—-དཔའ་བོ་སྒྲུབ་ཚེ་འདས་རྗེས་སུ་བྲིས།
འབར་བཞིན་པའི་ དེ་རིང་གི་བོད
འཇིགས་སྣང་གི་ དེ་རིང་གི་ཕ་ས
ཞི་བདེ་མེད་ལ་
ལྷིང་འཇགས་དེ་བས་མེདཔས་
ངའི་འཇིག་རྟེན་ལ་ ཁ་དོག་བྲལ་
ཀྱེ་མ་ ངའི་མཛེས་སྡུག་གི་ཕ་ཁྱིམ་དྲོན་མོ
ངའི་ཤ་ཁྲག་གི་ནང་མི་སྤུན་ཟླ
དེ་རིང་གི་བོད
མི་རིགས་དང་རང་དབང་བསམ་ས་ནས་འབར་གྱིན
འདྲ་མཉམ་དང་ཞི་བདེ་འབོད་ས་ནས་རྫོགས་པར་ཉེ་བའི་
ངའི་ གངས་ཅན་པ
དེ་ལས་ཀྱང་
ཁྱེད་ཅག་གི་འཇིགས་པ་མེད་པའི་སྙིང་སྟོབས་དང་
ཞུམ་པ་མེད་པའི་བློ་སྟོབས་ཀྱིས་
འབར་བཞིན་པའི་མེ་ལྕེ་རེ་རེའི་བར་ནས་
མི་རིགས་ཤིག་དང་རྒྱལ་ཁབ་ཅིག་གི་ལས་དབང་བསམ་གྱིན་
ངའི་མཛེས་སྡུག་གི་འཇིག་རྟེན་ཆུང་ཆུང་ནས་
གཡོལ་བ་མེད་པའི་སེམས་པ་ཞིག་གིས་
གཏན་ཏུ་ཆས་ཟིན་པ་ སྔ་ས་ནས་ཤེས་ཡོད་
རེད་ཡ་་་་་་་་་དེ་རིང་གི་བོད་
ལ་ལས་དཀའ་སྡུག་གིས་མནར་གཅོད་འོག་ནས་ལངས་བཞིན་
ལ་ལས་མིག་ཆུའི་ཕྲེང་རྡོག་རེ་རེར་ཚེ་སྲོག་གི་དར་སྐུད་ལ་འཐུམ་ཞོར་
ལ་ལས་ཚེ་སྲོག་གི་ལས་སྣེ་ངར་མོ་འབར་རྐང་ཞིག་གི་འཐུ་འོག་ནས་
ལ་ལས་གཅེས་པའི་ཕ་མ་དང་སྤུན་ཟླའི་ལས་དབང་སྐྱུར་མོ་བསམ་བཞིན་
གཉོམ་དུང་དུང་གི་བདེན་དབང་འཕར་མ་ཞིག་གི་ཆེད་དུ་
རྒྱ་དམར་བོའི་ལག་འོག་ནས་ཐར་མ་མྱོང་ཨང་།
ཀྱེ་མ་ཀྱི་ཧིད་
གངས་ཅན་པའི་ལས་དབང་འདི་ཅི་ཞིག་རེད
ངོ་མ་དེ་རིང་གི གཉོམ་ཆུང་ཆུང་གི་མི་རིགས་འདི་
སུ་ཞིག་གི་མིག་ཟུང་ནས་འབོར་མ་མྱོང་དམ།
༢༠༡༣ ༢ ༡༧ ཉིན་བྲིས།
འཛམ་གླིང་འདི་མིག་ལོང་མིན་ནམ། གནམ་རྒན་མ་གཟིགས་རོགས་གནང་།