ཟླ་བ་གཞོན་ནུ།
༢༠༡༣ལོའི་ཟླ་༡༢ ཚེས་༡༥ ཉིན། རྒན་སྤྲེལ་ནག་པ་བློ་གྲོས་དཔལ་བཟང་མཆོག་དང་། ལོ་ཙཱ་བ་བསྟན་འཛིན་རིགས་བཟང་གཉིས་ཀྱིས་གཙོས་པའི་དམིགས་ཡུལ་དང་ལས་དབང་གཅིག་པའི་སྙུག་ཐོགས་པ་འགའ་དང་ལྷན་དུ་བོད་འགྱུར་དེབ<<མེ་ཏོག་ཕྲེང་རྒྱུད>>དང་། འབོལ་རྩོམ<<འཆི་གསོན་གྱི་གདམ་ག>>གཉིས་ཀྱི་དབུ་འབྱེད་བྱེད་སྒོ་སྟབས་བདེ་ཞིག་ནོར་བུ་གླིང་ཁར་སྤེལ་ཟིན་ནའང་། རྒྱུ་རྐྱེན་གང་མང་ཞིག་གིས་ད་སྔ་བར་དུ་འགྲེམས་སྤེལ་བྱ་མ་ཐུབ་པས། དགོངས་འགལ་མེད་པར་ཞུ།
རྒྱ་ཆེའི་ཀློག་པ་པོ་རྣམ་པས་གོང་གི་དཔེ་དེབ་གཉིས་ལ་གཟིགས་འདོད་ཚེ། གཤམ་གྱི་ཁ་པར་ཨང་གྲངས་བརྒྱུད་མངགས་ཉོ་བྱ་ཆོག ཐུགས་རྗེ་ཆེ།
Kathup Gyal (དཀའ་ཐུབ་རྒྱལ།) དིལླིར། +918826933945
Dorji Rinchen (རྡོ་རྗེ་རིན་ཆེན།) དྷ་སར། +918679176063
Dorjee Kyab (རྡོ་རྗེ་སྐྱབས།) ཝཱ་རཱ་ཎ་སཱིར། +917275734681
རྩོམ་པ་པོ་རྡོ་རྗེ་སྐྱབས་སུ་བཀྲ་ཤིས་བདེ་ལེགས་ཞུ།
མཐུག་པོ་མིན་ན་ཀློག་འདོད་ཡོད། ཤོག་གྲངས་ག་ཚོད་ཡོད།
གོང་ཆེན་མིན་ན་ཉོ་འདོད་ཡོད། རིན་གོང་ག་ཚོད་ཡིན།
སྒོར་མོ་ནི་སྙན་ངག་སྙན་མི་སྙན་འཇལ་བྱེད་ཀྱི་ཚད་ཡིན། མང་བོ་བཙོང་ཐུབ་ན་ཡག་རྟགས་རེད། རྗེས་མར་ངས་ཀྱང་དེབ་འགའ་ཉོ་འདོད་ཡོད། ཆ་རྐྱེན་སྙན་དགོས།
ཉིད་ཀྱིས་དེབ་དེ་ཉོ་བར་སྐུལ་གྱི་ཡོད་ན་མངགས་ཉོ་གནོང་ཞེས་པའི་ཚབ་ཏུ་གནང་གི་སྐུལ་ཚིག་གནོངས་ཞེས་པ་སའི་ཡང་འཇུག་ཅན་འདི་འབྲི་དགོས་པར་འདོད། གནོང་ནི་དོན་གྱི་ཆ་ནས་འཛེམ་དོགས་ལ་འཇུག་པས། དོན་འདི་བཞིན་ཁ་བྱང་ལ་གོ་བ་ཞིག་བླངས་ན་ཅི་འདྲ་ཞིག་བསྟན་ཡོད་པ་ཁོ་བས་མ་བཤད་ཀྱང་ཤེས་ཐུབ། མ་གཞི་འདི་ནི་སྐུལ་ཚིག་ཙམ་གྱི་ཡིག་ནོར་ཞིག་ཡིན་ནའང༌། དོན་གྱི་གོ་བ་ལེན་སྟངས་ལ་གཞིགས་ན་གོ་ལོག་གི་དོན་ཅན་དུ་སྣང་བས་ངེས་པར་དུ་ཡིད་གཟབ་བྱ་གལ་ཆེ། དེང་སྐབས་སུམ་རྟགས་ཀྱི་གཞུང་འགྲེལ་སྔ་མ་རྣམས་དང་མི་བསྟུན་པར་རང་ལུགས་ལྟ་བུའི་འབྲི་སྲོལ་གསར་པ་རེ་སྤེལ་མཁན་ཡང་ཡོད་པས། སྐུ་ཉིད་ལའང་དེ་ལྟར་རང་ལུགས་ཀྱི་འགྲེལ་བཤད་རྒྱག་སྟངས་ཤིག་ཡོད་ན་ཐང་མོད། འོན་ཀྱང་འདི་རིགས་ནི་ཤེས་ཡོན་པའི་སྟེགས་སུ་འགྲེང་མཁན་རྣམས་ཀྱིས་ངེས་པར་དུ་གཟབ་དགོས་པ་ཞིག་རེད་སྙམ།
ཡི་རངས་ཞུ་བཞིན་ཡོད།