གྲིབ་གཟུགས།
བདག་པོ་མེད་པའི་ཆོས་གོས་དང་སྣམ་སྦྱར་དེ་ནམ་ཡང་ཁྱོད་ཀྱིས་ཁུར་ནས་འདུག།
ཕྱག་དར་གོས་ལྭ་དེའི་གསེང་ནས་ཚུལ་ལྡན་དགེ་སློང་གི་གཟི་མདངས་འབར་བཞིན་འདུག།
ནམ་ཟླའི་ལ་མོ་དག་ནས་གསེར་གྱི་དོང་ཙེ་ལག་པས་འཐུ་བཞིན་ཡོང་བའི་ཁྱོད།།
བྲག་ལ་ཨི་ཁུང་རྟོལ་བའི་བརྩོན་འགྲུས་ཀྱི་རྣོ་ལྕགས་དེ་ནམ་ཡང་རུམ་ནས་འདུག།
དཔུང་ཤ་གཡའ་མདོག་ཏུ་ལྷུང་ལ་རན་ནའང་ལག་ངར་དེ་ཇེ་སྦོམ་ཇེ་སྦོམ་རེད།།
བྲོད་ཁོག་རྩམ་ཁུག་བཞིན་ཟག་ལ་རན་ཡང་བྲང་ཤ་དེ་ཇེ་ཟླུམ་ཇེ་ཟླུམ་རེད།།
ཡ་ཐོད་གཉེར་རིས་ཀྱིས་འགེབས་པར་ཉེ་ཡང་བཞིན་གྱི་དམར་མདངས་དེ་ཇེ་ཆེ་ཇེ་ཆེ་རེད།།
འཛིན་གྲྭའི་ཆོས་ཁྲི་དེའི་སྟེང་ནས་ཁྱོད་རང་ནམ་ཡང་ཇེ་ངར་ཇེ་ངར་རེད།།
མཁས་པའི་གྲགས་སྐམ་དེ་མེད་ཀྱང་རིག་པའི་མེ་སྟག་དེ་འོད་ཆེམ་ཆེམ།།
ཕོ་གསར་རྒོད་པོ་ཞིག་མིན་ཀྱང་དཔུང་པའི་ཤ་རྒོད་དེ་གྲིམ་ཧྲིལ་ཧྲིལ།།
དབང་ཆ་ལག་མཐིལ་ན་ལོན་ཀྱང་ཁྱོད་རང་ནམ་ཡང་ཉམ་ཆུང་ཆུང་།།
མཁན་པོའི་མཚན་སྙན་གྱིས་བརྗིད་ཀྱང་ཁྱོད་རང་ནམ་ཡང་གྲྭ་རྐྱང་ཞིག།
ཤེས་དགོས་མཁན་ང་ཚོ་ཡིན་ཡང་རྟགས་བསལ་གཏོང་མཁན་ནི་ནམ་ཡང་ཁྱོད་རང་རེད།།
ཉན་དགོས་མཁན་ང་ཚོ་ཡིན་ཡང་དུས་ཐོག་ལ་འབྱོར་མཁན་ནི་ནམ་ཡང་ཁྱོད་རང་རེད།།
འཛིན་གྲྭ་འབུད་མཁན་དེ་ང་ཚོ་ཡིན་ཡང་སེམས་ངལ་ཁུར་མཁན་དེ་ནམ་ཡང་ཁྱོད་རང་རེད།།
ལུང་མ་བསྟན་གྱི་སྤྱི་ཚོགས་འདི་ནས་ལུང་དུ་བསྟན་པ་གཅིག་ཡོད་པ་ནི་ཁྱོད་རང་རེད།།
མི་ལོ་བརྒྱད་ལ་རྣ་བ་བླགས་ནའང་ཁྱོད་ཀྱི་བྱས་ཉེས་ཤིག་བདག་གིས་གོ་མ་མྱོང་།།
ལས་བྱེད་ཆེ་ས་དང་གོ་ས་མཐོ་ས་དག་རྡོག་པས་བརྒྱུད་ནས་ཡོང་བའི་ཁྱོད།།
བགྲང་བྱ་བཅུ་ཕྲག་ལྷག་ལ་དགོན་པ་འདིར་ལྷག་བསམ་གྱི་མཆོད་པ་ཕུལ་མཁན་ཁྱོད།།
ཁྱོད་ཀྱི་ངོ་གདོང་ན་ང་རྒྱལ་གྱི་འབུ་སྲིན་དག་ནམ་ཡང་འཆི་དབུགས་ལེན་བཞིན་འདུག།
ཚིག་རྩུབ་དང་ཟུར་ཟའི་རོ་འཛིན་ཁྱོད་ལ་ཡོད་པ་གཅིག།
ཁ་དོག་ནག་པོར་འགྲན་པའི་ལག་ལེན་ཁྱོད་ལ་མེད་པ་གཅིག།
ལམ་ཐག་ཇི་ཙམ་རིང་ཡང་ཁྱོད་ཀྱི་དབུགས་ཐག་དེ་ཙམ་རིང་།།
མི་ཆོས་ལྷ་ཆོས་གཉིས་ཀར་ཁྱོད་ལ་རྒྱུས་ལོན་ཟབ་མོ་ཡོད།།
ཉལ་ཁྲི་དང་ཕྱག་གདན་ཅ་ནེ་དང་དཔེ་ཆ་འགའ་དང་།།
གྲྭ་ཆས་ཆ་གཉིས་ཙམ་ལྷན་དཀྱུས་མའི་ཁ་པར་དེ་ལས།།
ཡོད་མ་མྱོང་བའི་ཁྱོད་ནི་གྲྭ་ཤག་གྲུ་བཞི་དེའི་ནང་ནས།།
ཚ་གདུག་གི་དུས་ཚོད་འདི་འཕུལ་ཐབས་ཀྱི་མན་ངག་ཅི་ཞིག་ཡོད།།
མ་ཤེས་ན་མ་ཤེས་པའི་སྒྲ་ཞིག་ཁྱོད་ཀྱི་ངག་ནས་ཐོས་རྒྱུ་འདུག།
མ་བཅོས་པའི་རྣམ་འགྱུར་ཞིག་སྟོད་འགག་རྫིག་པོ་དེའི་ནང་ནས་མཐོང་རྒྱུ་འདུག།
ཆོས་ཁྲི་འདིའི་སྟེང་ནས་ཁྱོད་རང་ལྷམ་མེར་ནམ་བཞུགས་ཀྱི་བར་དུ།།
བདག་གི་སྒོ་གསུམ་གྱི་གུས་ཕྱག་དེ་ཕངས་མེད་དུ་བཤེས་གཉེན་ཁྱོད་ལ་འབུལ།།
6/5/2013
རྒན་གྲྭ་པ་ཤེས་ཡོན་ཡག་པོ་ཡོད་པ་མཚོན་ཐབས་བྱས་འདུག ཡིན་ནའང་ཕྱག་དར་གོས་ལྭ་ཟེར་བའི་གོས་དེ་འདྲ་གྱོན་པ་ཡིན་ན་འཕྲོད་རྟེན་སོགས་དང་མིག་ལམ་ཡང་མི་མཛེས། མ་གཞི་ནས་ཕྱག་དར་འཕྲོད་པ་གྱོན་ན་དགེ་ཕན་ག་རེ་ཡོད་དམ། སྐྱོ་དྲག་ནས་གསར་པ་ཉོ་རྒྱུ་མ་ཐོབ་པ་ཡིན་ན་གྲིབ་གཟུགས་ཁྱོད་རང་གིས་ཉོས་ནས་ཕུལ་ན་འགྲིག་རྒྱུ།
མེ་ཏོག་དཀར་པོ་ཁྱོད་ཀྱིས་མུག་བཤད་རྒྱག་རྒྱུ་མ་གཏོགས་ཅི་ཤེས། སྟོན་པ་བཅོམ་ལྡན་འདས་ཀྱིས་གཞན་གྱིས་མཛེས་པོ་མཐོང་བྱེད་དུ་བཟོས་པ་མ་རེད། ལྡོག་སྟེ་གཞན་གྱིས་མི་སྡུག་པ་མཐོང་ཆེད་བཟོས་གནང་བ་དེ་ཁྱོད་ཀྱིས་སྐྱེ་བ་ཕྱི་མ་ཤེས་ན་མ་གཏོགས། ཚེ་འདིར་ཁྱོད་ལ་རེ་བ་འཆང་ཐབས་མི་འདུག གལ་སྲིད་ཁྱོད་ཀྱིས་ཕྱག་དར་ཁྲོད་ཀྱི་གོས་དེའི་དགོས་པ་ཅིས་ཀྱང་ཤེས་འདོད་ན། དེ་ནི་འཁོར་བའི་དངོས་པོ་ལ་ངེས་པར་འབྱུང་ཕྱིར་རེད། ཤེས་སོང་ན་ཁྱོད་ལ་འདི་ལས་ལྷག་པའི་བློ་སྐྱེད་རག་ཐབས་མེད། མ་ཤེས་སོང་ན། བོང་བུའི་ཨམ་ཅོག་ལ་གསེར་གྱི་ལོ་རྒྱུས་དེ་ངས་སྔ་མོ་ནས་ཤེས་ཏེ་ཡོད།
མེ་ཏོག་དཀར་པོ་ཟེར་བ་དེ་ལས་ལྷག་པའི་ཅོལ་ཆུང་དང་། ཧོལ་རྒྱུག་ཅན་ཞིག་ཉི་མ་དེ་རིང་བར་དུ་མཐོང་མྱོང་མེད། ཁོས་མི་ཤེས་ཤེས་མདོག་གིས་ག་ས་ག་ནས་ཤི་ལབ་བརྒྱབས་ནས་འཚོ་བ་སྐྱེལ་ཐབས་བྱས་པར་བལྟས་ན། སྙིང་རྗེ་ཁོ་རང་རྡ་རམ་ས་ལའི་ཟ་ལེ་རྒྱལ་ཟེར་བའི་ལས་མེད་ཁྱི་འཁྱམ་སྐོར་ཞིག་ཡོད་རབས་ཐོས་མྱོང་བ་དེ་གྲས་ཡིན་བཟོ་འདུག ཁྱོད་ལ་ལས་ཀ་རྩ་བ་ནས་རག་གི་མི་འདུག་ན་ངའི་སར་ཤོག་དང་། ང་ལ་ལྷམ་འབྱིད་རྒྱུ་དང་སྤྱོད་ཁང་གཙང་བཟོ་བྱ་རྒྱུ་སོགས་ལས་ཀ་མང་པོ་ཡོད། ཞར་དང་ཞོར་ལ་བློ་སྦྱོང་ཕྲན་བུ་རེ་ཡང་རིན་མེད་ཐོག་སྤྲད་ཆོག
འབྲེལ་གཏུགས་བྱ་ཡུལ་ཁ་པར་ཨང་། ༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩༩
ཁྱོད་ཨང་གྲངས་འདི་ལ་འཐོམ་མདོག་ཁ་པོ་རེད་དེ། འདི་ནི་ཁྱོད་ཀྱི་རྣ་བའི་ཟུར་དུའང་ཐོས་མ་མྱོང་བའི་ཨ་རི་ཟེར་བའི་ཡུལ་གྲུ་དེའི་ཁ་པར་ཨང་གྲངས་རེད། ཤེས་སོང་ངམ། སྐྱག་པ་དཀར་པོ།