ཉི་མ་ལྔའི་རིང་མི་དང་ཐུག་ཕྲད་མེད་ལ་གློག་ཀླད་དང་ཁ་པར་ལ་ལག་པ་མ་འཆང་བར་ནང་ལ་འཛུལ་ནས་སེམས་པ་ལྷོད་ལྷོད་བྱས་ཏེ་བསྡད་པས་དངོས་གནས་འཇིག་རྟེན་གཞན་ཞིག་ཏུ་བསླེབས་པ་ལྟ་བུ་བྱུང་། ཡིན་ན་ཡང་། ད་ལྟ་གཞི་ནས་གློག་ཀླད་ཀྱི་སྒོ་ཕྱེ་དུས། དྲ་གྲོགས་ཚོ་དང་ཁ་བརྡ་གཉིས་ཀ་མཉམ་དུ་དགའ་རབ་ཅིག་ཇེ་བཙན་དུ་སོང་འདུག
དེ་ནས་དུས་བབ་ལ་ཅིག་བལྟས་པ་ན། ཉིན་འགའི་སྔོན་གོང་ས་མཆོག་སྐུ་ཁམས་ཅུང་མ་བདེ་བར་སྨན་ཁང་དུ་ཕེབས་ཚུལ་འདུག་པས། རང་དབང་མེད་པར་ཁོང་འདར་ཞིག་ཤོར། ཡིད་བཞིན་ནོར་བུ་སྐུ་ཚེ་བརྟན་པར་སྨོན།
དེ་ནས་རྒྱ་མི་ཞིག་གིས་བྲིས་པའི་གོང་ས་ཏྰ་ལའི་བླ་མ་མཆོག་གི་སྙན་དྲུང་དུ་ཞེས་པ་དེ་ཀློག་ཞོར་དང་ངུ་ཞོར་བྱས། གལ་སྲིད་རྒྱ་རྒན་འདི་ཚོ་རྩོམ་ཡིག་འདི་འབྲི་མཁན་ལྟ་བུ་རེ་ཡིན་ན་བོད་ལ་རང་སྲིད་རང་སྐྱོང་སང་ཉིན་རང་འཐོབ་རྒྱུ་ངེས་ཅན་རེད། ཅིའི་ཕྱིར་རྒྱ་མི་འདི་ཚོ་ཀྲུའུ་རིའུ་ལྟ་བུའི་བོད་མིའི་སེམས་ཁོང་གི་སྡུག་བསྔལ་ཚོར་ཐུབ་མཁན་ཞིག་མིན་པ་རེད། གལ་སྲིད་རྒྱ་མི་མང་པོ་ཞིག་ཀྲུའུ་རིའུ་ལྟ་བུ་ཞིག་ཡིན་ན་ཡང་དེ་དག་ལས་སུ་ཞིག་གིས་རང་ཉིད་ཀྱི་འཚོ་གནས་བློས་བཏང་སྟེ་སྤུན་ཟླ་མི་རིགས་ཀྱི་བདེ་སྡུག་གོ་ཤེས་མེད་པའི་སྲིད་གཞུང་ཞིག་ལ་བརྗོད་ཀྱི་རེད། འདི་ལ་ངོ་མ་ཀློག་རིན་འདུག
རྒྱ་མོ་སི་ཕི་རིན་ཞེས་པ་ཞིག་གིས་ས་གནས་འདིའི་བོད་པ་ཚོ་དང་རྒྱ་རྒན་འགའ་མཉམ་དུ་བསྡུས་ནས་བོད་རྒྱའི་གྲོས་མོལ་ཞིག་བྱེད་རྩིས་འདུག་པས། རྒྱ་རྒན་དེ་ཚོའི་ཁྲོད་དུ་ཡང་གོང་གི་ཀྲུའུ་རིའུ་ལྟ་བུ་རེ་ཡོད་ན་མ་མཐའ་ཡང་ཕན་ཚུན་གོ་བརྡ་འཕྲོད་ཙམ་ཞིག་ཡོང་གི་རེད།
གཞན་རྒྱ་ནག་ཏུ་འགས་གཏོར་དང་བོད་དུ་ས་ཡོམ་བརྒྱབ་པ་འདི་དག་ཀྱང་ཉིན་འགར་གྲགས་མེད་ཚོར་མེད་དུ་བསྡད་པའི་ང་ལ་མཚོན་ན་གསར་འགྱུར་རེད། འདི་ལོར་ས་འོག་ས་སྟེང་གང་ས་ནས་ཅིག་མ་གཏོར་ན་འདུག་ཐུབ་ཀྱིན་མེད་པ་འདྲ། སྙིང་རྗེ། སེམས་ཅན་ཉེས་མེད་མང་པོ་ཞིག་དོན་མེད་ས་ནས་གཅེས་པའི་ཚེ་སྲོག་དང་བྲལ་འགྲོ་གིན་འདུག
ཨོ། ཤག་མཚེས་སེམས་བཟང་དེས་ཕིས་ཙ་སྡེར་མ་གང་ཁྱེར་ནས་བསླེབས་བྱུང་བས་སང་ཉིན་མཇལ་ཡ། ཕིས་ཙ་ལ་བོད་སྐད་དུ་ཇི་ལྟར་འབོད། ངས་བག་ཚལ་ཞེས་བོད་སྐད་ཡིན་པ་ལ་དབྱིན་སྐད་དང་ཡང་སྒྲ་ཉེ་བ་ཞིག་བཏགས་པ་ཡིན།
བོད་ཀྱི་ཕ་སྐད་ལ་བདག་པོ་བརྒྱབ་པ་ཡག་པོ་རེད།
ཕ་སྐད་ལ་བདག་པོ་བརྒྱབ་པ་ཡག་པོ་རེད།
ཨ་རོ།
ཨ་རོགས་ཡེ་ཤེས་་་་་་་་་་ཉིན་འགའི་རིང་ཁྱོད་རིག་ས་ན་མི་འདུག་པས་སེམས་ཁྲལ་བྱུང་། གལ་ཏེ་སྟབས་ཉེས་འདྲ་བྱུང་ཡོད་ན་ང་ལ་ཡང་ལན་ཁག་ཅུང་མེད་དམ་དྲན་སོང་། ཡ་ད་ཡག་པོ་འདུག གོང་གི་ཕིས་ཙའི་འགྱུར་དེ་པད་ཡག་པོ་བྱུང་ཤག འདིའི་གོང་ཏག་ཏག་ལ་ངའི་ངོ་ཤེས་དབྱིན་ཇིའི་ཨ་ཅག་དེའི་ཧམ་སྦར་རྗེར་༼ཀྲིན་མོག་གམ་གྱོང་རྡོག་བར་ཏུ་ལྡུམ་བུ་དང་ཕག་མཇེའི་བཟོ་འདྲ་བོ་ཞིག་བཅུག་ནས་བཟའ་ཡ་༽ཤོག་ཁུག་གང་འཁྱེར་ཡོང་ནས་སྤྲད་སོང་བས་འདིའི་བོད་མིང་ལ་ཅི་ཟེར་ན་འོས་མོ་འདུག་གམ།
གལ་སྲིད་ཉིད་ཀྱིས་གསུངས་པ་དེ་དབྱིན་སྐད་དུ་ཧ་ཁྲི་སྒྲོ་སྒུ་hot dogཡིན་ཚེ་སྒྲ་སྒྱུར་བྱས་ན་ཁྱི་ཚ་བོ་དང་། དོན་སྒྱུར་བྱས་ན་ཁྱི་མཇེ་ཚ་བོ་ཞེས་འབོད་ཆོག ཡིན་ན་ཡང་རང་རང་གི་ཕ་མ་སྤུན་མཆེད་སོགས་ངོ་ཚ་སྲུང་དགོས་སར་བག་རྒྱུ་ཞེས་འབོད་ཆོག གང་ལགས་ཤེ་ན་བག་ལེབ་ཀྱི་བར་དུ་རྒྱུ་མ་བཞག་ཡོད་པས་སོ།།
ཨོ་་་དགེ་ཆོས་རང་འཆུག་སོང་བ་མིན་ནམ། hot dogདབྱིབས་ནར་ནར་མིན་ནམ། ངས་ཟེར་ཡ་དེ་དབྱིབས་གོར་གོར་hamburger(སྐབས་རེར་གླང་ཤ་རྡོག་རྡོག་མཉམ་དུ་བཟའ་ཡ)རེད། བྱས་ཙང་དེ་རིང་ཤ་མཉམ་དུ་མེད་པར་གྱུ་མ་sausageམཉམ་དུ་འདུག ད་ཡིན་ན་འདི་ལ་ག་རེ་ཟེར་དགོས་རེད།
དབྱིན་ཡིག་དང་འཇར་སྐད་སོགས་ཀྱི་ནང་དུའང་ lama ཞེས་སྒྲ་དོན་གཉིས་ཀར་གོ་རྒྱུ་ཅན་ཞིག་བསྒྱུར་འདུག་པ་ལས། བླ་མ་ནི་ “རླིག་པ་ཡོད་ཀྱང་སྐྱེས་དམན་ལ་མི་འཛག་པའི་མི་” ཞེས་བསྒྱུར་ན་དགོད་ཤོར་བ་ནང་བཞིན། དབྱིན་སྐད་ཡོངས་རྫོགས་སྐད་བོད་སྐད་ལ་ཨུ་ཚུགས་ཀྱིས་དོན་བསྒྱུར་བྱས་ན་གོང་གི་དཔེ་དེ་ནང་བཞིན་ཁྱད་མཚར་པོ་ཆགས་སྲིད། དོན་བསྒྱུར་དང་སྒྲ་བསྒྱུར་འདམ་མ་ནོར་དགོས་སྙམ།