུས་རྒྱུན་ལས་ཁང་དུ་བྲིས། ༼བོད་ཀྱི་བང་ཆེན་༽ཐོག་ཏུ་བཀོད།
མཁས་དབང་བེ་རི་འཇིགས་མེད་ལགས་་་་་རང་གི་བསམ་འཆར་ཆུང་ཆུང་ཞིག་བཤད་འདོད་འོན་ཀྱང ཁྱོད་ཀྱི་ཐུགས་ལ་མ་སོང་བ་འདྲ་ཡོད་ན་དགོངས་དག་ཞུ་་་་དཔལ་རྒྱལ་བ་ཀརྨ་པ་ཨོ་རྒྱན་འཕྲིན་ལས་མཆོག་ལ་བསྟོད་པ་འདི་ནི་སྙན་འཇེབས་ལྡན་ལ་དོན་དངོས་ཐོག་བོད་པའི་སྤྱི་ཚོགས་ནང་༧གོང་ས་མཆོག་གི་བཀའ་དགོངས་བཞིན་ཆོས་ལུགས་དང་འཆོ་ཁ་མཐུན་སྒྲིགས་དགོས་པ་ཤེས་བཞིན་ལག་ལན་ཏུ་བོད་རིགས་མི་མང་དང་ལྷག་དོན་སྤྱི་མཐུས་ནང་དེ་བས་དགོས་དགོས་པ་མཐོང་ན་གཞོན་ཨ་རའི་སྲིད་འཛིན་ཨོམ་རྦ་མ་དང་སྐུ་གཟུགས་ཙམ་མ་ཡིན་པ་ཤེས་ཡོན་གང་ཅའི་ཐད་ནས་འདུན་ལམ་འདྲ་བའི་རིན་པོ་ཆེ་འདི་ནི་བོད་རིགས་ལོ་རྒྱུས་སྨྲ་བའི་མཁས་དབང་ཞིག་ཡིན་ན་མ་འོངས་བཀའ་བློན་ཁྲི་པ་རིན་པོ་རེད་ཅེས་བརྗོད་དགོས་
བཤད་སྒྲུབ་ལགས་་་་མ་འོངས་བཀའ་བློན་ཁྲི་པ་ཟེར་ན་མི་མང་གི་འོས་འདེབས་དགོས་པ་ལས་སྤྱི་མཐུས་དང་མཁས་དབང་ཡིན་ཟེར་ཏེ་གང་བྱས་མ་རེད་
བོད་པའི་སྤྱོ་ཚོགས་ནང་ལྷ་སྲས་རྒྱ་ལོའི་དྲན་ལས་ད་འཕེལ་ཆེར་སྐུ་ངོས་ཟེར་བའི་མི་དབང་དང་རྒྱུ་ནོར་དགའ་བའི་བླ་མ་ཞིག་ལ་གོ་གནས་རག་ཁག་་ངོ་མ་་ཀརྨ་པ་གཉིས་གསུམ་ཞིག་ཡོད་རེད་ཟེར་ན་བེ་རི་འཇིགས་མེད་གི་སུ་ལ་སྙན་རྩམ་དེ་བྲིས་པ་རེད་
ཞ་མར་དང་
སུ་ཏི་
ད་དུང་
ཡོད་ན་
ད་ངོ་མ་བོད་ཀྱི་ལོ་རྒྱུས་མ་ཤེས་ན་བཟང་བ་དེའི་ནང་གནས་ཚུལ་ཡག་པོ་གཅིག་ལྟོན་ཡ་མི་འདུག་
ཀརྨ་པ་
ཁྲི་བྱང་
ཞ་དམར་པ་
ཆོས་ཚིག་མང་དྲགས་ནས་ངའི་ལུས་ངག་ཡིད་གསུམ་ལ་ no touch. hahahha
བེ་རི་ལགས་ཁྱེད་ཀྱི་སྙན་ངག་ཆ་ཚང་མི་སེམས་འགུལ་ནུས་ཤིང་ཚོར་བ་སྦྱིན་ཐུབ་ལ་ནང་དོན་ཕུན་སུམ་ཚོགས་པ་ཤ་སྟག་འདུག་་་་་་་་་་་་་་་་་་་
ཁྱེད་རང་གི་སྙན་ངག་མང་ཆེ་བར་ཁ་ནས་ལབ་བདེ་བའི་ཁྱད་ཆོས་དམིགས་བསལ་ཞིག་འདུག་པས་དཔྱད་རྩོམ་དང་ལྷུག་རྩོམ་མ་ཡིན་པའི་རྩོམ་ཆ་ཚང་ཞེ་དྲག་སྙན་པོ་འདུག་་་་་་་་་་་་་་་
མུ་འཐུད་བྲིས་རོགས་གནང་་་་་་་་་་་་་་
ཐུགས་རྗེ་ཆེ་་་་་་་་་་་་་་་་
རྒན་བེ་རུ་མཆོག་ནས་དྲི་མེད་ལྷ་དར་དཀར་པོ་ཞེས་པ་སྙན་ཙོམ་དེ་ཚིག་བསྡུས་ལ་དོན་རྒྱས་པ་། རྟ་བདེ་ལ་དོན་འདུས་པ་ཞིག་གསལ་ཀྱང་མི་མཐུད་ནི་སྩོམ་རོག་ཞུ་རྒྱུ་ཡིན། ཀུན་དགའ་ནས་ཞ་དམར་དང་སི་ཏི་ཀརྨ་པ་དུ་མ་ཞེས་འབོད་པ་རྣམ་སེམས་དེ་དགོས་དོན་ཅི་ཡིན་ན། མ་གཞི་ནི་
ཨ་མས་བུ་ལ་མི་ཚར་ན། དགའ་ལྡན་ཁྲི་ལ་བདག་པོ་མེད་ཞེས་པས་ཚིག་དེ་ཨེ་གོ་ཐལ་།
རྒན་བེ་རུ་མཆོག་ནས་དྲི་མེད་ལྷ་དར་དཀར་པོ་ཞེས་པ་སྙན་ཙོམ་དེ་ཚིག་བསྡུས་ལ་དོན་རྒྱས་པ་། རྟ་བདེ་ལ་དོན་འདུས་པ་ཞིག་གསལ་ཀྱང་མི་མཐུད་ནི་སྩོམ་རོག་ཞུ་རྒྱུ་ཡིན། ཀུན་དགའ་ནས་ཞ་དམར་དང་སི་ཏི་ཀརྨ་པ་དུ་མ་ཞེས་འབོད་པ་རྣམ་སེམས་དེ་དགོས་དོན་ཅི་ཡིན་ན། མ་གཞི་ནི་
ཨ་མས་བུ་ལ་མི་ཚར་ན། དགའ་ལྡན་ཁྲི་ལ་བདག་པོ་མེད་ཞེས་པས་ཚིག་དེ་ཨེ་གོ་ཐལ་།