སངས་རྒྱས་དཀོན་མཆོག
རྩིག་ངོས་ན་བཞུར་བའི་ཐ་གུ་དེ་
ཡང་སྙིང་སུ་ཞིག་གི་ཀླད་ཁོལ་ངོས་ཀྱི་དྲན་པ་ཡིན་སོང་ངམ
དུས་ཚོད་ལ་སྦྲེལ་བའི་བསམ་གཞིགས་ནི་
ལྷ་ཆེན་ཚོར་གཤོག་པ་སྐྱེས་པའི་དུས་ཚིགས་ཡིན་ཀྱང་
ཁྱེད་ཀྱི་གྲུ་གཞི་ལྟར་བསྒོམས་པའི་དབྱིབས་གཟུགས་དེར
སྔར་བཞིན་མི་མཚུངས་བ་དེ་
མདོག་མི་འགྱུར་བའི་དཀོན་མཆོག་ཁོ་ན་ཉིད
གསེར་གྱི་ལོ་མ་ཁུར་བའི་རི་བོ་ཞིག
ཚད་ཤིང་ཇི་ལྟར་འཇལ་གྱང་ ངོས་གཅིག་ཁོ་ན་ཤར་བྱུང་བས
སྲིད་པའི་སྒོ་ང་ལ་གས་ཆགས་བྱུང་ཚུལ
དཀོན་མཆོག་ཁོ་ན་ལས་འབྲེལ་མི་ཐུབ་པ་དེའོ
དེ་བས་དཀོན་མཆོག་ནི་གསང་བའི་གནས་གང་ཞིག་ན
སྒྱུ་འཕྲུལ་གྱིས་འགྱིང་འདུག་པ་དེ་མ་ཡིན་པར་
འོད་ཟེར་གྱི་གཙོ་སྦྱངས་ཤུལ་ན་ བག་ཡང་ཀྱིས་འབབ་བཞིན་པ་དེ་ཡིན
ཁ་དོག་གི་སྣང་བརྙན་ནི་ ད་གཟོད་དཀོན་མཆོག་ཁོ་ན་ཡིན་པས
རྟོགས་གེ་བ་ཚོས་སྔ་ས་ནས་དཀོན་མཆོག་རྙེད་འདུག་པ
མ་གཞི་དཀོན་མཆོག་ནི་དཀོན་མཆོག་རང་ཡིན་པས་
དཀར་འོད་ལས་མདོག་ཅིག་མངོན་པ་དེའོ
རྡོ་ཆག་བཙན་གྱིས་སྒྲུག་པའི་རྩོམ་འཆད་རང་རེད།
ངས་ན་ཡག་གི་འདོད་ནས་བཀླགས་མཆན་ཞིག་བཞག་ཡོད།