གཉན་མདང་ཕོ་ཉ
——–
༼གཞས་ཚིག༽
ནགས་རྒྱ་རྫོང་ནང་གི་བྱེའུ་ཆུང་འཇོལ་མོས།།
ས་ཐག་རིང་སོང་བའི་ཁུ་བྱུག་ཚོགས་ལ།།
ཡིད་སྐྱོ་གདུང་སྟོང་གིས་ཚ་འབོད་མ་གནང་།།
བྱ་ཁུག་ལོའི་སེམས་པ་མེ་ཡིས་ཚིག་བྱུང་།།
བྱ་འཇོལ་མོ་སྐྱོ་ས་རང་གི་ཚང་རེད།།
སྡུག་ཆེ་ཡང་ཉལ་ས་དྲོན་མོ་ཡོད་རེད།།
ས་མི་ཡུལ་འཁྱམ་པའི་ཞག་མལ་རེ་ལ།།
སྡུག་སྣ་དགུ་འདུག་ཀྱང་མིད་ནས་བསྡད་ཡོད།།
ཁ་བུག་བུག་ནང་གི་དམར་ཆུང་ལྕེ་འདིས།།
བྱ་འདབ་ཆགས་ཚོགས་ཀྱི་གོད་ཆག་སྒྲོག་ནས།།
མིག་རིལ་རིལ་ནམ་ཡང་འཕུར་ནས་བསྡད་ཡོད།།
སེམས་བསམ་པས་ཁྲེལ་མེད་རེད་འདུག་མ་བསམ།།
རླུང་དམར་པོའི་གསེབ་ཀྱི་གཏམ་ལ་ཉན་དུས།།
བྱ་འཇོལ་མོའི་སྐད་ལོ་འགྱུར་འདུག་གསུངས་བྱུང་།།
ལག་སྦར་མོས་བྱ་འཛིང་བྱས་འདུག་གསུངས་བྱུང་།།
གཏམ་འདི་ཚོས་སེམས་པ་འཁྱག་ལ་སྦྱར་སོང་།།
ཞེ་བསམ་པས་རྨི་ལམ་གཅིག་ལ་སྒུག་སྟེ།།
སྡུག་ངོ་མས་སྐྲ་ལོ་མཐའ་ནས་སེར་ཡང་།།
ལ་རེ་རེའི་རྒྱབ་ན་ཐུར་རེ་ཡོད་པ།།
ཁྱོས་ནམ་ཡང་མ་བརྗེད་གཞིས་བྱ་འཇོལ་མོ།།
གཉན་མདང་ལགས
ཁྱེད་ཀྱིས་དངོས་གནས་སྒྱུ་རྩལ་གྱི་དྲོ་བ་ཞིམ་པའི་གླུ་དབྱངས་སྙན་མོ་ཞིག་བྲིས་འདུག
འདི་ནི་ཁྱེད་ཀྱིས་བླངས་པའི་གླུ་དབྱངས་ཤིག་དང་། ཁ་འཐོར་ནས་འཁྱམས་པའི་ང་ཚོ་བྱེས་པ་ཚོས་གྱེར་བཞིན་པའི་སེམས་ཀྱི་གླུ་དབྱངས་ཡིན།
འདི་ཉིད་བཙན་བྱོལ་ནང་གི་གཞས་པ་ཞིག་གིས་ལེན་ཐུབ་ན་ཡག་པོ་འདུག
ངེས་པར་དུ་འདི་ལེན་ཐུབ་པའི་ཐབས་ཤེས་ཞིག་འཐེན་དགོས་ཀི
དྲྭ་ཐོག་འདིར་ངག་བདེ་མོ་དང་སྐད་སྙན་མོ་འདྲ་ཡོད་བས
་་་་་་་་་་་་་
བློ་བཟང་རྒྱལ་ལགས་དྲྭ་ཐོག་འདི་ན་ངག་སྙན་མོ་ཅན་ཞིག་ལ་ང་ཡོད་ནི་རེད།
ཨ་རོ་གསེར་ཆོས་ཁྱོད་ངོ་མའི་སྐད་ར་སྙན་མོ་ཟི་ཡིན་ན་གཞས་ཚིག་འདི་ལེན་རོགས།
འདི་ནི་བྱེས་མིའི་ང་ཚོའི་ཚབ་མཚོན་རང་བཞིན་ཅན་གྱི་གླུ་ཚིག་ཅིག་འདུག
དེ་མིན་ཁྱོད་ཀྱིས་ཉོག་གཏམ་མ་བཤད་མ་བཟང་ཀི
བདེ་མོ།
ལུས་འདི་ཉིད་བྱེས་སུ་བསྡད་ན་ཡང་།།
སེམས་བསམ་པ་གངས་ཅན་བོད་དུ་འཁོར།།
ནང་དགོས་སུ་བོད་བཞུགས་སྤུན་ཟླ་དག།
རྒྱ་དམར་པོས་ཉེས་མེད་སྡུག་ལ་གཏད།།
དེ་བསམ་བཞིན་བསམ་བཞིན་སེམས་རྩ་གཟེར།།
གཟེར་འདི་ཉིད་སངས་པའི་ཉི་མ་ཞིག།
བོད་གངས་ཅན་ལྗོངས་སུ་ཤར་དུས་ཤིག།
ཡོད་སོང་བའི་ཉིན་ནས་ཤི་སོང་ཡང་།།
སེམས་བསམ་པའི་ནང་དུ་བློ་འགྱོད་མེད།།
དྲྭ་གྲོགས་བློ་བཟང་རྒྱལ་ནས་ཁོ་བོར་འདེགས་འཇོག་ཆེན་པོས་མཆན་བཏབ་པ་དགའ་བྱུང་།
ཁོ་བོའི་རྨི་ལམ་ནང་དུའང་བཙན་བྱོལ་གླུ་བས་བོད་ནང་ལ་བརྡ་ལན་དང་གླུ་ལན་ཕུལ་ཐུབ་ན་བསམ་པ་ནི་ཉུང་ཞིང་གཏན་ནས་མིན།
དེར་བརྟེན་གཞས་ཚིག་འདིས་ཐུགས་ཕན་སོས་ཐུབ་པ་སྣང་ན།
ཁོ་བོས་ཀྱང་དགའ་བསུ་ཞུ་ངེས་ཡིན
གསེར་ཆོས་ལགས་ཀྱིས་ཁོང་ལ་སྐད་སྙན་མོ་ཡོད་གསུངས་འདུག
བྱས་ན་ཁོར་འབྲེལ་བ་ཞིག་གནང་རོགས།
ལྷ་ཀླུའི་དྲན་གདུང་ལ་གདུང་སེམས་མཉམ་བསྐྱེད་ཡོད།
སྒོམ་སྡེ་ལགས་ཉིད་ཀྱི་གསུང་པ་ནང་བཞིན་གུས་པས་ཀྱང་འགྲེལ་བཤད་བྱས་པ་ཡིན། སྔོན་པ་ཨ་རིས་གཙུག་ལག་སློབ་གྲྭ་ཆེན་མོ་ཞིག་གི་དགེ་རྒན་ཞིག་གིས། chakra ལ་བོད་པས་ཙཀྲ་ཀློག་པ་དེ་འབྲི་ཀློག་གཉིས་ཆར་ནོར་བ་རེད་ཟེར་བྱུང་། གུས་པས་ལེགས་སྦྱར་སྐད་ཤེས་ཀྱི་མེད་ཀྱང་། སྔོན་ཀྱི་བོད་ཀྱི་ལོ་ཙཱ་བ་དེ་རྣམས་དེང་དུས་ཀྱི་ཕྱི་རྒྱལ་བས་ལོ་ཙཱ་སྦྱོང་བ་ནང་བཞིན་མ་རེད། མི་ལོ་ཉེ་ཤུ་རྩ་ལྔ་དང་། བཅུ་བདུན་ལ་སོགས་པར་ན་ལཎྜ་དང་བིར་ཀྲ་མ་ཤྲིའི་གཙུག་ལག་སློབ་གྲྭ་ཆེན་མོ་དེ་རྣམས་ལ་སློབ་སྦྱོང་བྱས་པ་རེད། དེ་རྣམས་ཀྱིས་chakra ཙཀྲ་ཞེས་པ་འདི་འབྲི་ཀློག་ནོར་ཡོད་རྒྱུ་མ་རེད། སྐད་དང་སྒྲ་མདངས་ནི་དུས་ཚོད་ཀྱི་འགྱུར་རིམ་ལྟར་འགྱུར་གྱིན་ཡོད་པ་མཐོང་གསལ་ལྟར་ལེགས་སྦྱར་ཀྱི་སྐད་ཡིག་དེ་རྣམས་ཀློག་ཚུལ་འགྱུར་བ་ཡིན་འགྲོ། བལ་ཡུལ་གྱི་སྐད་དེ་ཧིན་དྷུའི་སྐད་ལས་ཀྱང་ལེགས་སྦྱར་གྱི་སྐད་ལ་ཉེ་རབ་རེད། བལ་བོ་རྣམས་ཀྱིས chakra road ལ་ཅ་ཀར་བྷ་ཌོ་མི་ཟེར་ནས། ཙཀྲ་བྷ་ཌོ་ཟེར་གྱིན་འདུག་པ་འདིས་མཚོན་གྱིན་རེད་བྱས་པ་ཡིན། དགེ་རྒན་དེས་ལེགས་སྦྱར་སྐད་ཤེས་འདུག་རུང་ང་ལ་དེ་འདྲ་བོ་འདུག་ཟེར་གྱིན་འདུག
གཞོན་ནུ་ལགས་ཁ་སེང་ང་ལ་ཨོ་ཙམ་འདུག་པ་བསམ་ཡོད་ས་རེད། ང་ཀླད་རྙིང་ཉིད་དང་ལྟ་བ་མཚུངས་པ་ཞིག་འདུག་བསམ་པས་ཡིན་འགྲོ ཧ་ཧ་ཧ་་ཧ ་ང་ཀླད་རྙིང་ལོ་ཆུང་ཞིག་ཡིན་རུང་། ཀླད་རྙིང་མཁྲེགས་བཟུང་ཅན་ཞིག་མིན། རྒྱུ་མཚན་དང་དགོས་པ་ཆེན་པོ་འདུག་ན། རང་རེ་བོད་ཀྱི་གྲ་ཆས་ལ་ཡང་འགྱུར་བ་ཞིག་གཏོང་དགོས་ས་བསམ་མཁན་ཞིག་དང་། མ་ཟད་སྐྱ་སེར་སུ་ཡིན་རུང་། མང་གཙོའི་འགྲོས་དང་མཐུན་པའི་སྒོ་ནས་ཆབ་སྲིད་ཀྱི་གོ་སྐབས་ལེན་དགོས་ངེས་ཅན་རེད་དེ། རང་རེའི་གཞུང་གི་ཆབ་སྲིད་བ་སྐྱ་སེར་སུ་ཡིན་རུང་བུ་ཡིན་ན་བོད་པའི་སྐྱ་བོའི་བོད་གོས་དང་བུ་མེད་ཡིན་ན་སྐྱེ་དམན་གྱི་ཆུ་བ་དེ་གྱོན་དགོས་ས་རེད་བསམ་མཁན་ཞིག་ཡིན། གྲྭ་ཆས་ཞིག་གྱོན་ནས་ཆབ་སྲིད་ཀྱི་ཕྱག་ལས་གནང་རྒྱུ་དེ་ལ་ཡག་པོ་ཞིག་མཐོང་གིན་མེད།
ང་ཀླད་གསར་ཆོས་ལ་དུག་དུ་ལྟ་བའི་མདོ་མེད་ཀླད་སྟོང་ཞིག་ཀྱང་ལར་ནས་མིན། རང་རེ་བོད་ལ་ངོམ་རིན་ཆོག་པ་དེ་བོད་ཀྱི་ཆོས་ཀྱི་རིགས་གཞུང་འདི་གཅིག་པུ་ཡོད། འདིའི་རིན་ཐང་མ་རླག་པ་ཞིག་བཟོ་ཡ་དེ་གནད་འགག་ཆེན་པོ་མཐོང་གི་ཡོད།
ངས་མཆན་འདེབས་ས་ནོར་འདུག་དགོངས་དག ཧ་དྲན་པ་རྣལ་དུ་མི་གནས་པའི་སྐྱོན་ལོས་ཡིན།
གཉན་མདང་ཕོ་ཉའི་རྩོམ་སྙན། །
གསེར་ཆོས་ཞི་ལིའི་སྐད་སྙན། །
སྙན་མོ་གཉིས་པོ་ནང་འཛོམ། །
དེ་རིང་གཞས་ཞིག་ལོས་ལེན། །
ᨏ ᩼་ᨻᨕᨵ་᪇᪱་་᪠᨞ᨑ་᪠᩶ᨓ་ᨓᨵ་᪠ᫎ་᪠་ᨑ᪄ᨎ