ཅོག་མྱི།
ཁོད་ཡངས་བའི་རྒྱལ་ཁམས་ལ།
གུ་དོག་པའི་བྱུང་རབས་ཤིག
ཁོད་ཡངས་བའི་བསྟན་པ་ལ།
གུ་དོག་པའི་གྲུབ་མཐའ་ཞིག
ཁོད་ཡངས་བའི་རིགས་དྲུག་ལ།
གུ་དོག་པའི་གདོང་དམར་རིགས།
ཁོད་ཡངས་བའི་དགེ་ལུགས་ལ།
གུ་དོག་པའི་ཤུགས་ལྡན་ཞིག
ཁོད་ཡངས་བའི་རྙིང་མ་ལ།
གུ་དོག་པའི་རལ་བ་ཞིག
ཁོད་ཡངས་བའི་མི་ལུས་ལ།
གུ་དོག་པའི་རབ་བྱུང་ཞིག
ཁོད་ཡངས་བའི་སྙན་དངགས་ལ།
གུ་དོག་པའི་མེ་ལོང་མ།
ཁོད་ཡངས་བའི་དམངས་གཙོ་ལ།
གུ་དོག་པའི་སྲིད་གཞུང་ཞིག
ཁོད་ཡངས་བའི་ཉལ་ཁྲིའི་སྟེང་།
གུ་དོག་པའི་རྨི་ལམ་རྨིས།
ཁོད་ཡངས་བའི་འབའ་ག་ནང་།
གུ་དོག་པའི་ལིང་ཀ་ཟུག
ཁོད་ཡངས་བའི་བདེ་སྐྱིད་མེད།
གུ་དོག་པའི་སྡུག་བསྔལ་མང་།
མདོར་ན།
ཁོད་ཡངས་བའི་གསང་སྤྱོད་ནང་།
ངས་གུ་དོག་པའི་སྐྱག་པ་བཏང་།