བཀྲ་ཤིས་བདེ་ལེགས།
ང་ཚོས་བོད་མི་དང་བོད་དོན་རྒྱབ་སྐྱོར་བ་ཚོ་དྲ་ཐོག་ཏུ་བདེ་འཇགས་དང་ཉེན་སྲུང་ཡོད་པའི་སྒོ་ནས་གནས་ཐུབ་ཆེད་འབད་བརྩོན་བྱེད་བཞིན་པའི་ལས་འགུལ་གྱི་ཆ་ཤས་ལྟ་བུར། སྐད་འཕྲིན་སྐོར་གྱི་བརྙན་ཐུང་འདི་ཚང་མར་གཟིགས་འབུལ་ཞུ་གི་ཡོད།
འབྲེལ་ཐག https://www.youtube.com/watch?v=-utq9znzGrU&feature=youtu.be
སྐད་འཕྲིན་ནི་འཕྲིན་ཐུང་མཉེན་ཆས་ལྦ་ཚི་ཨབ(Whatsapp)དང་གཞན་པ་དག་ལྟ་བུ་ཡིན་ཞིང་། དེ་ཡིས་བེད་སྤྱོད་གཏོང་མཁན་རྣམས་ལ་ཕན་ཚུན་དབར་དུ་འདྲ་པར་བགོ་བ་དང་བརྙན་ཐུང་གཏོང་བ། འཕྲིན་ཐུང་གཏོང་བ། སྐད་བསྐུར་བ་སོགས་བྱེད་འཇུག་གི་ཡོད། སྐད་འཕྲིན་ནི་འཛམ་གླིང་ཤར་ནུབ་ཀུན་ཏུ་བེད་སྤྱོད་གཏོང་མཁན་གྱི་གྲངས་ཀ་འཕེལ་མགྱོགས་ཤོས་ཀྱི་འཕྲིན་ཐུང་མཉེན་ཆས་ཤིག་ཆགས་བཞིན་ཡོད་པ་མ་ཟད། བོད་ཕྱི་ནང་གཉིས་ཀྱི་བོད་མི་ཕལ་ཆེ་བས་ཀྱང་དེ་བེད་སྤྱོད་གཏོང་གི་ཡོད། ང་ཚོས་དེ་ལ་སེམས་ཁྲལ་བྱེད་ཀྱི་ཡོད་ཅིང་གཤམ་གྱི་གནད་དོན་ཁག་ནི་ཅིའི་ཕྱིར་ང་ཚོས་བོད་པའི་སྤྱི་ཚོགས་ཁྲོད་དུ་སྐད་འཕྲིན་བེད་སྤྱོད་གཏོང་བ་དེར་སེམས་ཁུར་བྱེད་དགོས་བའི་རྒྱུ་མཚན་གཙོ་བོ་ཁག་ཡིན།
༡) སྐད་འཕྲིན་ནི་རྒྱ་ནག་ནང་ཁུལ་དུ་ཞབས་ཞུའི་ལྟེ་གནས་ཡོད་མཁན་གྱི་རྒྱ་ནག་གི་འཕྲུལ་རིག་བཟོ་ཚོང་ཁང་ཞིག་གིས་བཟོས་བ་རེད།
༢) སྐད་འཕྲིན་གྱིས་HTTPSབེད་སྤྱོད་གཏོང་གི་མེད་ཅིང་དེ་ཡིས་སྐད་འཕྲིན་ཐོག་བྱུང་བའི་གླེང་མོལ་དང་འབྲེལ་བ་ཁག་ལ་ཉེན་སྲུང་གི་མཐུན་རྐྱེན་སྤྲོད་ཀྱི་ཡོད།
༣) སྐད་འཕྲིན་གྱིས་ཁྱོད་ཀྱི་ལག་འཁྱེར་ཁ་པར་སྟེང་གི་འབྲེལ་མིང་ཚང་མར་བལྟ་ཐུབ་གི་རེད།
༤) སྐད་འཕྲིན་གྱིས་ཁྱོད་ཀྱི་ལག་འཁྱེར་ཁ་པར་སྟེང་གི་འདྲ་པར་དང་ཡིག་ཆ་གཞན་པ་ཚང་མར་ཡང་བལྟ་ཐུབ་གི་རེད།
༥) སྐད་འཕྲིན་གྱིས་ཁྱོད་ཀྱི་སྡོད་གནས་ངོས་འཛིན་ཐུབ་གི་རེད།
༦) སྐད་འཕྲིན་གྱིས་ཁྱོད་ཀྱི་ཁ་པར་སྟེང་གི་འཕྲིན་ཐུང་དང་བརྙན་ཐུང་། འདྲ་པར། སྐད་འཇོག་གླེང་མོལ་སོགས་ཚང་མར་བལྟ་ཉན་བྱེད་ཐུབ་གི་རེད།
འདས་བའི་ལོ་ངོ་མང་པོར་། བོད་ཀྱི་ས་ཁུལ་མང་པོ་ནས་བོད་མི་དག་གིས་གསང་རྒྱ་ཅན་གྱི་གནས་ཚུལ་བགོ་འགྲེམས་བྱས་བའི་ཉེན་ལེན་ལ་བརྟེན་ནས་རྒྱ་ནག་གཞུང་གིས་བོད་མི་དག་འཛིན་བཟུང་དང་བཙོན་འཇུག་བྱས་ཡོད་པ་མ་ཟད་ཐ་ན་བོད་མི་དག་གི་ལག་འཁྱེར་ཁ་པར་དང་གློག་ཀླད་སྟེང་དུ་གནས་ཚུལ་མང་པོ་བཀག་འགོག་ཀྱང་བྱས་ཡོད། ང་ཚོས་གོ་ཐོས་ལྟར་ན། འཛིན་བཟུང་དང་བཙོན་འཇུག་བྱས་བ་དེ་དག་གི་ཁྲོད་ཀྱི་མང་པོ་ཞིག་དངོས་ཤུགས་གང་རུང་ནས་སྐད་འཕྲིན་དང་འབྲེལ་བ་འདུག་ཟེར། སྤྱིར་བཏང་ནས་རྒྱ་ནག་གཞུང་གི་ལྟ་རྟོག་ལ་གཡོལ་རྒྱུ་ཧ་ཅང་ཁག་པོ་ཡིན་རུང་། རྒྱ་ནག་གིས་བཟོས་བའི་ཉེན་ཁ་ཅན་གྱི་འཕྲིན་ཐུང་མཉེན་ཆས་སྐད་འཕྲིན་ལྟ་བུའི་རིགས་དང་ལྷན་དུ་མཉམ་གཤིབ་བྱེད་རྒྱུ་ཇེ་ཉུང་དུ་བཏང་ནས་སོ་སོའི་ཉེན་ཁ་ཆུང་དུ་གཏོང་རྒྱུ་ནི་བྱེད་ཐུབ་པ་ཞིག་རེད།ལྷག་པར་དུ། འཛམ་གླིང་གང་སར་ཡོད་པའི་བོད་མི་དང་བོད་དོན་རྒྱབ་སྐྱོར་བ་ཚོས་སོ་སོའི་བདེ་འཇགས་དེ་གལ་ཆེན་པོར་བརྩི་དགོས་བ་མ་ཟད་ང་ཚོ་ཚང་མ་ཕན་ཚུན་སྦྲེལ་ནས་ཡོད་ཙང་སོ་སོའི་ལག་འཁྱེར་ཁ་པར་སྟེང་དུ་འཕྲིན་ཐུང་མཉེན་ཆས་ཅི་ཞིག་བེད་སྤྱོད་གཏོང་མིན་སོགས་ཀྱི་སྐོར་ལ་དོ་གཟབ་བྱེད་རྒྱུ་ནི་ང་ཚོའི་རེ་སྐུལ་ཡིན།
སྐད་འཕྲིན་དང་འབྲེལ་བའི་གནས་ཚུལ་མང་ཙང་ཤེས་འདོད་ཚེ་ང་ཚོའི་དྲ་ཚིགས་ཐོག་ལ་ཕེབས་རོགས། འབྲེལ་ཐག https:// tibetaction. net
བོད་དོན་གྱི་ཆེད་དུ་སོ་སོར་བདེ་འཇགས་ཡོད་པ་བྱོས
ཚང་མར་ལོ་གསར་སྐྱིད་པོ་ཡོང་བའི་སྨོན་འདུན་ཞུ།
བོད་དོན་ལས་འགུལ་བསྟི་གནས་ཁང་གི་ལས་བྱེད་ཡོངས་ནས།
སྐད་འཕྲིན་དང་འབྲེལ་བའི་དོགས་འདྲི་སོགས་ཡོད་ཚེ། ང་ཚོའི་ལས་བྱེད་བློ་བཟང་རྒྱ་མཚོ་སྲིད་ཐར་ལ་འབྲེལ་བ་གནང་རོགས། ཁོང་གི་གློག་འཕྲིན་ཁ་བྱང་ནི
Gmail@ lobsang@tibetaction.net
གོང་གི་བརྙན་ཐུང་ལྟར་ནི་གང་ཤེས་སྒྲོ་འདོག་ཆེ་དྲག་པ་རེད།