མྱི་ལྟིག
༡
སུས་ཀྱང་བོར་མི་བྲ་བའི་དུས་ཚོད་ཅིག་སྟེ
ཡོད་ཚད་ལ་ཁ་དོག་འཛོམས་པའི་ལོ་ཟླ་ཞིག
ཕུགས་བསམ་གྱི་གཤོག་པ་སོགས་ཅི་ཡང་རྡེབ་མི་ཤེས་ཤིང
ཧམ་སེམས་ཀྱི་རལ་གྲི་སོགས་གང་ཡང་གཡུག་མི་ཤེས་པའི་ང
ཧ་ཅང་སྐྱིད དེ་ནི་བྱིས་དུས་རེད
༢
ལོ་ཟླ་ནི་རི་ངོས་ཀྱི་རྦབ་རྡོ་བཞིན་ཤིན་ཏུ་མགྱོགས་ལ
མི་ཚེ་ཟེར་བ་དེའང་དེ་རིང་ལ་ལྟོས་དང་མགྱོགས་ཨང
ངས་ཀྱང་རང་གི་བྱིས་དུས་ལ་ཕྱིར་མིག་ཡང་ཡང་བལྟས་ཏེ
མ་འོངས་པ་དང་དེའི་ཁ་ཕྱོགས་སུ་དངན་པ་ཡང་ཡང་འཐེན་ཞོར
འོད་ཐིག་ལྟ་བུའི་རང་ཉིད་ལ་ཅི་ཡང་མེད་པའང་ཚོར་བྱུང
༣
མ་གཞི་ནས་བྱིས་དུས་ཀྱི་འཚོ་བ་དེ་ཞེན་ཆགས་ཀྱི་གནས་མལ་ཞིག་དང
ཕ་ཡུལ་དྲན་པ་དེའང་ཁ་སྤུ་དང་འགྲོགས་པའི་ཆོས་ཉིད་ཅིག་ཡིན་པ་འདྲ
སྤོ་མི་འདོད་པའི་ལམ་སྣེ་རེ་ནས
འཕངས་སེམས་ཀྱི་མིག་ཆུས་ཕ་ཡུལ་སྦངས་ཀྱང
མིང་སྲིང་ཚོས ལས་དབང་ལ་ཁ་ལོ་བ་མེད་ཟེར
༤
གྱེས་བྲལ་ཟེར་བའི་ཕ་བོང་དེས་མནན་པ་ནས
བརྩེ་བར་འབོད་པའི་སྐམ་པ་དེས་བསྡམས་པ་ནས
ངའི་གོམ་ཁ་འཆོལ་སོང
གློ་བུར་སྟོང་བའི་ངའི་འཇིག་རྟེན་གྱི་བྱེད་པོ་གཤེགས་པ་ཡིན་ནམ
ང་ལའང་ལྷན་འཛོམས་ཟེར་བའི་དགོད་སྒྲ་དེ་ཧ་ཅང་མཁོ
༥
སྡུག་གི་ཚོར་བས་ཡ་ཁོག་གང་དུས
མིག་ཆུ་ལ་རྫོགས་མཐའ་མེད་པ་འདི
སྡུག་བསྔལ་དེ་གྲངས་མེད་ཅིག་ཡོད་པས་མིན་ནམ
སུ་ལའང་ཅི་ཡང་མ་བཤད་པར
ཐ་མག་རྔུབ་པ་འདི་ནི་ཕ་མ་གཉི་ཀས་གཅེས་ཕྲུག་ཅེས་འབོད་པ་དང་འདྲ་ཨང
༢༠༡༣།༡༠།༡༤། ནོར་གླིང་དུ།