སེམས་ཅན་གྱི་དོན་ལ་སྲོག་ཤོར་བའི་བྱང་ཆུབ་སེམས་དཔའ།

Comments (13) on “སེམས་ཅན་གྱི་དོན་ལ་སྲོག་ཤོར་བའི་བྱང་ཆུབ་སེམས་དཔའ།”

1. ༄། གདུང་སེམས་མཉམས་བསྐྱེད།
   འུ་ཅག་ཁ་བ་རི་བའི་ལས་དབང་དང་བསོད་ནམས་སྣུམ་ཟད་གྱི་མར་མེ་ལྟ་བུར་གྱུར་པའི་དུས་ཚོད་གཉན་འཕྲེང་འདི་ལྟ་བུ་ལ་།
   གཏམ་དཔེ་ཞིག་ལ། སེམས་རྨྲེང་ནས་ལ་ཁ་ཁུ་བྱུག་གི་སྟུང་སྒྲ། མགོ་གཟེར་ནས་ལ་ཁ་གཡུ་འབྲུག་གི་ཙག་སྒྲ། ཞེས་པའི་དཔེ་ལྟར་
   ད་ཐང་ཡང་འུ་ཅག་བོད་པ་ཚང་གི་། ར་མགོའི་ནང་གི་མིག་ཚིལ་ལྟ་བུ་བོད་ཕྱི་ནང་གཉིས་ལ་ཐུགས་བསམས་དཀར་ཞིང་ལ་རྒྱ་ཆེ་བ་སྐྱབས་རྗེ་ཨ་དཀོན་རིན་པོ་མཆོག་གི་སྐུ་སྲོག་ལ་ཕྱི་ནང་གང་ཡིན་ཆ་མ་འཚལ་བ་ཞིག་གིས་སྡིག་ལག་གི་སྦྱོར་ངན་ལ་བསྟེན་ནས་
   སྐུ་ཉིད་གྱི་དགོངས་པ་མ་ཟིན་པར་ཐོས་པས། སེམས་ནད་དང་ཡིད་གཅུང་གི་ཟུག་ངུ་ཀུན་ནས་སྡེང་དེ་བཟོད་མེད་མྱ་ངན་གྱི་གནས་སུ་ལྷུང་བའི་ཁ་བ་རི་བའི་སྤུན་ཟླ་ཕྱི་དང་བྱེ་བྲག་སྐུའི་ཉེ་འབྲེལ་ནང་མི་སྤུན་མཆེད་ཡོངས་ལ། སྐྱིད་གི་རྟ་ཕོ་མཉམས་ཞོན་མིན་ཡང་།
   སྡུག་གི་ཁུར་པོ་མཉམས་ཁུར་ཞེས་པའི་དཔེ་ལྟར་ཏུ་གདུང་སེམས་མཉམས་བསྐྱེད་ཞུ་བ་དང་། ཞིང་གཤེགས་དམ་པ་གང་གི་ས་དང་ལམ་ལ་བར་ཆད་མེད་ཅིང་། ཡང་སྲིད་གསེར་གྱི་ཉི་གཞོན་མྱུར་ཏུ་འཆར་དེ་གདུལ་བྱ་འཕྲོ་ཅན་དུ་ལུས་པ་སྣམས་ཀྱི་ངོར་ཐུགས་རྗེས་འོད་སྟོང་སླར་ཡང་ཤར་བའི་སྨོན་ལམ་སྙིང་ཐག་པ་ནས་འདེབས་པ་ལགས་སོ།

2. སྔོན་མ་ཞིག་ལ། བླ་བྲང་གི་བླ་ཆེན་བསྟན་པའི་སྒྲོན་མེ་ཟེར་ནི་ཞིག་ལ་ཡང་སྨན་ཁབ་འདྲ་མིན་བརྒྱབས་ནས་བསད་པ་རེད།

   ཁོང་གིས་ང་ལ་ན་བ་ཚ་བ་ཅི་ཡང་མི་འདུག་མོད། ཡིན་ན་ཡང་། མཚན་རིགས་ཀྱི་རྟོག་ཐབས་ཀྱི་མིག་ལམ་ན་ང་ལ་ན་ཚ་ཞིག་འདུག་ཟེར་ནས་སྨན་ཁང་འདི་ནས་གློད་ཁུལ་མི་ཉན་པའི་གསུངས་བསྩལ་བ་རེད།

   བླ་མ་ཁོང་ཡང་མི་རིགས་ཀྱི་དཔའ་བོ་ཞིག་ཡིན་པ་རེད། བོད་མི་རིགས་ལ་དུང་བ་དང་བརྩེ་བའི་བླ་སྐྱ་ཚང་མ་འདི་ལྟར་ཕྱིན་མི་འགྲོ་བའི་ཐབས་ལམ་འཚོལ་དགོས་བ་དེ་གནད་ཅིག་ལ་ཐུག་ཡོད་པས། རང་ཅག་བོད་མི་ཡོངས་ཀྱིས་དགྲ་ངོ་ཅི་ལྟར་དཀྱོག་པའི་གྲོས་ཐབས་འཐེན་རེན་པ་འདི། ཁ་ཡོད་ཡོད་ཚང་མས་གླེང་སློང་ཞིག་ཡོད་ན་ཡག་པར་འདོད།
   བསྟན་དགྲ་དགྲ་དམར་བོད་ནས་མཐའ་སྐྲོད་ཐོངས། བླ་མ་སློམ་མའི་དམ་ཚིག་རྡོ་རྗེ་མདུད། ཆོལ་གསུམ་སྡང་སེམས་དགྲ་རིགས་རྒྱ་ལ་ཟུང་།

3. ༣ གསར་འགྱུར་འདིར་སུ་ཞིག་ཡིད་ཆེས་ཐུབ།
   ཁོང་འདས་གྲོངས་སོང་བའི་སྐད་ཅིག་ཕྱི་མ་དེར་རྒྱ་ནག་གི་གསར་ལམ་ཁག་ཏུ་འགྲེལ་བརྗོད་ཁྱད་མཚར་ཞིག་སླེབས། དེ་ནི་དཔལ་འབྱོར་གྱི་རྩོད་རྙོགས་ལ་བརྟེན་ནས་བོད་མི་གསུམ་གྱིས་“བོད་མི་གསུམ་བསད་སོང་”ཟེར་བའི་ཁ་བྱང་གཅིག་པའི་གསར་འགྱུར་དུམ་བུ་དེ་རྒྱ་ནག་གི་གསར་འགྱུར་ཉི་ཤུ་ལྷག་གི་ནངདུ་“བོད་མིས་བོད་མི་བསད་”ཞེས་ས་བསྒྲགས་གནམ་བསྒྲགས་བྱས། ཁོང་ཚོས་ཆེད་དུ་“བོད་མི་”ཞེས་པའི་ཚིག་འདི་སྤྱོད་དོན་གང་ཡིན་ནམ། ་་་་་་་་་་་ཟེར།

4. ༸སྐྱབས་རྗེ་ཨ་ཀོང་མཆོག་ལ་སྐུ་ཚེ་བར་ཆད་བྱུང་ན་ཡང་། །
   ཡང་སྲིད་ཉི་གཞོན་མྱུར་དུ་བྱོན་པའི་སྨོན་འདུན་ཡང་ཡང་ཞུ། །

5. རྒྱ་དྭོགས་པས་ཤི །བོད་རེ་བས་ཕུངས་ཟེར་དེ་མ་བརྗེད་ཨ་སྤོབས་པ་ལགས། ལྷ་བྲིས་ལ་ལྷ་ཡོན་མ་སྤྲད། སྐུ་འདྲ་འདྲ་བླུ་ཡོན་མ་སྤྲད་ནས་ནང་དམེ་ཤོར་བ་ཡོངས་གྲགས་རེད་འདུག ད་དུང་རྒྱ་མིར་དྭོགས་པ་བློ་ལྡན་ཞིག་གི་དཔྱད་པར་མ་མཐོང་། སྤྱན་རིས་གཟིགས་ཕྱག་སྟོང་སྤྱན་སྟོང་མེད་རབས་དང་། ཆོས་ལ་དད་པ། མ་ཎི་ལ་ཕན་ཡོན་མེད་རབས། དུས་འཁོར་སོགས་རྫུན་པར་བཤད་བཤད་ནས་ད་ཨ་ཀོང་གནམ་ལ་སྐྱག་ཀྱང་ལས་འབྲས་ཞིག་མ་ཡིན་ནམ།

6. ངོ་ཚ་ཞིང་ཡི་མུག་དགོས་པའི་ལ་གནད་དོན་ཞིག ________ ཞི་སྐྱ་རེངས། དེང་སང་མི་ནག་གི་ལུང་པ་སོགས་རྒྱལ་ཁབ་གཞན་དག་ལ་རོགས་སྐྱོར་བྱས་པ་དག་ཕར་ཞོག་བོད་ཡུལ་གཅིག་པུ་ལ་དཔལ་འབྱོར་གྱིས་རོགས་སྐྱོར་གནད་ལ་སྨིན་པ་བྱེད་མཁན་གཅིག་པུ་ཨ་དཀོན་སྤྲུལ་སྐུ་དང་། ཚ་བོ་བློ་དགའ། ཁ་ལོ་བ་བ་འཇིགས་མེད་དབང་རྒྱལ་བཅས་གསུམ་པོ་དེ་རིང་ཟླ་ 10 པའི་ཚེས་ 8 གཟའ་མིག་དམར་ཉིན་གྱི་སྔ་དྲོ་ཁྲེན་ཏུའུ་གྲོང་ཁྱེར་ན་ཁམས་སྡེ་དགེ་ནས་ཡིན་པའི་ཐུབ་བསྟན་གེ་སར་དང་། འཇམ་མདའ་བ་དགེ་ལྡན་རྒྱ་མཚོ་ ཆབ་མདོ་བ་ཚེ་རིང་དཔལ་འབྱོར་གསུམ་གྱིས་བཀྲོངས་པའི་གནས་ཚུལ་ཐོན་འདུག ཨེ་མ་ཡ་ང་བ་ཞིག་རེད། ལག་དམར་བ་དེ་གསུམ་གྱིས་ང་ཚོ་བོད་པ་ཚང་གི་ཕོར་པ་བཅག་པས་མ་ཚད་ད་དུང་སྤྱིར་ང་ཚོ་བོད་པ་ཚང་དང་། དགོས་སུ་བླ་སེར་ཀུན་གྱི་ངོ་གདོང་ཆུ་ལ་གཡུག་སོང་། །

7. སྐུ་འདྲའི་གནད་དོན་གཅིག་བུ་མིན་པ་གསལ་པོ་རེད། རྒྱུ་མཚན་ནི། བདེན་དཔང་མེད་པ་བཟོ་ཆེད་ལྐོག་གསོད་པས་ཞབས་ཞུ་བ་དང་། ཁ་ལོ་པ་གཉིས་ཀྱང་བསད་ཚར་འདུག ལྷག་པར་དུ་ཨ་ཀོང་གྲོངས་པ་དང་མཉམ་དུ་ལག་དམར་པ་ཡང་བཟུང་ཟིན་པས་དེའི་ནང་ནས་རྒྱ་ནག་གི་གསང་བའི་ལྐོག་འཆར་ཞིག་ཡོད་ཡོད་པ་རེད། ཁོང་ལྐོག་གསོད་བྱེད་མཁན་ནི་སྦྱང་བརྡར་ཡོད་པའི་མྱི་གསོད་གཤེ་མ་ཡིན་པ་དོགས་པ་མི་འདུག

8. སྟེ། མི་གསུམ་སུས་ཀྱང་མ་འཚོར་བར་གློ་བུར་མེད་པ་བཟོ་འདུག

9. # 5 ཨ་ཕྱི་ཆོས་སྒྲོན་ལགས་ཀྱིས་མཆན་བཏབ་པ།:
   October 11th, 2013 at 5:20 AM
   རྒྱ་དྭོགས་པས་ཤི །བོད་རེ་བས་ཕུངས་ཟེར་དེ་མ་བརྗེད་ཨ་སྤོབས་པ་ལགས། ལྷ་བྲིས་ལ་ལྷ་ཡོན་མ་སྤྲད། སྐུ་འདྲ་འདྲ་བླུ་ཡོན་མ་སྤྲད་ནས་ནང་དམེ་ཤོར་བ་ཡོངས་གྲགས་རེད་འདུག ད་དུང་རྒྱ་མིར་དྭོགས་པ་བློ་ལྡན་ཞིག་གི་དཔྱད་པར་མ་མཐོང་། སྤྱན་རིས་གཟིགས་ཕྱག་སྟོང་སྤྱན་སྟོང་མེད་རབས་དང་། ཆོས་ལ་དད་པ། མ་ཎི་ལ་ཕན་ཡོན་མེད་རབས། དུས་འཁོར་སོགས་རྫུན་པར་བཤད་བཤད་ནས་ད་ཨ་ཀོང་གནམ་ལ་སྐྱག་ཀྱང་ལས་འབྲས་ཞིག་མ་ཡིན་ནམ།
   ཟེར།
   དེ་སང་སྤོབས་པ་མཐའ་ཡས་ཟེར་བ་དེ་དད་སེམས་ཅན་ཞིག་དུ་གྱུར་འདུག་པས་ང་ནི་ཡ་མཚན་སྐྱེས་སོང་། 

10. ཨ་དཀོན་རིན་པོ་ཆེ་དགྲོང་རྐྱེན་གྱི་དོགས་གཞི།
    ་ བུད་མེད་རྩོམ་པ་པོ་ཚེ་རིང་འོད་ཟེར་ལགས་ཀྱིས།

    ཟླ་༡༠པའི་ཚེས་༨ཉིན། ལྷ་ས་ལ་ཡོད་པའི་ངས་དྲྭ་ཐོག་ནས། དབྱིན་ཇིའི་ཁྱིམ་ཐོ་ཅན་གྱི་བོད་མི། ལོ་ན་༧༤ཅན་གྱི་ཨ་དཀོན་རིན་པོ་ཆེ་ཁྲིན་ཏུའུ་ནས་ ལྐོག་དགྲོང་བྱས་པའི་གཏམ་ངན་མཐོང་པས་ཧ་ལས་སོང་། འདི་ཡང་ཁྲིན་ཏུའུ་ཉེན་རྟོག་པས་མགྱོགས་མྱུར་ངང་ནས་ཁྱབ་བསྒྲགས་བྱས་པའི་”དཔལ་འབྱོར་རྩོད་གླེང་”ཞེས་པ་དེས་བྱས་པ་ཡིན་ནམ། བདེན་མཐའ་མ་གསལ་གོང་དུ་༼བརྒྱ་ལ་ན་བདེན་མཐའ་གསལ་བར་ཤིན་ཏུ་དཀའ་ན་ཐང་།༽ང་ཚོས་སྐད་ཆ་འདྲ་མིན་དག་ལ་དོགས་པ་ཟ་ཆོག ལོ་མང་ཕྱིར་རྟོག་བྱེད་དུས། ང་དང་ངའི་ཁྱོ་ག་ཡུལ་ཤུལ་ནས་ཨ་དཀོན་རིན་པོ་ཆེ་དང་ཐུག་པ་མ་ཟད་ཁ་བརྡ་ཡང་བྱེད་མྱོང་། དེ་བས་བག་ཆགས་ཟབ་མོ་ཞིག་བཞག་འདུག འདི་ནས་ ཡུན་རིང་དུ་བོད་མི་རིགས་ཀྱི་སློབ་གསོ་ལ་རོགས་སྐྱོར་གནང་ཞིང་། བོད་ཁུལ་དུ་བྱམས་བརྩེ་རྒྱ་ཆེར་སྦྱིན་པའི་ཨ་དཀོན་རིན་པོ་ཆེ་ལ་གུས་ཕྱག་འཚལ། ཨ་དཀོན་རིན་པོ་ཆེ་ཁྲིན་ཏུའུ་ནས་ལྐོག་དགྲོང་ བྱས་པའི་དུས་ཚོད་ནི་ཟླ་༡༠པའི་ཚེས་༨ཉིན་གྱི་ཞོགས་པའི་དུས་ཚོད་༡༡གཡས་གཡོན་རེད། དེ་ནུབ་མོའི་དུས་ཚོད་༨:༢༢ཐོག་ནས་ཁྲོན་ཏུའུ་ཉེན་རྟོག་ཁག་གི་པོད་འཕྲིན་”བདེ་འཇགས་ཁྲིན་ཏུའུ་”ཞེས་པ་ལས། “ཉེན་ཅན་མི་སྣ་གསུམ་པོ་འཛིན་བཟུང་བྱས་ཟིན་”མ་ཟད་ཉེན་མི་གསུམ་པོས་ལམ་སངས་”ཤི་ཟིན་པའི་མི་གསུམ་པོ་དེ་ཁོང་ཅག་གིས་བསད་པ་ཡིན་པར་ཁས་བླངས་”ཞེས་ཁྱབ་བསྒྲགས་བྱས་འདུག་པས། ཉེས་རྩད་ཆོད་པ་དང་ཁས་ལེན་བྱས་པ་འདི་ཡང་ཅུང་ཙམ་མགྱོགས་སོང་མི་འདུག་གམ། ཐེའུ་ཐུ་ཐོག་ནས་དྲྭ་གྲོགས་འགའ་རེས་དོགས་འདྲི་འདི་ལྟར་བྱས་འདུག ” དཔལ་འབྱོར་རྩོད་གླེང་ཡིན་ན་གྲོས་བྱེད་པའི་ཆེད་དུ་ཅིའི་ཕྱིར་ཁྱིམ་དུ་གདན་དྲངས་པ་ཡིན། བྱམས་བརྩེ་པ་ཞིག་སྒོར་མོ་དགོས་ལ་ཚེ་སྲོག་མི་དགོས་མཁན་ཇི་ལྟར་ཡིན་སྲིད། དཔལ་འབྱོར་རྩོད་གླེང་ཞི་འཇགས་འགྲོ་ཕྱིར་མི་གསོད་པ་ལས་དཔལ་འབྱོར་མི་དགོས་པ་ཅི་ཡིན། གསོན་པོ་གཅིག་ཀྱང་བསྐྱུར་མེད་པས་མི་གསོད་རྒྱུ་དམིགས་ཡུལ་བྱས་ཡོད་པ་གཏན་ཁེལ་རེད།” ཡང་བོད་མི་འགའ་རེས་འཕྲིན་ཕྲན་ཐོག་ནས་དོགས་འདྲི་འདི་ལྟར་བྱས་འདུག “ཉེན་མི་གསུམ་པོ་དང་པོ་གྲོས་མོལ་བྱེད་དུ་ཡོང་བ་ཡིན་ཞིང་གྲོས་མ་འགྲིགས་ནས་འགལ་བ་བྱུང་པ་ཡིན་ཟེར། གྲོས་བྱེད་པ་ཙམ་ཡིན་ན་གྲི་མཚོན་འཁྱེར་དགོས་དོན་ཅི་ཡིན་ནམ། དེར་མ་ཟད་གུས་བརྩི་ཐོབ་པའི་རིན་པོ་ཆེ་ཞིག་མཇལ་དུ་འགྲོ་སྐབས་གྲི་མཚོན་འདོགས་པ་ནི་བོད་མི་ཕལ་ཆེ་བས་མི་སྲིད་པ་ཞིག་རེད། ཡིན་ནའང་། ཉེན་མི་གསུམ་པོས་གྲི་བཏགས་ནས་གྲོས་བྱེད་དུ་སོང་། གྲོས་མ་འགྲིགས་པའི་རྐྱེན་གྱིས་མི་གསོད་ཁྲག་སྦྱོར་བྱས་ཤིང་། རིན་པོ་ཆེ་མ་ཟད་ཁོང་གི་ཚ་བོ་དང་ཁ་ལོ་པ་བཅས་ཡོད་ཚད་བསད་དེ་གསོན་པོ་གཅིག་ཀྱང་བསྐྱུར་མེད། འདི་ཡིས། རྩ་མེད་གཏོང་འདོད་ཀྱི་གྲ་སྒྲིག་དང་བཅས་པར་ཡོང་བ་ཡིན་པར་གསལ་པོར་ཤེས་ཐུབ།” མ་ཟད་”བདེ་འཇགས་ཁྲིན་ཏུའུ”འི་པོད་ཕྲན་འོག་ཏུ་དཔྱད་མཆན་མང་པོ་བཏབ་འདུག་པས། བལྟ་རིན་ཡོད་པ་ཞིག་རེད། དཔྱད་མཆན་མང་ཤོས་ཀྱི་ཚིག་ནི་ཕལ་ཆེར་”བོད་ཀླ་ཀློ”ཞེས་པ་འདི་རེད། ད་དུང་མཆན་ཞིག་ལ་”ཡང་བོད་ཀླ་ཀློས་བསྒྲུབས་པའི་བྱ་བ་བཟང་པོ་ཞིག་རེད།”ཅེས་བཤད་འདུག རླབས་གསར་（新浪）གསར་འགྱུར་ལྟེ་གནས་ཀྱིས་”ཁྲིན་ཏུའུ་ནས་བོད་མི་སྐྱེས་པ་གསུམ་གྱིས་ཁྱིམ་ཐོ་དབྱིན་ཇི་ཡིན་པའི་བོད་པ་ཞིག་དང་དེའི་ཚ་བོ། ཁ་ལོ་པ་བཅས་བསད་འདུག”ཅེས་ཁ་བྱང་བྲིས་ནས་ཁྱབ་བསྒྲགས་བྱས་པའི་འོག་ཏུ་དཔྱད་མཆན་བརྒྱ་ཕྲག་ལས་བརྒལ་བ་བཏབ་འདུག་པས་དེ་དག་ལའང་བལྟ་རིན་ཡོད་པ་ཞིག་འདུག དཔེར་ན། ” བོད་པས་ཀྱང་ལུས་ལ་མཚོན་འདོགས་ཆོག་གི་མ་རེད།” ལྟ་བུའོ།། དོན་དུ། བོད་ཡུལ་དང་རྒྱ་ཡུལ་གང་ཡིན་རུང་བོད་མི་རྣམས་ཞིབ་གཤེར་ནན་མོ་བྱེད་ཀྱིན་ཡོད་པས་ལུས་ལ་མཚོན་འདོགས་པ། ལྷག་ཏུ་སྲོག་འཕྲོག་ཐུབ་པའི་གྲི་འདོགས་པ་ནི་མི་སྲིད་པ་ཞིག་རེད།” རླབས་གསར་གསར་འགྱུར་གྱི་ཁ་བྱང་གིས་ཅི་ཞིག་གསལ་བཤད་བྱ་ཐུབ། “དབྱིན་ཇིའི་ཁྱིམ་ཐོ་ཡིན་པའི་བོད་མི།” ཞིག་＂བོད་མི་གསུམ་གྱིས་གྲི་བཙུགས་ནས་བསད།” འདི་དག་གིས་བོད་མའི་སྤྱི་ཚོགས་ཤིན་ཏུ་རྙོག་གྲ་ཆེ་བ། ཤིན་ཏུ་འཇིགས་སྣང་སྐྱེ་ས་ཞིག་ཡོད་པ་དང་། མ་ཟད་རྒྱལ་སྤྱི་ལ་ཤུགས་རྐྱེན་ཐེབས་ནས་རྒྱལ་སྤྱི་ནས་ཀྱང་བོད་མི་སྤྱི་ཚོགས་ཤིན་ཏུ་རྙོག་གྲ་ཆེ་བ་དང་ཤིན་ཏུ་འཇིགས་སྣང་སྐྱེ་ས་ཞིག་ཡིན་པར་འདོད་དགོས་པ་རེད་དམ། དེས་ན། བོད་མི་རང་ལུས་མེར་བསྲེགས་ཀྱི་དོན་རྐྱེན་བརྒྱ་དང་ཉི་ཤུ་ལྷག་ཙམ་གཅིག་རྗེས་གཉིས་མཐུད་དུ་བྱུང་པ་འདིས་ཀྱང་གོང་གི་ཁ་བྱང་དང་གཅིག་མཚུངས་སུ་བྲིས་ནས་རྟགས་བྱང་དུ་གྱུར་ཅིང་། མ་མཐའ་མི་མང་པོ་ཞིག་ལ་”འཇིགས་སྣང་” དང་ “ཀླ་ཀློ”འི་སྣང་བརྙན་བསྐྲུན་རྒྱུ་རེད། ཤིན་ཏུ་སྟབས་འགྲིག་པ་ཞིག་ལ། དུས་དེ་དང་མཉམ་དུ། ལྐོག་གྱུར་གྱི་མི་ཞིག་གིས་ཁོ་མོའི་ ཟིན་བྲིས་ལས་རང་ལུས་མེར་བསྲེགས་སྐོར་གྱི་སྦྱར་འཛར་༼དྲྭ་ཐོག་གླེང་མོལ་སྐབས་སུ་སྦྱར་བའི་ཡིག་འཛར་ཆུང་བ།༽འོག་ཏུ་འཕྲིན་ཞིག་བཞག་སོང་། ཚིག་མཐའ་མ་ལ་མཉམ་པར་འཇོག་རྒྱུ་མ་བརྗེད། “ཚེས་བརྒྱད་ཀྱི་ཞོགས་ཀ ཁྲིན་ཏུའུའི་ཝུས་ཧོ་ཕྱོགས་ཀྱི་ཁྱིམ་སྐོར་ཆུང་ཆུང་ཞིག་ནས། དཔལ་འབྱོར་རྩོད་གླེང་བྱས་ནས་བོད་མི་གསུམ་གྱིས་དེ་ལས་གཞན་པའི་བོད་མི་གསུམ་བཤས་བཞག་འདུག འོད་ཟེར། འདི་ལྟ་བུ་བོད་རིགས་ནང་དམེ་བྱེད་ཚུལ་གྱི་སྐད་ཡང་བཤད་དགོས་པ་ཡིན་ནོ།། ཁྱོད་ཀྱིས་དུས་རྟག་ཏུ་ཁོང་ཚོ་གནམ་འཕང་དུ་བཏེགས་ནས་ཡོད་ཚད་ཀྱིས་ཁོང་ཚོ་ངང་དཀར་གྱི་ལྷ་ཡི་ཕོ་ཉ་ཡིན་པར་འཛིན་དུ་མ་འཇུག ཁོང་ཚོའི་སྡུག་རྩུབ་དང་གུས་མེད་ཀྱི་བཙན་ཤེད། ད་དུང་དྲག་སྤྱོད་ཀྱིས་སྟབས་བདེའི་ངང་ནས་བྱ་བ་ཡོད་ཚད་ཐག་གཅོད་བྱེད་པའི་མི་རིགས་རང་བཞིན་ཅན་དེ་ཡང་ང་ཚོ་ཚང་མ་ལ་གསལ་པོར་བསྟན་ནས་མཐོང་རྒྱ་བསྐྱེད་རོགས། ” ཞེས་པ་འདིའོ།། བསྐྱར་དུ་ཞུ་བྱ། ཚིག་མཐའ་མ་དེ་ལ་ཐུགས་མཉམ་མཛད་རོགས། གོ་རྒྱུ་ཟབ་མོ་འདུག ཡིན་ནའང་། རླབས་གསར་པོད་ཕྲན་ཐོག་ནས་བོད་མི་མང་ཆེ་ཤོས་ཀྱིས་རིན་པོ་ཆེ་བཀྲོངས་སོང་པ་ལ་སེམས་སྡུག་བྱེད་ཅིང་ལག་དམར་གྱི་ བྱ་བ་ངན་པ་ལ་ཞེ་སྡང་བྱེད་པ་ལས། བསམ་བློ་ཞིབ་མོ་ཞིག་གཏོང་གི་མི་འདུག རིན་པོ་ཆེ་བཀྲོངས་རྐྱེན་ནི་”དཔལ་འབྱོར་རྩོད་གླེང་”དང་” གྲོས་མ་འགྲིགས་པ” ལྟ་བུ་གནས་དོན་སྟབས་བདེ་ཞིག་ཡིན་ནམ། ཡང་བོད་མི་རིག་སྟོབས་ཅན་འགའ་རེས། “འདི་ལྟ་བུའི་བླ་ཆེན་ཞིག་གིས་དཔལ་འབྱོར་རྩོད་གླེང་བྱེད་པ་མི་སྲིད། ” ” མིང་དོན་མཚུངས་པའི་རྒྱལ་སྤྱིའི་བྱམས་བརྩེ་པ་ཞིག བྱམས་དང་སྙིང་རྗེ་ཐུགས་རྒྱུད་ལ་མངལ་བའི་བོད་བརྒྱུད་ནང་བསྟན་གྱི་རིན་པོ་ཆེ་ཞིག རྒྱལ་ཕྱི་ནང་སྲིད་གཞུང་གིས་ དགའ་བསུ་ཐུབ་པའི་ཕྱི་རྒྱལ་གྱི་བོད་མི་ཞིག་བོད་བརྒྱུད་ནང་བསྟན་གྱི་རྗེས་སུ་འཇུག་པ་འགའ་ཤས་ཀྱིས་བཀྲོངས་པ་ནི་ནམ་མཁའ་ལས་རྒྱ་ཆེ་ཞིང་བསམ་ཡུལ་ལས་འདས་པ་ཞིག་རེད། ” “ཁོང་ནི་ དྭ་ཕྲུག་དང་དཀའ་ཁག་ཅན་ལ་ལོ་ལྟར་རོགས་སྐྱོར་འབོར་ཆེན་གནང་ནས་ཕྲུ་གུ་བགྲང་ལས་འདས་པ་ཞིག་སློབ་གྲྭར་བཏང་ནས་སློབ་གསོ་ མྱངས་བཅུག་པའི་བླ་མ་དམ་པ་ཞིག་རེད། དཔེར་ན་ཡུལ་ཤུལ་གྱི་དྭ་ཕྲུག་སློབ་གྲྭ་ཞིག་ལ་ལོ་རེར་ཁོང་གི་རོགས་དངུལ་སྒོར་ཁྲི་དྲུག་བཅུ་ཡོང་གི་ཡོད། དེ་ལས་གཞན་པའི་རོགས་དངུལ་དག་བགྲངས་ན་གྲངས་ཀ་ལོན་མི་སྲིད། དེ་བས་ན་” དཔལ་འབྱོར་རྩོད་གླེང་” རྐྱེན་གྱིས་གཞན་གྱིས་དགྲོང་པ་ཡིན་སྲིད་དམ། ” ཚང་མས་སྲིད་གཞུང་གི་གསར་ལམ་གྱིས་ཞིབ་གཅོད་སྐབས་སུ་བཀོལ་བའི་མིང་ཚིག་དག་ལ་གཟབ་ནན་གྱིས་མཉམ་འཇོག་བྱ་རོགས། སྐར་ཆེན་ཞིག་འདས་གྲོངས་སུ་སོང་པའི་སྡུག་བསྔལ་ལ་ནི་ཚད་ཅིག་ལར་ནས་མེད་པའི་ཐོག་ཏུ། ཚིག་ཚོགས་དེ་དག་གིས་ཤེན་ཤུགས་མི་ཐེབས་ པར་མཛད་རོགས། འཇིག་རྟེན་གྱི་སྙིགས་མ་འདི་ལ། གཟི་འོད་ལྡན་པའི་མི་འདི་འདྲ་ཞིག་ཡོད་པར་མི་འོས། ཡ། ད་མང་པོ་མི་བཤད། གལ་སྲིད་ཨ་དཀོན་རིན་པོ་ཆེ་ལྐོག་དགྲོང་གི་དོན་རྐྱེན་འདི་བསྙལ་ནས་ འདི་ལས་གཞན་པའི་ཤུགས་རྐྱེན་ཆེན་པོ་ཐེབས་ཡོང་པ་ཡིན་ན། གནས་ཚུལ་གལ་ཆེན་འགའ་ཤས་ཤིག་ཀྱང་སྦས་གསང་བྱེད་དགོས་ཚོད་རེད། དཔེར་ན། ཟླ་༡༠པའི་ཚེས་༢༢ཉིན་མཉམ་འབྲེལ་རྒྱལ་ཚོགས་འགྲོ་བ་མི་ཡི་ཐོབ་ཐང་ལས་འཛིན་ཚོགས་པས་རྒྱ་ནག་ངོས་ཡོངས་ཀྱི་འགྲོ་བ་ མི་ཡི་ཐོབ་ཐང་གི་གནས་བབ་ལ་ཞིབ་དཔྱོད་བྱ་རྒྱུ་ཡིན་རེད། འཛམ་གླིང་གི་མིག་འོད་དག་ཀྱང་ཕྱོགས་གཅིག་ཏུ་འཕྲོ་བའི་མགོ་རྩོམ་བཞིན་ཡོད་པས། བོད་མི་རང་བསྲེགས་ལ་སླར་ཡང་དོ་ཁུར་བྱེད་པ་རེད། དེ་དུས་གནད་དོན་གྱི་རྩ་བ་གང་ཡིན་ཤེས་གསལ་ཡོང་ན་ཐང་། ༢༠༡༣/༡༠/༡༠ཉིན་འོད་ཟེར་གྱིས་བྲིས། ཀརྨ་ཚུལ་ཁྲིམས་བཟང་པོས་ཚེས་༡༡ཉིན་བསྒྱུར།

11. ཤིང་རྟ་ལགས་ཀྱིས་སྐད་བསྐུར་འདི་ཡག་པོ་འདུག མུ་མཐུད་དྲྭ་ཉུལ་ལ་བརྩོན་རོགས།

12. སྤོབས་པ་མཐའ་ཡས་ལགས་ལ་ཐུགས་རྗེ་ཆེ་ལན་བརྒྱར་ཞུ་འདོད་བྱུང་ལ། ཞོར་དུ་ཨ་དཀོན་རིན་པོ་ཆེ་ནམ་དུ་ཡང་མི་ནུབ་པའི་སྨོན་འདུན་ཡོད།

13. སྤོབས་མཐས་ཆོལ་ཁ་དང་མཉམ་བསྲེས་བྱས་ནས་ལག་དམར་བ་བོད་མི་མིན་པར་བསྒྲུབས་ནས་མང་རབས་ཤིག་བྲིས་འདུག ཁོང་གི་སྐོར་ལ་གནས་ཚུལ་དཔྱིས་ཕྱིན་པ་ང་ཚོས་གསལ་རྟོགས་མ་ཐུབ་ཙང་། དྭོགས་གཞི་འོག་ནས་འདྲ་མིན་བྲི་བཞིན་འདུག འགའ་རེས་རྒྱ་གཞུང་ལ་སྐྱོན་བརྗོད་དང་། འགའ་རེས་ཨ་དཀོན་གྱིས་འདས་པའི་བྱ་སྤྱོད་དེ་རྒྱ་གཞུང་ལ་རྒྱབ་སྐྱོར་དང་ཆོས་ལ་སྐྱོན་བརྗོད་བྱས་པའི་རྣམ་སྨིན་ཡིན་རབས་བཤད་བཞིན་འདུག གང་ལྟར་ཡང་རིན་པོ་ཆེ་ཡིས་བོད་ནང་དུ་བོད་མི་རིགས་ལ་ཕན་པའི་ཕྱག་ལས་མང་རབས་ཞིག་འབད་བརྩོན་ཞུས་འདུག་པ་ལ་བསྔགས་བརྗོད་དང་བཅས་ཁོང་ལྟ་བུ་འདས་གྲོངས་སུ་སོང་བ་ལ་མྱ་ངན་ཞུ་བཞིན་ཡོད།

    མ་གཞི་བོད་ནང་དུ་བཀྲ་ཤིས་ཚེ་རིང་གིས་ཀྱང་སློབ་གྲྭ་ཆེ་ཆུང་མང་དག་ཅིག་བཙུགས་ཡོད་པའི་སྐོར་ལ་ཁོང་གི་ལོ་རྒྱུས་ནང་ལ་གསལ་པོར་བཀོད་འདུག ཁོང་ཚོ་ལྟ་བུ་ནི་པཎ་ཆེན་སྐུ་གྲོངས་རྗེས་བོད་མི་རིགས་ལ་ཁ་ཡོད་ལག་ཡོད་ཀྱི་ཕན་པའི་མཛད་རྗེས་འཇོག་མཁན་ཞིག་ཏུ་ངོས་འཛིན་བཞིན་ཡོད།