ངས་གློ་བུར་དུ་གངས་ཉི་དྲན་སོང་། བལྟས་ངན་གྱི་རྨི་ལམ་དེས་གཉིད་དཀྲོག་པ་དང་ངས་གངས་ཉི་དྲན་སོང་། མཚན་གང་ལ་དྲན་སོང་། གཉིད་དཀྲོལ་བའི་རྨི་ལམ་དེས་དབང་གིས་་་་་་་་་་་གྲོགས་པོ་ཚོ་ང་ཚོས་ཁོ་མུན་ནག་ཏུ་འཇོག་མི་རུང་ཡ་་་་་་་་་་་་་་་་་་
གངས་ཉི་སོགས་གསར་བུ་ཚོ་ཅིའི་ཀྱང་ཕྱིར་སྤྲོད་རོགས།
བོད་གཞུག་སྐྱིད། ]
གསལ་འབྱེད་དང་ལག་རྟགས་གང་ཡང་མེད་པར་ཚོད་ཚོད་དུ་བོད་མི་རྣམས་རི་བོང་གླག་གིས་འཁྱེར་བ་དང་། ཉི་ཟླ་གཟའ་ཡིས་བཟུང་བ་ལྟར་བྱས་ན་གྲ་སྒྲིག་དང་དཔུང་རྡང་མེད་པའི་ང་ཚོའི་བསམ་བློ་ཉམ་ཆུང་དེར་རྨ་ཁ་ཅི་འདྲ་ཞིག་བཟོས་ཡོད་པ་ཁྱོད་ཚོས་ལོས་རྟོགས་ཀྱང་མ་ཤེས་ཤེས་ཁུལ་བྱས་ནས་ད་དུང་འདི་ལྟར་འཇམ་ནི་ཐལ་བའི་འཇམ་ཞིག་མེད། མིག་རྩུབ་ནི་དེ་ཡི་ཐུ་ཞིག་མེད་པས་དཔེ་ལྟར་སོང་ན་ང་ཚོའི་བསམ་པའི་གོད་ཆག་ལ་ཁ་ཡ་བྱེད་པ་ཕར་ཞོག གོད་ཆག་འདི་འདྲ་མྱོང་འོས་འོས་ཡིན་པར་སྣང་བ་ནི་དོན་དམ་པའི་སུ་ཞིག་གིས་རྩ་ཁྲིམས་ལ་གུས་མེད་ལུགས་མེད་བྱེད་བཞིན་ཡོད ། སུ་ཞིག་གིས་མི་རིགས་ཀྱི་མཐུན་སྒྲིལ་བར་ལ་འགལ་བ་སློང་བཞིན་ཡོད།
རྩམ་པ་རང་གིས་ཟོས་ནས་རྩམ་ཁུག་གཞན་ལ་བསྐོན་པར་ཁྱེད་ནི་ལོབས་ནས་ཡོད་ཀྱང་མི་བུ་ཁོ་ཚོའི་དྲང་བདེན་གྱི་སྐད་ཆ་ཐ་དག་དང་རང་རྐྱ་འཕེར་བའི་ངང་ནས་རང་ཉིད་ཀྱི་འཚོ་བ་དངོས་མ་ལ་བརྩོན་ལེན་བྱེད་པ་ནི་མི་ཞིག་འཇིག་རྟེན་ནས་གསོན་ན་འདོད་པའི་ཕུགས་བསམ་དམར་རྡང་མ་དེ་ཡིན་ན། མུན་ནག་དང་དྲི་ནག་གིས་ཁྱབ་པའི་ཁྱེད་ཀྱིས་ངོ་གདོང་གིས་དོན་དམ་དུ་འོད་སྣང་བསུ་ཕོད་ཀྱིན་ཡོད་དམ་མེད། འོད་སྣང་ལ་ཞེད་སྣང་སྐྱེས་མཁན་ཁྱོད་རང་གི་འཚོ་བ་ནི་ཏག་ཏག་སུ་ཞིག་གིས་འགྱིག་རྡེལ་ནང་བཞིན་ཕར་འདེད་ཚུར་འདེད་བྱེད་མཁན་གྱི་རྩེད་ཆས་ཁོ་ན་དེ་རེད །
མིག་སྐྲངས་པའི་སྟེང་ལ་ཁུར་ཚུར་བསྣན་པར་ཁྱེད་ནི་གོམས་སུ་ཡོད་ཀྱང་ང་ཚོར་ཉམ་ཆུང་གི་ཚེ་སྲོག་ལ་དེ་འདྲ་མང་པོར་ཕོག་ཐུག་དང་བརྡབ་གསིག་བཏང་ནས་འཕྲོ་བརླག་ཏུ་གཏོང་རྒྱུ་གཏན་ནས་མེད་པའི་བདག་གི་སྤུན་གྲོགས་ཐེའུ་རང་དང་གངས་ཉི་སོགས་ཅིས་ཀྱང་ཕྱིར་སྤྲོད་གནང་རོགས།