དེ་རིང་ཡང་པེ་ཅིན་གྱི་བརྙན་འཕྲིན་ལས་ཁུངས་ CCTV ཟེར་བ་དེའི་མདུན་གྱི་ཨོ་ལིམ་པིག་རྩེད་འགྲན་གྱི་སྦྱར་བྱང་ཆེན་པོ་ཞིག་གི་མདུན་དེར། བོད་དོན་རྒྱབ་སྐྱོར་བས་བོད་རང་བཙན་གྱི་འཕྲེད་དར་བསྣར་འདུག ཁོང་ཚོའི་གྲས་ཀྱི་གཉིས་ཁེ་ན་ཌ་ནས་ཡིན་པ་དང་གསུམ་ཨ་མི་རི་ཀ་ནས་རེད་ཟེར། གནས་ཚུལ་ཞིབ་གསལ་གཤམ་གྱི་འབྲེལ་ཐག་ན་འདུག
http://www.studentsforafreetibet.org/
ཨ་ཨ། སྤྱི་རྒྱ་འབུམ་ཕྲག་ལོངས་པའི་འབར་རྫས་ལེབ་མོ་དག་འཕྲོ་རིམ་འཕྲོར་འགད་ཀྱིན་འདུག
རེ་འབོད་ས་ཡ་ཁུར་བའི་འཕྲེད་དར་དཀར་པོ་རྣམས་མུ་ནས་མུ་རུ་དཔྱང་གིན་འདུག
ང་ལ་ནི་རང་ཉིད་ལ་རྒྱལ་ཁབ་འདྲ་མེད་པ་དང་རྩེད་རིགས་ལ་དོ་སྣང་འདྲ་གང་ཡང་མེད་སྟབས་ཚོར་སྣང་གང་ཡང་སྐྱེས་མ་བྱུང་། ཡིན་ན་ཡང་ཕྱི་རྒྱལ་བ་འདི་ཚོས་གང་ཞིག་བསམ་གྱིན་ཡོད་བསམ་བྱུང་། འཛིན་བྱང་གོང་ཆེ་དྲགས་ནས་མདུན་གྱི་ཞབས་སྟེགས་མང་ཆེ་བ་སྟོང་བར་ལུས་འདུག་པ་དེར་དོ་སྣང་བྱུང་སོང་ངམ། དགོད་བྲོ་བ་ཞིག་ལ་རྩེད་འགྲན་དབུ་འཛུགས་ཀྱི་མཛད་སྒོའི་ཐོག་རྒྱལ་དར་འཕྱར་མཁན་གཟུགས་རིང་དེ་དང་མཉམ་དུ་ཡོད་པའི་བུ་ཆུང་དེས་རྒྱལ་དར་ཆུང་ངུ་ཞིག་མགོ་སྟེང་སློག་ནས་ཁྱེར་འདུག