༢༠༠༨།༠༨།༠༩ ཉིན་ཐེན་ཨན་མིན་ཐང་ཆེན་དུ་ཕྱི་རྒྱལ་བ་ལྔས་མར་ས་ལ་ཉལ་ནས་ཤི་རྫུ་བཏབ་སྟེ་བོད་དོན་ཆེད་ངོ་རྒོལ་བྱས་འདུག དེའི་ནང་གི་གཅིག་ངའི་ངོ་ཤེས་པ་ཞིག་ཡིན། ཁོང་གི་མིང་ལ་ ཁིར་སི་ཁྲོ་ཧྥུ་ཟེར་ཞིང་། ད་ལྟ་དགུང་ལོ་ཉི་ཤུ་རྕ་བཞི་ཡིནཔ་དང་སློབ་གྲུ་ཆེན་མོར་འགྲིམས་བཞིན་པའི་སློབ་ཕྲུག་ཅིག་ཡིན། ཁོང་བོད་རང་དབང་སློབ་ཕྲུག་ཚོགས་པའི་ནང་ཡང་ཡོད་པ་རེད། ཁོང་གི་སྐྱེས་ས་དང་འཚར་ས་ཀེ་ན་ཊའི་མོན་ཁྲེ་རེལ་གྲོང་ཁྱེར་ལ་རེད།
གཞན་ཡང་ཧོང་ཀོང་དུའང་བོད་དོན་ལ་ངོ་རྒོལ་ཞིག་བྱུང་འདུག
ང་ཚོ་བོད་མི་རྣམས་ཕར་ངོ་རྒོལ་ལ་འགྲོ་བར་ཐོངས་མཆན་རག་དཀའ་བའི་སྐབས་འདིར་ཁོང་ཚོ་ལྟ་བུ་དྲང་བདེན་ལ་དགའ་བའི་ཕྱི་རྒྱལ་བ་ཉུང་ཤས་ཤིག་མ་སྐུལ་དང་བླངས་ཀྱིས་ཕར་ཕྱིན་ནས་བོད་དོན་ལ་ངོ་རྒོལ་སྤེལ་བར་རྗེས་སུ་ཡི་རང་དང་བསྔགས་བརྗོད་ཞུ་གི་ཡོད། ད་རུང་མུ་མཐུད་དུ་ངོ་རྒོལ་རིགས་འདྲ་མིན་ཡོང་གི་རེད་བསམ། བོད་རྒྱལ་གྱུར་ཅིག
ད་རུང་མི་གཞན་པ་གཉིས་ནས་ཀྱང་བོད་ལ་རི་ལི་གཏོང་བའི་འཆར་གཞི་དེ་བོད་མི་རྩ་མེད་གཏོང་བའི་ཇུས་འགོད་ཅིག་རེད་ཅེས་མགྲོན་ཁང་ཆེན་པོ་ཞིག་ཡིན་ནམ་ཡང་ན་མེ་འཁོར་རམ་རླངས་འཁོར་འབབ་ཚིགས་ཤིག་གི་ཐོག་བརྩེགས་གཉིས་པའི་སྒང་ནས་མར་འཕྲེད་དར་ཆེན་པོ་ཞོག་བཤམས་ཏེ་ཅུང་ཟད་ནས་སྤཡི་བདེ་མི་སྣ་ཡོང་སྟེ་ཁོང་གཉིས་ནང་ལ་ཁྲིད་སོང་། འདི་ད་རུང་གནས་ཚུལ་ཁག་ནང་སླེབས་མ་སོང་སྙམ།
རྒྱ་ནག་གཞུང་གིས་ཕྱོགས་ནས་བོད་ཀྱི་གནད་དོན་ནི་ནུབ་ཕྱོགས་པས་གྲུང་གོར་རྒོལ་ཆེད་བཟོས་པ་ཞིག་ལས་དཔོན་དངོས་སུ་བོད་ལྗོངས་སུ་དཀའ་ངལ་གང་ཡང་མེད་ཅེས་ཤོད་བཞིན་ཡོད་པ་ལྟར་རྒྱ་ནག་རང་གི་མི་དམངས་ཚོས་ཀྱང་དེ་བཞིན་ཡིད་ཆེས་བྱེད། ང་ཚོས་ཀྱང་ནུབ་ཕྱོགས་པས་བོད་ལ་རང་དབང་སྤྲད་ནུས་པར་ཡིད་ཆེས་ཀྱིས་ཨ་མེ་རི་ཁ་གཙོས་པའི་ནུབ་ཕྱོགས་པ་ཚོ་ལ་སྐྱབས་སུ་འགྲོ་ཞིང་། ནུབ་ཕྱོགས་པའི་རོགས་རམ་ཐོབ་ཐབས་དེ་ནི་བཙན་བྱོལ་བོད་པའི་འཐབ་བྱུས་ཡོད་ན་མེད་ན་དེ་ཡང་རེད། ནུབ་ཕྱོགས་པས་རྒྱ་ནག་ལ་ངོ་རྒོལ་ཇི་ཙམ་མང་བར་བྱེད་ན་དེ་བཞིན་དུ་རྒྱ་ནག་པའི་འཁྲེགས་འཛིན་ཆེ་རུ་འགྲོ་ལ། ང་ཚོས་ནུབ་ཕྱོགས་པ་ལ་རེ་ལྟོས་ཇི་ཙམ་ཆེ་ན་དེ་ཙམ་གྱིས་རྒྱ་ནག་པས་ང་ཚོར་འཁོན་འཛིན་ཆེ་རུ་འགྲོ་རྒྱུ་རེད། ནུབ་ཕྱོགས་པས་བོད་པ་མ་བསྐྱབས་མི་སྐྱོབ་བསྐྱབ་པར་མི་འགྱུར་རོ། །
སྤོབས་པས་འདི་ལྟར་བྲིས་འདུག།
རྒྱ་ནག་གཞུང་གིས་ཕྱོགས་ནས་བོད་ཀྱི་གནད་དོན་ནི་ནུབ་ཕྱོགས་པས་གྲུང་གོར་རྒོལ་ཆེད་བཟོས་པ་ཞིག་ལས་དཔོན་དངོས་སུ་བོད་ལྗོངས་སུ་དཀའ་ངལ་གང་ཡང་མེད་ཅེས་ཤོད་བཞིན་ཡོད་པ་ལྟར་རྒྱ་ནག་རང་གི་མི་དམངས་ཚོས་ཀྱང་དེ་བཞིན་ཡིད་ཆེས་བྱེད། ང་ཚོས་ཀྱང་ནུབ་ཕྱོགས་པས་བོད་ལ་རང་དབང་སྤྲད་ནུས་པར་ཡིད་ཆེས་ཀྱིས་ཨ་མེ་རི་ཁ་གཙོས་པའི་ནུབ་ཕྱོགས་པ་ཚོ་ལ་སྐྱབས་སུ་འགྲོ་ཞིང༌། ནུབ་ཕྱོགས་པའི་རོགས་རམ་ཐོབ་ཐབས་དེ་ནི་བཙན་བྱོལ་བོད་པའི་འཐབ་བྱུས་ཡོད་ན་མེད་ན་དེ་ཡང་རེད། ནུབ་ཕྱོགས་པས་རྒྱ་ནག་ལ་ངོ་རྒོལ་ཇི་ཙམ་མང་བར་བྱེད་ན་དེ་བཞིན་དུ་རྒྱ་ནག་པའི་འཁྲེགས་འཛིན་ཆེ་རུ་འགྲོ་ལ། ང་ཚོས་ནུབ་ཕྱོགས་པ་ལ་རེ་ལྟོས་ཇི་ཙམ་ཆེ་ན་དེ་ཙམ་གྱིས་རྒྱ་ནག་པས་ང་ཚོར་འཁོན་འཛིན་ཆེ་རུ་འགྲོ་རྒྱུ་རེད། ནུབ་ཕྱོགས་པས་བོད་པ་མ་བསྐྱབས་མི་སྐྱོབ་བསྐྱབ་པར་མི་འགྱུར་རོ། །