འོས་སྦྱོར་བ། བསྟན་འཛིན་འཇམ་དཔལ།
༼འདྲེན་ཁུངས། བོད་གཞུང་དྲ་རྒྱ།༽ བོད་རིགས་ཁག་གཅིག་ལ་ཨ་སྒོར་འབུམ་གསུམ་ལྷག་གི་གུན་གསབ་ཐོབ་པ།
ཨ་རིའི་མི་ནི་སོ་ཊ་ Minnesota མངའ་སྡེའི་ནང་རྟེན་གཞི་བྱས་པའི་དོ་སྐྱེལ་རླངས་འཁོར་གྱི་སྦྱིན་བདག་ New Metro Trucking Company རྒྱ་རིགས་རྣམས་ཀྱིས་བོད་རིགས་ཁ་ལོ་བ་རྣམས་ལ་མཐོང་ཆུང་བརྙས་བཅོས་བྱས་པར་བརྟེན། བོད་མི་དེ་རྣམས་ཀྱིས་ཁྲིམས་ཁང་ལ་གཏུག་ནས་རྒྱལ་ཁ་ཐོབ་རྗེས་རྒྱ་རིགས་སྦྱིན་བདག་རྣམས་ལས་གུན་གསབ་ཨ་སྒོར་སུམ་འབུམ་བཞི་ཁྲི་བདུན་སྟོང་ $347,000.00 ཐོབ་ཡོད།
དེ་ཡང་བོད་མིའི་ཁྲིམས་རྩོད་པ་ཀེ་ནེ་ཐི་ཨུ་དེའི་བྷོཀ་ Kenneth Udoibok ལགས་ཀྱིས་ཁྲིམས་ཁང་ནང་རྒྱ་རིགས་སྦྱིན་བདག་ཚོས་བོད་མི་ཁ་ལོ་བ་རྣམས་བོད་རིགས་ཡིན་པའི་རྒྱུ་མཚན་ལ་བརྟེན་ནས་རྒྱ་རིགས་ལས་བྱེད་པ་ལས་དུས་ཚོད་མང་བ་ལས་ཀ་བྱེད་བཅུག་པ་དང་། དུས་ཚོད་འཕར་མ་ལས་ཀ་བྱེད་དགོས་ཀྱང་གླ་ཆ་འཕར་མ་མ་སྤྲད་པ། རྒྱ་རིགས་ལས་བྱེད་ཚོ་ལས་གླ་ཆ་ཉུང་བ་སྤྲད་པ་མ་ཟད། བོད་མི་ཁ་ལོ་བ་ཚོར་ཉེན་ཁ་ཆེ་བའི་གཞུང་ལམ་དུ་འགྲོ་བཅུག་པ་དང་། དེ་བཞིན་འགྲུལ་བཞུད་སྐབས་རྒྱ་རིགས་ཁ་ལོ་བ་ཚོར་ཟས་དོད་དང་ཁང་དོད་སོགས་ཀྱི་ཐོབ་ཐང་སྤྲད་ཀྱང་བོད་རིགས་ཚོར་ཐོབ་ཐང་དེ་དག་མ་སྤྲད་པ་སོགས་མཐོང་ཆུང་ཁྱད་གསོད་བྱས་པའི་དཔང་རྟགས་ར་སྤྲོད་གསལ་པོ་ཞུ་གཏུག་བྱེད་ཐུབ་པར་བརྟེན་ཁྲིམས་ཀྱི་རྒྱལ་ཁ་ཐོབ་ཡོད།
༢༠༡༣ ཟླ་ ༡༢ ཚེས་ ༢༧ རེས་གཟའ་པ་སངས་ཉིན་སྤེལ་འདུག
གཏམ་འདིའི་མཇུག་འབྲས། ཉན་སྤྲོ་བོ་འདྲ་ཞིག་ཆགས་འདུག། བོད་པ་ཚོ་གང་ས་གང་ནས་ཉེས་ཐག་ཟོས་མ་ཡོང་ཨ། ཇོ་བོ་རིན་པོ།
ནུབ་ཕྱོགས་ཁུལ་དུ་དགྱ་ལས་བྱེད་མཁན་གྱི་བོད་རིགས་ཚོས་རྒྱའི་ཁྲིམས་འགལ་གྱི་བྱ་སྤྱོད་དེ་ཚོ་སྐབས་བསྟུན་གྱིས་ཁྲིམས་གཏུག་བྱས་ན་ཅི་མ་རུང་།
གང་ལྟར་གོང་དུ་བོད་རིགས་འགའ་ལ་དགྱ་ལག་ནས་གུན་གསབ་ཐོབ་པ་ཐོས་པས་དགའ་སྤྲོ་ཆེ།
ལས་འབྲས་དཔང་དུ་བཞག མི་རྒྱུ་ཟ་བ་ལ་མ་རྔམས་།
རྒྱ་མི་རིགས་ཡོངས་ན་བོད་པར་དགའ་མོས་བྱེད་མཁན་དཀོན་པོ་རེད། རྒྱ་ནག་པོ་ཡིན་ན་་འདྲ་རྒྱ་དམར་པོ་ཡིན་ན་་འདྲ་ཁ་པོ་རེད་། རྒྱ་ནག་གོང་མ་འཇམ་དཔལ་དབྱངས་ཀྱི་སྤྲུལ་པ་ཡིན་ནའང་བོད་རྒྱལ་སྤྱན་རས་གཟིགས་ལ་ཕན་སེམས་ཁག་པོ་རེད། རྒྱ་ནག་དམངས་གཙོ་དོར་གཉེར་དང་དམར་ཤོག་དང་ཁ་གཏད་ཚོགས་པ་རེ་ཟུང་དང་ཧྥ་ལུང་སྒོམ་འགས་བོད་པར་ཤ་ཞེན་ཡོད་མདོག་བྱེད་ཀྱང་ཆབ་སྲིད་ཀྱི་དགོས་མཁོ་ཙམ་ལས་ཁོ་ཚོ་དབང་ཆ་རག་ན་འོག་ལ་གནན་རྒྱུ་དང་མཐོང་ཆུང་བྱེད་ཀྱང་རེད། བོད་ལ་ཞེ་རྒོལ་བྱུང་ནས་ནེའུ་ཡོག་རྒྱ་ལས་བྱེད་མཁན་བོད་པ་མང་པོ་ཞིག་ལས་དཀའ་ནས་གནས་དབྱུང་གཏང་བ་སོགས་དངོས་ཡོད་རེད་།
འཇོན་འདུག ཕོ་ཁྱོ་ག་ཟེར་ན་འདི་འདྲ་རེད།
ངོ་མ་བཤད་ན་ངས་འདིར་བསྟོད་པ་བྱེད་འདོད་མེད། ཕྱི་གླིང་དུ་སྐྱབས་བཅོལ་ཞུ་མཁན་བོད་པ་གང་མང་ཞིག་གིས་རྒྱ་ནག་གི་སྦྱིན་བདག་བཙལ་ནས་ལས་ཀ་བྱས་དང་བྱེད་ཀྱིན་པ་རེད། དེར་མ་ཟད་ལས་ཀ་དཀར་ནག་གཉིས་ཀ་བྱེད་ཀྱིན་འདུག མ་གཞི་ཁོ་ཚོ་ཕྱི་གླིང་ལ་ཡོང་བ་རྒྱ་ནག་གི་ལས་ཀ་བྱེད་དུ་ཡོང་བ་རེད་དམ། ཅིའི་ཕྱིར་རྒྱ་ནག་གི་སྦྱིན་བདག་དག་ལས་མཐོང་ཆུང་མྱོང་བཞིན་ལས་ཀ་བྱེད་དགོས་པ་རེད། འདིའི་སྐོར་ལ་ད་དུང་ཁྱད་མཚར་དེ་འདྲ་མང་པོ་གོ་རྒྱུ་འདུག གནད་དོན་གཙོ་བོ་རང་གིས་སྦྱིན་བདག་བཙལ་སྟངས་ནོར་བ་རེད། ཡིན་གཅིག་མིན་གཅིག་རྒྱ་སྐད་མ་ཤེས་ན་ལས་ཀ་མི་རག་པ་ཞིག་ཡིན་ནམ། ལྷག་པར་དུ་ལས་ཀ་ནག་པོ་ལས་པ་དང་ད་དུང་མཐོང་ཆུང་རིགས་མྱོང་དགོས་པ་དེ་གཙོ་བོ་རང་ཉིད་ལན་པ་རེད། གཟབ་གཟབ་མ་བྱས་ན་བོད་པ་ལ་ལས་ལས་ཀ་བྱེད་སྟངས་ཀྱིས་མི་རིགས་ཀྱི་ཞབས་འདྲེན་བྱེད་པ་ཡོང་ཉེན་འདུག་ད། ཨོ་ལེ། ནད་མཁྲིས་པའི་སྨན་ལ་ཞིམ་པོ་མེད།
གོང་གི་གསར་འགྱུར་དེའི་ཐོག་ནས་བདེན་པ་ལ་རྒྱལ་ཁ་ཐོབ་རྒྱུ་ཞིག་ཡོད་པ་ར་སྤྲོད་གསལ་པོ་གནང་འདུག་དེ་འདྲ་སོང་རང་རའི་ཆབ་སྲིད་བཙོན་པ་ངོ་མ་ཚོས་ཀྱང་མི་རྒྱུ་གཉིས་ལ་གནོད་འཚེ་འཕོགས་པའི་ཞུ་གཏུག་ཞིག་བྱས་ན་སྒྲུབ་འབྲས་གང་ཚམ་ཡོང་སྲེད་
གོང་གི་གསར་འགྱུར་དེའི་ཐོག་ནས་བདེན་པ་ལ་རྒྱལ་ཁ་ཐོབ་རྒྱུ་ཞིག་ཡོད་པ་ར་སྤྲོད་གསལ་པོ་གནང་འདུག་དེ་འདྲ་སོང་རང་རའི་ཆབ་སྲིད་བཙོན་པ་ངོ་མ་ཚོས་ཀྱང་མི་རྒྱུ་གཉིས་ལ་གནོད་འཚེ་འཕོགས་པའི་ཞུ་གཏུག་ཞིག་བྱས་ན་སྒྲུབ་འབྲས་གང་ཚམ་ཡོང་སྲེད་
ཆབ་བྲག་ལ་རྒབ་སྐྱོར་ཡོད། ཕྱི་ནང་གཉིས་ཀ་རྒྱའི་གདུག་རྩུབ་འོག་ལ་འདུག་དགོས་པ་ང་ཚོའི་ལས་དབང་ཡིན་ས་རེད། དེ་ལས་གཞན་པའི་ལམ་ཁ་ཞིག་ང་ཚོ་བོད་པ་ཚང་ལ་མེད་པ་རེད་དམ།
རང་བཙན་དང་། དབུ་མ་རྩོད་པ་ལས། དེ་འདྲའི་ཁྲིམས་གཏུག་ཙག་ཙིག་གང་མང་བྱེད་ཐུབ་ན། བོད་སྤྱིའི་བསམ་དོན་ལ། ཕན་ཐོགས་ཆེན་པོ་ཡོད་པར་བརྟེན་ཀུན་གྱིས་གང་ཐུབ་རེམས་པར་མཛོད།
དེ་འདྲ་ལ་ཡིད་ཆེས་མེད། དེ་སང་ཕྱི་རྒྱལ་ལ་དམངས་གཙོ་དང་ཁྲིམས་བེད་སྤྱད་ནས་གཞན་གྱི་རྒྱུ་ནོར་རག་ཐབས་བྱེད་མཁན་མང་པོ་ཡོད།
གནད་དོན་འདི་དང་འབྲེལ་ནས་་བཙན་བྱོལ་བོད་མི་ཚོས་མི་ཚེ་སྐྱེལ་ཐབས་སྐོར་ལ་བགྲོ་གླེང་བྱེད་ཐུབ་ན་ལེགས། ལྷག་པར་ཉམས་མྱོང་ཡོད་པ་ཚོས་ལེགས་ཉེས་བླང་དོར་གྱི་མྱོང་བ་རེ་བཤད་རྒྱུ་ཡོད་ན་་་་