༈ གངས་ཅན་མགོན་པོར་སྨྲེ་ངག་གིས་བསྐུལ་བ།

Comments (16) on “༈ གངས་ཅན་མགོན་པོར་སྨྲེ་ངག་གིས་བསྐུལ་བ།”

1. ཆོས་འཕེལ་ལགས། གུས་པས་བསམ་ན་ཁྱེད་ཆོས་ལ་དུག་ལྟ་རིང་ལུགས་ཞིག་ཡིན་པ་འདྲ་བསམ་ཡང་ནོར་འདུག ཁྱེད་ཀྱིས་ཟེར་བ་ནང་བཞིན་ངས་ཉིད་ཀྱི་སྐྱོ་རོགས་བྱེད་ཆོག་ཧ་ཧ་་ཧ་ཧ

   རང་རེ་བོད་རིགས་ནང་དུ་མང་གཙོ་བེད་སྤྱོད་བྱེད་ཐུབ་པའི་ཤེས་ཡོན་འདང་བ་ཞིག་ནི་མེད་པ་དང་། མང་གཙོའི་རང་དབང་ཆ་ཚང་བ་ཞིག་ནི་ཡོད་པའི་རྐྱེན་གྱིས་སྐབས་འགར་བོད་ཡིག་འབྲི་ཀློག་ཤེས་ཙམ་འདི་རྣམས་ཀྱིས་དངོས་གནས་སྐྱུགས་བྲོ་བ་མང་པོ་བྲིས་ཀྱིན་འདུག
   ད་ནི་གངས་ཅན་མགོན་པོར་གསོལ་བ་འདེབས་ནས་སྡོད་པ་ལས་བྱ་ཐབས་ཟད།

2. གསོལ་བ་སྨོན་ལམ་ཐོབས་ཤོག།
   དྲི་མེད་སེམས་པ་དམར་པོ།།
   ནམ་ཡང་མི་འགྱུར་བསྡོད་དང་།།
   ནམ་ཞིག་ཆིག་སྒྲིལ་འབྱུང་ངེས།།

3. རིསག་རལ་ལགས་། ཁྱེད་ཀྱི་ཟེར་ན་བོད་དོན་ཆེ་མ་ཆུང་གསུམ་གྱི་ཁར་བླ་ལོགས་གྲ་ལོགས་དག་གི་སྐྱེ་དམན་སྐྱོང་ཚུལ་ཡན་ཆད་ནས་རྒྱ་བ་རིན་པོ་ཆེ་གི་འགན་ཁུར་འུ་རེད་། འོ་ཁྱོད་ཀྱི་ད་དུང་གཅིག་བརྗེད་འདུག།

   སྒོ་ཁྱིམས་གད་ཀྱི་གང་ཞིང་།
   གསང་གཅོད་བཙོག་པས་གང་བ།
   གཙང་མ་བཟོ་དུས་མེད་ན་།
   མགོན་སྐྱབས་དགོས་དུས་ནམ་ཡིན།།
   འདི་ཆད་མི་འདུག་པས་།
   དཔེ་ལ་། རྡོར་དྲིལ་གོ་ཁར་ལྷུང་དུས་། བུ་ཚའི་རྩེད་ཆས་བྱེད་། ཟེར་བ་དེ་རེད་།

4. (རིག་པའི་རལ་གྲིའི་རྩོམ་མཇུག)

   ཙོང་དང་སྒོ་ངའི་ཤུན་སྤགས།།
   ཐབ་ཚང་ནང་དུ་འཐོར་ནས།།
   གཙང་མ་བཟོ་དུས་མེད་ན།།
   མགོན་སྐྱབས་དགོས་དུས་ནམ་ཡིན།།
   སྟོད་ཐུང་དོར་མ་སོགས་ལ།། ཚི་དྲེགས་འཐུག་པོ་ཆགས་ནས།། བཀྲུ་བར་འགྲོ་དུས་མེད་ན།།མགོན་སྐྱབས་དགོས་དུས་ནམ་ཡིན།།ཉིན་པར་འཁྱམ་གི་སོང་བས།།དགོང་མོ་དཀའ་ལས་ཁག་དུས།།ཁ་ལག་བཟོ་རོགས་མེད་ན།། མགོན་སྐྱབས་དགོས་དུས་ནམ་ཡིན།།ད་དུང་མང་། འདི་ནི་རིག་པའི་རལ་གྲིས་བོད་ལ་མགོན་སྐྱབས་དགོས་མི་དགོས་ཀྱི་བལྟ་ཚུལ་རེད། རིན་ཐང་ཆུང་བ་ལ། ཨ་ཤུ་རེ་ཁོ། རིག་རལ། ད་ཁྱོད་ལ་ཡི་ཆད་ཐལ།

5. (རིག་པའི་རལ་གྲིའི་རྩོམ་མཇུག)

   ཙོང་དང་སྒོ་ངའི་ཤུན་སྤགས།།
   ཐབ་ཚང་ནང་དུ་འཐོར་ནས།།
   གཙང་མ་བཟོ་དུས་མེད་ན།།
   མགོན་སྐྱབས་དགོས་དུས་ནམ་ཡིན།།

   སྟོད་ཐུང་དོར་མ་སོགས་ལ།།
   ཚི་དྲེགས་འཐུག་པོ་ཆགས་ནས།།
   བཀྲུ་བར་འགྲོ་དུས་མེད་ན།།
   མགོན་སྐྱབས་དགོས་དུས་ནམ་ཡིན།།

   ཉིན་པར་འཁྱམ་གི་སོང་བས།།
   དགོང་མོ་དཀའ་ལས་ཁག་དུས།།
   ཁ་ལག་བཟོ་རོགས་མེད་ན།།
   མགོན་སྐྱབས་དགོས་དུས་ནམ་ཡིན།།

   ད་དུང་མང་། འདི་ནི་རིག་པའི་རལ་གྲིས་བོད་ལ་མགོན་སྐྱབས་དགོས་མི་དགོས་ཀྱི་བལྟ་ཚུལ་རེད། རིན་ཐང་ཆུང་བ་ལ། ཨ་ཤུ་རེ་ཁོ། རིག་རལ། ད་ཁྱོད་ལ་ཡི་ཆད་ཐལ།

6. འཕགས་མཆོག་ཐུགས་རྗེ་ཆེན་པོ་དེས་བོད་ཀྱི་མགོན་སྐྱབས་སུ་ཞལ་གྱིས་འཆེས་པ་དེ། རང་རེ་ཆབ་སྲིད་ཀྱི་དཀའ་ངལ་ལས་སྐྱོབས་པ་ཁོ་ནར་གཡར་དམ་བཅས་པ་ཡིན་མི་སྲིད་ཅིང་། རང་རེའི་བོད་ཀྱི་གཅེས་ནོར་ནང་པ་སངས་རྒྱས་ཀྱི་ཆོས་འདི་འཚེ་བ་ལས་ཀྱང་སྐྱོབ་པར་ཞལ་གྱིས་བཞེས་པ་ཡིན་རྒྱུ་རེད་བསམ་གྱིན་བསོལ་འདེབས་ཀྱི་བསྐུལ་མ་བྱས་པ་ཡིན།

   ནང་པ་སངས་རྒྱས་ཀྱི་ཆོས་འཇིག་པར་བྱེད་པའི་བར་ཆད་དམ་དགྲ་ཆེ་ཤོས་དེ་ནི། ང་མིན་ང་འདྲ་ཞིག་གིས་འཇིག་ཅེས་ཞལ་རློན་དྲོན་མོ་མགུལ་གྱི་བུམ་པ་ལས་དྲངས། དུང་གི་ཚེམས་བར་ནས་ཕྱུང་བའི་སྡོམ་ཚིག་གི་དོན་ནི། སངས་རྒྱས་ཀྱི་བསྟན་པ་འཛིན་པའི་སྐྱེས་བུར་ཁས་འཆེ་བའི་བླ་སྤྲུལ་གྱི་གཟུགས་བརྙན་མ་ཉུང་བ་ཞིག་གིས་བསྟན་དོན་ཁར་ཁྱེར་ནས་རང་དོན་གྱིས་ཕུག་འཚང་ནས་བསྟན་པ་འཇིག་པའི་དུས་དང་། གསང་སྔགས་ཀྱི་བསྐྱེད་རྫོགས་ཟུང་འཇུག་གི་ཉམས་ལེན་ཕྱོགས་ཙམ་མ་འཚལ་བཞིན་དུ་ལུས་སུ་རབ་བྱུང་ངུར་སྨྲིག་གི་ཆས་སྤྲས། ཆུང་མ་གང་རེག་ལ་སྦྱོར་ནས། དད་རྗས་རྣམས་བུ་སྨད་སྐྱོང་བྱེད་ནས་གསང་སྔགས་ཀྱི་བསྟན་པ་འཇིག་པར་བྱེད་པ་འདི་དག དོན་དག་ཆུང་ཚད་མི་ལུས་ལོན་ཙམ་གྱིས་བྱ་སྒྲུབ་ནུས་པའི་གད་སྙིགས་གཙང་མ་བཟོ་བ་དང་། ལག་ཤེས་ཅུང་ཟད་ཡོད་པས་བཟོ་ནུས་པའི་གྱོན་ཆས་བཟོ་བ་དང་། བྱིས་པ་གོམ་འགྲོས་ཐུབ་པས་བྱེད་ནུས་པའི་ཆས་གོས་ཕུད་གྱོན་ཙམ་གྱི་རིན་ལས་མ་རྟོགས་པ་ནི། ཉིད་ཀྱི་ཤེས་རབ་འཆལ་བས་ལན་པས་བྱ་ཐབས་ཟད།

7. རིག་པའི་རལ་གྲི་ལགས། ངས་ཀྱང་ཚར་ཁ་ཤས་ཀློག་ངེས་ཅན་ཡིན། དེང་སང་དངོས་གནས་དྲྭ་འབུ་ངན་ཚད་ཁ་བརྡ་འདིར་འཛུལ་འདུག་ག འདི་ཙམ་མ་ཟད་དྲྭ་རྒྱ་གཞན་ལ་ཡང་། བློ་གཟུར་བོ་གནས་ནས་མཆན་འདེབས་མཁན་ཞི་དྲག་གིས་དཀོན་ནི་རེད།

8. དགོས་ན་མཉམ་དགོས།

   རིག་རལ་གྱི་སྙན་བརྩོམ་གངས་ཅན་མགོན་པོར་ལ་ཕུལ་བའི་སྨྲེ་ངག་ཞེས་པའི་ཐད་བསམ་འཆར་འདོན་པ་པོ་ལྷ་ཀླུ་གཉེན་གསུམ། གཡག་ལྡོམ། མྱིག་མཛོད། ཆོས་འཕེལ་བཅས་ཀྱིས་མ་གང་བའི་ཁ་བཀོང་ མ་རང་པའི་འཆར་ཡན་ མ་འོས་པའི་བསྐོལ་སྤྱོད་བྱས་པའི་ཟུར་བྱ་མི་ཉུང་ཞིག་གནང་འདུག་པ་དེ་ནི། རང་རེ་གངས་ཅན་པའི་སེམས་ཀླུང་ན་གུ་ཡངས་དོག་གི་འཆར་སྣང་ཐུན་མོང་མ་ཡིན་པ་དུ་མ་ཞིག་ཡོད་པའི་ནང་ནས་ཆེས་གུ་དོག་པའི་གྲས་སུ་གཏོག རིག་རལ་གྱི་རྩོམ་ཡིག་དེས་ཁོང་ཉིད་ཀྱི་ཐུགས་རྒྱུད་ན་བླ་མས་མཚོན་པའི་མཆོག་གསུམ་དད་མདུན་ཡིད་ཆེས་བླ་ན་མེད་པ་མེད་པ་ཞིག་ཡོད་པ་འབུལ་དོད་དུ་བསྟན་ཡོད། ཁོང་གིས་རང་རེ་གངས་ཅན་པའི་ཆོས་སྲིད་ཀྱི་ཉམས་གུད་དེ་དག་གསན་བཟོད་མ་ཐུབ་པར་འཕགས་པའི་ས་ན་གཞུགས་པའི་གངས་ཅན་མགོན་པོ་ལ་སྨྲེ་ངག་དེས་བོས་པ་ཡིན་གྱི། ཁོང་གིས་གངས་ཅན་མགོན་པོ་དངོས་ཡོད་སྤྱི་མཐུས་རེ་རེའི་སྒོ་དྲུང་དུ་ཁྲིད་པ་མེད་ལ་ བླ་སྤྲུལ་རྫུན་མ་དེ་དག་གི་ཁྱིམ་གཞི་རེ་རེ་བཞིན་འགྲིམ་དུ་བཅུག་པ་དེ་བས་ཀྱང་མེད། གང་ལྟར་ཡང་འདི་འདྲའི་ཡིད་ཆེས་དང་དད་སེམས་འགྱུར་བ་མེད་པ་ཞིག་ངེས་པར་དུ་དགོས་ངེས་ཤིག་རེད། ད་དུང་ང་ཚོ་གངས་ཅན་པ་མང་པོ་ཞིག་གིས་རྡོག་སྣ་འཐོག་པ་ཙམ་གྱི་ཚེ་༧རྒྱལ་བ་བསྟན་འཛིན་རྒྱ་མཚོ་ ༧ས་སྐྱ་གོང་མ་སོགས་ས་ས་སོ་སོའི་དད་མདུན་ཆེ་བའི་རྩ་བའི་བླ་མའི་མཚན་ནས་བོས་ཏེ་མགོན་ཞིག སྐྱོབས་ཤིག གཟིགས་ཤིག མཁྱེན་ཞིག་ཞེས་འབོད་པ་དེ་དག་ལ་ཡང་མ་ཚང་བ་མ་འདང་བའི་བཀའ་མོར་དེ་དག་འདི་དག་ལ་ངེས་པར་གནང་དགོས་པ་འདྲ། ཕྱོགས་གཞན་ཞིག་ཞུ་ན་ནང་ཆོས་ཀྱི་གཞུང་ལུགས་ནས་བཤད་པ་ལྟར་ན་ཡང་ས་ཐོབ་ཀྱི་སེམས་དཔའ་སེམས་མ་རེ་རེས་ཀྱང་སྐད་གཅིག་རེ་རེ་ལ་སངས་རྒྱས་གྲངས་མེད་འཇལ་བ་དང་། སེམས་ཅན་གྲངས་མེད་པ་སྨིན་པར་བྱེད་པ་སོགས་མཐའ་ཡས་ཀྱི་ཡོན་ཏན་མངའ་བའི་ཚུལ་གྲངས་མེད་པ་ཞིག་གསུང་པ་དེ་དག་དངོས་གདན་ཞིག་ཡིན་ན་དངོས་ཤུག་རྒྱུད་གསུམ་གྱི་སྒོ་ནས འཕགས་མཆོག་ཕྱག་ན་པདྨོའི་ཡང་དགོས་གར་ཅན་གྱི་ལས་བྱ་དེ་དག་བསྒྲུབ་ཕྱིར་ཅི་ཕྱིར་འབོད་པ་མི་བྱེད། ཡང་ན་ཁ་གཡང་གི་འབོད་པ་དེ་དག་ལ་དོན་འབྲས་གཏན་ནས་མེད་ན་གོང་ས་མཆོག་སྐུ་ཚེ་འཁྲི་ལོར་གཏན་པར་ཤོག་ཞེས་པ་སོགས་ཁ་གཡང་གི་འབོད་པ་དེ་དག་ཀྱང་གནས་སྐབས་བཞག་ནས། དངོས་གདན་ཕན་འབྲས་ཅན་ལ་རིག་སྲུང་སྐྱོབས་སྤྱི་ཚོགས་ཞབས་ཞུས་ཀྱིས་ཁ་ཡོད་ལག་མི་རེ་ངོས་རེ་ནས་ཧུར་ཐག་བྱ་བ་ནི་གོང་ས་མཆོག་གི་ཐུགས་གཞེད་ལ་ཞབས་གཏོག་ཞུས་པ་ཡིན། དེ་ཡང་ང་ཚོའི་ཁ་གཡང་གི་འབོད་པ་དེ་ལ་དངོས་ཀྱི་གྲུབ་འབྲས་མི་སླུ་བ་ཞིག་ཡོད་ན། ད་དུང་མོའུ་ཙེ་ཏུང་སྐྲ་ལོ་སྨུག་ཅོམ་མེར་སྡད་ཚོད་ཡིན། གང་ལྟར་ངས་བཤད་བྱ་ནི་དགོས་ན་མཉམ་དགོས་དང་།་ མི་དགོས་ན་མི་དགོས་མཉམ་པོ་རེད་ཞེས་བཤད་གྱི་ཡོད།། །།

9. དད་པའི་ཨ་ལུང་མེད་ན་འདྲེན་པའི་ལྕགས་ཀྱུ་ལྡེམ་ཀྱང་མི་ཟིན།
   སྨྲེ་ངག་དང་མཉམ་ཏུ་ལག་པ་འགུལ་ན་ཕན་སྲིད།

10. ཡིད་དུ་བརྣག་པའི་ཉམས་འགྱུར་མངོན་པར་བཀྲ།།
    འོན་ཏང་དམུས་ལོང་རྣམས་ལ་བསྐལ་དོན་གྱུར་།།

11. རིགས་རལ་ལགས།
    གསོལ་འདེབ་དེ་། སངས་ཀྱིས་ “ཆོས་ཐམས་ཅད་སྟོང་པ་ཉིད་། སྟོང་པ་ཉིད་གཟུགས་སོ་། “ཞེས་གསུང་པ་ལྟར་མ་མིན་པར་། ནང་དོན་རྟོགས་མི་ཐུབས་པ་ཅི་ཡང་མི་འདུག་། སྤྱིར་ན་ང་རང་ཅི་ཡང་མི་ཤེས་ལ་ང་རང་ཅི་ཡང་མིན། འབུ་ཙམ་ཡང་མིན་། དེ་ཕྱིར་འདིར་དྲ་ལམ་དུ་ཁ་བརྡ་བྱེད་དུ་ཡོང་ཡངས་། དྲ་འབུ་ངན་པ་ཞིག་ལ་ངོས་འཛིན་བྱས་ཡོད་འདུག་པ་། ཆོས་འཕེལ་གྱི་བཤད་པ་དེ་ངོ་ནས་རེད་འབུ་ཞིག་ལས་ཀྱང་ཆུང་ཆུང་རེད་། འབུ་ཞིག་ཡིན་ཡང་རང་ཉིད་ཀྱི་བདེ་སྡུག་གི་ཚོར་བ་རྩོད་ལེན་བྱེད་རྒྱུ་ཐོབས་ཐང་ཡོད་པ་ལྟར་། ང་རང་ཤེས་བྱ་ཡོན་ཏན་ཅི་ཡང་མེད་པའི་བོད་མི་ཆེས་མཐའ་མ་ང་ཡང་། རང་རིས་བོད་བོད་ཁ་བ་ཅན་གྱིས་བླ་སྲོག་དུ་གྱུར་པའི་ཆོས་རིགས་གཉིས་དང་། བོད་མི་ས་ཡ་དྲུག་གི་འདས་མ་འོང་ད་ལྟའི་བདེ་སྡུག་གི་ཆེད་དུ་བསམ་བློ་གཏོང་བ་དང་། བསམ་འཆར་འདོན་རྒྱུས་ཐོབས་ཐང་ཡོད་པ་རེད་།
    ང་ཀྱང་མི་བཟང་རིང་ལུགས་པ་ཞིག་ཁྲབས་ནས་། རད་ཉིད་ལ་ལྟ་ཚུལ་དེ་འདོད་པ་མེད་བཞིན་དུ་ཡོད་ཁུལ་གྱིས་། དེ་བདེན་གི་། ཞེས་དེ་རུ་བཞག་ན་ཁྱེད་ཀྱང་འདི་རུ་ཁ་བརྡ་ཞིག་བཤད་དུ་ཡོང་པ་ལ་བཤད་རོགས་ཞིག་ཀྱང་མེད་སོང་བ་རེད་། དེ་ལྟ་ན་ཁྱེད་ཀྱི་སྨོན་ཚིགས་དེ་ཡང་འདིར་ཁ་བརྡའི་ཐོགས་བཀོད་རྒྱུ་ལས་། རང་ཉིད་ཀྱི་ཁ་འདོན་དུ་བཞག་ནས་འདོན་ན་བཟང་མོད་། འོན་ཀྱང་དེ་ལྟར་མ་ཡིན་པར་ནང་དོན་ཟབས་མོ་ཞིག་ཡོད་པ་དང་ཟབས་དོན་དེ་ལ་་བསམ་བཞིགས་བྱེད་མཁན་རེ་ཡོད་མེད་དུ་ཁྱེད་ཀྱི་འདིར་བཀོད་ཚར་ལ་། དེས མ་ཚད་ཟུར་མཆན་ཞིག་ཀྱང་བཀོད་འདུག།
    གོང་གི་སྨོན་ཚིགས་རང་མོ་དེས་ནང་གི་བརྒྱ་བཤད་ཚིག་གི་རྩ་པ་དང་། སྟོང་ཕྱུགས་འོ་མོ་མར་ལོ་ནི་དཀའ་རྙོག་དེ་དག་རྒྱལ་པ་རིན་པོ་ཆེས་ཡི་སེལ་དགོས་ཀྱི་རེད་། དེ་སེལ་མ་ཐུབ་ན་ཁོང་དགོས་དོན་མི་འདུག་ཟེར་གི་ཡོད་པ་རེད་པ་། དེ་མིན་གཞན་ཞིག་ཡིན་། གཡག་ལྡོམ་ནོར་གྱི་གོ་བ་ནོར་ཐལ་ཞེས་གསུང་།
    ཡ་་་་ད་། གཅིག་གཅིག་བྱས་ནས་བཤད་། གཉིས་གཉིས་བྱས་ན་བཤད་། དགོང་ལོ་བདུན་ཅུ་ཚར་ནས་བརྒྱད་ཅུ་ཕེབས་གྲབས་ཡོད་ན་ཡང་། རྒྱལ་ཁབ་ཆེ་ཆུང་ཚང་མས་་གྲོང་དང་གྲོང་ཁྱེར་རྒྱུད་ནས་ཕེབས་མི་འཐོ་དམའ་བར་གསུམ་འཛུམས་སྟམ་ནས་། བོད་ཟེར་བ་དེ་འདི་འདྲ་ཞིག་། ནང་ཆོས་ཟེར་བ་འདི་འདྲ་ཞིག་ཡིན། བོད་ཀྱི་རིགས་གཞུང་ཟེར་བ་དེ་འདི་འདྲ་ཞིག། བོད་ཀྱི་དཀའ་ཁག་འདི་ཡིན། གསུང་བཞིན་དུ་ཞལ་ཚུར་ལ་འཁོར་ནས་། ཕྱི་ནང་གཉིས་ན་ཡོད་པས་སྐྱ་སེར་རྒན་གཞིན་ཕོ་མོ་ཚང་མར་། ང་ཚོའི་ཆོས་དང་རིགས་གཞུང་གི་ཞག་རྩི་འདི་རེད་། འདི་སློབ་སྦྱོང་བྱེད་སྟང་་་་བཅས་མཐའ་ན་ཨ་མས་པུ་ཕྲུག་ལ་འོ་མ་སྟེར་ཚུལ་ཡལ་ནས་ག་བྱོས་འདི་བྱས་གི་བཀའ་སློབ་ཐང་བརྒྱ་སྟོང་མང་པོར་གསུང་སོགས་དཀའ་ལས་དང་སྐུ་ཚགས་ག་འདྲ་མང་པོ་མྱང་གི་འདུག་། དགོང་ལོ་བརྒྱད་ཅུ་ཅན་ཞིག་གི་དཀའ་ལས་དེ་འདྲ་མང་པོ་ཞིག་རྒྱབ་ཡང་ཁྱེད་ཀྱི་འདོད་པ་མ་འཚིམས་པ་རེད་དམ། ཡང་ན་ཁྱེད་ཀྱི་རྟོགས་བཟོས་བསམ་བློའི་འཆར་སྣང་ཞིག་ལ་། རྒྱལ་བ་རིན་པོ་ཆེ་ཡི་སྤྱན་གཉིས་བཙུམ་དེ་ཕྱགས་གཉིས་ཐལ་མོ་སྤྱར་ནས་ཞལ་འདོན་ཐུང་བུ་ཞིག་མཐར་སེལ་གོལ་ཞིག་བརྡབ་པས་སྐལ་གཅིག་མ་དེར་། སྤྱི་མཐུས་སེམས་སྟོང་ཚོས་སེམས་ངོར་དྲོད་ཞིག་བབ་པ་དང་། བླ་རྫུན་གྲ་རྫུན་ཚོར་རྒྱུད་ལ་རྟོགས་པ་ཞིག་སྐྱེས་བར་བསམ་སྨོན་གི་ཡོད་དམ་།

12. *ནོར་བཅོས་* ་དེ་མིན་གཞན་ཞིག་ཡིན་ན།

13. ངས་གཡག་ལྡོམ་ལ་སྐུ་བརྩེད་ཞིག་ཞུ།

    རྒྱལ་དབང་སྐུ་འཕྲེང་བཅུ་བཞི་པ་ཆེན་པོ་ནི། གངས་ཅན་མགོན་པའི་སྤྲུལ་བའི་བྱེ་བྲག་ཞིག་ཏུ་ངོས་འཛིན་ཞུ་བཞིན་ཡོད། གངས་ཅན་མགོན་པོ་ནི། སྤྱན་རས་གཟིགས་ལ་ཞུ་བ་རེད། སྟོང་ཉིད་ཀྱི་དོན་རྟོགས་པ་ཕར་ཞོགས་དང་། དངོས་བསྟན་ལམ་ཙམ་ཡང་ཁོང་དུ་མ་ཆུབ་ནས། ད་དུང་གོ་མི་ཐུབ་འདུག་ཟེར་བ་ནི་ནང་འགལ་གཅིག ཧ་ཧ་་ཧ
    འབུ་ལས་དམན་བཞིན་མི་སྐད་སྨྲ་བ་འགལ།།
    ཕན་སེམས་འཆང་ཞིང་གནོད་པའི་ལས་བྱེད་འགལ།།
    བོད་དོན་སེམས་བཞིན་བོད་མི་དཀྲུགས་པ་འགལ།།
    ངན་པ་ཡིན་བཞིན་མི་བཟང་འཁྲབ་པ་འགལ།
    ད་དུང་འགལ་བའི་གྲངས་བརྩིས་ཚོད་མེད།།

    དངོས་ལན་ནི། གངས་ཅན་མགོན་པོས་ཕྱོགས་བཅུའི་རྒྱལ་བ་སྲས་དང་བཅས་པའི་འདུན་ནས་ཁ་བ་ཅན་གྱི་ཡུལ་གྱི་ལྷ་སྐལ་དུ་ཞལ་གྱིས་འཆེས་པ་བཞིན། རྒྱལ་པོ་སྲོང་བཙན་སྒམ་པོ་ནས་བཟུང་། དུས་དང་རྣམ་པ་ཀུན་ཏུ་བོད་ལ་མགོན་སྐྱབས་བྱས་པ་བསམ་གྱིས་མི་ཁྱབ། ད་ལྟའི་དུས་ངན་གཉན་འཕྲང་ཅན། ཕྱི་ནང་གང་ཐད་ནས། བོད་ཀྱི་བསྟན་པ་ཆབ་སྲིད་རྩ་སྟོང་འགྲོ་བའི་ཉེས་ཁ་ཆེན་པོ་འདི་ལས་སྐྱོབས་ཐབས་སུ། འཕགས་མཆོག་སྤྱན་རས་གཟིགས་ལ། བརྩེ་བའི་ཐུགས་རྗེ། མཛད་པའི་ནུས་མཐུ། ནང་ཆོས་ཀྱི་གཞུང་ལུགས་གསུང་བ་ནང་བཞིན་ཡོད་པ་ཡིན་ན། བོད་ཀྱི་བསྟན་སྲིད་འཇོམ་པའི་དགྲ་བོ་འདི་ལས། ཐབས་ཤེས་ཡོད་དགུའི་སྒོ་ནས་མགོན་ཤིག་སྐྱོབས་ཤིག ད་ལྟའི་དུས་འདིར་སྐྱོབས་མ་ཐུབ་ན། བོད་མི་རྩ་སྟོང་སོང་བའི་གནས་སྐབས་ལ། བོད་ཀྱི་མགོན་སྐྱབས་བྱེད་དགོས་ན་ཕྱི་ཚར་བ་རེད་ཟེར་ནས་ཞུས་པ་ཡིན།

    སྤྱན་རས་གཟིགས་ནི། བསམ་བཞིན་དུ་འགྲོ་དོན་ལ་ཕེབས་ཆོག་པས། སེམས་ཅན་གྱི་དོན་ཞིག་མཆིས་ན། དམྱལ་བ་མནར་མེད་དུའང་ངང་པ་འོ་མའི་མཚོ་རུ་འཇུག་པ་བཞིན་ཕེབས་པས། སྤྱན་རས་གཟིགས་ལ་སྙིང་རྗེ་མདོག་བྱེད་པ་ནི། སྙིང་རྗེ་སའི་ཡུལ་ནོར་བ་རེད།
    ད་དུང་དགོས་ན་མུ་འཐུད་ནས་བཤད་ཆོག

14. ད་དུང་གོ་མི་ཐུབ་པ་མི་འདུག ནོར་བཅོས།

    ནང་པའི་གཞུང་ལུགས་ལས་གསུངས་པ་ནང་བཞིན

15. རིགས་རལ་ལགས་།
    འགན་དེ་དག་རྒྱལ་བ་རིན་པོ་ཆེ་སྐུ་འཕྲང་བཅུ་བཞི་བ་ད་ལྟ་དགོང་ལོ་བརྒྱད་བཅུར་ཕེབ་བསྡད་ཡོད་པ་ཁོང་ལ་ཡོད་པར་འདོད་ན་། གོང་ནས་ངས་ཁྱེད་ལ་དྲི་བ་གཉིས་བཀོད་ཡོད་པ་དེ་ལ་། ལན་ཁ་གསལ་པོའི་ངང་རྒྱོབ། དེ་མ་རེད་གཞན་ཞིག་རེད་ཟེར་ན་། ངེད་གཉིས་བར་ལ་རྩོད་པ་མེད་། སྤྱན་རིས་གཟིགས་ལ་གདོང་སྨྲེ་ངག་གི་བསྐུལ་ནས་ལྷོད་ལྷོད་ངང་བཞུགས་རོགས།
    འོ་། ཁྱེད་ཀྱི་ང་ལ་རྕེད་མོ་ཞིག་རྩེད་གི་ཡོད་པ་་ལྟར་། ངས་ཁྱོད་ལ་འཇིགས་བརྟེན་རྒན་པོའི་གཏན་དཔེ་ཞིག་འཇོགས་།
    ཁ་གང་གི་གཏན་བཤད་ན་།
    ཁྱིམ་གང་གི་གདོང་འཚོལ་དགོས།
    ཟེར་།
    འབུ་ལས་དམན་བཞིན་མི་སྐད་སྨྲ་བ་འགལ།། ཞེས་བ་དེ་ཆོས་ལ་ཕོགས་སོང་པ་་
    གོང་གི་མཆན་༩་པར་གཟིགས

16. ནོར་བཅོས་ *གོང་གི་མཆན་7་པར་གཟིགས*