འོས་སྦྱོར་བ། ལོག་སྨྲ་ཚར་གཅོད།
ནང་ཆོས་དང་ཚན་རིག་གི་བགྲོ་གླེང་ཚོགས་པ་འདི་བཞིན་ཨ་རིའི་ཨེ་མོ་རིའི་ཆེས་མཐོ་གཙུག་ལག་སློབ་གཉེར་ཁང་ནས་ཚན་རིག་སློབ་ཐོན་པ་དང་དཔལ་ལྡན་འབྲས་སྤུངས་བཀྲ་ཤིས་སྒོ་མང་གྲྭ་ཚང་གི་ཚན་རིག་དགེ་རྒན་ཆེན་མོ་དངོས་མིང་ལ་རྔ་བ་ཤེས་རབ་དང་སྨྱུག་མིང་ལ་དཀར་པོ་ཆིག་ཐུབ་ཀྱིས་ཕྱི་ལོ་༢༠༡༢ ལོར་དབུ་འཛུགས་བྱས་ཤིང་། དུས་ཡུན་དེ་དག་གི་རིང་ལ་གོང་མིང་པ་ཁོང་གི་སློབ་གྲོགས་རྣམ་པ་གཙོར་བྱས་བོད་གཞིས་བྱེས་གཉིས་སུ་གནས་པའི་ཚན་རིག་མཁས་ཅན་དང་། ནང་དོན་རིག་པའི་མཁས་པ་དགེ་བའི་བཤེས་གཉེན་རྣམས་དང་གསོ་བ་རིག་པའི་མཁས་ཅན་སྨན་རམས་པ།
གཞན་ཡང་རྩོམ་པ་པོ་དང་ལོ་རྒྱུས་བྱུང་བ་རིག་པའི་མཁས་པ་སོགས་མཁས་པའི་དབང་པོ་མང་དག་ཅིག་བགྲོ་གླེང་གི་ཚོགས་པ་འདིའི་ནང་མཚོ་མོ་ལ་ངང་པའི་ཁྱུ་ཚོགས་དང་། རྩི་བཅུད་ལ་སྦྲང་མ་འཁོར་བ་ལྟར་མ་གྲོས་བསམ་པ་གཅིག་མཐུན་གྱིས་ཉིན་རེ་བཞིན་འདུས་ཚོགས་ཇེ་ཆེ་དང་འཐུས་སྒོ་ཇེ་ཚང་མདུན་བསྐྱོད་ཀྱི་གོམ་པ་རིམ་བགྲོད་ཀྱི་ལམ་ནས་བགྲོ་གླེང་གི་རྣམ་པ་ཇེ་ལེགས་སུ་ཕྱིན་པ་རེད།
གང་ལ་བགྲོ་གླེང་བྱེད་སའི་བརྗོད་གཞི་དང་བགྲོ་གླེང་ཇི་ལྟར་བྱེད་པའི་ཚུལ་ནི། ནང་ཆོས་ཀྱི་མདོ་སྔགས་གསོ་བ་རིག་པ་དང་བཅས་པའི་གཞུང་ལུགས་རྣམས་ཀྱི་དཀའ་གནད་ཁག་རྣམས་རྩལ་དུ་བཏོན་ཏེ་དངོས་ཁམས་དང་སྐྱེ་དངོས་འཕེལ་འགྱུར་རིག་པ། རྫས་འགྱུར་ཚན་རིག་དང་ལྷག་པར་དུ་ཀླད་པའི་དབང་རྩའི་ཚན་རིག་སོགས་དང་ཞིབ་བསྡུར་གྱིས་རྣམ་དཔྱོད་ཡིད་དབང་འཕྲོག་པའི་བགྲོ་གླེང་རྒྱ་ཆེར་གནངས་དང་གནང་མུས་ལ་བརྟེན། ད་དུང་རིགས་མཐུན་གྱི་སྤུན་ཟླ་མང་པོ་ཞིག་བགྲོ་གླེང་འདིའི་ནང་ཞུགས་འདོད་ནི་སྐོམ་པ་ཆུ་འདོད་ལྟར་ཆེ་ནའང་། ས་མིག་དང་ཁོར་ཡུག་གནས་བབ་བཅས་ལ་བརྟེན་ནས་ཞུགས་མ་ཐུབ་རྣམས་ལ་སྟབས་བདེ་བསྐྲུན་ཆེད་གུས་པ་འཇམ་དབྱངས་ནོར་བུ་ནས་ཚོགས་གཙོའི་དགོངས་དོན་བཞིན་ནང་ཆོས་དང་ཚན་རིག་གི་བགྲོ་གླེང་ཁག་ཡིག་ངག་བརྙན་གཟུགས་གསུམ་ནས་རྒྱ་ཆེའི་མང་ཚོགས་ལ་སྤྱན་ལམ་དུ་འབུལ་སའི་དྲྭ་རྒྱ་ཞིག་ཀྱང་གསར་སྐྲུན་བྱས་པ་ཡིན། དྲྭ་ཚིགས་ཀྱི་ཁ་བྱང་ནི་གཤམ་གསལ་ལྟར་ཡིན།
སྦྲེལ་བྱང་དེ་ལ་མཐུད་ས་མི་འདུག་གོ།
ཁྱབ་བསྒྲགས་བྱེད་ཞུ་སྔ་སོང་བ་འདྲ།
ཤིན་ཏུ་ལེགས་མོད།ཡིན་ཡང་འབྲེལ་གཏུགས་བྱེད་སའི་དྲ་བྱང་གི་ཁ་བྱང་ཞིག་ཡོད་ན་རྩོམ་ཡིག་བསྐུར་འདོད་ཡོད།
ཐུགས་རྗེ་ཆེ་
དེ་ཡག་པོ་རེད་བཞག ཡིན་ན་ཡང་། དེ་སྔོན་དེ་ཚོས་བྲིས་པའི་ཚེགས་དཔར་ཐོག་ལ་ནང་ཆོས་ཀྱི་སྐྱོན་ཆེ་ཤོས་མངོན་སུམ་ཁས་མི་ལན་པ་རེད་ཟེརབའི་ཞབསའདྲེན་མང་པོ་འདུག གང་ལྟར་གཙོ་བོ་ཁྱེད་རྣམ་པས་ནང་ཆོས་ཡག་པོ་སློབ་སྦྱོང་བྱས་ཏེ་ཤེས་ནས་ཚན་རིག་ལ་འབད་པར་འཚལ། །
བཀྲ་ཤིས་བདེ་ལེགས་ཡོད། ལས་ཀ་འདི་ནི་བོད་ལ་སྔར་བྱུང་མ་མྱོང་བ་ཞིག་ཡིན་པས། གསར་བ་བདུད་ལ་ལྟ་མཁན་བྱུང་མི་སྲིད་པའང་མིན་ན། ཤུགས་སྣོན་དང་དཀའ་ངལ་ལ་གདོང་ལེན་ཕོད་པ་གནང་རོགས་ཞུ་འདུན་བྱུང་།
ངས་དུས་རྒྱུན་དུ་བསམ་བློ་ག་ནས་གཏོང་ནའང་གྲྭ་པ་གྲྭ་རྐྱང་རྣམས་པ་ལ་རེ་བ་ཆེན་པོ་ཡོད། གྲྭ་རྐྱང་ཚོ་སློབ་སྦྱོང་ཡག་པོ་ཡོད། གྲྭ་རྐྱང་འདི་ཚོས་གསར་གཏོད་རེ་བྱེད་འོང་བསམས་པའི་རེ་བ་ཆེན་པོ་ཡོད། བོད་མི་རིགས་འདི་ལ་མ་འདང་ས་དང་མ་བྱུང་ས། མི་རིགས་གཞན་དག་ཚོ་ཟླ་བའི་གྲོང་ཁྱེར་ནང་དུ་འགྲོ་དུས་བོད་མི་རིགས་ཀྱིས་རྩྭ་བཀྲས་ཙམ་ཡང་བཟོ་མ་ཤེས་ནས་ལྷག་བསྡད་ཡོད་པའི་གནས་སྟངས་འདི་ནི་བཟོད་དཀའ་བའི་སྡུག་བསྔལ་ཞིག་ཡིན།
སྔོན་བྱུང་གི་སྐྱེས་མཆོག་དམ་པ་དགེ་ཆོས་ལྟ་བུ་དང་། དེང་སང་གི་སྒོ་ཤེར་ལྟ་བུའི་རྟོག་སད་པའི་གྲངས་འབོར་མང་རེར་ཕྱིན་ན་བོད་མི་རིགས་ཀྱི་ལས་དབང་ལ་འགྱུར་ལྡོག་ཞིག་འགྲོ་གི་རེད་བསམས་ཀྱི་འདུག་ལ་རང་དབང་དམངས་གཙོའི་ལམ་དུ་འགྲོ་ཐུབ་ཀྱི་རེད་འདོད། དེ་ལས་ལྡོག་ཏེ་ལྷ་ཆོས་རིང་ལུགས་ཀྱི་རྨོངས་དད་ཞྭ་མོ་གོན་མཁན་གྱི་གྲངས་འབོར་ལ་འགྱུར་བ་མ་སོང་ན་བོད་ཀྱི་ལས་དབང་འདི་སྔོན་བཞིན་ལྷག་ངེས་རེད་འདོད།།
ཁྱེད་རྣམ་པས་དགོངས་ཚུལ་གསུངས་པར་དགའ་བསུ་ཞུ།
འབྲེལ་གཏུག་བྱེད་ས་དེ་རང་གི་ནང་ལ་ཡོད་རེད།
བཀའ་དྲིན་ཆེ།
རྔ་བ་ཤེས་རབ་ནི་རྩོམ་པ་པོའི་ནང་ནས་སྒྲུང་གཏམ་འབྲི་མཁན་དང་སུམ་རྟགས་རིག་གནས་བཅས་ལ་བྱང་ཆུབ་པ་ཞིག་དང་། ནང་ཆོས་མཚན་ཉིད་རིག་པའི་ཐད་ནས་ཧ་ཅང་གོ་རྟོགས་མཐོ་ཞིང་དེང་དུས་ཀྱི་ཤེས་བྱ་འབོད་པ་ཚན་རིག་ལ་བཟང་བ་བཤད་མ་དགོས་སོ།། ད་དུང་གང་ཤེས་ང་རྒྱལ་མེད་པ་མ་ཟད་ཤེས་པ་དེས་གཞན་ལ་ཕན་པ་ལ་ཐུགས་དགོངས་ཆེ།་མདོར་ན། རྔ་བ་ཤེས་རབ་ནི་སྙིགས་མ་ལྔ་བདོ་འདིར་མཁོ་བའི་དུས་རབས་ཉེར་གཅིག་པའི་གྲྭ་བའི་མཚན་གཞི་ལ་འཇོག་ཆོག
ནང་ཆོས་དང་མཚན་རིག་གཉིས་ཞེས་པའི་བརྗོད་གཞི་དེ་མཁྱེན་མཚར་པོ་ཞིག་འདུག ནང་པའི་ཆོས་དེ་མཚན་རིག་གི་བྱེ་བྲག་གཅིག་ཡིན་བཞིན་དུ་ནང་ཆོས་དང་མཚན་རིག་ལབ་དགོས་དོན་གང་ཡོད།