འབྲོང་མགོ་སྐམ་པོ། ཧྥ་རན་སི།
ང་རང་ལ་མཚོན་ན་ཕྱི་རྒྱལ་དུ་ཡོང་བ་ཐེངས་དང་པོ་ཡིན་པའི་མི་ཞིག་གི་ངོས་ནས་ནེའུ་ཡོག་ཏུ་༧གོང་ས་རིན་པོ་ཆེར་མཇལ་ཁ་ཐོབ་པ་འདི་ནི་རྨི་ལམ་ཞིག་ཨེ་ཡིན་ནམ་སྙམ་པའི་ཡ་མཚན་སྐྱེས་པ་བཞིན་ད་དུང་ཡང་སེམས་ནང་དགའ་ལྷང་ངེར་ཡོད་པའི་ཚོར་བ་དེ་ཡལ་མེད་པའི་དུས་ཤིག་ཡིན་མོད། འོན་ཀྱང་། ཧ་ལས་པའི་བློ་ཕམ་ཞིག་སྐྱེས་པ་ནི་འཛམ་གླིང་སྟེང་གི་མི་སྣ་གྲགས་ཅན་༧གོང་ས་རིན་པོ་ཆེར་མཇལ་སྐབས་ལུས་གཤེར་མི་གཏོང་བར་མཇལ་ཁར་བཏང་བ་དེ་རེད། དེ་ཡང་ཁོང་གི་མཐའ་འཁོར་དུ་ཡོད་པའི་བདེ་སྲུང་མི་སྣ་དང་། དྲུང་ཆེ་དག་གིས་བྲེལ་བྲེལ་འཚུབ་འཚུབ་འདྲ་ཞིག་བྱེད་ཀྱིན་འདུག་ན་ཡང་། དོན་ངོ་མ་གང་ཞིག་ལ་བྲེལ་བྲེལ་འཚུབ་འཚུབ་བྱེད་ཀྱིན་ཡོད་མེད་ལ་བརྟག་དཔྱད་བཏང་དུས་ཁོང་ཚོར་སེམས་ཁུར་གང་ཡང་མེད་པར་སྐྱབས་མགོན་རིན་པོ་ཆེའི་སྔ་རྗེས་སུ་འདུར་རྒྱུགས་གིས་ཡིན་མདོག་སྟོན་པ་ཙམ་རེད།
ནམ་མ་གསལ་བའི་ཞོགས་པ་དེར་མཇལ་ཁར་སྒུག་མཁན་གྱི་བོད་པ་དང་རྒྱ་རིགས། དེ་བཞིན་ཕྱི་གླིང་བ་སོགས་གཅིག་འཕྲོར་གཅིག་མཐུད་ཀྱིས་ཡོང་གིས་འདུག་ན་ཡང་ལུས་གཤེར་བྱེད་མཁན་ནི་མི་འདུག ཅིའི་ཕྱིར་ལུས་གཤེར་མི་བྱེད་པ་ཡིན་ནམ། གོང་ས་རིན་པོ་ཆེས་སྲིད་དབང་རྩིས་སྤྲོད་བྱས་པ་ནས་རྒྱ་ནག་སྲིད་གཞུང་གིས་ཀྱང་ཁོང་ལ་ངན་སེམས་བཅངས་རྒྱུ་མཚམས་བཞག་པ་ཡིན་ནམ། དེ་ནི་རྩ་བ་ནས་ཡིན་མི་སྲིད། དེས་ན་བཙལ་བྱོལ་བོད་པ་ཚོས་ཀྱང་བོད་ཀྱི་བླ་ན་མེད་པའི་དབུ་ཁྲིད་ཅེས་པ་གསར་འགྱུར་སོགས་ན་འདོར་མ་ཐུབ་པར་ལུས་ཡོད་ན་ཡང་། ཁོང་ལ་སྔོན་མ་ལྟ་བུའི་ཆེ་མཐོང་མེད་པ་ཡིན་ནམ། མདོར་བསྡུས་ན་བོད་དོན་ཆེད་མི་ཚེ་ས་མཐའ་ནས་བསྐྱལ་བའི་རྒྱལ་བ་རིན་པོ་ཆེའི་མཐའ་འཁོར་གྱི་མི་དེ་དག་ནི་ཁོང་ཉིད་བཙོང་ནས་ཁ་གསོ་མཁན་ཞིག་ལས་འཁྱོང་གིན་མི་འདུག་སྟེ། དཔེར་ན་རྒྱ་ནག་སྲིད་གཞུང་ལ་རྒྱབ་གཏད་པའི་ཁུལ་བྱས་ཀྱང་བོད་པའི་སྲིད་དོན་ལ་ལག་མི་བསྲིང་བར་གོང་ས་ཆེན་པོའི་སྒོར་ཁུག་ཏུ་ལག་བསྲིང་སྟེ་ཨ་སྒོར་ས་ཡ་མང་པོ་བཀོལ་སྤྱོད་བྱེད་མཁན་ཀྱི་བླ་མ་ཡོད་པ་ནས། ཁོང་ཉིད་བཙོང་སྟེ་རང་དོན་སྒྲུབ་ཀྱིན་པའི་བོད་པ་མགོ་བདེ་འགའ་རེ་ཡང་ནུབ་གླིང་བའི་སྤྱི་ཚོགས་ཁྲོད་དུ་ཕྱུག་ཉམས་ཀྱིས་བཞུགས་ཡོད་པ་དང་། བླ་མ་གང་ཉིད་མིག་དྲེད་དུ་སོང་ནས་ཆེ་མཐོང་དམིགས་བསལ་མི་འཇོག་པའི་སྐུ་སྲུང་བ་དང་དྲུང་ཆེ་དེ་དག་གིས་བོད་དོན་ཉག་ཕྲ་བའི་སྐབས་འདིར་གོང་ས་རིན་པོ་ཆེར་ཡང་ཆེ་མཐོང་འཇོག་གིན་མི་འདུག་པ་ནི་ཆེས་ཡ་ང་བ་ཞིག་རེད་ཨང་།
དོན་ངོ་མ་བཤད་ན་ད་ཐེངས་ཡོ་རོབ་དང་ཨ་རིའི་ཕྱོགས་ལ་འཁྱམས་ཉུལ་བྱེད་པའི་གོ་སྐབས་འདིའི་ཁྲོད་ནས་དེ་སྔ་བདག་གི་སེམས་ཁོང་ན་ཡོད་པའི་བཙལ་བྱོལ་བ་ཚོ་ཆུང་ངུར་གྱུར་སོང་ལ་ཡིད་ཐང་ཀྱང་ཆད་པ་འདྲ་ཞིག་བྱུང་སོང་། ལྷག་པར་དུ་ཡུག་ཁྲོབ་སོགས་ནས་བོད་པའི་ལས་ཀྱི་སྣེ་མོ་བ་མང་པོ་ཞིག་གི་སྐད་ཆར་ཉན་ཡོང་དུས། ཁྱོད་ཅག་གི་བོད་དོན་ཇི་ལྟར་ཐག་གིས་གཅོད་དམ། ཁྱོད་ཅག་གིས་དོན་ངོ་མ་བོད་དོན་ཟེར་ཅི་ཡིན་མིན་དང་བོད་ཁམས་ཞེས་པ་གང་འདྲ་ཞིག་ཡིན་མིན་ཡང་གཏན་ནས་ཤེས་ཀྱིན་མི་འདུག་ཨང་སྙམ་ན་སེམས་གཏིང་ནས་སྐྱོ་སོང་།
ལྷག་པར་དུ་བཀའ་ཁྲིའི་གཏམ་བཤད་ཅིག་ལས་༧གོང་ས་མཆོག་སྲིད་དོན་ལས་རྒན་ཡོལ་བྱས་རྗེས་བོད་མི་སྐྱབས་བཅོལ་བ་གནས་ཡུལ་ཚང་མ་ལྷིང་འཇགས་ཀྱིས་གནས་པ་བཀའ་ཤག་གི་བྱས་རྗེས་ཡིན་ཟེར། ངོ་མ་བཤད་ན་འདི་ནི་རྒྱ་ནག་གིས་ནམ་རྒྱུན་བཤད་བཞིན་པའི་བརྟན་བརླིང་དང་འཆམ་མཐུན་ཨང་དང་པོར་འདོད་པའི་སྲིད་ཇུས་ལ་ལད་ཟློས་བྱེད་བཞིན་པ་ལྟ་བུར་མཐོང་སོང་བས་ང་ཤིན་ཏུ་སྐྱོ་སོང་། ང་སྐྱོ་སོང་ཡང་མི་གཅིག་ཡིན་མོད། ང་ལྟར་སྐྱོ་མཁན་མང་པོ་བྱུང་ན་ཉེན་ཁ་ཤིན་ཏུ་ཆེའོ།།
འབྲོང་མགོ་སྐམ་པོ་ལགས། ཤིན་ཏུ་ནས་བདེན། སྲིད་སྐྱོང་ཁོང་གིས་བོད་ཀྱི་མགོ་འཁྲིད་ནས་ལོ་གཉིས་འཁོར་བའི་མཛད་སྒོའི་གསུང་བཤད་ནང་བཙན་བྱོལ་བོད་མི་རྣམས་ལོ་གཉིས་པོ་དེའི་རིང་ལྷིང་འཇགས་སུ་གནས་པ་དེ་གྲུབ་འབྲས་གཙོ་བོ་ཡིན་ཟེར། དེ་ནི་ཆོབ་ཚ་བའི་གཏམ་བཤད་ཅིག་སྟེ་རྒྱ་གུང་ཁྲན་ལ་བལྟས་ན་ད་ལྟའི་ཆར་འོག་སྡེ་ལྷིང་འཇགས་ཤིག་གནས་ཐུབ་པ་བྱུང་ན་གྲུབ་འབྲས་ཤིག་བརྩི་ཆོག་ཀྱང་། ད་ལྟའི་ཆར་བོད་པར་དགོས་པའི་གྲུབ་འབྲས་ནི་བོད་མི་རྣམས་ཡར་ལངས་ཀྱི་འབོད་སྒྲ་དང་ངོ་རྒོལ་ཡི་ལས་འགུལ་རྒྱ་ཆེར་སྤེལ་ཐུབ་པ་ཞིག་དང་། དེས་རྐྱེན་པས་རྒྱ་གཞུང་ལ་ཤུགས་རྐྱེན་སྤྲོད་ཐུབ་པ་ཞིག་བྱུང་ན་གྲུབ་འབྲས་བརྩི་དགོས་པ་ལས་གང་ཡང་མ་འཇོན་ཅི་ཡང་མ་བྱས་ནས་འཇམ་ཐིང་ངེར་ལྷིང་འཇགས་སུ་གནས་པ་ནི་ད་ལྟའི་ཆར་བོད་པར་དགོས་པའི་གྲུབ་འབྲས་ཤིག་ག་ལ་ཡིན། སྲིད་སྐྱོང་འདི་ནི་དབྱིན་སྐད་ཙམ་ལས་རིག་གནས་ཆུད་ཚད་དང་ཀླད་ཁོག་ཏུ་ཟབ་གནད་ཅིག་ཡོད་མཁན་ཞིག་རྩ་ནས་མིན་པ་ནི་ཁོང་གི་གཏམ་བཤད་ཁག་དང་བྱ་སྤྱོད་རྣམས་ལ་བལྟས་ན་གསལ་པོ་རེད།
འབྲོང་མགོ་སྐམ་པོ་ཡིན་ན་འདི་ལ་ཡག་རྟགས་གཏན་ནས་མི་འདུག འདིས་གོང་ས་མཆོག་ལ་བསྟོད་ཁུལ་དང་། བོད་ཀྱི་དབུ་ཁྲིད་གཞན་ཚང་མར་སྨད་ཁུལ་བྱེད་སྟང་འདི་ལ་ལྟས་ན་ཆབ་སྲིད་མགོ་བདེ་ཞིག་ལོས་ཡིན་སྙམ་པ་ཞིག་རེད། མི་འདི་རིགས་རྒྱ་གཞུང་གི་སྒོར་མོ་ཁུར་ནས་
ཕྱི་རྒྱལ་ལ་ཡུལ་བསྐོར་ཡོང་མཁན་མིན་ན་ཏག་ཏག་རེད།
མ་མཐོང་བ་ནི་མེད་པ་མིན། དེ་ཕྱིར་ཁྱེད་ཀྱི་གསུང་ཡང་དེ་བཞིན་ནོ།
འབྲོང་མགོ་སྐམ་པོ་ལགས། ཁྱེད་ཀྱེས་དོན་ཆེན་འདི་འདྲར་དོ་འཁུར་གནང་བར་བཀའ་དྲིན་ཆེ། ཡིན་ནའང་ཞུ་ས་འདིར་དང་ད་ལྟ་མ་རེད། དེའི་ཚེ་དེའི་དུས་བདེ་སྲུང་བློན་ཆེན་ལ་ཞུ་དགོས་པ་ནི་ཁྱེད་བོད་མི་ཞིག་ཡིན་ན་འོས་འགན་ཡོད། སླད་མར་དོན་འདི་ཡིད་ལ་འཇགས་རོགས།
ཁྱེད་ཀྱིས། ལ་བཅོས།
བླ་མའི་གདུལ་བྱ་སྒོར་མོའི་ཕྱོགས་སུ་རྒྱུགས། །
དཔོན་པོའི་ལྟག་སྒོ་སྒོར་མོའི་ཤུགས་ཀྱིས་ཕྱེས། །
མཛེས་མའི་བརྩེ་དུང་སྒོར་མོས་དབང་མེད་ཉོ། །
མདོར་ན་མི་ཡི་རིན་ཐང་སྒོར་མོས་བརླགས། །
དངོས་གནས་ཁྱེད་རང་ལྷག་བསམ་ཐོག་ནས་ཞུ་གི་ཡོད་ན་སྐབས་དེར་སྐུ་བཅར་འབྲེལ་ཡོད་དང་བདེ་སྲུང་ལས་ཁུངས་ལ་ཞུ་དགོས་པ་ལས་དྲ་རྒྱའི་ཐོག་མ་རེད།
འབྲོང་མགོ་སྐམ་པོ། ཁྱོད་ཀྱིས་༸གོང་ས་མཆོག་གི་སྐུ་ཕྱཱར་སེམས་འཚབ་ཡོད་ཁུལ་བྱས་ཏེ་དོན་དུ་སྲིད་སྐྱོང་ལ་ཟུར་ཟ་བྱ་རྒྱུའི་ཆེད་རེད་འདུག ༸གོང་ས་མཆོག་གི་སྐུ་ཕྱར་དངོས་གནས་སེམས་ཚབས་ཡོད་མཁན་ཞིག་ཡིན་ན་འཐུས་ཤོར་གང་དང་གང་བཏང་བ་ཁ་གསལ་པོ་བཀོད་ན་དངོས་གནས་ཤ་ཞེན་རེད། དེ་མིན་སྲིད་སྐྱོང་ལ་སྐྱོན་བརྗོད་བྱ་རྒྱུའི་ཆེད་༸གོང་ས་མཆོག་གི་སྐུ་ཕྱ་ཁ་ལ་འཁྱེར་ནས་འུར་རྡོ་བཞུད་ན་དེ་ནི་བཀོད་ཕོད་པའམ་ཡ་མཚན་རེད། གང་ལྟར་ཁྱོད་ལྟ༌བུའི་ག་དུས་ཡིན་ནའང་སྨྱུག་རྩེ་དགྲ་ལ་མི་བཙུགས་པར་ནང་དུ་བཙུགས་རྐྱང་བྱེད་པ་ནི་བླུན་པོ་ཕའི་མགོ་བརྡུང་པའི་དཔེ་བཞིན་མ་རེད་པས། མ་གཞི་དེང་སང་བོད་ཡིག་རོབ་ཙམ་ཤེས་ཏེ་དྲ༌རྒྱར་ལྟ༌ཐུབ་མཁན་ཞིག་ཡིན་ན་གཙོ་བོའི་ལེགས་ཉེས་དབྱེ་འབྱེད་དང་ཕྱི་ནང་གི་དབྱེ་འབྱེད་བྱེད་པའི་རྣམ་དཔྱོད་དང་ཤེས་ཡོན་མེད་སྟབས་མིག་ལ་ཐལ་བ་ཁོ་ན་བཤོས་སྡོད་པ་ནི་ཁྱོད་ལྟ༌བུ་བོད་ཡིག་རྩོམ་འབྲི་ཁུལ་བྱ་མཁན་ཚོའི་གོམས་གཤིས་ཆགས་ཟིན་པས་ཅོལ་ཆུང་ཁྱོད་ལྟ༌བུ་བཤད་པ་དེ་ཚོ་ནི་ང་ཚོའི་མི་རིགས་ལ་ཕན་ཐོགས་གང་ཡང་མེད་པའི་གད་སྙིགས་དེ་ཚོ་རེད།
བཤད་མ་ཤེས་ཚིག་སྣེ་གྱོད་ལ་ལོག། འགྲོ་མ་ཤེས་རྐང་སྣེ་རྡོ་ལ་ཐོགས། འབྲོང་མགོ་རློན་པ་སྐམ་པོར་ཆགས་ན་བྱུང་རྒྱུ་འདི་ལས་གང་ཡོད། ཧ་ཧ་ཧ།
འབྲོང་མགོ་སྐམ་པོ་ལགས་ཀྱིས་དོ་ཁུར་དང་སེམས་གཏམ་བཤད་པ་ཤིན་ཏུ་བཀའ་དྲིན་ཆེ། བོད་མི་རྣལ་མ་ཞིག་ཡིན་ན་དེ་ལྟར་ཡིན་དང་ཡིན། འོན་ཀྱང་ཉིད་ཀྱིས་རྔ་རྡུང་ནས་སྡེ་བ་འུར་ལ་བསྐུར་གཏོ་ཕང་ནས་ཁྱི་མོ་གཟན་ལ་འགུག་དོན་ཅི་ཡིན།
ཉིད་ཀྱིས་སྐབས་ཐོག་དེར་བོད་མི་གཞིས་བསྡོད་པ་ཞིག་གི་འགན་ཁུར་ནས་དྲུང་ཆེ་དང་བདེ་སྲུང་མི་སྣར་གཟབ་བཤད་ཅིག་མི་བྱེད་དོན་ཅི་གཤེ་གཤེ་ཞིག་མི་གཏོང་དོན་ཅི། དེ་ལྟ་མིན་ནའང་བོད་གཞུང་གི་ལྷན་ཁང་ཞིག་ལ་ཡིག་ཆུང་འདི་མ་བསྐུར་བར་རྒྱ་ལམ་དུ་ཐར་གཅོད་དོན་ཅི་ཡིན།
དོན་དངོས་ནི་དོན་དངོས་རང་རེད་འབྲོང་མགོ་ལགས་ཀྱི་་དོ་ཁུར་དང་སེམས་གཏམ་ཡག་པོ་ཞིག་བཤད་འདུག་བཀའ་དྲིན་ཆེ།