ཟླ་ཀླུང་།
ད་ནི་གང་ནས་གཞིགས་ཀྱང་གྲོགས་པོ་ནུབ་ཕྱོགས་སུ་བསྐྱོད་པ་ལ་དུས་ཚོད་རིང་པོ་ཐོགས་མདོག་མེད། ཁྱོད་ནུབ་ཕྱོགས་སུ་བསྐྱོད་པ་ན་ངེས་པར་དུ་བསམ་གཞིག་དགོས་པའི་གནད་དོན་གསུམ་ཡོད།
༡༽ ཕར་འགྲོ་བའི་ལམ་འགག་གི་བརྒྱུད་རིམ་ཟབ་སྦྱོང་གཟབ་ནན་དང་འདྲི་རྟོག་མཐར་ཕྱིན་པ་བྱ་དགོས།
༢༽ ས་གནས་གང་ཞིག་ཏུ་སོང་ན། ད་ལྟ་སྐྱབས་བཅོལ་འཐོབ་སླ་བ་དང་། མ་འོངས་པར་ས་གནས་དེའི་སྟོབས་འབྱོར་གྱིས་རང་གི་མི་ཚེའི་མདུན་ལམ་ལ་ཁེ་ཕན་ཆེ་བ་ཡོད་པ་རྩད་ཆོད་པར་བྱས་ཏེ་གདམ་ང་མ་ནོར་བར་བྱ་དགོས།
༣༽ ཡུལ་གང་གི་མི་ཡིན་པ་དང་། ལམ་གང་ནས་ཡོང་བ་དག་སོ་སོའི་དམིགས་རེ་དང་མཐུན་པའི་ལོ་རྒྱུས་ཕྱོགས་སྒྲིག་ཆ་ཚང་བ་བྱ་བ་སྟེ། ཡུལ་དང་ཁྱིམ་ཚང་གི་གནས་བབ་བདེན་པ་ཡིན་ཅིང་། རང་གི་ལོ་རྒྱུས་དང་བགྲོད་ལམ་ནི་ས་གནས་དེ་གའི་ཁྲིམས་ཐོག་ནས་ངོས་ལེན་ཡོད་པ་ཞིག་བསྒྲིགས་པ་ནམ་དགོས་ལ་ཆུ་བཞུར་བ་བཞིན་བཤད་ཐུབ་པ་བྱ་དགོས།
གནད་དོན་འདི་དག་ནི། གསར་འབྱོར་གཞན་དུ་བསྐྱོད་པའི་གང་ཟག་ཡིན་ནོ་ཅོག་གི་མ་འོངས་པའི་མི་ཚེ་བཟང་ངན་གང་དུ་སྐྱེལ་མིན་གྱི་འགག་རྩ་ཡིན་པས་ནམ་ཡང་གལ་ཆུང་དུ་སྐྱུར་བར་མི་བྱའོ། །