སྐྱོ་བྲག་དགའ་དབང་།
ཧིན་དྷུའི་ཆོས་ལུགས་དར་ཁྱབ་ཆེ་བའི་ལུང་པ་རྒྱ་བལ་དག་ཏུ་དཔྱིད་གསར་དུས་ཆེན་ལྟ་བུར་ཧཱོ་ལྀ་ཀཱ་ཞེས་པའི་དུས་ཆེན། མི་མང་མཉམ་འཛོམས་ཀྱིས་མངར་ཟས་ཟ་བ་དང་ཆང་འཐུང་བ་སོགས་སྤྲོ་སྐྱིད་ཀྱི་རྣམ་པ་གང་ཞིག་ལ། ལྷག་ཏུ་ཚོན་དམར་པོ་གཙོ་བོར་བྱས་པའི་ཚོན་སྣ་འདྲ་མིན་དང་ཚོན་ཁུ་སྣ་ཚོགས་ངོ་ཤེས་ཡིན་མིན་གང་ལྟར་ཡང་ཕན་ཚུན་ཤུགས་ཆེན་སྟོར་རེས་བྱེད་པ་ཞིག་ཡོད། འདི་ནི་འཇིག་རྟེན་རྐྱང་པ་ལྟར་ན་ཚ་བ་བསུ་བའི་དུས་ཆེན་ཙམ་ཞིག་ཡིན་ལ། ཆོས་ལུགས་པ་ལྟར་ན། ཁྱབ་འཇུག་པ་རྣམས་ཀྱིས་ཁྱབ་འཇུག་གི་འཇུག་པ་བཞི་པ་དང་སྦྲེལ་ནས་བཤད་པ་སྟེ། སྔོན་ལྷ་མ་ཡིན་ཧ་ར་ཎྱ་ཀ་ཤྱ་པཱུ་ཞེས་པ་དབང་ཕྱུག་ཆེན་པོས་དངོས་གྲུབ་བསྩལ་བས་སུས་ཀྱང་གླགས་མི་རྙེད་པ་ཞིག་ཡོད་པ་དེའི་བུ་པྲཧླཱཏས་ཁྱབ་འཇུག་ལ་དགའ་མོས་ཀྱིས་ཕྱག་མཆོད་བྱེད་པ་ལ་ཕ་མ་རངས་ཏེ་བུ་གསོད་པའི་བྱ་བ་སྣ་ཚོགས་བརྩམས་ནའང་ཁྱབ་འཇུག་གི་ནུས་པས་བསྐྱབས་ནས་མ་ཐུབ།
མཐར་ཕའི་སྲིང་མོ་ཧཱོལྀཀཱ་ལ་མེས་མི་འཚིག་པའི་ནུས་པ་ཡོད་པས་མིང་སྲིང་གཉིས་པོ་བསྒྲོས་ཏེ། ཨ་ནེས་ཚ་བོ་པང་དུ་བཟུངས། ཕས་འོག་ནས་མེ་སྦར་བ་ན། ཁྱབ་འཇུག་གི་ནུས་པས་བུ་མ་ཚིག་པར་ཨ་ནེ་ཚིག་པ་ནི་ལྷ་ལྷ་མིན་ལས་རྒྱལ་བའི་དུས་ཁྱད་པར་ཅན་ཡིན་ཅིང་། ལྷ་མ་ཡིན་གྱི་ཁྲག་མཚོན་བྱེད་དུ་ཚོན་སྟོར་བའི་ལུགས་སྲོལ་བྱུང་བ་ཡིན་ཞེས་ཟེར་རོ། །
བོད་མོ་དེའི་མཚན་མའི་སར་ནག་ཧལ་ཧལ་འདྲ་འདུག་ཏ
བླ་རྒན་ལགས། ཧོ་ལི་ཞེས་བྲིས་ན་ཆད་ལྷག་གི་སྐྱོན་ག་རེ་འདུག ཧའི་འོག་ཏུ་འ་ཆུང་། གི་གུ་ཕྱིར་སློག འ་བཏགས་པའི་ཀ་སོགས་ལ་གོ་རྒྱུ་ཅི་ཡོད། གོ་རྒྱུ་མེད་ས་ལ་ཡོད་མདོག་གིས་ཅིག་ཅིག་ཉིག་ཉིག་བྲིས་མ་འདུག
ནིའུ་ཡོག ལ་ཉི་ཡོག་ཀུ་ ཟེར་བ་འདྲ་བོ། ཨ་ཙི་ཅ་མ་ཟིང་ཨ།
ཇོ་རིན་པོ། ༼ དེ་རིང་རང་གིས་བྲིས་པ་དེ་སང་ཉིན་རང་ཉིད་ཀྱིས་ཀྱང་ཀློག་མི་ཤེས༽ཞེས་དགེ་ཆོས་ཀྱིས་གསུངས་པ་དེ་དངོས་གནས་རེད་འདུག་ད