ཕུན་ཚོགས་བསྟན་དར།
ཁ་ཟས་བྲོ་བ་ཆེ་བའི་ཀུ་ཤུ་ཞིག །
འཇུ་ན་ལུས་ལ་ཕན་པའི་ཀུ་ཤུ་ཡིན།།
མྱངས་ན་ཟུངས་ཁྲག་གསོ་བའི་ཀུ་ཤུ་དེ།།
རང་བྱུང་ཤིང་ཏོག་ཀུ་ཤུའི་ཕན་ཡོན་ཡིན།།
མཐོང་ན་ཡིད་དབང་འཕྲོག་པའི་ཀུ་ཤུ་ཞིག །
སྤྱོད་ཤེས་བློ་རིག་འཕེལ་བའི་ཀུ་ཤུ་ཡིན།།
སྤུན་ཟླའི་འབྲེལ་ཟམ་བཟོ་བའི་ཀུ་ཤུ་དེ།།
འཇིག་རྟེན་མི་ཡིས་བསྐྲུན་པའི་འཕྲུལ་ཆས་རེད།།
ལ་ལས་ཀུ་ཤུ་ཟོས་རྗེས་ལུས་སྟོབས་འཕེལ།།
ཁ་ཅིག་ཀུ་ཤུ་ཟས་ཚེ་ལུས་ཟུངས་འཇོམས།།
འགའ་རེར་ཀུ་ཤུས་འདུ་བ་སྙོམས་པ་སྟེ།།
ཟས་ཚོད་རན་པ་ཟོས་མིན་དེ་ནས་ཤེས།།
དུས་རེར་ཀུ་ཤུས་དུས་ཚོད་བརླགས་པར་བྱེད།།
སྐབས་རེར་ཀུ་ཤུས་བཟའ་འཚོ་ཁ་བྲལ་གཏོང་།།
མཚམས་རེར་ཀུ་ཤུས་སྲོག་ཀྱང་གཅོད་པ་སྟེ།།
ཀུ་ཤུས་རང་དབང་འཕྲོག་པའི་འབྲས་བུ་ཡིན།།
བཟའ་བཅའ་ཀུ་ཤུའི་ཕན་གནོད་ཤེས་འདོད་ན།།
བླ་ོལྡན་སྨན་པའི་རྒྱལ་པོར་ཞུས་ན་ལེགས།།
ཐོན་རྫས་ཀུ་ཤུའི་ལེགས་ཉེས་རྟོགས་དགོས་ན།།
ཚན་རིག་སློབ་དཔོན་བསྟེན་པ་ཤིན་ཏུ་གཅེས།།