ཁ་ཐུར་བསྟན་གྱི་ཤེས་ཡོན་དང་ཆབ་སྲིད་ཀྱིས་ཕོངས་འབྲས།

Comments (6) on “ཁ་ཐུར་བསྟན་གྱི་ཤེས་ཡོན་དང་ཆབ་སྲིད་ཀྱིས་ཕོངས་འབྲས།”

1. ་་་་་་ རྒྱུ་མཚན་དེ་འདྲར་བརྟེན་བོད་ནང་གི་མི་ཚོས་བཙན་བྱོལ་ནང་རེ་བ་སྟོང་པ་བཅིངས་རྒྱུ་མཚམས་བཞག་སྟེ། སོ་སོས་རང་འགོ་འདོན་རྒྱུར་འབད་བརྩོན་བྱས་ན་རེ་བ་གསར་པ་ཅིག་ཡོད་ངེས་ཅན་རེད་མ་གཏོགས། དེ་སྔ་ལྟར་བཙན་བྱོལ་ཆབ་སྲིད་པ་ཚོར་རེ་ལྟོས་འཆའ་བ་ནི་ལོང་བའི་རྗེས་སུ་ལོང་མོ་འབྲངས་པ་བཞིན་ཡིན་པ་གོ་བརྡ་འཕྲོད་ན་ཡག་པོ་རེད།། ་་་་་་་

2. ཞེ་དྲག་ཡག་པོ་གསུངས་འདུག། གནད་ལ་འཁེལ་བ་ཞིག་གསུངས་འདུག། རྡ་རམ་ས་ལའི་ཆབ་སྲིད་ཀྱི་སྟོང་ཉིད་རྟོགས་འདུག།

3. བཞུགས་སྒར་གྱི་སྒྲིག་འཛུགས་ཀྱིས་ངེས་པར་དུ་བཙན་བྱོལ་ནང་གི་ཤེས་ཡོན་དང་ཆབ་སྲིད་ཁ་ཕྱོགས་དེར་བསྐྱར་ཞིབ་བྱེད་དུས་སུ་བབ་ཡོད་པ་རེད།།

4. བརྗོད་གཞིའི་ཐད་རྒྱབ་སྐྱོར་ཆེན་པོ་ཡོད། རྡ་སའི་རི་ངོགས་ཀྱི་དངོས་དོན་རྟོགས་འདུག ༼སློབ་གསོ་དེ་འདྲའི་འོག་གི་བཙན་བྱོལ་ལས་སྣེ་ཚོར་གཅིག་ནས་བོད་ནང་གི་གནས་ཚུལ་དངོས་དང་བོད་ཀྱི་སྐོར་ཆ་རྒྱུས་ཧ་ཅང་ཆུང་བས། ཆབ་སྲིད་སྟེང་རྒྱུན་ལྡན་གྱིས་དུས་ཚོད་གཏོང་རྒྱུ་དང་འཚོ་བ་སྐྱེལ་རྒྱུ་ཙམ་མ་གཏོགས། མདུན་མཆོངས་དང་གསར་འགྱུར།གཞན་ལ་བག་ཆགས་དང་ཤུགས་རྐྱེན་གཏིང་ཟབ་འཇོག་ཐུབ་པ་སོགས་ཀྱི་འཇོན་ནུས་མེད་པ་མངོན་གསལ་རེད།

   གཉིས་ནས་བོད་མིའི་སྐད་ཡིག་རིག་གཞུང་དང་བཅས་པར་ཆ་རྒྱུས་ཞན་སྟབས། རྒྱ་ནག་གཞུང་གིས་རིག་གཞུང་རྩ་གཏོར་སོགས་ཕ་རོལ་པོར་སྐྱོན་བརྗོད་མ་ཎི་བགྲང་བ་ལྟར་བྱས་བསྡད་པ་ཁག། རང་ལ་དཔེ་བླངས་སྐབས་གཞན་གྱིས་ཡིད་ཆེས་དཀའ་མོ་དང་ཁྲེལ་དགོད་ཀྱང་ཤོར་གཞིར་གྱུར་ཡོད།

   གསུམ་ནས་ནུབ་ཕྱོགས་ལ་སྐྱབས་འཚོལ་གྱི་བསམ་བློ་ཁོ་ན་ཙམ་ལད་ཟློས་བྱེད་པ་ལས་རྒྱ་ནག་མིའི་གཤིས་སྤྱོད་སྤྱི་བྱེ་དང་། དགོས་གུང་བྲན་གྱི་ཆབ་སྲིད་འགྱུར་འགྲོས། རྒྱ་ནག་གཞུང་གི་རྙོག་འཛིངས་ཆེ་བའི་སྲིད་ཇུས་བཅས་ལ་ཉམས་མྱོང་རྒྱུས་མངའ་མེད་པར། ནམ་རྒྱུན་འགག་རྩའི་དུས་སུ་གནད་ལ་ཕོག་པའི་ལམ་སྟོན་དང་གསར་གཏོད་མདུན་བསྐྱོད་བྱེད་མི་ཐུབ་པ་དེས། བོད་ནང་གི་བོད་མི་ཚོས་རང་སྲོག་བཏང་བར་བཙན་བྱོལ་ནང་ཁོང་ཚོའི་དམིགས་ཡུལ་ཐོག་རྩོད་རྙོག་སྣ་ཚོགས་ཡོང་བ་མ་གཏོགས། ཁོང་ཚོའི་དགོས་འདུན་སྒྲུབ་པར་ལམ་ཁ་སྟོན་ཐུབ་མཁན་དང་ལག་ལེན་གནད་ལ་ཕོག་པ་སྟོན་ཐུབ་མཁན་མེད་པ་རེད།༽ཞེས་བརྗོད་པ་ནི་ཧ་ཅང་དྲང་བདེན་རེད།

   དེའི་སྟབས་ཀྱིས་རྡ་སའི་ལས་སྣེ་ཚོས་རང་ངོ་མ་ཟིན་པར་རང་གི་རིན་གོང་རང་ཉིད་ཀྱིས་མར་འབེབ་ཀྱིན་པའི་སྐྱོ་གནས་འདི་བྱུང་བ་རེད། ད་ང་ཚོ་ལ་ཡོད་པ་གཅིག་བུ་དེ་རི་རབ་འདྲ་བའི་བདེན་པ་འདི་ཉིད་ཡིན་ཡང་། དེ་ཡང་དགྱ་ངོ་ལ་བལྟས་ནས་མག་མོག་ཅིག་ཏུ་གྱུར་ཡོད།

5. ཁྲི་རལ་བ་ཅན་ཟེར་བའི་མིང་ཅན་འདིས་རང་ལ་བོད་མིང་བརྗིད་པོ་ཞིག་བཏགས་ནས་རང་རེའི་གཞུང་ལ་ཁ་ཐུར་བསྟན་གྱི་ཆབ་སྲིད་དང་དེའི་ཕོངས་འབྲས་ཞེས་གཞི་མེད་སྐྱོན་བརྗོད་བྱེད་པ་ལ་ང་ཚོས་གང་ཟག་ལ་མི་རྟོན་ཆོས་ལ་རྟོན་ཟེར་བ་ལྟར་ཁྲི་རལ་བ་ཅན་དང་སྲོང་བཙན་སྒམ་པོ་སོགས་མིང་བརྗིད་པོ་ལ་མི་ལྟོས་པར་ཁོས་གང་བཤད་པ་ལ་རྒྱུ་མཚན་འདུག་མི་འདུག་བལྟ་རྒྱུ་ནི་གལ་ཆེར་མཐོང་སྟེ་བཤད་ན། ཁོས་བོད་མིང་ཞིག་འཁྱེར་ནས་སོ་སོའི་གཞུང་དང་དབུ་ཁྲིད་ལ་གཞི་མེད་ཀྱི་སྐྱོན་བརྗོད་བྱེད་པ་ནི་ཡང་ན་ཀུན་སློང་མ་དག་པའམ་ཡང་ན་ཤེས་ཡོན་གྱི་མིག་གཉིས་ལོང་ཡོད་པ་གསལ་བོ་རེད། ཁོས་གཞིས་བྱེས་གཉིས་ཀྱི་ཤེས་ཡོན་སློབ་སྦྱོང་དང་། རྒྱ་གཞུང་ལ་ངོ་རྒོལ་གྱི་སེམས་ཤུགས། རང་བསྲེགས་ངོ་རྒོལ་སོགས་ལ་མཚུངས་བསྡུར་གྱིས་བོད་ནང་ལས་བཙལ་བྱོལ་བ་ཚོས་གང་ཅིའི་ཐད་ནས་འབྱོན་གྱི་མེད་པ་དང་། ལྷག་ཏུ་བཙན་བྱོལ་བའི་དབུ་ཁྲིད་དང་ལས་བྱེད་ཁག་ལའང་སྐྱོན་བརྗོད་ཤུགས་ཆེར་བྱེད་འདུག། བཙན་བྱོལ་ནང་བོད་མི་འབུམ་གཅིག་དང་ཕྱེད་ཀ་ལས་མེད། བོད་ནང་བོད་མི་ས་ཡ་དྲུག་ལྷག་ཡོད་པ་ལ་ལྟོས་ན་བཙན་བྱོལ་བའི་གྲངས་ཀ་བརྒྱ་ཆ་གཉིས་ལས་ཟིན་གྱི་མེད། དེར་བརྟེན་བོད་མི་བརྒྱ་ཆ་གཉིས་ལས་ཟིན་མེད་པའི་བཙན་བྱོལ་བས་བོད་མི་བརྒྱ་ཆ་དགུ་བཅུ་གོ་བརྒྱད་དང་མཚུངས་བསྡུར་གནང་ན་བོད་ཀྱི་སྐད་ཡིག་དང་ཤེས་ཡོན་གྱི་རྨང་གཞི། ཆབ་སྲིད་ཀྱི་རྨང་གཞི་མཐོ་བོ་ཡོད་པ་ལོང་བས་ལྟོས་ཀྱང་མཐོང་དགོས་ཚོད་རེད། ལྷག་ཏུ་འཛམ་གླིང་འདིར་མི་འབོར་དང་དཔལ་འབྱོར། ཆབ་སྲིད། གཡོ་འཕྲུལ་སོགས་ལ་རྩེ་མོར་སོན་བཞིན་པའི་རྒྱ་ནག་ལྟ་བུ་ལ་ཁ་ཐུག་གདོང་ཐུག་བཅར་ནས་རྒྱ་ནག་གི་གཡོ་འཕྲུལ་གྱི་ཁྱབ་བསྒྲགས་སོགས་ནུས་མེད་དུ་གཏོང་བ་དང་། རྒྱ་ནག་གི་གདོང་རས་ངོ་མ་འཛམ་གླིང་མི་དམངས་ལ་གསལ་སྟོན་ཐོག་གྲུབ་འབྲས་ཧ་ལས་པ་ཐོན་དང་འཐོན་བཞིན་པའང་ཉི་འོད་སྦར་མོས་འགེབས་མི་ཐུབ་པ་ལྟར་གྱུར་ཡོད། ད་དུང་འཛམ་གླིང་མི་དམངས་ཀྱི་རྒྱབ་སྐྱོར། སོ་སོའི་རིག་གཞུང་འཛམ་གླིང་སྟེང་རིན་ཐང་ངེས་ཅན་ཞིག་ཏུ་བསྐྲུན་ཐུབ་པ། བོད་མི་རིགས་ཀྱང་འཛམ་གླིང་རྒྱལ་ཁབ་གང་ཚར་གནས་པའམ་ཁྱབ་ཐུབ་པ། ཆོས་ལུགས་དང་ཆོལ་ཁ། གཞིས་དང་བྱེས་ཚང་མ་སྔོན་དང་མི་འདྲ་བར་མཐུན་སྒྲིལ་རྡོག་རྩ་ཆིག་སྒྲིལ་ཡིན་པ་བཅས་དེ་དག་ཐམས་ཅད་༧གོང་ས་མཆོག་གཙོས་བཙན་བྱོལ་བའི་དབུ་ཁྲིད་གསར་རྙིང་ཆེ་ཆུང་དང་མི་དམངས་ཚང་མས་ཕྱག་རྗེས་ཉག་གཅིག་ཡིན་པ་ལས་ཁྱོད་འདྲ་བ་བོད་ཡིག་འབྲི་ཤེས་ཙམ་ལས་ཤེས་ཡོན་གྱིས་ཕོངས་བ། བོད་མིའི་ཤ་ཁྲག་རས་གསུམ་གྱིས་གྲུབ་ཀྱང་རང་མི་རིགས་ལ་ལག་རྗེས་ཁབ་སྐུད་ཙམ་མེད་པར་རྒྱ་མའི་རྒྱུགས་ཁྱི་དང་དོལ་ཚོགས་ལྟར་ངོ་ཚ་ཁྲེལ་མེད་ཀྱིས་རང་སྐྱོན་རི་ལྟ་བུ་བཞག་ནས་གཞན་སྐྱོན་ཁབ་ཀྱིས་བཙལ་བའི་དཔེ་ལྟར་སོ་སོའི་གཞུང་དང་དབུ་ཁྲིད་ལ་བསྐུར་འདེབས་དང་སྒྲོ་འདོགས་བྱེད་མཁན་ཁྱོད་ལྟ་བུ་ག་ལ་ཡིན། མདོར་ན་བོད་མི་ཞིག་གིས་བོད་གཞུང་དང་དབུ་ཁྲིད་མི་རིགས་ལ་མཐོང་ཆུང་དང་སྐྱོན་བརྗོད་བྱེད་མཁན་དེ་རྒྱ་གུང་བྲན་ལས་ཀྱང་སྡིག་ཅན་ཡིན་པ་ཚང་མས་ཤེས་དགོས་ངེས་རེད། འདི་དང་འདི་འདྲ་བ་ནང་རྒྱ་མའི་རྒྱུགས་ཁྱི་དང་དོལ་ཚོགས་ཚོས་འདྲ་མི་འདྲ་བརྫུས་ནས་ཡོང་དང་ཡོང་བཞིན་ཡོད་པས་གཟབ་རྒྱུ་གལ་ཆེའོ།།

6. བཙན་བྱོལ་ནང་གི་འགོ་ཁྲིད་དེ་ཚོ་ནུས་མེད་ཡིན་པ་གསལ་པོ་གསུངས་འདུག་ག

   ད་བོད་མི་རྣམས་གཉིད་སད་ཡག་ཡིན་