སྤོབས་པ་མཐའ་ཡས།
ད་ནང་ཞོགས་པ་BBCགསར་འགྱུར་དྲ་བར་སློབ་དཔོན་ཨ་དཀོན་རིན་པོ་རྐྱེན་ངན་ཆག་སྒོའི་འོག་ཏུ་སྐུ་བཀྲོངས་པའི་གཏམ་ངན་མ་རུང་བ་ཞིག་ཐོས་ནས་བཟུང་ཉིན་གང་བོར་སེམས་མི་བདེ་བ་ཞིག་བྱུང་། ཨ་དཀོན་རིན་པོ་ཆེས་འདས་པའི་བཅུ་ཕྲག་ཟུང་གི་ནང་དུ་བོད་ཁུལ་སྤྱི་དང་ཁྱད་པར་མདོ་ཁམས་ཁུལ་དུ་སྐད་ཡིག་དང་། ཆོས་ལུགས། ཆས་གོས། གནའ་དཔེ། གནའ་ཤུལ་སོགས་སྲུང་སྐྱོབ་ཀྱི་ལས་དོན་ལ་འགྲོ་གྲོན་གྱི་མཐུན་རྐྱེན་སྦྱར་བ་དང་། ལམ་སྟོན་གྱི་སྒྲོན་མེ་བཏེགས་པའི་བཀའ་དྲིན་བསམ་གྱིས་མི་ཁྱབ།
འཆི་བདག་གིས་ཁོང་ང་ཚོའི་ལག་པ་ནས་འཕྲོག་ཤོར་བ་དེ་ནི་ཉམ་ཆུང་ཞིང་ཉག་ཕྲ་བའི་མཐོ་སྒང་བོད་མི་རིགས་སྤྱི་ལ་གྱོང་གུད་ཚད་ལས་འདས་པ་ཞིག་ཡིན། ཁོང་ནི་སྐུ་ན་དེ་ཙམ་མི་བགྲེས་ཤིང་ལུས་སྟོབས་དར་བའི་ཕོ་རྒོད་ཅིག་ཡིན་པས་རྐྱེན་ངན་འདི་མ་བྱུང་ན་ད་དུང་ཡང་ལོ་བཅུ་ཕྲག་དུ་མར་བོད་མི་རིགས་འདིའི་ཤེས་ཡོན་གོང་འཕེལ་གྱིས་མཚོན་པའི་བོད་མི་མང་གི་ཕན་བདེའི་ཆེད་དུ་བྱས་རྗེས་ཆེས་མང་པོ་ཞིག་འཇོག་རྒྱུ་ཡིན་པར་ཐག་ཆོད་ན་ཡང་ང་ཚོའི་བསོད་བདེ་ཡིས་མ་ལྕོག་པ་རེད། བོད་མི་མང་གི་དོན་དག་ཅིག་ཡིན་ཕྱིན་ཨ་དཀོན་རིན་པོ་ཆེས་དཀའ་བའི་ཚེགས་དང་དཀོན་པའི་རྒྱུ་ནོར་གང་ལ་ཡང་འཛེམས་ཟོན་སྤུ་ཙམ་ཡང་མི་བྱེད་མཁན་ཞིག་ཡིན་པས་ད་བར་དུ་ཁོང་གི་གཏོང་ཕོད་འོག་ཏུ་སློབ་གསོའི་གོ་སྐབས་ཐོབ་པའི་ན་གཞོན་སྟོང་ཕྲག་མང་པོ་བྱུང་ཡོད། རྐྱེན་ངན་འདི་ལ་བརྟེན་ནས་ཁོང་ཚོ་ཚང་མ་མྱ་ངན་གྱི་ནང་དུ་ཚུད་བཅུག་པའི་སྡིག་ཉེས་འདི་འདག་ཐབས་ཤིག་ག་ལ་སྲིད།
འདི་ནི་རྒྱ་དམར་གཞུང་གི་ཇུས་འགོད་བྱས་པ་ཞིག་ཡིན་སྲིད། གང་ན་བོད་མི་མང་ལ་ཕན་པའི་མི་ཞིག་ཡོད་ན་དེ་ཉིད་རྒྱ་དམར་གཞུང་གི་དགྲ་བོར་བརྩི་བ་དེ་ནི་རྒྱུན་ལྡན་ཡིན་པས་འདི་དང་འདི་ལྟ་བུའི་རྐྱེན་ངན་ཆེས་མང་པོ་བྱུང་ཟིན་ན་ཡང་ང་ཚོས་སྡུག་སེམས་ལ་སྦས་ནས་འདུག་པ་ལས་ཐབས་མེད། རྐྱེན་ངན་འདི་ཡང་སྡུག་གི་མཆི་མ་ཁོག་ཏུ་མིད་ནས་འདུག་པ་མ་གཏོགས་ཐ་ན་བཀྲོང་རྐྱེན་གྱི་བརྒྱུད་རིམ་ཁ་གསལ་པོ་ཞིག་ཀྱང་གོ་མི་ནུས་པ་ནི་སྡུག་གི་ཐོག་ལ་སྡུག་བརྩེགས་པ་ཞིག་རེད།
ཨ་དཀོན་རིན་པོ་ཆེ་ནི་ངའི་སེམས་གཏིང་ནས་དགའ་གུས་ཚད་མེད་ཡོད་པའི་སྐྱེས་བུ་དམ་པ་ཞིག་ཡིན་ལ། ཁོང་གི་མཛད་པ་འཕྲིན་ལས་དག་ནི་ངས་རྗེས་སུ་ཡི་རང་ཆེས་ཆེ་བ་ཞིག་ཡིན། སྤྱིར་ཨ་དཀོན་རིན་པོ་ཆེ་ནི་དཀའ་བའི་ཚེགས་དང་དཀོན་པའི་རྒྱུ་ནོར་ཡོད་ཚད་མི་མང་གི་ཆེད་དུ་བློས་གཏོང་ནུས་པའི་སྐྱེས་བུ་དམ་པ་ཞིག་ཡིན་པས་ཐེངས་འདིའི་གཅེས་པའི་སྲོག་ཀྱང་མི་མང་གི་བདེ་དོན་གྱི་ཆེད་དུ་ཤོར་བ་དེ་ཕྱོགས་གཅིག་ནས་གུས་པ་དང་ཆེ་བ་གོང་དུ་འཕེལ་བ་ཞིག་ཀྱང་རེད། ཡིན་ན་ཡང་། དམ་པའི་མགོན་གྱིས་མ་ཟིན་པར་རྩིད་རྐུད་མགོ་བྲེགས་པ་ལྟ་བུར་གྱུར་པའི་བོད་མི་མང་ལ་བལྟས་ན་སེམས་ཁྲལ་ཆེ་ཤོས་ཤིག་ནི་ཁོང་གི་བྱམས་བརྩེ་ཡི་འོད་སྣང་ཁྲོད་དུ་འཚོ་བཞིན་པའི་བོད་མི་སློབ་གྲྭ་བ་འདི་དག་ལ་ཁོང་དང་མཚུངས་པར་ལྟ་རྟོག་བྱེད་མཁན་ཞིག་ཡོད་མེད་དེ་རེད།
ཨ་དཀོན་རིན་པོ་ཆེ། མུན་ནག་གི་ཁྲོད་ན་སྐར་མདའ་ལྟ་བུར་བཞུད་པའི་ཤེས་རབ་ཀྱི་འོད་སྣང་། མུན་ཁུང་གི་ནང་ན་ཉི་ཐིག་ལྟ་བུར་འཚེར་བའི་བྱམས་བརྩེ་ཡི་བདག་པོ། ཁྱེད་ནི་ང་ཚོ་བོད་མི་མང་གི་སྙིང་གི་དབུས་སུ་ཇི་སྲིད་བར་དུ་གནས་ངེས་ཡིན།
ཨ་དཀོན་རིན་པོ་ཆེ་མཆོག་ནི་ཕྱི་རྒྱལ་བོད་རིགས་བཙན་བྱོལ་པའི་བླ་དཔོན་ནང་ནས་གཞིས་ལུས་བོད་མི་རིགས་ལ་ཁ་ཡོད་ལག་ཡོད་ཕན་པ་བསྐྲུན་པར་མཛད་ཅིང་། དེ་ཡང་ཁའི་དབུ་མ་དང་རྒྱ་བོད་མཉམ་གནས་ཀྱི་ཁ་བདེ་དང་ལྕེ་བདེ་བཤད་ཤེས་པ་ཙམ་མ་ཡིན་པར། བསྟུན་མཁས་ཐབས་མཁས་ཀྱིས་རྒྱ་ནག་གཞུང་དང་འབྲེལ་བ་དམ་ཟབ་འོག་བོད་མི་རིགས་ལ་བླ་ན་མེད་པའི་ཕྱག་རྗེས་འཇོག་མཁན་གྱི་སྐྱེས་བུ་དམ་པ་ཞིག་ཡིན་པས་ཁོང་གློ་བུར་དུ་གཤེགས་ཤོར་བ་ནི་ཆེས་བློ་ཕམ་དང་། བོད་མི་རིགས་སྤྱི་ལ་བརྗོད་པར་དཀའ་བའི་གྱོང་གུན་ཚབ་ཆེན་ཞིག་རེད། ཁོང་སྐུ་བཀྲོངས་པ་དེ་རྒྱ་ནག་གཞུང་གིས་བཀོད་བྱུས་ཡིན་སྲིད་ཟེར་བ་ནི་བཙན་བྱོལ་བོད་པའི་བཤད་སྲོལ་ཞིག་རེད། མིང་སྙན་དང་སྐུ་དབང་ཆེ་བའི་བླ་དཔོན་དག་གིས་མགོ་འབུལ་ལུས་འབུལ་ཞུ་ས་རྒྱ་ནག་གཞུང་ལ་བྱེད་ཅིང་། བོད་ནང་རྐྱེན་ངན་ཆེ་ཆུང་ཚང་མ་རྒྱ་ནག་གཞུང་གིས་བྱས་པར་བསམ་པ་དང་བརྗོད་པ་ནི་དྲངས་པོ་ཞིག་མིན་ལ། རྒྱ་བོད་མཉམ་གནས་དབུ་མའི་ལམ་དང་ཡོངས་སུ་འགལ་བ་ཞིག་རེད། སྤོབས་པ་ལགས་ལ་ཆེད་དུ་ཞུས་པ་མིན་ང་ཚོ་བཙན་བྱོལ་པའི་གོམས་གཤིས་ལ་བཤེ་བ་ཡིན།
མངའ་རིས་གསུང་པ་དེ་ཤིན་ཏུ་ནས་བདེན་གནས་ཚུལ་སྡུག་པོ་ཞིག་བྱུང་བ་དང་རྒྱ་མི་རེད་ཟེར་སྲོལ་དེ་ནི་བོད་མི་མང་ཤེས་གི་ཁ་ལ་འཇག་པ་ཞིག་རེད་ཡིན་ནམ་་་ང་ཚོའི་ཡིག་ཆེས་དང་བདེན་འཇོག་ཏོག་ཙམ་ཐོབ་མཁན་རྩོམ་ཡིག་འདྲི་མཁས་སྤོབ་པ་ལྟ་བུས་དེ་འདྲ་གསུང་ན་ལན་པོ་མི་འདུག་ལགས་་་་ཁོ་རང་གིས་ཁོང་མར་འཐེན་ཡ་རང་རེད།
སེམས་པ་ཧ་ཅང་སྐྱོ། མི་ངན་དེ་དག་ཐར་བ་མེད་པ་ཤོག
བླ་མ་ཁོང་གི་མཚན་ཡང་ད་བར་གོ་མ་མྱོང་མོད། དཀྲོངས་རྐྱེན་ལ་གཞིགས་ན་སེམས་སྐྱོ་བ་ཞིག་རེད། སྤྱི་སེམས་ཡོད་པའི་མི་སྣ་གལ་ཆེན་དེ་ཚོ་རེ་རེ་བཞིན་བོད་པའི་མིག་མདུན་ནས་གར་སོང་ཆ་མེད་གྱུར་འགྲོ་གི་ཡོད་པ་རེད། །གནས་ཚུལ་རྣམས་ལ་བསམ་གཞིག་རེ་བྱེད་དུས་བོད་པ་ཟེར་བ་འདི་འཛམ་གླིང་འདིའི་ཐོག་ག་ཚོད་བར་དུ་གནས་ཐུབ་བམ་སྙམ་པའི་དོན་མེད་ཀྱི་སེམས་ཁྲལ་ཡང་སླེབ་འོང་གི་འདུག །དོན་རྐྱེན་དེའི་རྒྱབ་ལྗོངས་ན་ཅི་ཞིག་ཡོད་པ་ནི་སུས་ཀྱང་བཤད་དཀའ་ནི་རེད། ཕྲག་དོག་དང་འགྲན་སེམས་ཀྱིས་འཚོས་བའི་ལག་དམར་བ་ནི་རྒྱ་བོད་མི་རིགས་གང་རུང་ཞིག་ཡིན་པ་ལས་ཁ་ཆེ་དྲག་སྤྱོད་པ་མིན་པ་ནི་གཏན་འཁེལ་རེད།།
སྤྱིར་ན་མདོ་ཁམས་ཀྱི་ཡུལ་ལུང་སྤྱི་ཚོགས་ལ་ལར་ནང་འཁྲུགས་དམར་གསོད་ཀྱི་སྲོལ་ངན་དེ་ཚབ་ཆེན་པོ་རེད། ཡིན་ན་ཡང་བླ་མ་སྤྲུལ་སྐུའི་མིང་ཅན་ལོ་ན་བདུན་ཅུ་ཅན་དེ་འདྲ་གསོད་པ་མི་སྲིད་པ་ལྟ་བུ་རེད། ངས་འདི་མ་གཏོགས་གོ་ཡང་མ་མྱོང་། ལྷག་པར་ཡང་མདོ་ཁམས་ཀྱི་སྲོལ་རྒྱུན་ལྟར་ན་མི་ལྐོག་གསོད་བྱེད་སྲོལ་གཏན་ནས་མེད་པ་རེད། གསོད་སེམས་ཡོད་པའི་མི་ཞིག་བསད་ན་དེ་མ་ཐག་ཏུ་ངས་བསད་པ་ཡིན། དོན་འདི་མ་འགྲིགས་པ་རེད་ཟེར་ནས་བསྒྲགས་སྲོལ་ཡོད་པ་རེད། ཏན་ཏན་འདི་ཆབ་སྲིད་ཀྱི་རྒྱབ་ལྗོངས་ཅན་ཞིག་རེད་བསམ་པ་དེ་ངའི་དོག་གཞི་ཆེ་ཤོས་ཤིག་ཡིན།
རང་ངོས་ལ་རྒྱ་སྒོར་གཅིག་གིས་རོགས་དན་གནང་མྱོང་མེད་ཀྱང་། རྒྱལ་གཅེས་པ་འགོ་ལོག་སྤྲུལ་སྐུ་བསོ་པ་འདི་ཚོས་བོད་སྤྱི་དང་དྭ་རྒན་ལ་སྲི་ཞུ་མཁན་ཡིན་པས་མྱ་ངན་ཞུ།
མྱ་ངན་ཞུ།