༼སྐུ་མདུན་གྱི་ཞི་བདེ་གཟེངས་རྟགས་ཉིན་མོར་ཕུལ༽
____ལོ་མ་རྒྱལ།
༼༡༽ ཁྱེད་ཀྱིས་རལ་གྲི་དང་མེ་མདའ་ལ་མདུད་པ་བརྒྱབ་ཏེ། སུས་ཀྱང་བརྒལ་དཀའ་བའི་ཀྱག་ཀྱོག་གི་ལམ་བུ་གང་མང་འཛུམ་གྱི་མཁར་བར་བསྙེས་ཏེ་སླེབས།
༼༢༽ ཁྱེད་ཀྱིས་མེ་ཏོག་གི་ལྷན་དུ་ས་གཞི་ལ་ཞབས་ཀྱིས་བཅགས་ཤིང། ཕུག་རོམ་དང་ལྷན་དུ་ནམ་མཁའ་ལ་གཤོག་པ་འཛུགས་ཞོར། ཡོད་ཚད་ཁྱེད་ཀྱི་རུམ་ཕུག་ཏུ་ཉར།
༼༣༽ ཁྱེད་ཀྱིས་ཉི་འོད་དང་དྲོད་ཁོལ་ཕྱག་ཟུང་གིས་བཏེགས་ཏེ། མུན་པ་དང་གྲང་ངར་གྱིས་རྒོལ་པའི་སེམས་པ་གྲངས་མེད་ཅིག དྲོད་ཁོལ་གྱིས་གཏམས་པའི་རང་ཉིད་ཀྱི་པང་དུ་མནམས།
༼༤༽ ཁྱེད་ཀྱིས་ནམ་མཁའ་ལ་ཕྱག་གིས་བཙུགས་ཏེ། ས་གཞི་དང་སེམས་པ་ཡོད་ཚད་ཀྱི་བར་ལ་མ་ཎི་ཡི་ཟམ་པ་བཙུགས།
༼༥༽ ཁྱེད་ཀྱིས་རང་གི་རྒྱབ་ཀྱི་ངུར་སྨུག་ལབ་མོ་དེ། དུས་ཚོད་དང་མངའ་ཁུངས། ཁ་དོག་གི་དབྱེ་བ་ཅི་ཡང་མེད་པར་ཆ་སྙོམས་ཀྱི་སྒོ་ནས་ཀུན་པོའི་སྟེང་དུ་བཀླུབས།
༼༦༽ དེ་བས། དེ་རིང་། ཞི་བདེར་དགའ་ཞིང་འཛུམ་མདངས་ལ་དུངས་པའི་འཛམ་གླིང་དང་སྐྱེས་ཆེན་ཚོས་ཁྱོད་ལ་བརྗིད་ཉམས་ལྡན་པའི་གསེར་གྱི་ཁྲི་ཞིག་མཐོ་ལ་བརྒྱབས་ཏེ། ཁྱོད་ལ་ཞི་བདེ་དེད་དཔོན་ཞེས་མཚན་སྙན་གསོལ།
༼༧༽ དེ་བས། ང་ཡིས་ཁྱེད་ཀྱི་ཕྲ་ཕུང་རེ་རེ་ཁྲག་སྦུབས་སུ་བཟུང་ཏེ། ཁྱེད་ཀྱིས་བཏོལ་བའི་ལམ་ཆེན་དེ་ནས། སྨོན་ལམ་དང་ཕུགས་བསམ་སྔས་སུ་བྱས་ཏེ་མདུན་དུ་བསྐྱོད། མདུན་དུ་བསྐྱོད་པར་བྱ།
རང་རིགས་མཆོག་དམན་མཐའ་ནས་སྐྱོར། །
བར་མ་དགྲ་ལའང་ཕན་པར་མཛད། །
སྐུ་གསུང་ཐུགས་གསུམ་གཞན་ཕྱིར་བསྔོས། །
ཞི་བདེའི་དེད་དཔོན་རྟག་བརྟན་ཤོག །
འདི་ན་ཡང་སྙན་དངགས་ཤིག སང་ཉིན་ངས་གྱེར་ན་འདོད།
འདིའི་ནང་དུ་མང་གི་ཡ