ལོག་སྨྲ་ཚར་གཅོད།
༧གོང་ས་རྒྱལ་དབང་རང་ཉིད་ཀྱིས་གཉིས་སྨན་དབུ་མའི་ལམ་ནས་རང་བཙན་གྱི་ལྟ་བ་བོར་ཏེ་བོད་འདི་ཀྲུང་ཧ་མི་མང་སྤྱི་མཐུན་རྒྱལ་ཁབ་ཀྱི་འོག་ཏུ་ཆོལ་གསུམ་གཅིག་གྱུར་གྱིས་ཚད་མཐོའི་རང་སྐྱོང་མིང་དོན་མཚུངས་པ་ཞིག་ཡོང་རེའི་དགོས་འདུན་བཏོན་པ་དང་གཅིག
དེ་ལ་རྒྱལ་སྤྱི་རྒྱལ་ནང་གཉིས་ཀར་བསམ་བློ་བ་དང་ཆབ་སྲིད་པ་མང་པོས་རྒྱབ་སྐྱོར་གྱིས་བོད་དོན་ཐད་༧གོང་ས་མཆོག་གམ་ཁོང་གི་སྐུ་ཚབ་དབར་གྲོས་མོལ་གང་མགྱོགས་བྱེད་དགོས་ཅེས་རྒྱ་ནག་གི་མགོ་ཁྲིད་ཚོར་གནོན་ཤུགས་སྤྲོད་བཞིན་པ་དང་གཉིས།
བོད་ནང་ནས་བོད་མི་བརྒྱ་ཆ་དགུ་བཅུ་ཙམ་གྱིས་༧གོང་ས་མཆོག་བོད་ནང་གདན་འདྲེན་ཞུ་རྒྱུར་ངང་སྒུག་དང་རྒྱ་གཞུང་ལ་ངོ་རྒོལ་བསྟུན་མར་བྱས་དང་བྱེད་བཞིན་ཡིན་པ་མ་ཟད། ལྷག་པར་དུ་དེའི་ཆེད་རང་ལུས་མེར་སྲེག་གནང་ཟིན་པའང་བོད་མི་བརྒྱ་དང་བཅུ་དགུར་སླེབས་ཟིན་པ་དང་གསུམ།
རྒྱ་ནག་སྐམ་ས་ཆེན་པོའི་ནང་པའི་མི་མང་འབོར་ཆེན་ཞིག་གིས་༧གོང་ས་མཆོག་ལ་གུས་བཀུར་དང་ཆོས་ཕྱོགས་ཀྱི་འབྲེལ་ལམ་གང་མགྱོགས་འཛུགས་འདོད་ཡོད་པ་དང་བཞི།
གུང་ཁྲན་པ་ཚོས་ཆོས་མི་བྱེད་པས་དེའི་ཚབ་ཏུ་བློ་གཏོད་བཅོལ་ས་ནི་དངོས་གཙོ་ཚན་རིག་འདི་ཉིད་ཡིན་ཙང་༧གོང་ས་མཆོག་ནས་ནུབ་ཕྱོགས་མགོ་སེར་ཚན་རིག་པ་མང་པོ་དང་མཉམ་དུ་ནང་ཆོས་དང་ཚན་རིག་གི་བགྲོ་གླེང་ཐེངས་མང་གནང་བར་བརྟེན། རྒྱ་ནག་གི་ཚན་རིག་པ་ཚོས་ཀྱང་བགྲོ་གླེང་དེ་འདྲ་ཞིག་ཧོང་ཀོང་དང་རིམ་བཞིན་སྐམ་ས་ཆེན་པོར་འཚོགས་རྒྱུར་ངར་ཆ་ཞིག་བསླངས་ནས་ངང་སྒུག་བྱེད་བཞིན་པ་དང་ལྔ།
གནད་དོན་ལྔ་པོ་དེ་ཡིས་ཐོག་ནས་༧གོང་ས་མཆོག་བོད་དང་རྒྱ་ནག་ཏུ་ཕེབས་ཐུབ་རྒྱུའི་ཆ་རྐྱེན་རྣམས་ཡོངས་སུ་ཚང་ཡོང་གི་ཡོད། འོན་ཀྱང་བོད་ཀྱི་རྩ་དོན་ངོ་མ་ནི་ཆབ་སྲིད་ཀྱི་ཐོག་ནས་བོད་ཁམས་སྣོད་བཅུད་གཉིས་ཀྱི་བདག་དབང་བོད་པ་རང་ཉིད་ལ་ཡོད་མེད་ཅིག་ལ་ཐུག་ཡོད་སྟབས་མི་སྣ་གལ་ཆེན་ཞིག་བོད་ནང་སླེབས་ཐུབ་མིན་གྱིས་བོད་ཀྱི་རྩ་དོན་ལ་ཁྱད་པར་གང་ཡང་བཟོ་མི་སྲིད་པས་༧གོང་ས་མཆོག་བོད་ལ་ཕེབས་པའི་ཉིན་མོ་ནས་བཟུང་བོད་ཀྱི་ཆོས་དད་པ་ཚོར་ཆོས་ཕྱོགས་ཀྱི་འདོད་བློ་སྐོང་ཐུབ་ཙམ་ཡོང་ངེས་ཀྱང་བོད་ཀྱི་ཆབ་སྲིད་པ་ཚོར་དེས་འདོད་བློ་རྩ་ནས་སྐོང་མི་ཐུབ། ཅིའི་ཕྱིར་ཞེ་ན། དེས་བོད་ཀྱི་ཆབ་སྲིད་རྩ་དོན་ཐད་དཀའ་ངལ་གང་ཡང་སེལ་མི་ཐུབ་པ་མ་ཟད་ད་དུང་རང་གི་རྩ་དོན་ལ་མགོ་རྙོག་ཚ་རུ་དང་གྱོང་ཁ་དང་ཕམ་ཁ་ཆེ་རུ་འགྲོ་བ་ངེས་པ་ཡིན།
དེར་བརྟེན་ཆོས་ཕྱོགས་ཙམ་མིན་པར་བོད་ཀྱི་ཆབ་སྲིད་རྩ་དོན་ལ་དགོངས་པ་ཆེར་བཞེས་གནང་མཁན་ཞིག་ཡིན་ཕྱིན་རང་གི་རྩ་དོན་གྱི་ཆ་རྐྱེན་དོན་ཕན་ལྡན་པ་ཞིག་མ་བྱུང་བར་༧གོང་ས་མཆོག་བོད་དང་རྒྱ་ནག་ཏུ་གདན་འདྲེན་ཞུ་རྒྱུར་བྲེལ་འཚབ་བྱེད་མི་རུང་།
ཨ་རོགས། རྒྱལ་བ་རིན་པོ་ཆེ་བོད་ལ་ཕེབས་པར་ཆ་རྐྱེན་ལྔ་ཡིས་ག་ལ་ཚད། ཆ་རྐྱེན་བརྒྱ་སྟོང་དུ་མ་ཡོད་པ་རེད། གུང་ཁྲན་ཏང་ཁ་ལ་ཉན་ན་ཨ་ཕའི་རོ་བསྡུ་ས་མི་རྙེད་ཟེར་བ་དེ་མ་ཤེས་སམ།
རྒྱ་ནག་སྐམ་སས་གཙོས་པའི་འཛམ་གླིང་གི་མི་རྣམས་ནང་པར་གྱུར་ན་་་་བོད་རང་བཙན་ཟེར་བ་དང་་་་ཆེས་མཐོའི་བོད་རང་སྐྱོངས་ཟེར་བ་སོགས་མེད་ནའང་འགྲིག་འདུག མི་རྣམས་ནང་པར་འགྱུར་ན་་་བོད་སྣོད་བཅུད་སུ་ལ་དབང་ནའང་འགྲིག་འདུག
༧རྒྱལ་བ་རིན་པོ་ཆེ་རྒྱ་གར་ལ་ཕེབས་ཐུབ་པ་དེས་བོད་ཀྱི་རྩ་དོན་རྩོད་པའི་གཞི་ཚུགས་ཐུབ་པ་རེད། དེ་བཞིན་༧གོང་ས་མཆོག་བོད་ལ་གདན་འདྲེན་ཞུ་ཐུབ་ན་བོད་ཀྱི་རྩ་དོན་ཐོག་འགྱུར་བ་ཆེན་པོ་མ་ཐེབས་ཐབས་མེད་རེད། ཁྱེད་དང་ང་འདྲ་པོའམ་ཡང་ན་བླ་མ་ག་གེ་མོ་དང་དཔོན་པོ་ཆེ་གེ་མོ་བོད་ལ་ཕྱིན་པ་དང་འདྲ་གི་མ་རེད་གོ
རྒྱ་ནག་གིས་བཙུགས་པའི་རྒྱ་རྙིར་ང་ཚོ་འཛུལ་རྒྱུ་ཡིན་ནམ།
འདས་པའི་བདུན་ཕྲག་ཁ་ཤས་ནང་རྒྱ་ནག་སྲིད་གཞུང་གིས། དམིགས་ཡུལ་ངེས་ཅན་གྱི་སྒོ་ནས་རྒྱ་རྙི་ཐེངས་གཉིས་བཙུགས་ཏེ། ཁ་མིག་བསྒྲད་ནས་དམིགས་འབེན་ལ་ལྐོག་ལྟ་བྱེད་བཞིན་ཡོད། རྒྱ་རྙི་དང་པོ་ཧོང་ཀོང་དུ་བཙུགས་པ་ལམ་སློང་མ་བྱུང་བ་ཤེས་རྗེས། ཐེངས་གཉིས་པ་དེ་བོད་ནང་དུ་བཙུགས་པ་རེད།
དོན་ངོ་མར་རྒྱ་ནག་གིས་རྒྱ་རྙི་དེ་དག་སུ་ལ་བཙུགས་པ་རེད་དམ་ཞེས་དྲི་བ་འདི་རང་བཞིན་གྱིས་ཐོན་སྲིད། ངས་བཅོ་ལྔ་པ་རེད་ཅེས་གཏོང་འཇུག་མེད་པར་ཐད་ཀར་ལན་འདེབས་བྱེད་ཐུབ། རྒྱ་ནག་གིས་རྒྱ་རྙི་དེ་དག་བཙུགས་དོན་མདོར་བསྡུས་ན་རྒྱུ་མཚན་ཆེན་པོ་གཉིས་ཀྱི་ནང་དུ་བསྡུ་ཐུབ།
གཅིག ཐོག་མཐའ་ཀུན་ཏུ་བོད་ཀྱི་གནད་དོན་གྱི་སྒོ་འབྱེད་ལྡེ་མིག་༧གོང་ས་ཏཱ་ལའི་བླ་མ་ཁོ་ན་ཡིན་པ་དང་། དེ་ཡང་༧གོང་ས་ཏཱ་ལའི་བླ་མ་སྐུ་ཕྲེང་བཅུ་བཞི་བའི་གསུང་བཤད་གནད་འགག་ཅན་ཚིག་གཅིག་གིས་ཐག་གཅོད་བྱེད་ཐུབ་པ་ཤེས་ཀྱིན་ཡོད།
གཉིས། གལ་ཏེ་རྒྱ་རྙི་དེ་དག་གིས་དམིགས་འབེན་དེ་ཉིད་འཛིན་མ་ཐུབ་པ་ཡིན་ན། བོད་ཀྱི་གནད་དོན་ལས་སླ་བོའི་ཐོག་ནས་ཐག་གཅོད་མི་ཐུབ་པ། འདས་པའི་ཉམས་མྱོང་དང་། པཎ་ཆེན་ཡང་སྤྲུལ་ངོས་འཛིན་བྱེད་ཕྱོགས་ཀྱིས་སློབ་གསོ་ཐེབས་ཡོད། དེར་བརྟེན་རྒྱ་རྙི་དེ་དག་གིས་བོད་ཀྱི་འདས་མ་ད་གསུམ་ཐག་གཅོད་བྱེད་འདོད་པ་དེ་རེད།
དེས་ན་ང་ཚོས་མིག་དང་རྣ་བ་ལག་པས་བཀབ་སྟེ། རྒྱ་ནག་གིས་བཙུགས་པའི་རྒྱ་རྙི་དེ་དག་གི་ནང་དུ་གསོན་པོར་འཛུལ་རྒྱུ་ཡིན་ནམ།
གལ་སྲིད་༧རྒྱལ་བ་རིན་པོ་བོད་ལ་ཕེབ་ནས་རྒྱ་བོད་བར་གཟང་ཕྱོགས་ཞིག་སོང་བའི་ཉིན་ནི་གཟུང་གཞིས་གཞུགས་བོད་མིས་གཙོས་བྱས་པའི་བོད་མི་རྒྱ་ཆ་དགུ་ཅུ་ལ་བདེ་བ་དང་དུས་གཟང་ཞིག་ཤར་ཡ་ཡོད། ཡིན་ནམ་ཡང་བོད་མི་མི་ཉུང་བ་ཞིགལ་་གྱོང་གུས་ཆེན་པོ་ཞིག་ཐེབ་གིས་ཡོད། དེ་ཚོ་སུ་རེད་ཞུས་ན་ཐེང་དང་པོ་ཤུག་ལྡན་ཚོག་པ་རེད་ཁོང་ཚོ་ལ་རྒྱ་ནག་གི་སྒོ་མོ་མི་ཐོབ་རྒྱབ་སྐྱོར་མི་ཐོབ། གཉིས་པ་ཕྱི་ལོག་བོད་མི་མང་པོ་ཞིག་གི་ལྟོ་གོས་བོད་ནང་ནས་རྒྱ་ནག་ལ་ངོ་རྒོལ་བྱས་པའི་གྲུབ་འབྲས་ལ་བསྟན་ནས་སྡོད་ཡོད་དེ་ཚོ་ལ་གྱོང་ཕོག་སྲིད། ཡིན་ནམ་ང་ཚོད་བོད་མི་མང་ཕྱོགས་ཀྱིས་ཁེ་ཕན་ལ་བསམས་ཞིབས་དགོས་རེད་མ་གཏོག་ད་ལྟ་རང་ངོས་ཀྱི་ཁེ་ཕན་ཅིག་པོའི་་ཐོག་སྐད་ཆ་བཤད་མཁས་ཚོས་་་་་་ལས་རྒྱུ་འབྲས་ལ་བསམས་ཞིབས་མེད་པ་རེད།
བོད་ནི་བོད་མི་རིགས་ཀྱི་ཡིན་ལ། ༸རྒྱལ་བ་རིན་པོ་ཆེ་ནི་བོད་པ་ཙམ་མ་ཟད་བོད་མི་རིགས་ཀྱི་དབུ་ཁྲིད་ཡིན་པས། ༸རྒྱལ་བ་རིན་པོ་ཆེ་བོད་དུ་ཕེབས་པར་ཆ་རྐྱེན་དགོས་ཡས་གང་ཡང་མེད།
ང་ཚོས་རྩོད་བཞིན་པ་ནི་བོད་ཀྱི་བདེན་མཐའ་ཡིན་པ་ལས། ༸རྒྱལ་བ་རིན་པོ་ཆེ་སྐུ་སྒེར་གྱི་གནད་དོན་གང་ཡང་མིན་པས། རྒྱ་མིའི་བཤད་སྟངས་ལྟར་བཤད་མ་ཡོང་རོགས།
སྐབས་རེ་ང་རང་ཚོའི་དཔྱད་བརྗོད་པ་ཚོས་སྐད་ཆ་བཤད་མི་དགོས་པ་དེ་འདྲ་མཁས་མདོག་སྟོན་ནས་བཤད་ཀྱི་འདུག་པས། འདི་ཚོས་སྲིད་དོན་ཚན་རིག་ཟེར་བ་ཞིག་མི་ཤེས་ཁོ་ཐག་རེད་འདུག་ཨང་སྙམ་པ་ལན་དུ་མར་དྲན། །
༸རྒྱལ་བ་རིན་པོ་ཆེ་བོད་ལ་ཕེབས་རྒྱུའི་ཆ་རྐྱེན་ད་ལྟ་ཚང་ཡོད་མེད་མི་ཤེས་ཀྱང་། གོ་སྐབས་མུ་འཐུད་ནས་དམ་འཛིན་གྱིས། རེ་བ་དང་འཆར་གཞི། འབྲེལ་ལམ་དང་ཡིད་ཆེས། ཕྱི་གསལ་དང་ནང་གསལ་བཟོ་དགོས་པ་ནི། ༸སྐུ་ཕྱྭའི་དོགས་གནད་ལ་ཐུག་ཡོད་པ་ནི། ཀུན་གྱིས་མཐོང་ཐུབ་ཅིག་རེད་དོ།།
དེ་རེད། ངས་སྔོན་མ་ནས་ལབ་བཞིན་ཡོད། འདི་ནས་བོད་མི་མང་པོ་ཞིག་གིས་བོད་རང་བཙན་ཟེར་ནས་འཁྲེགས་པོར་སྡོད་ཐུབ་པ་ཡིན་ན་རྒྱ་མི་ལྷོད་མ་སོང་ན་ཡང་དམ་རུ་འགྲོ་གི་མ་རེད། འཁྲེགས་འཛིན་བྱས་ནས་ཁོ་ཚོར་ཕན་ཐོགས་མེད་པ་རེད། རྒྱལ་བ་རིན་པོ་ཆེ་ལ་སྐུར་འདེབས་བྱ་རྒྱུ་ཉུང་དུ་འགྲོ་གི་རེད། མགོ་འབུལ་ལུས་འབུལ་བྱེད་མདོག་བྱས་བསྡད་ན་རྒྱ་མི་ཧམ་ཤེད་འཕར་བ་མ་གཏོགས་ཡོད་པ་མ་རེད། རྒྱལ་བ་རིན་པོ་ཆེ་སྐུ་སྒེར་བོད་ཟེར་ན་རྒྱ་ཡུལ་ཟེར་ན་དེ་ལ་ཕར་ལོག་མི་ཐུབ་པར་ལུས་ཡོད་པ་མ་རེད། སྔོན་མ་ཡིན་ན་ལོག་སྟངས་ལ་ཆ་རྐྱེན་ཞིག་དགོས་ཟེར་གི་ཡོད་པ་རེད། དེང་སང་མི་ཤེས། རྒྱལ་བ་རིན་པོ་ཆེའི་བཀའ་མོལ་ལ་འགྱུར་་ཆེན་པོ་འགྲོ་གི་འདུག
གོང་ས་མཆོག་བོད་ལ་་ཕེབས་ན་ཤུགས་ལྡན་ཚོགས་པས་གྱོང་གུད་རག་གི་ཟེར་ནས་ཧམ་བཤད་དེ་དེང་སང་འགྲོ་ས་མེད་པ་མ་ཟད་སྐད་ཆ་དེ་འདྲའི་རིགས་དེ་བཤད་ཡག་མང་དྲག་པའི་རྐྱེན་གྱིས་ད་ལྟའི་དུས་ལ་བོད་ཟེར་ཡག་དེ་འཇུ་ས་བསྟན་ས་མེད་པ་ཆགས་པ་རེད། ད་དུང་ཡིན་ནའང་དེ་འདྲ་ལབ་ནས་སྡད་ན་ལས་རྒྱུ་འབྲས་མགྱོགས་པོ་འཁོར་ཡོང་། གོ་དྲུག་ནས་བཟུང་ད་བར་གོང་ས་མཆོག་དང་ཟམ་གདོང་བླ་མ་གཙོས་པའི་བོད་གཞུང་མ་ལག་དང་བཅས་པས་ཤུགས་ལྡན་ཚོགས་པར་བརྙས་བཅོས་དང་མཐོང་ཆུང་ཁྱད་གསོད་རྐྱང་བྱས་པའི་ཉེར་ལེན་ལ་བརྟེན་ནས་་་་འཛམ་གླིང་འདི་ནང་དེ་སྔར་བྱུང་མ་མྱོང་བའི་ཆེས་ཐབས་སྡུག་དང་མ་རབས་ཐ་ཤལ་གྱི་བྱ་བ་ངན་པ་་་་ཤ་རུས་གཅིག་པའི་བོད་རིགས་སྤུན་ཟླ་དབར་འགལ་ཟླ་བྱུང་བ་འདི་ནི་མི་རབས་མང་པོར་ལྷག་སྡད་ཡག་གི་འགལ་ཟླ་ཆེས་པོ་ཞིག་བཟོས་ཡོད་པ་ནི་མིག་ལྡན་གྱི་སྐྱེ་བོ་ཞིག་ཡིན་ཕྱིན་ཆད་འགྲེལ་བརྗོད་གནང་མི་དགོས་པར་ཤེས་རྟོགས་ཐོག །ད་དུང་ཡང་དེ་ལས་སྡུག་པའི་ལས་ངན་འཚབ་ཆེན་གཞོན་ནུ་དང་མི་དམངས་དབར་འགལ་ཟླ་བཟོ་བཞིན་ཡོད་་་་་དེ་ཚོ་ཚང་མ་སྒྲིག་འཛུག་ནས་བསམ་བཞིན་དུ་བཟོས་པ་ཤ་སྟགས་རེད། སོང་ཙང་གངས་ཅན་པའི་ཕོ་རྒོད་ཤིག་ཡིན་ན་སྐད་ཆ་དེ་འདྲའི་བཤད་ཡག་གི་དུས་སྐབས་རྩ་བ་ནས་མ་རེད། ང་ཚོར་དགོས་པ་ནི་སྤུ་ཟླ་དབར་གྱི་མཐུན་ལམ་རྡོག་རྩ་ཆིག་སྒྲིལ་བྱ་ཡ་དེ་རེད། དེ་མིན་བོད་རིགས་ནང་ཁུལ་དུ་མཐུན་སྒྲིལ་གཏན་ནས་མེད་པ་ཞིག་ལ་རྒྱ་བོད་དབར་མཐུན་སྐོར་བཤད་སྡོད་པ་ཡིན་ན་ཕན་ཐོག་གང་ཡང་ཡོ་མ་རེད། སོང་ཙང་རྣམ་པ་ཚོ་སུ་ཡིན་རུང་བཀའ་མོལ་གནང་དུས་ཡིད་གཟབ་གནང་རོགས་གནང་།
དོལ་འདྲེ་ཨ་རྡུ་མན། བོད་མི་ནང་ཁུལ་མཐུན་སྒྲིལ་གཏོར་མཁན་དོལ་ཚོགས་རེད། དོལ་རྒྱལ་བ་ཚོས་གདུག་འདྲེ་དང་བླ་མ་གཉིས་ནས་གདུག་འདྲེ་གདམ་པས་མ་ཟད་གདུག་འདྲེའི་དོན་དུ་མི་གསོད་ཁྲག་སྦྱོར་བྱེད་པ་དེ་མི་དྲན་ནམ། ད་དུང་ཧམ་པ་ཆེ་མདོག་ལ། ཉེས་པ་ཡོད་ཚད་གོང་ས་མཆོག་དང་ཟམ་གདོང་རིན་པོ་ཆེ་ལ་གཡོག་ཁུལ་བྱེད།
བོད་ནང་ན་བོད་རིགས་མང་ཤོས་ཀྱིས་བྱ་ཁུ་བྱུག་གི་གནམ་ཆུ་རྒུགས་པ་ནང་བཞིན་༧་རྒྱལ་བ་རིན་པོ་མ་མཇལ་ན་ཤི་ན་ཡང་མིག་བཙུམ་མ་ཐུབ་ནས་གནས་ཡོད་གལ་སྲིད་ཁོང་ཞིང་ཁམས་གཞན་ལ་མ་ཕེབ་གོང་དུ་བོད་ལ་ཕེབ་ཐུབ་ན་ང་ཚའི་ངོས་ནས་གསར་འགྱུར་དེ་བའི་སྙན་ཙམ་མི་ཚེ་འདི་ལ་གོ་ཡ་མེད། ཡིན་ན་ཡང་བོད་ནང་ནས་དོལ་རྒྱ་མཆོད་མཁན་དེ་ཚོ་གཟུག་པོ་ལ་འདར་སིག་རྒྱག་གིས་ཡོད་རྒྱུ་རེད།
༦-༢༢-༢༠༡༣ ལོའི སྔོ་དྲོ་ཕྱག་ཚོད་དགུ་པའི་ཐོབ་དོལ་ཚོ་བ་བདེ་ཆེན་སྤྲུལ་སྐུ་ཟེར་བ་ཁོང་ལ་བོད་ནས་ཕེབས་པའི་རང་ལྗོངས་ལྗོངས་དཔོན་པོ་པད་མ་འཕྲིན་ལས་ཟེར་བ་ཁོང་གི་དགའ་བསུ་ཞུ་འདུག་་་་་་་་་རྒྱའི་རྒྱུགས་ཁྱི་ཡིན་པ་གསལ་པོ་རེད་་་་་བོད་རིགས་སྤུན་ཟླའི་སྐུ་ཚབས་འབྱོར་བ་བཤད་ཡོད་ཀྱང་་་་་་་་ཁྱི་རྒན་ཁོ་ལྟ་བུ་ལ་དགའ་བསུ་ཞུ་བ་ནོར་བ་ཆེན་པོ་རེད་་་་་་བོད་མི་ཚོ་ཐུགས་བསམ་ཡག་པོ་བཞེགས་རོགས་