གློ་བུར་གློ་བུར་དུ།

མྱི་ལྟིག
_______________ ཁོ་མོ་དང་ཁ་བརྡ་དུས་ཚོད་གཉིས་ཙམ་ལ་བྱས་རྗེས།
གཅིག
ངས་སྤོབས་པ་གྱོན་ཏེ་ཁྱོད་ལ་ལག་འཇུ་བྱེད་དུ་ཡོང་བ་ཡིན
འཁྱག་སྣང་གི་ཚོར་བ་ཞིག་རྐང་མཐིལ་ནས་འཛུལ་བྱུང
ཇ་ཁང་དེ་ཆུང་བ་མ་རེད འདི་ཚོར་བ་རེད
གཉིས།
ཞིབ་འདང་ཞིག་འཕངས་ཤིང་ལྷོད་ལ་བབས་དུས
སེམས་པ་འདི་འཁུམ་དོན་ཡེ་ནས་མེད་མོད
ཚོར་བས་ཀྱང་མི་གསོད་པ་འདྲ ན་ཚོད་མེད་པར
གསུམ།
ངས་ཅི་ཡང་བཤད་མེད་པ་འདྲ་བར་མང་པོ་ཞིག་ལྷག་འདུག
བཤད་ཟིན་པ་དེ་ཅི་ཡང་མིན་པ་གཏན་འཁེལ་རེད
ངོ་མ་ཡིན བཤད་འདོད་པ་དེ་ངག་ནས་འཁྲོལ་མི་འདུག
བཞི།
དགོད་སྒྲ་དང་རྣམ་འགྱུར་དེས་བཤད་དུ་བཅུག་མ་སོང
ཡོད་ཚད་ཀྱི་ཡོད་ཚད་ཁྱོད་ལན་པ་འདྲ་སྟེ
ཁྱོད་སོང་ཤུལ་དུ ང་སྔར་བས་ལྗིད་ཏིག་ཏིག་ཅིག་ཏུ་གྱུར་འདུག
ལྔ།
དེ་རིང་གཟོད་ནས་རང་ཉིད་རྐུན་མ་ཞིག་ཏུ་གྱུར་ཡོད་པ་ཚོར་བྱུང
ཁྱོད་ཀྱིས་ཀྱང་ང་ཇག་པ་ཞིག་ཏུ་རློམ་ཡོད་པར་མཁྱེན
ཚོར་བ་ཟེར་བ་འདིས གནས་ལུགས་ལའང་བདེན་ཁ་མི་སྟེར་རོ
2013 4 23 གྱི་ཕྱི་དྲོ་དགུ་བཅུ་གསུམ་གྱི་འོག་ཏུ།
དགོང་མོ་བསྐྱར་བཅོས་བྱས།