དབུས་བོད་མིའི་སྒྲིག་འཛུགས་ཀྱི་དྲ་རྒྱ་ལས་དྲངས།
སྲིད་སྐྱོང་སློབ་ཡོན་ཐོག་མ་དེ་བསྟན་འཛིན་ཆོས་སྐྱིད་ལགས་ལ་ཐོབ་པའི་གསར་འགོད་གསལ་བསྒྲགས།
༢༠༡༣ ཟླ་ ༥ ཚེས་ ༣༠ རེས་གཟའ་ཕུར་བུ།
༄༅། །ཉེ་ལམ་རྒྱ་གར་རྒྱལ་ཡོངས་འབྲིང་རིམ་སློབ་གྲྭའི་ཡིག་རྒྱུགས་ཆེན་མོའི་གྲུབ་འབྲས་གསལ་བསྒྲགས་གནང་སྐབས་སྒྱུ་རྩལ་རིག་ཚན་ཁོངས་ནས་རྩེ་ཕུད་སོན་པ་མ་སུ་རི་བོད་ཁྱིམ་སློབ་གྲྭའི་སློབ་མ་བསྟན་འཛིན་ཆོས་སྐྱིད་ལ་བརྒྱ་ཆ་༩༥་༤ཐོབ་ཡོད་པར་བརྟེན།
ཞིབ་ཕྲ་འདི་ནས་གཟིགས་ http://bod.asia/2013/05/སྲིད་སྐྱོང་སློབ་ཡོན་ཐོ/
སྲིད་སྐྱོང་སློབ་ཡོན་ཟེར་ན་ག་རེ་ཡིན་ནམ། སློབ་ཡོན་དེ་སྲིད་སྐྱོང་སྒེར་གྱིས་སྤྲོད་ཀྱི་ཡོད་པ་རེད་དམ། ཡང་ན་སྲིད་སྐྱོང་གི་མིང་ཐོག་ནས་སྤྲོད་ཀྱི་ཡོད་པ་ཡིན་ནམ།
དེ་བཞིན་སློབ་ཡོན་འདི་ནི་སྲིད་སྐྱོང་གིས་སྔོན་ཆད་ཡང་ཡང་བཤད་པའི་ཤེས་ཡོན་པ་ཁྲི་དང་འབུམ་ཞེས་པ་དེའི་མགོ་འཛུགས་ཤིག་ཡིན་ནམ།
གལ་སྲིད་སློབ་ཡོན་དེ་གཞུང་དངུལ་ཡིན་ན་སྲིད་སྐྱོང་གི་མིང་དང་ལྷན་དུ་སྦྱོར་དགོས་དོན་ག་རེ་ཡོད་དམ།
བོད་ཡིག་ལ་བརྒྱ་ཆ་དགུ་བཅུ་གོ་དགུ།ཧིན་སྒོར་བརྒྱ་ཐམ་པའི་གསོལ་རས་ཡང་མེད་པ་ཧ་ཅང་བློ་ཕམ་ཡོད།
བོད་ཡིག་ལ་བརྒྱ་ཆ་བརྒྱ་ནས་བརྒྱ་ཐོབ་ན་ཡང་་་་་ ???!!!
སྲིད་སྐྱོང་སློབ་ཡོན་ཐོག་མ་ཟེར་ན་སྲིད་སྐྱོང་བས་སློབ་ཡོན་ཐོག་མ་སྤྲྲད་ལ་ཟེར་རམ།ཡང་ན་གཞན་ཞིག་ལ་ཟེར།
གྲུབ་འབྲས་བརྒྱ་ཆ་95,4ཐོབ་པ་ཟེར་བ་བོད་ཡིག་གི་གྲུབ་འབྲས་ཡིན་ནམ།ཡང་ན་དབྱིན་ཡིག་སོགས་གང་ཡིན།
༡༽ བློ་བཟང་སེང་གེ་སྲིད་སྐྱོང་རེད་མ་གཏོགས་སྲིད་སྐྱོང་བློ་བཟང་སེང་གེ་མ་རེད། སྲིད་སྐྱོང་ནི་་་་་བོད་རྒྱལ་ཁབ་ཆེན་པོའི་སྲིད་སྐྱོང་རེད། ང་ཚོ་ཚང་མའི་སྲིད་སྐྱོང་ཞིག་རེད། སྲིད་སྐྱོང་མཚན་ཐོག་ནས་བྱ་དགའ་གནང་བ་རེད། བློ་བཟང་སེང་གེ་མཚན་ཐོག་ནས་གནང་བ་ཞིག་མ་རེད། མདོར་ན་ཤེས་ཡོན་ནི་མི་རིགས་ཤིག་གི་བླ་སྲོག་དང་གཉིས་སུ་མེད་པས་སློབ་ཕྲུག་ཚོས་ཤེས་ཡོན་གྱི་ལམ་ནས་གཟེངས་སུ་ཐོན་པའི་བྱས་པ་ཅན་ཚོར་ཡུལ་གྱི་དབུ་ཁྲིད་སྲིད་སྐྱོང་ནས་ཀྱང་མཐོང་ཆེན་བྱས་པར་མཚོན་བྱེད་དུ་༼སྲིད་སྐྱོང་གཟེངས་རྟགས་ཟེར་བ་འདི་ཕུལ་བ་རེད། རྒྱ་གར་དང་ཨ་རི་སོགས་ཀྱི་དམག་ནང་བཞུགས་པའི་དམག་མི་དཔའ་རྩལ་འགྲན་ཟླ་དང་བྲལ་བའམ་ཡང་ན་རླབས་ཆེན་གྱི་བྱས་པ་ཅན་ཚོར་PRESIDENIAL MEDAL/PRESIDENTIAL MEDAL OF HONOR སྲིད་འཛིན་རྟགས་མ་དང་་སྲིད་འཛིན་གཟེངས་བསྟོད་རྟགས་མ་སོགས་གནང་སྲོལ་ཡོད་པ་ཇི་བཞིན་དེ་ལས་དཔེ་མཚོན་བླངས་པ་ཡིན་སྲིད།
༢༽བསྟན་འཛིན་ལགས་ནས་གསུང་བ་ལྟར་བོད་ཡིག་བརྒྱ་ཆ་ཡག་པོ་ལོན་མཁན་ལ་༼མི་རིགས་སོན་རྩ༽ཞེས་པ་ལྟ་བུའི་དངུལ་སྐྱེས་མང་ཉུང་ཇི་ལྟར་ཡང་སློབ་ཕྲུག་ཚོས་སེམས་ནང་དུ་བོད་ཡིག་སྦྱང་ན་མིག་མཐོང་ལག་སོན་གྱི་ཁེ་ཕན་འདུག་སྙམ་པའི་གཟེངས་སུ་ཐོན་པའི་ཚོར་སྣང་ཟབ་མོ་སྟེར་ཐུབ་དགོས་པ་དེ་གལ་ཆེན་པོ་རེད།
༣༽སྤྱིར་བུ་མོ་བསྟན་འཛིན་ཆོས་སྐྱིད་སྤྱི་ཡོངས་ཀྱི་ཡིག་རྒྱུགས་ནང་ནས་བརྒྱ་ཆ་དགུ་བཅུ་རག་པ་མ་གཏོགས་དབྱིན་ཡིག་སོགས་སློབ་ཚན་བྱེ་བྲག་པ་འགའ་ཤས་ལ་བརྒྱ་ཆ་ ༩༧ རེ་ཡང་རྒ་འདུག་པས་ད་ལན་བྱ་དགའ་དེ་བོད་ཡོག་ལ་དམོད་ཅིང་ཕྱི་ཡིག་ལ་གཟེངས་སུ་བསྟོད་པའི་ལས་གཞི་དེ་འདྲ་ཡང་མིན་པས་དེ་ལུགས་ཚང་མས་བུ་མོ་བསྟན་འཛིན་ཆོས་སྒྲོན་ལ་འཚམས་འདྲི་དང་སྦྲགས་བོད་ཡིག་གཙོས་སློབ་གཞི་གཞན་དག་ལའང་ཐུགས་སྣང་གང་གཟབ་གནོང་བར་ཞུ།།
དེས་ན་སྲིད་སྐྱོང་བས་སློབ་ཡོན་ཐོག་མ་ཞེས་བྲིས་ན་ཡག་པོ་འདུག་སྙམ་མོ།
སྲིད་སྐྱོང་ནི་གོ་གནས་ཞིག་གི་མིང་རེད་ལ་བོད་རྒྱལ་ཁབ་དང་མི་རིགས་གཅིག་གི་ཆབ་སྲིད་སྐྱོང་མཁན་དེ་ལ་ཟེར། འོན་ཀྱང་ད་ཆ་རྒྱལ་ཁབ་མེད་ཀྱང་མི་རིགས་གཅིག་ཡོད་ཙང་མཚན་གནས་དེ་བློ་སེང་གིས་བདག་གིར་བཞེས་ཡོད་པ་རེད།
བསྟན་འདིན་ཆོས་སྐྱིད་ལ་དགའ་བསུ་ཞུ་དང་ཞུ། མ་ཟད་གཞུང་ངོས་ནས་ཀྱང་ཧིན་སྒོར་འབུམ་གཅིག་གི་སྲིད་སྐྱོང་བྱ་དགའ་ཐོག་མ་ཐོབ་པར་ཡང་བཀྲིས་བདེ་ལེགས་ཞུ། སྤྱིར་མངའ་སྡེའི་རྒྱ་གར་སློབ་གྲྭ་དང་བསྡུར་ན་ང་ཚོའི་སློབ་གྲྭ་ཁག་གི་ཤེས་ཚད་ཏོག་ཙམ་དྲགས་ག་ཡོད་རྒྱུ་རེད་ཏེ། དངོས་ཐོགས་སུ་སྤྱི་ཚོགས་ནང་བཞུགས་སྐབས་ལག་ལེན་སྐེལ་ཐུབ་པའི་ཤེས་ཡོན་གྱི་ཤེས་ཚད་ཇི་འདྲ་ཞིག་ཡོད་མེད་ནི་ཧ་ཅང་དཔོག་དཀའ་བ་ཅིག་རེད།
ད་ལྟའི་བཀའ་ཤག་ངོས་ནས་ཉེ་བའི་ཆར་གྱི་ཤེས་ཡོན་ཐོག་སློབ་ཡོན་སོགས་མང་དག་གཅིག་བསྐྲུན་པ་རྣམས་ཡིག་རྒྱུགས་རྩེ་ཕུད་སོན་པའི་སློབ་ཕྲུག་དཔལ་འབྱོར་གྱི་རྒྱབ་རྟེན་མེད་མཁན་ཚོར་དངོས་ཕན་ཐོགས་ཆེན་པོ་རེད། རེད་དེ་གཤམ་འོག་ཏུ་ལུས་པའི་སློབ་དག་གི་ཤེས་ཚད་གོང་ཐོར་གཏོང་སླད་འཆར་གཞི་གང་ཡོད་ད་བར་ཁ་གསལ་གཅིག་ཤེས་མ་སོང་། རྒྱུན་ལྡན་སློབ་གྲྭའི་ཡིག་རྒྱུགས་ཀྱི་འཇུག་གྲས་སུ་ལྷག་མཁན་ཡར་འདྲེན་ཐུབ་པ་བྱེད་རྒྱུ་ནི་སྤྱི་ཚོགས་གཅིག་གི་ཆ་ནས་མི་སེར་གྱི་ཤེས་ཡོན་འདྲ་མཉམ་ཡོངས་ཐབས་བྱ་རྒྱུ་དེ་གནད་འགག་གཅིག་རེད།
ཁ་ཤས་ཀྱི་གསར་འགྱུར་ཆ་ཚང་མཐོང་ཡོད་ས་མ་རེད།འདི་ལྟར་འབྱུང་རིག་སྡེ་ཚན་གྱི་དང་པོ།མཱ་སུ་རིབོད་ཁྱིམ་གྱི་སློབ་མ་བསྟན་འཛིན་ཆོས་སྐྱིད་བརྒྱ་ཆ་༩༥་༤བླངས་ཏེ་སྲིད་སྐྱོངས་སློབ་ཡོན་ཐོབ།ཚན་རིག་དང་པོ།སེ་ལ་ཀོལ་བོད་ཁྱིམ་གྱི་སློབ་མ་འཕྲིན་ལས་ཚེ་རིང་བརྒྱ་ཆ་༩༢་༨།ཚོང་ལས་སྡེ་ཚན་གྱི་དང་པོ་མཱ་སུ་རི་བོད་ཁྱིམ་གྱི་སློབ་མ་བསྟན་འཛིན་འཕྲིན་ལས་བརྒྱ་ཆ་༩༠་༤།བོད་ཡིག་དང་པོ།སེ་ལ་ཀོལ་བོད་ཁྱིམ་གྱི་སློབ་མ་བསྟན་འཛིན་ཟླ་བ་བརྒྱ་ཆ་༩༩བླངས་ཡོད།བསྟན་འཛིན་ཆོས་སྐྱིད་དང་འཕྲིན་ལས་ཚེ་རིང་བསྟན་འཛིན་འཕྲིན་ལས་གསུམ་དགའ་ལྡན་ཕོ་བྲང་གི་སློབ་ཡོན་ཐོབ་པའི་ཁོངས་སུ་འདུག བོད་ཡིག་བརྒྱ་ཆ་༩༩ལེན་མཁན་གང་དུའང་ཚུད་མི་འདུག་གོ།
ཨ་ཁ་ད་ཡིན་ན་བོད་ཡིག་བརྒྱ་ཆ་99ལ་སོན་ཡང་བྱ་དགའ་མེད་པ་དངོས་ནས་བོད་ཡིག་ལ་རིན་ཐང་མ་བཞག་པ་རང་རེད། འདི་ལྟར་བྱས་ན་བོད་ཡིག་ལ་འབད་བརྩོན་བྱེད་མཁན་ཉུང་རུ་འགྲོ་བའི་རྒྱུ་ཉིད་དུ་མཐོང་སོང་།
ཤེས་ཡོན་གྱི་ལོ་རྒྱུས་གསར་པ་བཞེངས་པར་ཡི་རང་བསྔགས་བརྗོད་བཀྲིས་བདེ་ལེགས་སོ།།
ཞལ་དྲོའོ།།
བུ་མོ་དེ་ལ་བཀྲ་ཤིས་བདེ་ལེགས་ཞུ།
གང་ལྟར་ཀྱང་མོར་རྒྱ་གར་རྒྱལ་ཡོངས་ནས་གྲུབ་འབྲས་ཨང་དང་པོ་ཐོབ་པས་ངས་བསྔགས་བརྗོད་ཀྱི་མེ་ཏོག་གཏོར་ངེས་ཡིན་ད།