ལྷ་རྩེའི་ཁུ་བྱུག
ཕྱིར་རྟོག་སེམས་ཀྱི་གདགས་སྲིབ་རེ་ལ།།
དགའ་སྐྱོ་འདྲེས་མའི་ན་བུན་འཚུབས་སོང་།།
ཁྲག་གིས་ཚོས་པའི་རྐང་རྗེན་དམར་པོ།།
མི་ཡུལ་འདི་ཡི་ཟིན་ཐོ་ཡིན་འདུག།
འདི་སྣང་སེམས་ཀྱི་ཡོལ་གོར་འཁྱིལ་བ།།
སྲིད་པས་བསླུས་པའི་སྒྱུ་མའི་ཐང་རེད།།
ཚོར་བས་སྒུལ་བའི་རེ་དོགས་ནག་པོ།།
སུན་སྣང་སྟོང་གི་ཁུར་པོ་ཡིན་འདུག།
ཡོམ་ཡོམ་གཡོ་བའི་འཁོར་བའི་གྲུ་ཆེན།།
ལས་ཀྱི་རླུང་གིས་ཡང་དུ་བདས་སོང་།།
ཞེ་འཛིན་རྟོག་པའི་སྡུག་བསྔལ་མཚོ་མོ།།
ལུས་སེམས་གསེད་པའི་འཕྲུལ་འཁོར་ཡིན་འདུག།
དཀར་དམར་ཐང་གི་བུར་ཆང་གར་པོ།།
རྩ་རྒྱུས་སྦྲེལ་བའི་ཀེང་རུས་གསོན་པོ།།
ལས་ཀྱིས་བསླུས་པའི་སྒྱུ་མའི་ཐོ་ཡོར།།
སྣང་བ་འདི་ཚོས་ཨང་ཐང་བཅད་སོང་།།