(བོད་ཀྱི་དུས་བབ་ནས་དྲངས།)
དབུས་གཙང་ཆོལ་ཁའི་རྒྱུན་ལས་སྐབས་བཅུ་པའི་འགན་འཛིན་ལྷན་ཚོགས་སྟེང་དུ། དབུས་གཙང་སྤྱི་འཐུས་ཀརྨ་ཆོས་འཕེལ་ལགས་ཀྱིས་བཟང་སྤྱོད་ཀྱི་ཐོག་ནས་སྤྱི་འཐུས་ཞབས་སྟེགས་ནས་རྩ་དགོངས་ཞུ་དགོས་སྐོར་གྱི་གྲོས་ཆོད་བཞག་འདུག
ཕྱི་ཚེས་ ༢༣ ནས་ ༢༥ བར་འཚོགས་པའི་དབུས་གཙང་ཆོལ་ཁའི་རྒྱུན་ལས་སྐབས་བཅུ་པའི་འགན་འཛིན་ལྷན་ཚོགས་ཐོག་ཟུར་རྒྱན་གྲོས་ཆོད་དོན་ཚན་གཉིས་ཅན་ཞིག་བཞག་སྟེ། དབུས་གཙང་སྤྱི་འཐུས་ཀརྨ་ཆོས་འཕེལ་ལགས་ཀྱིས་བཟང་སྤྱོད་ཐོག་ནས་དགོངས་པ་ཞུ་དགོས་སྐོར་བཤད་ཡོད་པ་རེད།
དེ་ཡང་དོན་ཚན་དང་པོའི་ནང་འཁོད་དོན། ད་ལམ་བོད་མི་མང་སྤྱི་འཐུས་གྲོས་ཚོགས་ཚོགས་དུས་ ༨ པའི་ཡིག་ཆ་ཨང་ ༣༨ པའི་སྐོར་གྲོས་ཚོགས་ནང་མར་གཙོའི་ལྟ་གྲུབ་ལྟར་དགེ་སྐྱོན་ཡོ་བསྲང་གི་བགྲོ་གླེང་ཇི་བཞིན་མ་གནང་བར་གྲོས་ཚོགས་ཀྱི་འཆར་དོན་ལས་རིམ་དོན་ཚན་མཇུག་སྐྱོང་འགྲོ་མ་ཐུབ་པའི་གནས་སྟངས་བྱུང་བར་དབུས་གཙང་ཆོལ་ཁའི་འགན་འཛིན་ལྷན་ཚོགས་ནས་བློ་ཕམ་ཆེན་པོས་གྲོས་ཆོད་སྣོན་འཇོག་བྱ་དགོས་བྱུང་ཅེས་དང་། དོན་ཚན་གཉིས་པར། ཕྱོགས་མཚུངས་དབུས་གཙང་སྤྱི་འཐུས་ཀརྨ་ཆོས་འཕེལ་ལགས་ཀྱིས་སྐབས་དེར་གཏམ་བཤད་གནང་ཁག་དབུས་གཙང་རྒྱ་ཆེའི་མང་ཚོགས་ཀྱི་མངོན་འདོད་འགན་བསྐུར་གྱི་རྒྱ་ལས་ཡོངས་སུ་འགལ་བར་ཚོགས་ཐོག་འདི་ནས་ངོ་རྒོལ་དང་འབྲེལ་བཟང་སྤྱོད་ཀྱི་ཐོག་ནས་སྤྱི་འཐུས་ཀྱི་མཚན་ཁུར་དགོངས་ཞུ་ངེས་པར་གནང་དགོས་པར་གྲོས་འཆམ། ཞེས་བཀོད་འདུག
གསར་འགོད་པས་རྒྱུས་ལོན་བྱས་པ་ལྟར་ན། དབུས་གཙང་ཆོལ་ཁའི་ངོས་ནས་ད་བར་སྤྱི་འཐུས་བྱེ་བྲག་པ་ཞིག་གི་སྟེང་དུ་འདི་ལྟའི་གྲོས་ཆོད་འཇོག་མྱོང་མི་འདུག་ལ། ད་བར་དུ་བོད་མི་མང་སྤྱི་འཐུས་ཁོངས་ནས་སྤྱི་འཐུས་བྱེ་བྲག་པ་ཞིག་མི་མང་གི་ངོ་རྒོལ་ལ་བརྟེན་ནས་རྩ་དགོངས་ཞུས་པའི་ལོ་རྒྱུས་མི་འདུག
ཕྱི་ཚེས་ ༣༠ ཉིན་དབུས་གཙང་སྤྱི་འཐུས་ཀརྨ་ཆོས་འཔེལ་ལགས་ཀྱིས་འདི་ག་གསར་ཁང་ལ་བརྗོད་དོན། སྤྱིར་གནད་དོན་འདིའི་རིགས་གླེང་མ་དགོས་ན་བསམ་ཡོད། ང་དབུས་གཙང་གི་ཁོངས་རེད། ཡིན་ཡང་། ང་སྤྱི་འཐུས་ལ་ཡོང་ས་གཙོ་བོ་མངའ་རིས་སྤྱི་མཐུན་ཚོགས་པའི་ཁོངས་ཡིན་ལ། མངའ་རིས་སྤྱི་མཐུན་ཚོགས་པའི་ངོས་ནས་ད་ཡོད་ཀྱི་དབུས་གཙང་ཆོལ་ཁའི་རྒྱུན་ལས་ཁང་ཟེར་བ་འདིར་ངོས་ལེན་མེད་སྟབས། ང་ཚོས་མངའ་རིས་སྤྱི་མཐུན་ཚོགས་པ་ཟུར་དུ་བཙུགས་ཡོད་པ་རེད། དེ་བས་དབུས་གཙང་ཆོལ་ཁའི་རྒྱུན་ལས་དང་འགན་འཛིན་ལྷན་ཚོགས་ཡིན་ཟེར་མཁན་ཚོས་འདི་ལྟ་བུའི་གྲོས་ཆོད་བཞག་པ་དེར་དབང་ཚད་ཅིག་ཡོད་པར་ངོས་འཛིན་ཞུ་གི་མེད། ཅེས་གསུངས་སོང་།
དེ་བཞིན་དབུས་གཙང་སྤྱི་འཐུས་ལས་ཐོགས་ཤིག་གིས་འདི་ག་གསར་ཁང་ལ་བརྗོད་དོན། ངས་བལྟས་ན་གྲོས་ཆོད་འདི་ལ་ནུས་པ་ཡོད་པ་རེད་འདོད། སྤྱི་འཐུས་ཤིག་འཕུད་དགོས་ན་བཅའ་ཁྲིམས་ཀྱི་དགོངས་དོན་ལྟར། སྤྱི་འཐུས་བྱེ་བྲག་ལ་འཔ་འགྱུར་གཏོང་བ་ལ། རང་ཉིད་འདེམས་མཁན་གྱི་མི་མང་གི་མང་མོས་མེད་པའི་གནས་ཚུལ་ར་འཕྲོད་ཀྱིས། སྤྱི་འཐུས་ལྷན་ཚོགས་ནས་འཕོ་འགྱུར་བྱ་རྒྱུར་མང་མོས་ཐག་གཅོད་བྱུང་བ་བཅས་ཀྱི་སྐབས་རང་ཉིད་སྤྱི་འཐུས་ནས་འཕ་དགོས་པ་རེད་ཅེས་ཟེར་ལ། ད་རེབ་ཀྱི་འདི་འབོད་སྐུལ་ཙམ་གྱི་ངོ་བོར་བལྟས་ན་ནི་འགྲིག་གི་རེད། འབོད་སྐུལ་ཞུ་མི་ཆོག་ཟེར་སྲོལ་ཡོད་པ་མ་རེད། ཅེས་བརྗོད་བྱུང་།
ཡིད་སྐྱོ་བའི་གསར་འགྱུར་འདི་ཁ་བརྡའི་སྟེང་བརྒྱུད་འགོད་བྱེད་རོགས།
༼བོད་ཀྱི་བང་ཆེན་ལས་བཤུས།༽
རྒྱ་གཞུང་གིས་བཙན་བྱོལ་གྲོས་ཚོགས་ལ་དམའ་འབེབས།
བོད་མི་མང་སྤྱི་འཐུས་སྐབས་བཅུ་བཞི་པའི་གྲོས་ཚོགས་ཚོགས་དུས་བརྒྱད་པ་དེ་རྐྱེན་སྣ་ཚོགས་ཀྱིས་ལུགས་ལྟར་མཇུག་བསྡོམས་རྒྱག་ཐུབ་མེད་པ་དང༌།བཙན་བྱོལ་དུ་ཡོད་པའི་བོད་མི་ཚང་མས་འདིའི་ཐད་ཧ་ཅང་གི་དོ་སྣང་ཆེན་པོ་བྱེད་བཞིན་ཡོད་ལ། དེ་བཞིན་དེང་སྐབས་རྒྱ་ནག་གཞུང་གིས་ཀྱང་གྲོས་ཚོགས་ཀྱི་སྐོར་སྐྱོན་བརྗོད་རིང་པོ་ཞིག་བྲིས་ཡོད་པ་རེད།
ཕྱི་ཟླ་༩ པའི་ཚེས་༢༥ ཉིན་བོད་ལྗོངས་ཆ་འཕྲིན་ལྟེ་གནས་ཞེས་པ་རྒྱ་ནག་གི་གཞུང་འབྲེལ་དྲ་རྒྱའི་ཐོག་འགོ་བརྗོད་དུ། <>ཟེར་བའི་ནང་བརྗོད་དོན། ཏཱ་ལས་རྟག་པར་བཙན་བྱོལ་སྤྱི་ཚོགས་སུ་མང་གཙོ་ལག་ལེན་བསྟར་ལུགས་འུད་སྒྲོག་བྱེད་བཞིན་ཡོད་ཀྱང། ད་ཐེངས་བཙན་བྱོལ་བོད་མི་མང་སྤྱི་འཐུས་ལྷན་ཚོགས་ཚོགས་དུས་བརྒྱད་པ་ཟེར་བས། སྤྱི་འཐུས་བྱེ་བྲག་པ་གཅིག་གི་འགྲོ་སོང་གཏོང་མིན་སྐོར་གྱི་རྙོག་ཟིང་ལས་མཇུག་བསྡུ་མ་ཐུབ་པ་ཆགས་པ་དེས། མང་གཙོ་ཟེར་བའི་སྐད་ཆ་དེའི་རྫུན་རྐུབ་རྦད་དེ་བརྡོལ་ཡོད་ཅིང༌། བཙན་བྱོལ་ནང་མི་མང་བརྒྱ་ཆ་༧༥ ཙམ་ལས་མེད་ཡིན་པ་དང། ཁོ་ཚོར་ཟས་གོས་མི་རག་པའི་འཚོ་བའི་དཀའ་ངལ་དང། སློབ་གྲྭའི་ཁང་པ་མང་ཆེ་བ་ལྕགས་ཤོག་ལས་གྲུབ་པ། སྤྱིར་བཏང་མང་ཚོགས་ཀྱི་སྡོད་གནས་བརླན་བཤེར་དང་གསལ་ཆ་མེད་པ་བཅས་འཚོ་བའི་གནས་སྟངས་ཧ་ཅང་སྐྱོ་པོ་ཡིན་རུང། སྤྱི་འཐུས་ཚོས་སོ་སོ་སྒེར་གྱི་དངུལ་ཁུག་ལ་གྱོང་རག་མིན་རྩོད་པ་རྒྱག་པ་ལས། མང་ཚོགས་ཀྱི་བདེ་སྡུག་ལ་དོ་སྣང་དང་སེམས་འཁུར་བྱེད་མཁན་གཅིག་ཀྱང་མེད། འོན་ཀྱང་ཕྱོགས་གཞན་ཞིག་ནས་བཤད་ན་སྤྱི་འཐུས་བྱེ་བྲག་པའི་འགྲོ་སོང་གཏོང་མིན་དེ་ཁ་གཡར་ས་ཙམ་ཡིན་ཞིང།་གཙོ་བོ་ཏཱ་ལའི་རུ་ཚོགས་ནང་ཁུལ་ཕྱོགས་འཐེན་དཔུང་སྒྲིག་གི་འགལ་ཟླ་ཆེན་པོ་ཡོད་པའི་རྣམ་པ་ཕྱིར་མངོན་ཡོད། ད་ལོའི་ཟླ་བ་༦པའི་ནང་ཟམ་གདོང་ལས་གནས་ནས་དགོངས་པ་ཞུ་འདོད་པའི་སྐད་ཆ་བྱུང་ཡོད་པ་དེའང་གཟུགས་གཞི་སྐྱོ་པོ་ཡོད་ཚུལ་བརྗོད་ཡོད་རུང༌། དོན་དངོས་ནང་ཁུལ་དཔུང་སྒྲིག་ཕྱོགས་འགལ་གྱི་འཐབ་རྩོད་ཤིན་ཏུ་ཛ་དྲག་ཡིན་པ་དེ་རིང་གྲོས་ཚོགས་ཀྱི་ར་སྤྲོད་གསལ་པོ་བྱས་ཡོད། སྙིང་རྗེ་དགོས་པ་ཞིག་ལ་ཏཱ་ལའི་རུ་ཚོགས་ཀྱིས་རྟག་པར་མང་གཙོ་ཁར་འཁྱེར་ཏེ། ཕྱིའི་རྣམ་པ་སྙིང་རྗེ་པོ་ག་ཚོད་བཟོས་རུང༌། ནང་ཁུལ་སྤྱི་འཐུས་རྣམ་པའང་ཁོང་དང་རྒྱབ་འགལ་དང། སྒེར་དོན་གཅིག་པུར་འབད་པ་དེས་ག་ཚོད་བར་དུ་ཁུངས་འཁྱོལ་ཐུབ་ཀྱི་ཡོད་དམ་ཞེས་བཀོད་ཡོད་པ་རེད།
དེའི་ནང་མུ་མཐུད་འཁོད་དོན། ཕྱོགས་གཞན་ཞིག་ནས་བཤད་ན་སྤྱི་འཐུས་བྱེ་བྲག་པ་ཞིག་གི་འགྲོ་སོང་གཏོང་མིན་གྱི་དོན་དག་ཆུང་ཙག་དེ་འདྲ་ཞིག་བཙན་བྱོལ་བོད་མི་ཆིག་འབུམ་ལྷག་གི་སྐུ་ཚབ་ཡིན་ཟེར་བའི་གྲོས་ཚོགས་ཀྱི་གྲོས་གཞིར་ཡོང་དགོས་དོན་ནི། གྲོས་ཚོགས་ཀྱི་འཐུས་མི་རྣམས་ལ་གནད་དོན་ཆེན་པོའི་རིགས་གོ་བསྡུར་བྱེད་རྒྱུ་གང་ཡང་མེད་ཅིང། ཚང་མ་ཏཱ་ལས་ཐེག་བཅད་ཚར་བ་དང་ཏཱ་ལས་བཙན་བྱོལ་གཞུང་གི་ལས་དོན་ཡོངས་རྫོགས་སྟངས་འཛིན་བདག་གཉེར་བྱེད་བཞིན་པའི་རྐྱེན་གྱིས་རེད་ཅེས་གནས་ཚུལ་སྤེལ་ཡོད་པ་རེད།།
ད་ཡིན་ན་རག་ཤག ད་དུང་ཡང་བསྐྱར་རག་ཚོད་འདུག དང་པོ་བོད་ཀྱི་སྤྱི་མཐུས་རྣམ་པས། ཆུང་ཆུང་གི་དོན་ཆེན་པོའི་གྲོས་གཞིར་ཁྱེར་ནས། གྲོས་ཚོགས་གཏོར། བར་དུ་གསར་འགོད་པས། ཆུང་ཆུང་གི་རྣམ་པ་དེ། གནམ་ས་སྟིང་འོག་བསྒྱུར་བའི་རྒྱ་ཆེར་བཟོས། མགོ་སྟོང་ཕྱོགས་འཛིན་རིང་ལུགས་ཀྱི་དྲྭ་གྲོགས་རྣམས་ཀྱིས། འཐེན་ཁྱེར་གྱི་རྩོམ་ཡིག་དང་། ཞེན་ཆགས་ལྐུག་པ་ཞིག་གིས་མཆན་འདྲ་མིན་བཏབས། ད་དབུས་གཙང་གིས་སྤྱི་འཐུས་རྒྱུན་ལས་ཀྱིས་སྤྱི་འཐུས་ཚོགས་གཙོ་ཟུར་བ་རྒྱང་འབུད་གཏོང་བའི་སྐད་ཆ་འདི་རྣམས། རང་རེའི་བོད་པ་རྣམས་ལ་ལྷ་ཕབ་བརྩིས་བཀོད་མོ་རྒྱག་ནས་རིམ་འགྲོ་འདྲ་སྒྲུབ་རྒྱུ་ཡོད་སྒྲུབ་རན་ཤག ངེས་པར་ཅན་རྒྱལ་འགོང་འདྲ་སུས་གདོན་པ་ཡིན་ན་གདོན་པ་ཡིན་པ་འདྲ།
very very bad news.i am very disapointed this news, we are tibetans,
i want to free tibet,
སྤྱི་མཐུས་མི་གྲང་༡༤ཡི་ས་རྟགས་མཁོད་པའི་ནང་དོན་ངོ་མ་བོད་སྤྱི་པའི་དོན་དག་ཡིན་མདོག་གྱི་དོན་དངོས་ཐོགས་གང་ཟག་སྒེར་ལ་དམིགས་པའི་དཔུང་སྒྲིགས་གནང་བ་ཡིན་པ་ཀུན་གྱི་གསུང་གི་འདུག་ལ་དེ་ལྟར་ཡིན་པ་ཡང་ལུང་རིགས་ཀྱི་སྒྲུབ་མི་དགོས་པ་དྲངས་པོའི་ལམ་ནས་གཟིགས་ན་ལས་ལྷ་པོ་ཤེས་ཐུབ་པ་ཞིག་རེད་་་་་་་་་ཡིན་ཡང་མ་གཞི་གནས་ཚུལ་དེའི་ནད་གཞི་འབྱུང་རྩ་ངོ་མ་བསོད་ནམ་སྟོབས་རྒྱལ་དང་འབྲེལ་བ་ཡོད་པ་ཞིག་ལ་ཁོང་ཡུ་རབ་ནས་རྒྱ་གར་ནང་གྲོས་ཚོགས་ཚོགས་ཚོགས་དུས་བརྒྱད་པ་ངོར་བཅར་ཀྱི་ཆད་དུ་ཕེབས་སྐབས་ལམ་འགྲོན་ཙམ་གཞུང་གི་བཏང་ཆོག་མིན་གྱི་དོན་ལས་མེད་་་གནས་ཚུལ་འདི་ལ་བོད་མི་མང་སྤྱི་མཐུས་རྣམས་པས་སྤྱི་དོན་ལས་རང་དོན་གལ་ཆེན་རྩིས་ཏེ་འཆོ་ཁ་དང་ངོ་ཤེས་དཔུང་སྒྲིགས་ཀྱི་ལམ་ནས་དོན་ངོ་མ་རང་སོ་སོའི་ཐབས་སྟངས་བརྩོད་པ་ལས་བོད་སྤྱི་པའི་དོན་ཆེན་ཞིག་མ་ཡིན་པ་མ་ཟད་་ད་བར་བོད་སྤྱི་པའི་དོན་ལ་སྤྱི་མཐུས་རྣམས་པ་སུའི་ཀྱང་ངོ་དགོང་འདི་འདྲ་ཞིག་ལྟོན་ནས་གཞུང་དོན་ངོ་མ་བཤད་མཁན་ཡོད་དམ་དྲིས་ན་ ་་་ སྤྱི་མཐུས་སྐབས་འདི་ལ་ང་རང་སྡ་སར་སྡོད་སྡོད་པ་ཡིན་གྲོས་ཚོགས་ནང་གི་གནས་ཚུལ་གང་ཡིན་སྤ་སུའི་ལྕ་ན་འམ་སྤ་སུའི་བརྙན་འཕྲིན་ནས་ལྟོན་གྱི་འདུག་པས་ངས་ལན་གསལ་པོ་རྒྱབ་ཐུབ་པ་ནི་བྱུང་མ་སོང་་་་་་་་་་་་་་་ངོ་མ་ཡིན་་་་་་་་་ད་དུང་གྲོས་ཚོགས་ནང་སྤྱི་མཐུས་རྣམས་པས་དགོང་ཚུལ་གསུང་དུས་གྲ་སྒྲིགས་ཡོད་པ་བཞིན་རྒྱབ་སྐྱོར་གནང་མཁན་དང་དགག་པ་སྐྱོན་མཁན་སུ་ཞིག་ཡིན་མིན་དང་མི་དེའི་གཏམ་བཤད་གང་ཞིག་བྱེད་མིན་དེ་ཡང་གོང་ཏུ་གྲོས་ཚོགས་ནང་དགོངས་ཚུལ་འམ་གྲོས་འཆར་འདོན་མཁན་དེ་དང་འབྲེལ་བ་བཟང་མིན་གྱི་ཆ་ནས་རེད་ཟེར་ན་བདེན་པ་འདུག་་་་་་་་ད་ཐེངས་ཉིན་ཤས་སྔོན་སྤྱི་མཐུས་རྣམས་པས་གྲོས་ཚོགས་འཇུག་སྒྲིགས་མ་ཐུབ་པ་གྲོལ་དགོས་བྱུང་བ་ནི་་་་་་་སྔར་ཡོད་མཁྲིགས་འཛིན་གྱི་ལམ་ལུགས་འོག་ཚོགས་གཙོ་མཆོག་གི་ནུས་པས་མ་འདང་བར་ལམ་གསོལ་མེད་པ་དགོས་པ་ལས་དགག་བྱ་ཆེ་བ་བ་ཞིག་ལ་གྲོས་འཆར་འདོན་མཁན་གྱི་རྒྱབ་སྐྱོར་སྤྱི་མཐུས་༡༤་ཡི་ས་རྟགས་ཡོད་པ་ཞིག་ཏེ་དཔུང་སྒྲིགས་ཀྱི་གྲོས་འཆར་ལ་བརྟན་ནས་བྱུང་བ་རེད་་་ང་ལ་མཚོན་ན་བོད་ནང་སྐྱེས་པདང་རང་ལོ་༢༠་བར་མདོ་དབུས་ཁམས་གསུམ་ཀྱི་ས་ཕྱོགས་འཕེལ་ཆེར་འགྲོ་མྱོང་དེར་བོད་རིགས་ནང་ཁུལ་དགྲ་འཛིན་གྱི་བསམ་བློ་དེ་འདྲ་དངོས་གནས་མཐོང་མ་མྱོང་་་་་་་་ཡིན་དང་ཡིན་ཕྱི་ལོ་༢༠༠༨་ལོར་རྣམས་པ་ཚོའི་གཟིགས་ཡོད་ཤག་རེད་་་་བོད་འཆོ་ཁ་གསུམ་དུ་གཞི་བྱེས་བོད་རིགས་རྣམས་ཀྱི་རང་སྲོག་ལ་མི་འཛིམ་པར་བོད་མི་རིགས་གྱི་དོན་ཏུ་ཕྱག་ལས་གནང་བ་ནི་གཅིག་སྒྲིགས་རེད་་་་་་་་དངོས་གནས་ཡིན་ངས་དེར་འདྲ་མཐོང་བ་དང་པོ་དེར་དབུས་སྤྱི་མཐུས་གྲོས་ཚོགས་ནང་དང་དུས་བབ་ཟིན་བྲིས་ནང་ཡིན་་་་་་་་་་་་་ད་དུང་གྲོས་ཚོགས་ཚོགས་དུས་བརྒྱད་པ་ལ་དེ་འདྲའི་ལྟད་མོ་འདུག་་་་སྐབས་དེར་ངའི་སེམས་ནང་དོན་ཆུང་དེ་འདྲ་ཞིག་གི་དོན་ཏུ་དགྲ་ཁ་གཏད་གྱི་རྣམས་པ་དེ་འདྲ་ལྟོན་དགོས་དོན་མི་འདུག་བསམ་སོང་་་གོ་ཚོད་ལ་དེ་ནི་ཕྱིར་ཚུལ་གྱི་རྣམས་པ་རྩམ་ལས་དོན་དངོས་ཐོག་ནད་རྙིང་ཞིག་གྲོས་འཆར་འདོན་མཁན་ཚོར་ལ་ཡོད་པ་འདྲ་་་་་་་་་་་མ་གཞི་གནས་ཚུལ་དེར་སྤྱི་འཐུས་གྲོས་ཚོགས་ཀྱི་ཚོགས་གཙོའི་སྟངས་འཛིན་བྱེད་མ་ཐུབ་པར་ལནཔ་ཞིག་་ཡིན་པ་ར་རྫོགས་ཆེན་མཁན་པོ་འཇམ་དཔལ་བསྟན་འཛིན་་མཆོག་གི་གཙོའི་བོད་རིགས་མང་པོའི་བསམ་འཆར་གཅིག་མཐུས་རེད་དངོས་གནས་ཚོགས་གཙོ་མཆོག་གནས་ཚུལ་དེ་དང་ངན་འབྲེལ་མེད་ན་ཡག་པོ་རེད་གོ་ཚོད་ལ་གྲོས་འཆར་འདོན་མཁན་འཚོའི་གོ་སྐབས་དམ་འཛིན་གྱི་རེ་བ་དང་པོ་དེ་ད་ལྟའི་ཚོགས་གཙོ་སྤེན་པ་ཚེ་རིང་ཚོགས་གཙོ་འོས་སྡུས་སྐབས་ནས་རེད་ཟེར་་་་་་་་་་ད་དུང་དེའི་རྩོད་རྙོག་ནང་མཁྲིགས་འཛིན་བྱེད་མཁན་གཙོ་བོ་དེ་བསྟན་འཛིན་མགོན་པོ་ཟེར་བའི་སྤོ་རྒན་དེ་རེད་་་་་་་་་་་་་་་་སྤོ་རྒན་དེའི་ག་རེ་འདྲ་ཞིག་བསམ་གི་ཡོད་པ་་དང་ལས་དོན་གང་ཞིག་ཡོད་པ་དོགས་འཆར་འདུག་་་་་་སོ་སོའི་ནུས་པ་ལས་ལྡོག་པའི་བྱེད་ཚུལ་ཚད་ལས་བརྒལ་པ་ཞིག་ལ་བོད་གཞུང་ལ་སྐྱོན་བརྗོད་བྱེད་རྒྱུ་དང་གཞུང་དམངས་བར་ཀྱི་འགལ་ཟླ་བཟོ་ཅི་ཐུབ་་་་་་་་་འཆོ་ཁར་དང་ཆོས་ལུགས་བར་ཀྱི་དབྱིན་དཀྲུག་གི་གཏམ་བཤད་བྱེད་རྒྱུ་སོགས་རེད་་་་་འདི་རྒྱ་ནག་སྲིད་གཞུང་གི་བྱེད་ཚུལ་མི་འདྲ་བ་ཅི་འདུག་་་་་་་་་་ང་ཉིན་གཅིག་སྡ་ཤོག་འགྲོ་དུས་མི་འདི་ལམ་བར་གམ་པ་རྒྱབ་ཏེ་འགྲོ་བཞིན་འདུག་པས་ང་གཉིས་ཐེངས་དང་པོ་ཐུག་སོང་དེ་དུས་ངས་ཨམ་སྐད་ཐོག་ནས་སྐད་ཆ་བཤད་དུས་་ཁོའི་དགའ་པོ་བྱེད་ཀྱི་འདུག་་ང་གཉིས་ལམ་བར་གཏམ་བཤད་རེ་གཉིས་བྱེད་ཡོད་དེ་སྤོ་རྒན་དེའི་ཨམ་སྐད་ལས་ཤེས་གྱི་མི་འདུག་ད་དུང་ཁོའི་ང་སྤྱི་མཐུས་ཡིན་ཟེར་་་དངོས་གནས་ཡིན་ང་རང་ཨ་མདོ་བ་ལ་མི་དགའ་དགོས་དོན་གང་ཡང་མེད་་་་་་་ལྷག་དོན་ཨ་མདོ་བའི་མི་མང་པོ་བོད་གཞུང་ལ་དགའ་པོ་བྱེད་མཁན་ཀྱང་རེད་་་་་་་ང་རང་སྒེར་ལ་མཚོན་ན་དེ་སྔོན་བོད་ལ་སློབ་གྲ་སྡོད་དུས་ཀྱི་འཛིན་གྲོགས་དང་གཞན་ལམ་རོགས་སོགས་གྲོགས་པོ་མང་པོ་ཡོད་་་་ཁོ་འཚོའི་ནམ་ཡང་འདི་འདྲ་བྱེད་སྲིད་གྱི་མ་རེད་་་་་་་་་་་་་་་་་སྐབས་བབ་གྱི་གནས་སྟངས་འདི་མདོེར་བསྡུས་ནས་བཤད་ན་གྲོས་འཆར་མདོན་མཁན་གྱི་ནོར་བ་རེད་ཏེ་་་་་་་་་་་་ཕར་ཚུལ་གཉིས་ཀའི་མཁྲིགས་འཛིན་གྱི་བསམ་བློའི་ནང་དགྲ་ཁོན་འཛིན་གྱི་བསམ་བློ་ངན་པ་དེ་ལ་ཚོགས་གཙོ་མཆོག་གི་ནུས་པས་མ་འདང་བ་དང་སྟངས་འཛིན་བྱེད་མ་ཐུབ་ཞིག་ཡིན་པ་གསལ་པོ་རེད་་་་་་་་་་་་་་་མ་གཞི་གནས་ཚུལ་འདི་ད་ལོ་བྱུང་བ་སྔར་མ་གྲགས་པ་ཕྱིས་མ་གྲགས་པར་ཡག་པོ་རེད་་་་་་་་ད་ལྟའི་དུས་ལ་གནས་ཚུལ་ཆུང་ཆུང་འདིར་༧རྒྱལ་བ་དོན་གྱི་བདག་པོ་དང་འགྲན་ཟླ་མེད་པའི་མཁས་དབང་ཟམ་དགོང་རིན་པོ་ཆེ་རྣམ་གཉིས་གི་གསུངས་བཤད་ཚིག་གཅིག་རེད་ལ་་་་ཨ་མདོའི་སྤོ་རྒན་བསྟན་འཛིན་མགོན་པོ་སོགས་ཀྱི་དུས་བབ་ཚང་དང་ལག་འབྲེལ་གྱི་རྒྱ་བཤད་ལྟོང་བཤད་ཇི་རྩམ་བྱེད་ན་ཡང་བོད་རིགས་མི་མང་ནི་མི་འགྱུར་རྡོ་རྗའི་བྲག་ལྟར་བརྟན་པོ་རེད་་་་་རབ་བྱུང་ན་བོད་རིགས་སུ་ཞིག་གི་གནས་ཚུལ་འདི་ལ་འཆོལ་བཤད་མ་གནང་བའི་རེ་ཡོད
༢༠༠༨ལོར་གཞིས་གཞུགས་བོད་རིགས་ཀྱི་རྒྱ་ལ་ཁ་གཏད་ལང་སོང་
༢༠༠༩ལོར་བཙན་བྱོལ་བ་རྣམས་ཀྱི་ནང་ཁྲུག་བྱེད་དེ་ཡིན་ས་རེད
ད་ཡིན་ན་འགྲིག་ཤག
གནས་ཚུལ་འདི་འདྲའི་སྐབས་ལ་འདྲོགས་ལང་མི་ཉན།
བཙན་བྱོལ་སྤྱི་ཚོགས་འདི་མང་གཙོའི་ལམ་དུ་བསྐྱོད་པ་དེ་ཚད་ངེས་ཅན་ཞིག་གི་ཐོག་སླེབས་འདུག
ལྟོས་དང་ སྤྱི་འཐུས་རྣམ་པས་བོད་བསྟན་པ་ཆབ་སྲིད་ཡན་ཆོད་ནས་མི་མང་གི་སྤྱི་དངུལ་ཞོ་གང་མན་ཆད་ཆུད་ཟོས་སུ་མ་སོང་བར་དགོངས་པ་བཞེས་སྟངས་ལ་ལྟོས་དང་།
གཟིགས་དང་ མི་མང་ལ་གཞུང་གི་ཐོག་ཡིད་ཆེས་དང་རང་གི་འགན་དབང་ཆ་ཚང་ལེན་ཆོག་པའི་ཐོབ་དབང་མི་འདུག་གམ། འདི་ནི་མང་གཙོའི་གཞུང་ཞིག་ལ་ཚང་དགོས་པའི་ཆ་རྐྱེན་ཨང་དང་པོ་དེ་གཉིས་རེད།
རྒྱ་གཞུང་གིས་ག་ཚོད་བཤད་ཀྱང་ཁོག་ན་སྙིང་འདར་འདར་བྱེད་གི་ཡོད་ཚོད་རེད།
དབུས་གཙང་རྒྱུས་ལབ་ཟེར་བ་དེའི་ག་རེ་བཤད་་གྱི་ཡོད་རེད་་་་་་་་་་་་་བོད་བཙན་བྱོལ་གཞུང་འདི་ནི་འདས་པའི་དུས་སུ་བྱུང་མྱོང་བའི་བོད་སྡེ་པ་གཞུང་མ་རེད་ལ་་་་་་་་་་་སྐུ་ངོས་ལགས་ཟེར་མཁན་འགའ་རེའི་ག་རེ་བྱེད་བྱེད་ཡང་མ་རེད་་་་་་་ཚད་ལྡན་གྱི་གཞུང་འདི་ལ་གྲོས་འཆར་ག་རེད་ཡོད་ན་བརྩོདརྙོག་བཟོ་འདོད་ཡིན་པ་དངོས་གནས་རེད་་་་གོ་སྐབས་འདི་བཟུང་ནས་མངའ་རེའི་སྤྱི་མཐུན་ཚོགས་པ་དེ་དབུས་གཙང་རྒྱན་ལས་ཀྱི་རང་བདག་བྱེད་འདོད་པ་ཡིན་ནམ་་་་་་་གཞན་བོད་གཞུང་གི་རྩ་ཁྲིམས་དང་སྒྲིགས་གཞི་གང་དང་ཡང་མགལ་མེད་ལ་རང་གི་འོས་འགན་སྤྱི་མཐུས་ཚོགས་གཙོ་སོགས་གནང་ཏེ་བོད་རིགས་མི་མང་དགའ་བ་དང་རྒྱ་ནག་སྲིད་གཞུང་གི་སྐྱོན་བརྗོད་ཁྲོད་ནས་དོན་ངོ་མ་ཁོང་དབུས་གཙང་རྒྱུན་ལས་ཟེར་མཁན་ཁྱེད་འཚོའི་ཁོང་དབུས་གཙང་གི་ཁོང་སུ་འདོད་ན་་་་་་་་ད་ནས་གཟུང་ཁོང་ལ་བསྟོད་སྔགས་བྱེད་རྒྱུ་དེ་རང་ལས་མེད་་་་་་་་་་་དེ་མིན་མངའ་རི་མི་ཞིག་ལ་ཐེས་ཇུས་དེ་འདྲ་གནང་བ་ནི་ཧམ་པ་ཆེ་གྲག་པ་རང་རེད་་་་་་་ད་དུང་འདི་ནི་ཉིན་འཆར་རྒྱ་ནག་གི་རྒྱ་གར་ས་མཚམ་ལ་ས་རྟགས་རྒྱབས་པ་དང་གཅིག་པ་མ་རེད་པས་་ངོ་མ་་་་ཧམ་པ་ལ་་་་་་་་་་
བསམ་ཚུལ་མཐའ་མ་དེ་ཞུའོ།
སྒྲོམ་གཞི་རྙིང་པའི་ཀླད་རྩ་ཡིས་སྤྱིར་ཡོངས་ཀྱི་ཛ་དྲག་ཆེ་ཆུང་ལ་མ་ལྟོས་པ་རང་ལ་ཐག་ཉེ་ཤོས་ཀྱི་གནོད་དོན་གང་ཞིག་གལ་ཆེ་བ་འཛིན་གྱི་ཡོད་པ་དེར་ངལ་རྩོལ་གྱིས་བརྟེན་མི་དགོས་པ་རང་ཤུགས་ཀྱིས་ཐོན་ཡོང་གི་ཡོད།
ཆོལ་ཁ་རེ་ནས་དཔེ་མཚོན་རེ་ཞུའོ།
ད་རེས་སྤྱི་འཐུས་ཀརྨ་ཆོས་འཕེལ་ལ་སྐྱོན་འཛུགས་ཤུགས་ཆེན་བྱས་པ་དེ་ནི་གཙོ་བོ་ཁོང་ཆོལ་ཁའི་ཁྱུ་ཚོགས་ནས་རིང་དུ་བརྒལ་ཏེ་རང་གི་ལྟ་ཕྱོགས་ལྷུག་པོར་བརྗོད་པར་བརྟེན། ཐག་ཉེ་བའི་རང་གི་ཆོལ་ཁའི་མཐུན་སྒྲིལ་ལ་དོར་ཕོག་ཡོང་བར་ཞེད་འཚབ་ཀྱིས་སྔར་བྱུང་མྱོང་མེད་པའི་གྲོས་ཆད་ཅིག་དབུས་གཙང་རྒྱུན་ལས་ནས་བཞག་དགོས་བྱུང་བ་རེད། སྐབས་འདིའི་གནད་དོན་འདི་འདྲའི་ཛ་དྲག་ཅིག་ཏུ་གཟིགས་པ་ནི་དེ་རེས་ཆོལ་ཁ་དང་འབྲེལ་བའི་དོན་དག་ཅིག་སླེབས་པ་འདི་རེད། གནད་འགག་འདི་འདྲ་ཞིག་ལ་རྒྱ་འདྲེ་ཞུགས་པ་ལྟ་བུ་འདི་འདྲའི་ཐག་གཅོད་གནང་མཁན་ཚོས་གྲོས་ཆད་འདིའི་མཇུག་འབྲས་ལ་འགན་ལེན་ཐུབ་བ་ཞིག་དགོས་ཀྱི་རེད།
ཉེ་ཆར་སྤྱི་འཐུས་སུ་རྩོད་རྙོག་ཅན་གྱི་གྲོས་འཆར་དེ་ཡང་སྔར་དང་མི་འདྲ་བའི་ཛ་དྲག་གི་རྣམ་པ་ཞིག་གིས་སྟེང་ནས་འཁྱེར་ཡོང་བའང་བོད་སྤྱི་དོན་ལས་ཀྱང་ཐག་ཉེ་བའི་ཆོལ་ཁའི་ཕྱོགས་ཞེན་ཞིག་ཡིན་པ་དོགས་པ་འཁྲུངས་ནས་རང་གི་ཁེ་ཕན་ལ་དོར་ཕོག་འབྱུང་དོགས་ཀྱིས་གནད་དོན་ཆུང་ཆུང་དེ་ཆེན་པོ་ཆགས་པ་རེད། དེའི་སྐབས་སུ་སྤྱི་འཐུས་བསྟན་འཛིན་མགོན་པོས་རང་གི་ཁྱུ་ཚོགས་སུ་མ་འཛུལ་བ་རང་གི་ལྟ་ཕྱོགས་བཤད་པ་སོང་ཙང་ཆོལ་ཁ་དེའི་ཁོངས་ནས་ཁོང་ལ་སྐྱོན་བརྗོད་བྱེད་སའི་གཞི་ཞིག་བརྙེད་པའམ་རང་དང་ཐག་ཉེ་ཤོས་ཀྱི་ཆོལ་ཁའི་ཁྱུ་དང་མི་བསྡེབས་པས་རེད།
སྤྱི་འཐུས་གསེར་རྟ་ཚུལ་ཁྲིམས་ཀྱིས་རང་ཁྱུ་དང་མི་འགྲོགས་པ་རྒྱུན་ལས་ཀྱིས་མི་དྲང་བ་བཤད་པར་བརྟེན་མདོ་སྟོད་པ་འགའ་ཞིག་གིས་ཁོང་ལ་ཡང་སྔར་མེད་པའི་སྐྱོན་བརྗོད་བྱེད་སའི་གཞི་ཞིག་བརྙེད་པ་རེད། དེ་ཡང་རང་དང་ཐག་ཉེ་སའི་ཆོལ་ཁའི་ཕྱོགས་སུ་མེད་པའི་གནད་འགག་འདི་ལ་ཐུག་པ་རེད།
གོང་གི་སྤྱི་འཐུས་གསུམ་པོས་སྐབས་འདི་དང་འབྲེལ་བའི་སྐད་ཆ་འགྲིག་མིན་ཇི་ལྟར་ཡང་ཁོང་གསུམ་གྱིས་གནང་ཕྱོགས་དེ་འགྲིག་པ་རེད་བསམ་གྱིན་ཡོད། ཁོང་གསུམ་གྱི་གནང་ཕྱོགས་ཀྱིས་སྐབས་འདིར་རང་གི་ཆོལ་ཁའི་དཔུང་སྒྲིལ་དམ་དུ་བཏང་མེད་ཀྱང་ཆོལ་གསུམ་ཆིག་སྒྲིལ་ལ་ཕན་པའི་གནད་འགག་ཞིག་རེད་བསམ་གྱི་ཡོད། གནད་འགག་འདི་འདྲ་འཕྲད་དུས་ཆོལ་ཁ་ཕན་ཚུན་གྱི་ས་མཚམས་བརྒལ་ཐུབ་ན་ཡག་པོ་རེད་བསམ་ཀྱི་ཡོད། གང་ལྟར་སྐད་གྲགས་ཅན་གྱི་ཉེ་ཆར་གྱི་སྤྱི་འཐུས་གྲོས་འཆར་འདི་ལ་གོང་གི་སྤྱི་འཐུས་གསུམ་པོའི་བྱེད་ཕྱོགས་བྱེ་བྲག་པ་འདི་ལ་གཞིགས་ནས་བཤད་བ་ཡིན། སྤྱི་འཐུས་བསྟན་འཛིན་མགོན་པོས་རང་གིས་བསམ་ཚུལ་བཤད་ཕོད་པ་འདི་ཡག་པོ་རེད། དེ་ལ་བོད་མི་སུས་ཀྱང་དགེ་སྐྱོན་བཤད་ཆོག་ཀྱང་མཐའ་ཐུག་ཐག་གཅོད་མཁན་ནི་མདོ་སྨད་མི་དམངས་ཚོ་ཡིན་པ་ཤེས་དགོས།
དྲ་གྲོགས་ཚངས་དབྱངས་ལགས་ཀྱི་ཁ་སྔོན་དྲི་བ་འགའ་བཏང་གནང་འདུག དེ་དག་གལ་ཆེན་པོ་རེད། ངས་དེ་དག་གི་སྐོར་ལ་འཚོལ་ཞིབ་དང་བསམ་གཞིགས་བྱེད་བཞིན་ཡོད། ད་དུང་ཡང་ལན་གསལ་པོ་ཞིག་བརྒྱབ་ཐུབ་ཀྱི་མིན་འདུག ཡིན་ནའང་བཙན་བྱོལ་བའི་གནས་སྐབས་སུ་དམངས་གཙོ་ལས་ཀྱང་ཆིག་སྒྲིལ་གྱི་སྒྲིག་ཞིག་དེ་གལ་ཆེ་བ་སྣང་། ཁྱེད་རང་གིས་སྲིད་དོན་ཚོགས་པ་བཙུགས་ན་གང་འདྲ་འདུག་ཅེས་པ་སྲིད་དོན་ཚོགས་པ་བཙུགས་སླ་བོ་རེད། དེ་དོན་དང་ལྡན་པ་ཞིག་འགྲུབ་ཁག་པོ་རེད་དྲན་གྱི་འདུག དེ་མིང་དོན་མཚུངས་པ་ཞིག་ཡོང་མིན་དཔེ་མཚོན་ཞིག་འདིར་འགོད་མི་དགོས་པར་བཀའ་ཁྲི་འོས་འདེམས་ཀྱི་དྲ་རྒྱ་ལ་ཕེབས་ནས་འདེམ་བྱ་གདམ་བྱེད་སོགས་ལ་ཞིབ་པར་གཟིགས་ན་རགས་ཙམ་མཁྱེན་གྱི་རེད། ཆོལ་ཁ་སོ་སོའི་བཀའ་ཁྲི་གདམ་གྱི་མེད་དམ་སྙམ་པ་ཡོང་གི་འདུག
ངས་ཉེ་ཆར་ཆོལ་ཁའི་རྒྱུན་ལས་དང་སྤྱི་འཐུས་འོས་གཞི་བར་གྱི་འབྲེལ་བའི་ངོ་བོ་ཇི་ཡིན་དྲིས་པ་དེ་ད་སྐབས་དབུས་གཙང་རྒྱུན་ལས་ཀྱིས་གྲོས་ཆད་འདིས་ཁ་གསལ་དུ་གཏོང་གི་འདུག གནད་འགག་ཇི་ལྟར་ཞིག་འཕྲད་ཀྱང་རང་གི་ཆོལ་ཁའི་ཕྱོགས་སུ་ལངས་ཐུབ་མཁན་གྱི་སྤྱི་འཐུས་ཤིག་ཡོང་ཐུབ་པར་བྱེད་རྒྱུ་ནི་ལས་ཁུངས་འདི་དག་གི་ལས་འགན་གཙོ་བོ་རེད།
ཉེ་སྔོན་དུ་མདོ་སྨད་དབུས་རྒྱུན་ལས་ཀྱིས་དཔྱད་བརྗོད་པ་ཀླུ་མཁར་བྱམས་ཀྱིས་བོད་རྒྱ་ཞི་མོལ་དང་འབྲེལ་བའི་གནད་དོན་ཐད་དུ་གསང་བ་ཆེན་པོ་རྒྱ་ལོ་དོན་འགྲུབ་ཀྱི་ཕྱག་ལས་སྐོར་ཞིག་འགྲིག་མིན་བཤད་པར་བརྟེན་ནས་ཁོང་མདོ་སྨད་མི་ཁུངས་ནས་འབུད་རྒྱུ་སོགས་ཀྱི་མི་འོས་པའི་གནད་འགག་ཆེན་པོ་བཟོ་གི་ཡོད་པ་རེད། བསམ་བློ་གུ་དོག་དྲགས་པ་རེད།
མདོ་སྟོད་ནང་ཁུལ་དུ་ར་དང་ལུག་གི་མི་རྒྱུད་ཀྱི་འཐེན་འཁྱེར་དང་ཆུ་སྒང་གསར་རྙིང་གཉིས་སུ་གྱེར་བ་དང་། རྩོད་གཞི་ཅན་གྱི་ལྷ་འདྲེ་བསྟེན་མི་བསྟེན་གྱི་རྙོག་དྲས་ནང་ཁུལ་ལྷིང་འཇགས་མེད་པ་བཟོ་གི་ཡོད་པ་རེད།
འོས་གཞི་ཡོང་སྟངས་ལ་ཞིབ་པ་བལྟས་ན་ཨ་རིའི་སྔོན་འགྲོའི་འོས་ཤོག་(primary election)་དང་(caucus) གཉིས་ཀ་ཆོལ་ཁའི་རྒྱུན་ལས་སོ་སོས་བྱེད་ཀྱི་མེད་འགྲོ་བམས་ཀྱིན་འདུག གལ་སྲིད་དེ་ལྟར་ཡིན་ཚེ་སྤྱི་འཐུས་ཀྱི་སྤུས་ཚད་དང་ཐོག་མ་སྤྱི་འཐུས་ཐོན་སའི་ཨུ་ཁུང་དེ་ཆོལ་ཁ་སོ་སོའི་དབུས་རྒྱུན་ལས་ཁང་ནས་རེད། གལ་སྲིད་རྒྱུན་ལས་ཁང་འདི་དག་གིས་བོད་སྤྱི་བའི་ལས་དོན་ལས་ཆོལ་ཁ་སོ་སོའི་ཞེན་ཁོག་ཡོད་མཁན་ཞིག་དགོས་ཀྱི་ཡོད་པར་བརྩིས་ན་སྤྱི་འཐུས་ནང་གི་ཕྱོགས་ཞེན་དཔུང་བསྒྲིགས་ཡོང་ཁུངས་དེ་འདི་ནས་བཟོ་གི་ཡོད་པ་རེད། ཨ་རི་ལྟ་བུ་ལ་ཆ་མཚོན་ན་སྲིད་དོན་ཚོགས་པའི་འཐུས་མིའི་འོས་གཞིའི་ཁྱད་ཆོས་ལ་གང་ཞིག་འཛོམས་དགོས་པ་དང་སུ་ལ་དེ་ལྡན་སོགས་གོང་གི་ལས་གཞི་ཁག་གིས་ཐག་གཅོད་ཀྱི་ཡོད།
སྤྱི་འཐུས་ཁ་ཤས་ནི་གཅིག་གི་ཁ་གཏད་དུ་གཞན་ཞིག་བསྐོས་འཛུགས་བྱེད་པ་ལྟ་བུ་chess་ རྩེད་མོའི་སྒྲིག་གཞི་དམ་འཛིན་བྱེད་ཀྱི་མེད་འགྲོ་བསམ་པ་དེ་འདྲ་ཡང་ཡོང་གི་འདུག
ངེད་ཚོའི་སྤྱི་ཚོགས་ཀྱི་ནང་དུ་ཁ་ཞེ་མི་མཚུངས་པའི་བྱ་སྤྱོད་ཇེ་མང་དང་ཇེ་མང་དུ་འགྲོ་བཞིན་པ་འདི་འདྲ་མཐོང་དུས་རང་ཉིད་བོད་པའི་སྤྱི་ཚོགས་ནང་དུ་མགོ་བརྒྱུ་དགོས་ཀྱི་མེད་པ་འདི་ཡག་པོ་རེད་དྲན་ཡོང་གི་འདུག གནས་ཚུལ་ག་ཚོད་ཀྱིས་རྒྱུས་ལེན་ཡོང་བ་དེ་ཚོད་ཀྱིས་སྐྱུག་དྲོ་ཡོང་གི་འདུག བདེ་མོ་བྱོས། དེ་རིང་ནས་བོད་ཡིག་ལ་ལྟ་ཀློག་འབྲི་གསུམ་བྱ་རྒྱུར་མཚམས་འཇོག་གི་ཡིན། བོད་ཡིག་གི་འཁོར་ཡུག་ནང་དུ་འཛུལ་ནས་མགོན་ཕྱག་གི་སྤྲིན་གྱི་ཕོ་ཉ་དང་འབྲེལ་བའི་ཟིན་བྲིས་ལས་དབྱིན་ཡིག་ཏུ་སྙན་རྩོམ་དེ་ཐོག་མ་བཀླག་རྒྱུའི་དོ་དབྱིངས་སྤྲོད་པ་དང་། སམ་སཱ་རཱ་ཞུས་པའི་དབྱིན་ཡིག་ནས་བོད་ཡིག་ཏུ་སྐད་དོད་བསྒྱུར་ཚུལ་དང་། ཀླུ་སྨྱོན་གྱི་སྙན་རྩོམ་ཤམ་བྷ་ལྷའི་དུད་སྤྲིན་དང་། བང་ཆེན་གྱི་བཀྲ་རྣམ་ཞུས་པའི་ཟློ་དང་རྫོའི་བརྡ་ཆད་བྱུང་སྟངས་སོགས་མ་གཏོགས་འདི་ཡིན་ཟེར་བ་ཞིག་འཁྱེར་རྒྱུ་མིན་འདུག
བཀྲིན་ཆེ།
མེ་སྒྱོགས་རྒྱ་མཚོ་ལགས་ཀྱི་བསམ་ཚུལ་ཞིབ་མོར་བཀླགས་པ་ཡིན། ཡིག་ནོར་མང་པོ་འདུག་མོད་རྩ་བའི་བསམ་ཚུལ་དང་ཀུན་སློང་ལ་ཡི་རངས་ཞུ་བ་ཡིན། ད་ཆ་གྲོས་ཚོགས་ཀྱི་གནད་དོན་གྲོས་ཚོགས་ནས་ཐག་མ་ཆོད་པ་ཞིག་སྤྱི་ཚོགས་ནས་ཐག་གཅོད་རྒྱུ་ཁག་པོ་ཡིན་པ་ཙམ་དུ་མ་ཟད། མགོ་བདེ་དྲན་འཕྲུལ་ཅན་མང་པོ་ཞིག་གིས་རང་ཉིད་ཁུངས་བུར་འཛུལ་ནས་གཞན་ལག་ཆར་བཀོལ་འདོད་བྱེད་ཀྱིན་པའི་སྐྱུག་དྲོ་བའི་གནས་ཚུལ་དེ་རེད། དཔེར་ན་བསམ་ཚུལ་འབྲི་མཁན་མང་པོ་ཞིག་གིས་ཨ་མདོ་བ་ཞིག་ཡིན་ཁུལ་གྱིས་ཁམས་པར་འོས་མིན་གྱི་སྐད་ཆ་བཤད་པ་དང་། ཡང་ཁམས་པ་ཡིན་ཁུལ་གྱིས་ཨ་མདོ་བར་འོས་མིན་གྱི་སྐད་ཆ་བཤད་པ་སོགས། མདོར་ན། གཞི་རིམ་མང་ཚོགས་ནང་འཁྲུག་སློང་བསླངས་ཀིན་པ་རེད། གྲོས་ཚོགས་ཀྱི་གནད་དོན་དེ་གྲོས་ཚོགས་ནས་ཐག་མ་ཆོད་ན། དེ་ལ་དེ་ལུགས་ཀྱི་ཐག་གཅོད་བྱེད་སྟངས་ཤིག་ཡོད་པ་རེད། དེ་མང་ཚོགས་ཀྱི་ནང་ནས་ཅིག་བཤད་ནས་ཐག་ཆོད་པ་ཞིག་མ་རེད། གལ་སྲིད་མང་ཚོགས་ཀྱིས་ཅིག་བྱེད་འདོད་པ་ཡིན་ན། མ་འོངས་པའི་གྲོས་ཚོགས་ཀྱི་གྲུབ་ཆ་དང་འགྲོ་ལུགས་ཐད་བསམ་གཞིགས་ཀྱིས་རང་གི་ཐག་གཅོད་ལེན་རྒྱུ་ཞིག་ལས། གྲོས་ཚོགས་ནང་ནས་སུ་འགྲིག་མིན་བཤད་བསྡད་ན་ཕན་ལས་གནོད་ཆེ་བར་འདོད། ད་ལྟའི་བར་དུ་གནས་ཚུལ་འདིའི་ཐད་དུ་བསམ་ཚུལ་ཅི་ཞིག་བཤད་རུང་མང་པོ་ཞིག་གིས་དེ་ལ་ལོག་འགྲེལ་དང་ཡང་ན་བེད་སྤྱོད་ལོག་པར་གཏོང་གིན་འདུག་པ་དེ་ཡང་ཚང་མས་ཤེས་དགོས་པ་ཞིག་རེད། རྗེས་སུ་འདིའི་ཐད་བསམ་ཚུལ་ལྷུག་པོར་བརྗོད་འདོད་ཡོད།
དྲི་ངན་དང་བཅས་པའི་མེ་སྒྱོགས་ཤིག་ལ་གཏམ་བཟང་གོ་རྒྱུ་ཡོད་པ་དེ་འདྲ་བཤད་རྒྱུ་ཡོད་པ་ད་བར་ཤེས་མ་སོང་། སྐུ་མཁྱེན་ཁྱོད་ཀྱིས་བོད་དོར་ཡང་བོད་ཀྱི་ཤ་ཁྲག་གིས་ཁྱོད་ནམ་ཡང་དོར་མི་སྲིད།
བོད་མི་མང་སྤྱི་མཐུས་ཡིན་ཟེར་མཁན་དེ་འཚོའི་ག་རེ་འདྲ་ཞིག་དྲིན་གྱི་ཡིད་ནམ་་་་་་་ངས་ལྟས་ན་ཨ་མདོ་བ་སྤོ་རྒན་བསྟན་འཛིན་མགོན་པོ་ཟེར་བ་དེ་དང་ཁམས་པ་བསོད་ནམ་སྟོབས་རྒྱལ་ཟེར་བ་དེ་གཉིས་ལ་བོད་བོད་མི་ཚང་མས་འདི་འདྲ་ཞིག་སྨོན་ལམ་རྒྱབ་དགོས་པ་འདུག་་་་་་་་་་དེ་ཡང་དམ་པ་གོང་མའི་གསུང་རྒྱུན་ནང་་་་་རྡིག་ཅན་ཚེ་ཐུང་བ་ཤོག་་་་་་་་་་་་་་་ཅེས་པའི་ནང་དོན་བཞིན་་་་་་་་ཁོང་གཉིས་ཚེ་ཐུང་བ་ཤོག་ཅེ་འབོད་དགོས་པ་འདུག་་་་་་་་་་་་
དབུས་གཙང་འགན་འཛིན་ལྷན་ཚོགས་འཚོགས་པ་དེའི་བཀུར་འོས་པའི་སྤྱི་འཐུས་ཀརྨ་ཆོས་འཕེལ་ལགས་དགོངས་པ་ཞུ་དགོས་ཞེས་པའི་གྲོས་ཆོག་བཞག་པ་འདི་ཇི་འདྲ་ཞིག་རེད་དམ། ཐོག་མར་སྤྱི་འཐུས་ནང་དུ་ཆོལ་ཁའི་དར་ཁུར་ཡོང་མཁན་དེ་བཙན་བྱོལ་བོད་གཞུང་གི་ཁྲིམས་དང་སྒྲིགས་གཞི་ལ་མི་རྩི་མཁན་སྤྱི་ཟས་སྒར་བདག་བྱེད་མཁན་བོད་མི་མང་གི་སྤྱི་འཐུས་ཀྱི་མིང་ཁུར་མཁན་ངོ་ཚ་སྤུ་ཙམ་མེད་མཁན་གྱི་སྤྱི་འཐུས་ཟླ་བ་ཚེ་རིང་ཟེར་བ་དེ་རེད། ཁོས་སྐད་ཆ་བཤད་སྟངས་སོགས་ལ་བློ་གཟུར་བར་གནས་མཁན་ཚོའི་གཟིགས་ན་གོ་ཐོབ། ད་དུང་ཁོས་དབུས་གཙང་ཆོལ་ཁའི་མིང་ཁུར་ནས་ཀརྨ་ཆོས་འཕེལ་ལ་སྐྱོན་བརྗོད་བྱེད་ཀྱི་ཡོད་དུས་བབ་གསར་ཁང་དུ་ཀརྨ་ཆོས་འཕེལ་གྱིས་བཤད་པ་ལྟར་གནས་ཚུལ་འདི་དག་རིག་མ་བཤད་ན་བསམ་བྱུང་ཞེས་ལེན་གནང་འདུག ཟླ་བ་ཚེ་རིང་འདི་ཡིས་བོད་པའི་ནང་ཁུལ་དཀྲུགས་ཤིང་བྱེད་ཀྱི་འདུག་ཁ་སང་རླུང་འཕྲིན་ཁང་དུ་ཆབ་སྲིད་བཙོན་པ་དང་ཉམ་ཐག་བོད་ནས་གསར་དུ་འབྱོར་ཁྲི་ཁྲག་མང་པོ་ཟ་རྒྱུ་འཐུང་རྒྱུ་མེད་པ་རྷ་སར་ཡོད་པ་བོད་གཞུང་གི་ལྟ་ཡི་མེད་པ་སོགས་རྒྱ་ནག་ལ་དགོས་ཀྱི་ལས་ཀ་དངོས་གནས་བྱས་ཀྱི་འདུག་་ མི་ངན་འདི་ག་རེ་བྱེད་ནས་བོད་གཞུང་ལ་རྒྱབ་འགན་བྱེད་ཀྱི་ཡོད་ན། དབུས་གཙང་འགན་འཛིན་ལྷན་ཚོགས་ཀྱི་ཀརྨ་ཆོས་འཕེལ་སྟོན་ཆོག་ཆོག་ཞིག་ཡོད་ཀྱི་མ་རེད་། ཀརྨ་ཆོས་འཕེལ་མངའ་རིས་སྤྱི་འཐུས་ཚོགས་པའི་ཁུང་ནས་སྤྱི་འཐུས་སླེབས་པ་ཡིན་ཞེས་བཤད་ཡོད། མངའ་རིས་ཀྱི་དབུས་གཙང་རྒྱུས་ལས་ཁང་འདི་ངོས་ལེན་མེད། དབུས་གཙང་གི་མིང་ཁུར་མཁན་གྱི་རྒྱུན་ལས་ཚོས་སྐད་ཆ་མང་པོ་མ་བཤད་ན་དགའ་ཡི་རེད་རྙོག་དྲ་རྙིང་པ་རྣམ་ཡར་མ་བསྔོགས་ན་དགའ་ཡི་རེད། གོང་དུ་བཤད་པ་ལྟར་མི་སྒར་གྱི་ཁེ་ཕན་གྱི་ཆེད་དུ་ཆོལ་ཁའི་མིང་བེད་སྤྱོད་མ་གཏང་ན་དགའ་ཡི་རེད། ཀརྨ་ཆོས་འཕེལ་ཁྲིམས་སྒྲིགས་གཞི་གང་དང་འགལ་འདུག་སྤྱི་རྒྱུ་སྒར་བདག་ག་རེ་བྱེད་འདུག་གསལ་པོ་ཤོད་དགོས་ཀྱི་ཡོད། གུང་དུ་བཀུར་འོས་པའི་སྤྱི་འཐུས་ཀརྨ་ཆོས་འཕེལ་ལ་རྒྱུ་མཚན་མེད་པའི་རྙོན་འཛུགས་བྱེད་པ་འདི་དོན་དུ་བཞགས་རྒྱུ་ཞིག་ཙ་བ་ནས་མེད་ ག་པར་འགྲོས་དགོས་ཅང་འགྲོ་ཡི་ཡིན་ ང་ཚོས་མངའ་རིས་མི་མང་གི་སེམས་ནང་གང་བསམས་ཀྱི་ཡོད་ཁྱེད་དབུས་གཙང་རྒྱུན་ལས་ཀྱི་མཁྱེན་གསལ་རེད་ལགས། རྗེས་སུ་མཇལ་ཡོང་།
ཉི་ཟླའི་རྣ་ཆ་འཛིན་མཁན་འདིས་བཤད་སྟངས་ལ་བལྟས་ན་སྐྱེས་དམན་ཡུགས་ས་མ་ཞིག་ར་བཟི་ནས་འཁྲུག་པ་རྒྱག་པ་འདྲ་བོ་འདུག ལེན་རྒྱུའི་ནང་དོན་ཡང་མི་འདུག འཇིགས་སྐུལ་བྱེད་པའི་ཁུལ་ཡིན་ཡང་འཇིགས་སྐུལ་བྱེད་ཤེས་ཀྱི་མི་འདུག
དཀོན་མཆོག་གསུམ་ད་མི་ཤེས་ད། བཟག་བཟག་མ་བྱེད་ན་འབྲི་ཐུབ་པ་ཙམ་གྱིས་ཕན་དང་གནད་ཤེས་དཀཌྷའ་བ་འགྱུར་འདུག་ག། འགས་ཤེས་ཁུཌྷལ་ཀྲང་བྱེད་དེ་གྲོས་ཚོགས་ཀྱི་གནད་དོན་ཐོག་སྒེར་རང་ལ་དམིངས་ཏེ་སྐྱོན་བརྗོད་དང་། ཡང་ལ་ལས་ཆོལ་ཁག་ཁ་ལ་ཁུར་ནས་རྩེད་གླེང་་ཟབ་དུ་བཏང་བ་སོགས་འདྲ་མི་བྱེད་ཀྱི་འདུག། གྲོགས་ཌྷཔོ་ཚོས་བོེད་སྤྱིར་རང་ལ་ཕན་པའི་གནད་དོན་ཐོག་མང་ཙམ་བཤད་པའི་རེ་བ་ཡོད། བླ་མ་དཀོན་མཆོག་གསུམ་ནང་གླེང་མི་ཡོང་བའི་རེ་མ་ཡོད། ཁ་སྔོན་གྲོས་ཚོགས་ཀྱི་རྩེད་གླེང་ལ་ཕན་པའི་གསུང་མེད་བ་སྡུག་ཏུ་གཏོད་བཞིན་འདུག།
གྲོགས་པོ་རྣམས། སྤྱི་འཐུས་ཀརྨ་ཆོས་འཕེལ་ཟེར་བའི་ཁོང་གི་སྐད་རླུང་འཕྲིན་སོགས་ལས་ཐོས་པ་མ་གཏོགས་མཐོང་མྱོང་ལར་ནས་མེད། འོན་ཀྱང་ཚོད་དཔག་བྱས་ན། ཁོང་སྤྱི་མཐུས་ཚོགས་གཙོ་བྱས་པའི་ལོ་རྒྱུས་འདུག་ལ། ཁོང་ནང་བཞིན་པའི་ཕྱི་ནང་གང་ཐད་ཀྱི་ཡོན་ཏན་ཅན་སྤྱི་འཐུས་ནང་དུ་དཀོན་པོ་རེད་ཟེར་བ་ཞིག་ཀྱང་། ལྐོག་ལབ་བྱེད་པ་ཐོས་མྱོང་། ད་ལྟའི་ཉེ་ཆར་གནས་ཚུལ་ཆུང་ཆུང་བྱུང་བའི་སྐབས་སུ་ཡང་ཁོང་ལ་འཆོལ་ཁའི་ཕྱོགས་ཞེན་གྱི་འཐེན་ཁྱེར་ཟེར་བ་ཞིག་མེད་པར་ཡང་དཔོག་ཐུབ་ཀྱི་འདུག་ལ། ཤེས་འཇོན་དང་ལྡན་པའི་སྤྱི་འཐུས་ཞིག་ལ་ནག་ཉེས་འདི་འདྲ་ཕོག་པ་དེ་རྒྱུ་རྐྱེན་ཕུག་དེ་གང་ཡིན་ནམ་སྙམས་ཐེ་ཚོམ་ཞིག་སྐྱེས་སོང་།
གོང་དུ་དྲ་གྲོགས་ཆོས་འཕེལ་གྱིས་གསུང་པ་ལྟར་གུས་པས་ཀརྨ་ཆོས་འཕེལ་ཞེས་པའི་མི་དེའི་རླུང་འཕྲིན་དང་བརྙན་སོགས་ཀྱི་ནང་དུ་སྐད་ཆ་བཤད་པ་གོ་བ་མ་གཏོགས་རྒྱུད་མངའ་གང་ཡང་མེད་ མི་ཚོས་བཤད་པ་ལ་ལྟས་ན་སྤྱི་འཐུས་ནང་ལ་ཁོང་ལས་ལྷག་པ་ཤེས་འཇོན་གཉིས་ལྡན་གྱི་མི་ཡོད་མ་རེད་ཟེར་གྱི་འདུག་ ཆོལ་ཁའི་ཕྱོགས་ཞེན་འཐེན་ཁྱེར་མེད་པ་འདྲ་། ཁོང་རང་མི་དྲང་ཙུག་བརྟེན་པོ་ཞིག་རེད་ཞེས་བཤད་ཀྱི་འདུག་ གོང་ཉི་ཟླས་གསུང་པ་དེ་བདེན་པ་ཡིན་ས་རེད། དྲ་གྲོགས་ཙོང་ཁས་གསུང་སྟངས་འདི་ལ་ཁྱེད་རང་སྐྱེས་དམན་གྱི་གཡུག་པའི་མི་སེམས་སྡུག་རྐྱེན་ཞིག་ཡིན་པ་འདྲ། ཧ་ཧ་སྐུ་ཙི་ཞུས་ཡོད། རྗེས་སུ་ཐུག་ཡོང་།
བཀུར་འོས་རྩོམ་པ་པོ་གང་མང་ཞིག་གིས། ཐེངས་འདིའི་གྲོས་ཚོགས་ཀྱི་གནས་སྟངས་དེ་ཧ་ཅང་ཚབ་ཆེན་དང། འཇིགས་སྣང་བྱེད་ཡུལ་ཞིག་ཏུ་ངོས་འཛིན་བྱེད་ཀྱི་འདུག་མོད། ངས་བལྟས་ན། སྤྱིར་བཏང་གནས་ཚུལ་འདིའི་ནང་གི་བྱེད་ཕྱོགས་ཁག་གཅིག་ཐལ་དྲགས་པ་ལས། སྤྱི་ཡོངས་ནས་དམངས་གཙོའི་སྤྱི་ཚོགས་ནང་ཅུང་ཙམ་ཤོད་རེས་བྱེད་ས་ཡོད་པ་འདི་དགེ་མཚན་ཞིག་དང་
གཟི་བརྗིད་ཅིག་རེད། རྒྱ་ནག་རྒྱལ་ཁབ་གུང་ཁྲན་ཏང་གིས་དབང་བསྒྱུར་ནས་ལོ་དྲུག་ཅུ་སོང་མཚམས་འདིར་མེ་མདའ་དང། འཕུར་མདའ་སོགས་མང་པོ་ཞིག་ངོམ་སོ་བྱེད་བཞིན་ཡོད་རུང་། རྒྱལ་སྤྱིའི་གོམ་འགྲོས་སྤྱི་མཚུངས་ལྟར་མིའི་རིགས་ཀྱི་རྨ་བརྗོད་རང་དབང་དང། དམངས་གཙོའི་གཟི་བརྗིད་ཀྱི་ཉམས་གང་ཡད་མཐོང་རྒྱུ་མེད་སར། རང་རེ་བོད་མི་བསན་བྱོལ་བའི་སྤྱི་ཚོགས་ནང་དམངས་གཙོའི་བསམ་སྤྱོད་ཀྱི་གནས་སྟངས་མང་པོ་མཐོང་རྒྱུ་ཡོད་པ་འདི་ཧ་ཅང་གི་བློ་སྤོབས་སྐྱེ་བྱེད་ཅིག་རེད།
ཡིན་ཡང། ང་ཚོས་ནམ་རྒྱུན་དབྱེ་ཞིབ་བྱེད་དགོས་ས་མང་པོ་ཞིག་ཡོད་པ་ནི། ཐེངས་འདིའི་གནས་ཚུལ་ལ་དཔེར་བཞག་ན།
གཅིག འཕེལ་རྒྱས་སྒྲོལ་མ་མཚོ་མོས་གྲོས་འཆར་དེ་བཏོན་པ་ཤིན་ཏུ་ནས་ཀྱང་འོས་འཚམས་ཤིག་ཡིན་མོད། འོན་ཀྱང་གྲོས་འཆར་དེ་གྲོས་ཚོགས་ཀྱི་རྭ་བའི་ནང་ནས་བཏོན་ན་དགེ་མཚན་ཆེ་བ་ཡོད་ན་ཡང། དེ་ལྟར་མ
་བྱས་པ་དེ་ནོར་འཁྲུལ་ཞིག་རེད།
གཉིས།
སྤྱི་འཐུས་མང་པོ་ཞིག་གིས་འཐུས་མི་གང་དེས་གྲོས་འཆར་ཅི་ཞིག་བཏོན་མིན་ལ་ཞིབ་འདང་མི་རྒྱག་པར་མི་བཅུ་བཞིའི་རྒྱབ་རྩ་བྱས་པ་དེར་རླུང་བསྟན་ནས་དགག་རྒྱག་བྱེད་པ་དེའང་ནོར་བ་རེད།
གསུམ།
འཐུས་མི་བྱེ་བྲག་པ་འགས། འཕྲལ་ཕུགས་གང་ལ་བསམ་ཞིབ་མི་གནང་བར། ག་རེ་བྱེད་དགོས་ན་ཡང་བྱེད་ཆོག་ཟེར་པ་དང། ཡང་ང་ཚོས་ཟུར་ནས་ལས་དོན་གཞཉ་ཞིག་གཉེར་རྒྱུ་གསུངས་པ་སོགས་ནི་དམངས་གཙོའི་ཤེས་ཚད་མེད་པའི་རྟགས་སུ་མཐོང།
ཡིག་ནོར་ཁ་ཤས་ཤིག་ཤོར་འདུག་པས་ཀློག་པ་པོ་རྣམས་ལ་དགོངས་སེལ་ཞུ།
སྐྱེས་སར་ལགས་ཀྱི་གསུང་པ་དེ་མི་བདེན་ཞེས་བཤད་ཀྱི་མེད། སྐྱེས་སར་ལགས་སུ་ཞུ་རྒྱུ་ སྤྱི་འཐུས་བཅུ་བཞི་ཡིས་ས་རྟགས་བཀོད་པ་དེ་ནོར་བ་རེད་དམ་འགྲིགས་པ་རེད་། ཡང་ན་དགག་རྒྱག་བྱེད་མཁན་དེ་ཚོ་ནོར་བ་ཞེས་ཁྱེད་ཀྱི་གསུང་པ་དེ་རྒྱུ་མཚན་ཞིག་གསུང་ངམ། སྤྱིར་བཏང་གནས་ཚུལ་འདི་རིགས་དམངས་གཙོ་ནང་ཡོང་བཞིན་པ་ཞིག་རེད་དེ་དག་ནི་དམངས་གཙོའི་དགེ་མཚན་རེད།
སྐྱེ་སར་གྱིས་བཤད་པ་འདི་ཉིད་ངོ་མ་བདེན་པའི་ཚད་དུ་སྣང་། གྲོས་འཆར་བཏོན་པ་ནོར་འཁྲུལ་མིན་ཡང་དེ་ལྐོག་སུད་བྱས་པ་དེ་ཉིད་ནོར་འཁྲུལ་དུ་གྱུར་ཡོད། དེ་བཞིན་དགག་པ་རྒྱག་པ་ནོར་འཁྲུལ་མིན་ཡང་ཕྱིར་འབུད་བྱས་པ་དེ་ནོར་འཁྲུལ་གྱུར་ཡོད།
ད་ལམ་རང་རེའི་སྤྱི་འཐུས་རྣམ་པས་གང་ལྟར་ན་ནོར་འཁྲུལ་ཤོར་ཡོད་རེད། སུ་ཡིས་ཤོར་ན་ཁྱད་གང་ཡང་མི་འདུག ནོར་འཁྲུལ་ཆུང་ཆུང་རེད།
ཡིན་ནའང་ངས་བསམ་ན། རང་རེའི་སྤྱི་འཐུས་ཁ་ཤས་ཀྱིས་སོ་སོ་སྤྱི་འཐུས་རྗེས་མར་འོས་ཐོབ་པའི་སྤྱི་དོན་ཛོར་བོ་དེ་འཁྲབ་ཡིན་པའི་དོགས་པ་ཡང་འདུག ཁོང་རྣམ་ཀྱིས་སོ་སོའི་དོན་རྐྱེན་དང་མིང་མི་མང་དུ་བསྒྲགས་ནས་མི་མང་ལ་ཕྱོགས་ཞེན་གྱི་ཤུགས་རྐྱེན་ཐེབས་བཅུག་སྟེ། མི་མང་གིས་འཆོལ་ཁའི་ཕྱོགས་ཞེན་གྱིས་ཁོང་རྣམ་ལ་སྤྱི་འཐུས་འོས་ཤོག་འཕེན་གྱིན་རེད་བསམ་པའི་ཆགས་གཞི་ངན་པ་ཞིག་ཡོད་སྲིད་པ་རེད།
དེས་ན་ངས་བསམ་ན་ད་ལྟའི་སྤྱི་འཐུས་རྣམ་པས་བྱས་རྗེས་ག་རེ་ཡིན་ན་གཏོན་ཟིན་རེད། སྤྱི་འཐུས་ཁ་ཤས་སྤྱི་འཐུས་ཀྱི་སྐུབ་སྟེགས་ཐོག་ལ་སྡད་ནས་མི་ཚེ་རྫོགས་གྲབ་རེད། ད་ཁོང་རྣམ་པ་ཚང་མ་རྒན་ཡོལ་དང་། མལ་གསོ་སྤྲད་ན་ཡག་ཤོས་མཐོང་གིན་འདུག
བདེན་པ་རེད། གང་ལྟར་གྲོས་འཆར་འདོན་མཁན་དང་ས་ཡིག་རྒྱག་མཁན་གྱིས་ནོར་བ་རེད། ངོ་རྒོལ་བྱས་ནས་ཕྱི་ལ་དོན་མཚན་ཚོས་ཀྱང་ནོར་བ་རེད། གནད་དོན་འདིའི་གཞི་རྩའི་འབྱུང་རྐྱེན་ཆོལ་ལ་བརྟེན་ནས་བྱུང་ཡོད་པ་ལྟ་བུ་འདུག་མོད། སྔོན་མ་ཡིན་ན་ཁ་ཚོན་བཅད་ནས་བཤད་ཕོད་མ་སོང་། ད་ལྟ་དབུས་གཙང་ཆོལ་ཁའི་འགན་འཛིན་ལྷན་ཚོགས་ཀྱི་ཟུར་རྒྱན་གྲོས་ཆོད་ཟེར་བ་དེའི་ཐོག་ནས་ཆོལ་ཁའི་ཕྱོགས་ཞེན་རང་ཡིན་པ་གསལ་པོ་ཆགས་སོང་། དབུས་གཙང་སྤྱི་འཐུས་དང་དབུས་རྒྱུན་གྱི་ཚོགས་གཅོ་ཡིན་པ་སྒྲོལ་མ་ཚེ་རིང་ཟེར་བ་འདི་འཁྲབ་དགོས་དུས་ཧ་ཅང་ངན་པ་རེད་ཟེར་བ་གོ་མྱོང་། ངས་བལྟས་ན་མོ་དོལ་རྒྱལ་དང་འབྲེལ་བ་མེད་དམ་ཡང་བསམ་གྱི་འདུག མོ་དང་སྤུན་མཆེད་འགྲོ་མཁན་དེ་འདྲ་ད་ལྟ་དོལ་ཚོགས་ཀྱི་འདྲེ་དགོན་ཤར་དགའ་ལྡན་ཆོས་འཁོར་གླིང་ཟེར་བ་འདིའི་ནང་དུ་ཡོད་ཚུལ་འདུག དེ་བཞིན་ད་ལྟའི་འདྲེ་དགོན་འདིའི་མཁན་པོའི་མིང་ཁུར་མཁན་དེ་ཡང་དབུས་གཙང་པ་ཞིག་རེད་འདུག འདི་ཚོ་ལ་དགག་རྒྱག་མི་བྱེད་པར་ཀརྨ་ཆོས་འཕེལ་གྱི་སྐད་ཆ་དྲང་མོ་བཤད་པ་དེ། དབུས་གཙང་ཆོལ་ཁའི་བསམ་ཚུལ་དང་འགལ་བ་རེད་ཅེས་གྲོས་ཆོད་བཞག་པ་དེ་ཧ་ཅང་ཐལ་ཆ་ཆེན་པོ་རེད།
ད་ཁྱེད་ཚོས་ག་རེ་ཤོད་ཀྱི་ཡོད། ནོར་འཁྲུལ་བྱེད་མཁན་སྤྱི་འཐུས་རྒྱུན་ལས་རེད། ཁོ་ཚོས་རང་གི་ཉེས་བྱས་ཀྱི་རྒྱབ་རྟེན་དུ་སྒྲིག་གཞི་གསལ་ཁ་མི་འདུག་ཟེར་གི་ཡོད་པ་རེད། འགྲེལ་བཤད་རིང་པོ་རྒྱག་གི་ཡོད་པ་རེད། ཁོ་ཚོས་བཤད་པར་རྒྱབ་སྐྱོར་བྱེད་མཁན་ཚོས་དེ་རྒྱུ་མཚན་དུ་བཞག་ནས་ཤོག་བུ་ལྔ་དྲུག་དེ་འདྲ་བྲིས་ཡོང་གི་ཡོད་པ་རེད། དོན་དངོས་སུ་ སྒྲིག་གཞི་གསལ་ཁ་མེད་པ་དེ་ཁོ་ཚོའི་རྒྱབ་རྟེན་དུ་འགྲོ་གི་མ་རེད། སྒྲིག་གཞི་གསལ་ཁ་མེད་པ་དང་། དེ་སྔོན་ལམ་ལུགས་སྲོལ་མེད་བཞིན་དུ་ཧོལ་རྒྱུགས་ཀྱིས་ཐག་གཅོད་གསར་པ་བྱས་པ་དེ་རྙོག་གཞི་འདི་ཚང་མའི་འབྱུང་རྩ་ཆགས་པ་རེད། སྒྲིག་གཞིར་གསལ་ཁ་མེད་པ་དང་དེ་སྔོན་འགྲོ་ལུགས་མེད་པར་སྙིང་ཁམས་བསྐྱེད་ནས་བྱས་པའི་ཉེས་བྱས་འདི་དག་རྗེས་སུ་རྙོག་གཞི་ཆགས་རྒྱུ་ཡིན་པ་ཁྲིམས་བཟོ་བ་ཞིག་ཡིན་པའི་ཆ་ནས་ཤེས་ཤེས་པའི་དོན་དག་ཅིག་རེད། དེས་ན་འདི་ནི་དང་པོ་ནས་རྙོག་གཞི་བཟོ་རྒྱུའི་ཀུན་སློང་དང་འཆར་གཞི་གཉིས་ལྡན་ཞིག་ཡིན་པའི་སེམས་ཚོར་རང་དབང་མེད་པར་སྟེར་བར་བྱེད།
དངོས་སུ་ན་ཁོ་ཚོས་ཁ་གཡར་ས་སྟེ་གྲོས་ཚོགས་ནང་མ་སླེབས་སྔོན་དུ་མི་བཅུ་བཞིའི་་ས་རྟགས་བསྡུ་རུབ་བྱས་པ་དེ་ཡང་ཁྲིམས་ཐོག་ནས་ལག་པ་འཆང་ས་མེད་པ་ཞིག་རེད། དེ་སྔོན་གྲོས་ཚོགས་ནང་བྱུང་ཡོད་སྐད་ལྟར་མི་རེ་ཟུང་གིས་རྒྱབ་སྐྱོར་ས་རྟགས་རྒྱབ་ཆོག་པ་དང་དེ་ལས་མང་བས་རྒྱབ་སྐྱོར་ས་རྟགས་རྒྱག་ཆོག་གི་མེད་པའི་ཁྲིམས་གཞི་ཞིག་ག་བ་ཡོད་རེད། ཡིན་ན་ཡང་། གྲོས་འཆར་འདོན་མཁན་གྱི་ངོས་ནས་ཅིའི་ཕྱིར་སྔོན་བྱུང་མ་མྱོང་བའི་ས་རྟགས་འདི་འདྲ་མང་པོ་བསྡུ་རུབ་བྱེད་དགོས་པ་དེ་གྲོས་འཆར་འདོན་མཁན་ལ་ངེས་པར་འདྲི་དགོས་པའི་དྲི་གཞི་ཞིག་ལོས་ཡིན།
དོན་དག་འདི་ནི་ཆོལ་ཁའི་རྙོག་གཞི་ཞིག་མིན་པར་རྒྱུན་ལས་དང་འབྲེལ་བའི་རྙོག་གཞི་ཞིག་ཡིན་ཡང་། གྲོས་ཚོགས་ནང་བགྲོ་གླེང་སྐབས་སྤྱི་འཐུས་སྒེར་བ་རེ་རེས་གཏམ་བརྗོད་བྱེད་སྟངས་དེས་སྤྱི་འཐུས་མང་པོ་ཞིག་ཁོང་ཁྲོའི་གཞན་དབང་དུ་གྱུར་ཏེ་མིག་ཟུང་ཞ་རར་གྱུར་བ་དང་ཕྱོགས་ཞེན་གྱི་དབང་དུ་ཤོར་ཏེ་མཐའ་མཇུག་གྲོས་ཚོགས་མཇུག་བསྡུ་མ་ཐུབ་པ་འདི་བྱུང་འདུག་པས་བགྲོ་གླེང་གི་བརྒྱུད་རིམ་རེ་རེ་བྱས་ནས་ཆོལ་ཁའི་ངོ་བོར་ཇི་ལྟར་གྱུར་བར་ཞིབ་འཇུག་ཞིབ་ཚགས་པོ་ཞིག་བྱེད་དགོས་པ་འདུག
གྲོས་ཚོགས་ནས་ཕྱི་ལ་ཐོན་ཕྱིན་ཏེ་གྲོས་ཚོགས་མཇུག་བསྡུ་མ་ཐུབ་པའི་མིང་ངན་པ་དེ་ཆོལ་ཁ་བྱེ་བྲག་པ་ཞིག་གི་མགོར་ལྷུང་འདུག་ཀྱང་ཕྱིར་ཐོན་མཁན་ནང་བརྒྱ་ཆའི་ལྔ་བཅུའི་ལས་ཡོལ་ཙམ་སྤྱི་འཐུས་རྒྱུན་ལས་ཀྱི་མི་ཡིན་པ་འདིས་ཀྱང་གོང་གསལ་རྒྱུན་ལས་ཀྱི་ནོར་འཁྲུལ་དེར་འབྲེལ་བ་ཞིག་ཡོད་པ་སྟོན་གི་འདུག
ཆོལ་ཁའི་རྙོག་གཞི་ཞིག་ལ་ཐུག་སྐབས་ཕྱོགས་གང་ལའང་ཕོག་ཐུག་འགྲོ་མི་དགོས་པའི་སྐད་ཆ་ཞིག་བཤད་དེ་བསྡད་ན་ཁོ་ལ་ཆོལ་ཁའི་ཕྱོགས་ཞེན་ཡོད་པ་མ་རེད་ཟེར་བའི་ཇོ་བཟང་གི་མིང་ཞིག་ལས་སླ་བོར་རེག་རྒྱུ་ཡིན་ཡང་ང་དེ་འདྲའི་མིང་སྐམ་ཞིག་ལ་རེ་བའི་ཇོ་བཟང་བྱེད་འདོད་རྩ་བ་ཉིད་ནས་མེད། རང་གི་བསམ་ཚུལ་དང་ལངས་ཕྱོགས་གསལ་བོ་ཡིན། ད་ཁྱེད་ཚོས་འདིའི་སྐོར་གླེང་གི་ཡིན་ན་ཁྲིམས་གཞི་རྩར་བཞག་ནས་འགྲིགས་མ་འགྲིགས་བཤད་ན་ལན་པོ་འདུག དེ་མིན་དེ་འགྲིགས་འདུག་འདི་འགྲིགས་མི་འདུག་ཟེར་ནས་གཞི་རྩ་མེད་པའི་སྐད་ཆ་བཤད་བསྡད་ན་ཆོ་མི་འདུག ཁ་སང་དེ་རིང་ཁ་བརྡ་དྲ་ཁང་ནང་སྟག་སེང་ཁྱུང་འབྲུག་ལྟ་བུའི་དཔྱོད་ལྡན་དག་མཐོང་ཡུལ་ལས་བྲལ་ཞིང་ཁྱི་ཕག་བྱ་ཙིག་་ལྟ་བུ་མང་པོ་ཞིག་གི་ཁ་ལ་ཉི་མ་ཤར་འདུག་པ་འདི་ཐན་ལྟས་རང་རེད།
ད་མི་ཤེས་ད།
དེ་ལས་ཤེས་ཡོན་གྱི་སྐོར་ཉམས་ཆག་འགྲོ་རྐྱེན་དང་། དེ་སླར་གསོ་ཡོང་ཐབས་གླེང་ན་དགའ། མ་རེད་དམ། གྲོགས་པོ་ཚོ།
ཉོག་དྲ་མ་ལབ་རོགས་སྐུ་མཁྱེན
དབུས་གཙང་སྤྱི་འཐུས་ཀརྨ་ཆོས་འཕེལ་ལགས་ཀྱིས་བཟང་སྤྱོད་ཀྱི་ཐོག་ནས་སྤྱི་འཐུས་ཞབས་སྟེགས་ནས་རྩ་དགོངས་ཞུ་དགོས་སྐོར་གྱི་ཟུར་རྒྱན་གྲོས་ཆོད་ལ་ངོས་ལེན་མེད་པ།
དབུས་གཙང་དབུས་རྒྱུན་ལས་ཁང་ལྷན་རྒྱས་མཆོག་ལ། ཆེད་ཞུ། ཕྱི་ལོ་༢༠༠༩ཟླ་༩ཚེས་༢༨འཁོད་དེ་ནས་ཕྲན་གྱི་མིང་ཐོག་སྩལ་བའི་ཕྱག་བྲིས་ལག་སོན་བྱུང་། དེ་ནང་ཟུར་རྒྱན་གྲོས་ཆོད་ལ་ཐུགས་སྣང་སྦྲགས་ཕྱག་ལེན་གནང་ཕྱོགས་ཡོང་བ་ཞུ་རྒྱུ་དགོངས་འཇགས་ཞུ། ཞེས་གསལ་བ་དང་། ཟུར་རྒྱན་གྲོས་ཆོད་ཀྱི་ནང་གསེས་དོན་ཚན་གཉིས་བཅས་ཐད་འགྲེལ་བརྗོད་རིང་པོ་ཞུ་གལ་མ་མཐོང་། བཅའ་ཁྲིམས་ནང་སྤྱི་འཐུས་བྱེ་བྲག་པ་འཕོ་འགྱུར་གཏོང་ཐབས་ཆེད་དོན་ཚན་གཅིག་ལས་འཁོད་མེད་ཅིང་། དོན་ཚན་ང་བདུན་པའི་ནང་གསེས་༢པ་ནང་། སྤྱི་འཐུས་སུ་འོས་འདེམས་བྱུང་བའི་སྐྱེ་བོ་གང་ཞིག་བཅའ་ཁྲིམས་འདིའི་དོན་ཚན་སོ་བརྒྱད་པར་གསལ་བའི་སྤྱི་འཐུས་འོས་ཆོས་གང་རུང་མ་ཚང་བ་གྱུར་པའམ། ཡང་ན་རང་ཉིད་འདེམས་བྱེད་མི་མང་གི་མང་མོས་མེད་པའི་གནས་ཚུལ་ར་འཕྲོད་ཀྱིས་སྤྱི་འཐུས་ལྷན་ཚོགས་ནས་འཕོ་འགྱུར་བྱ་རྒྱུར་མང་མོས་ཐག་གཅོད་བྱུང་བ་བཅས་ཀྱི་སྐབས་རང་ཉིད་སྤྱི་འཐུས་ནས་འཕོ་དགོས། ཞེས་གསལ་ཡོད། དབུས་གཙང་། ཞེས་པའི་ཐ་སྙད་འཁྱེར་བ་ཙམ་གྱིས་དབུས་གཙང་ཆོལ་ཁ་སྤྱིའི་ཚབ་ནམ་ཡང་མཚོན་མི་ཐུབ་པ་དང་། ལྷག་པར་འདས་པའི་དུས་ཚོད་ནང་མངའ་རིས་སྤྱི་མཐུན་ཚོགས་པ་དང་། ད་ལྟའི་དབུས་གཙང་ཚོགས་པ་འདི་གཉིས་དབར་བགྲོ་གླེང་བྱུང་སྐབས་གནད་དོན་འདི་དག་གསལ་པོ་བཟོས་ཟིན་འདུག ཆོལ་ཁ་འདིའི་འདེམས་བྱེད་མི་མང་ནང་། དབུས་པ་དང་། གཙང་པ། སྟོད་པ། མངའ་རིས་བ་བཅས་བཞི་ཡོད། ད་སྐབས་གྲོས་ཆོད་འཇོག་མཁན་གྱི་ཚོགས་པ་འདིའི་ཚོགས་མི་དང་། ལྷག་པར་ཉེ་ལམ་འཚོགས་པའི་འགན་འཛིན་ལྷན་ཚོགས་སུ་ཕེབས་མིའི་ཁོངས་སྤྱི་ལྷན་སྐབས་བཅུ་བཞི་པའི་འོས་འདེམས་སྐབས་ཕྲན་ལ་འདེམས་བྱར་རྒྱབ་སྐྱོར་བྱ་མཁན་ཉུང་ཤས་ལས་མེད་ཅེས་བརྗོད་ན་མི་འགྲིགས་པ་རྩ་བ་ཉིད་ནས་མེད། དེར་བརྟེན། ༡༽ཁྱེད་ཚོར་ཕྲན་སྤྱི་འཐུས་ནས་རྩ་དགོངས་བྱ་དགོས་པའི་གྲོས་ཆོད་འཇོག་རྒྱུའི་བཟང་སྤྱོད་ཀྱི་ནུས་པ་གང་ནས་བྱུང་ངམ། ༢༽གོང་གསལ་བཅའ་ཁྲིམས་དགོངས་དོན་ཕྲན་པར་དབུས་གཙང་ཆོལ་ཁའི་མི་མང་གི་མང་མོས་མེད་པ་ར་འཕྲོད་པའི་གནས་ཚུལ་ཐབས་ལམ་གང་གིས་བརྒྱུད་གནང་ཡོད་དམ། ༣༽ཕྲན་སྤྱི་འཐུས་ནས་འཕོ་དགོས་པར་ཟུར་རྒྱན་གྲོས་ཆོད་འཇོག་རྒྱུར་འདེམས་བྱེད་མི་མང་གི་མང་མོས་ཐག་གཅོད་བྱུང་བའི་ར་འཕྲོད་དཔང་རྟགས་གང་ཡོད་དམ། ༤༽ད་རེས་འགན་འཛིན་ལྷན་ཚོགས་སུ་ས་གནས་མིང་ཁུར་གྱིས་ཕེབས་མི་རྣམས་ནས་ས་གནས་དེའི་དབུས་གཙང་ཆོལ་ཁའི་མི་མང་གི་ངོ་ཚབ་མཚོན་པའི་ཁས་ལེན་བྱེད་ཐུབ་བམ།
སྤྱིར་བོད་དོན་གཉན་ཕྲང་ཅན་དུ་གནས་བཞིན་པ་དང་། བཙན་བྱོལ་སྤྱི་ཚོགས་ནང་ཆིག་བསྒྲིལ་དང་ལྷིང་འཇགས་དགོས་གལ་བསམ་ཞིབ་ཀྱིས་རྟག་ཏུ་ལབ་གླེང་མི་དགོས་པ་གཙོ་དོན་བྱ་མཁན་ཞིག་ཡིན། འོན་ཀྱང་གླེང་དགོས་ན་གླེང་རྒྱུ་མེད་མཁན་ཞིག་མིན་པ་མཁྱེན་དགོས་པ་དང་། ཟུར་རྒྱན་གྲོས་ཆོད་ལ་ངོས་ལེན་མེད་པ་བཅས། དབུས་གཙང་སྤྱི་འཐུས་ཚོགས་ཟུར་ཀརྨ་ཆོས་འཕེལ་གྱིས་ཕྱི་ལོ་༢༠༠༩ཟླ་༡༠ཚེས་༧ལ།།
ངོ་བཤུས། སྤྱི་འཐུས་རྒྱུན་ལས་ལྷན་རྒྱས།