མཁོ་སྤྲོད་པ། ཁྲི་གཡུང་དྲུང་།
ཁྲི་གཡུང་དྲུང་གི་“མར་ནང་ཚང་དྲུང་མུའི་དཔེ་ཚོགས་”ཅེས་པའི་དཔེ་དེབ་གསུམ་ངོ་སྤྲོད་རགས་བསྡུས།
བོད་ཤིང་རྟ་ལོའི་གནམ་ལོ་གསར་ཚེས་ཀྱི་ཞོགས་པར་ཕྲན་ཁྲི་གཡུང་དྲུང་གིས་བརྩམས་པའི་“མར་ནང་ཚང་དྲུང་མུའི་དཔེ་ཚོགས་”ཞེས་པའི་དེབ་འཕྲེང་གསུམ་དཔར་བསྐྲུན་ལེགས་གྲུབ་བྱུང་ནས་སྒོ་འབྱེད་དང་འགྲེམ་སྤེལ་ཞུ་བཞིན་ཡོད་པ་ལགས་ན་གཤམ་དུ་དཔེ་ཚོགས་འདིར་ཐུགས་སྣང་ཡོད་མཁན་རྣམས་ལ་ངོ་སྤྲོད་རགས་བསྡུས་ཙམ་ཞུ་རྒྱུ་ཡིན།
རྩོམ་པ་པོ།
ཁོ་བོ་ཁྲི་གཡུང་དྲུང་ནི་ཡུལ་མདོ་སྨད་མཚོ་ཆེན་ཁྲི་གཤོག་རྒྱལ་མོའི་ལྷོ་ཕྱོགས་སུ་སྐྱེས་ཤིང་ཕྱིས་སུ་བོད་དུ་སློབ་གྲྭར་འགྲིམས་ཤིང་ཕྱི་ལོ་༢༠༠༣ཙམ་ལ་གཡུང་དྲུང་བོན་གྱི་གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་དུ་འབྱོར་ནས་གཡུང་དྲུང་བོན་གྱི་བཤད་སྒྲུབ་འདུས་སྡེར་འཛུལ་ཞུགས་ཀྱིས་ད་ཆར་གཡུང་དྲུང་བོན་གྱི་མདོ་སྔགས་སེམས་གསུམ་གྱི་གཞུང་ལུགས་ཁག་དང་ཐུན་མོང་རིག་གནས་ཁག་ལ་སྦྱངས་བློ་མ་བོར་ཙམ་དུ་མཆིས།
དཔེ་ཚོགས་སྤྱིའི་ངོ་སྤྲོད།
དེ་ཡང་“མར་ནང་ཚང་དྲུང་མུའི་དཔེ་ཚོགས་”ཞེས་པའི་རྩོམ་རིག་དེབ་འཕྲེང་དང་པོ་《གདུང་ཚོར་ནག་པོ་》ཞེས་པ་དེ་ཡིན། དེ་ནི་ཕྱི་ལོ་༡༩༩༨ལོ་ནས་༢༠༠༧བར་གྱི་སྙན་ངག་ཕྱོགས་བསྒྲིགས་ཤིག་ཡིན།
རྩོམ་རིག་དེབ་འཕྲེང་གཉིས་པ་《ས་མཐའི་སེམས་པ་དམར་པོ་》ཞེས་པ་དེ་ཡིན། དེ་ནི་ཕྱི་ལོ་༢༠༠༧ནས་༢༠༡༤བར་གྱི་སྙན་ངག་ཕྱོགས་བསྒྲིགས་ཀྱི་དེབ་ཅིག་ཡིན།
དེབ་འཕྲེང་གསུམ་པ་《ཁྱུང་མོ་དགོན་པའི་སྔར་བྱུང་གི་ལོ་རྒྱུས་དང་ད་ལྟའི་གནས་བབ་》ཅེས་པ་དེ་ཡིན། དེ་ནི་ཕྱི་ལོ་༢༠༠༣ནས་དབུ་འཛུགས་གནང་ནས་༢༠༠༩ལོར་ཡོངས་སུ་བརྩམས་གྲུབ་ཡོད་པའི་ལོ་རྒྱུས་ཀྱི་དཔེ་དེབ་ཅིག་ཡིན།
དཔེ་ཚོགས་ཀྱི་ནང་དོན་གནད་བསྡུས།
དེབ་འཕྲེང་དང་པོ།
“གདུང་ཚོར་ནག་པོ་”སྙན་ངག་ཕྱོགས་བསྒྲིགས་ཤོག་ངོས་༡༥༠ཙམ་ཡོད། དེ་ནི་བོད་ཕྱི་ནང་གཉིས་སུ་བྲིས་པའི་སྙན་ངག་དྲུག་ཅུ་ཙམ་གྱིས་གྲུབ་པར་བྱས་ཡོད་པའི་དེབ་ཆུང་ཞིག་ཡིན།
དེབ་འཕྲེང་གཉིས་པ།
“ས་མཐའི་སེམས་པ་དམར་པོ་”སྙན་ངག་ཕྱོགས་བསྒྲིགས་ཤོག་ངོས་༢༠༠ཙམ་ཡོད། དེ་ནི་ས་མཐར་འཁྱམས་པའི་ཚོར་སྣང་གཙོ་བོར་བྱས་པའི་ཚིགས་བཅད་སྙན་ངག་ལྔ་བཅུ་ཙམ་གྱིས་གྲུབ་པར་བྱས་ཡོད་པའི་དེབ་ཆུང་ཞིག་ཡིན།
དེབ་འཕྲེང་གསུམ་པ།
“ཁྱུང་མོ་དགོན་པའི་སྔར་བྱུང་གི་ལོ་རྒྱུས་དང་ད་ལྟའི་གནས་བབ་”ཅེས་པ་ཡུལ་མདོ་སྨད་ཀྱི་བོན་དགོན་ཞིག་གི་ལོ་རྒྱུས་ཤོག་ངོས་༣༠༠ཙམ་ཡོད། དེར་ཁྱུང་མོ་ཞེས་པའི་མཚན་དོན་སོགས་ལ་དཔྱད་པ་བྱས་ནས་དགོན་དེའི་ལོ་ཚིགས་བཅས་ལ་ལོ་རྒྱུས་ཁུངས་གཏུགས་ཞུས་ཁུལ་གྱིས་དེང་རབས་དཔྱད་རྩོམ་འབྲི་སྟངས་ལ་ལད་འབྲི་བྱས་ཁུལ་བྱས་ཡོད་པའི་དེབ་ཆུང་ཞིག་ཡིན་པ་བཅས།
ཕྱི་ལོ་༢༠༡༤ ཟླ་༣ ཚེས་༡ ཉིན་སྨན་རིའི་གླིང་ནས།
(མར་ནང་ཚང་དྲུང་མུའི)་ཟེར་ན། ཅི་རེད། ཉོ་འདོད་རུང་། གོ་བ་མེད་ན། རྩིག་རྒྱུ་ཞིག་གིས་ཅི་བྱེད།
ཨ་ཁུ་གཡུང་དྲུང་ཚང་གིས་དཔྱད་རྩོམ་དང་སྙན་ངག་ཕྱོགས་བསྒྲིགས་དཔེ་དེབ་གསུམ་དུས་གཅིག་ལ་བཏོན་གནང་པར་དགའ་སྤྲོ་དང་རྟེན་འབྲེལ་ཞུ།
གང་མགྱོགས་ཉིད་ཀྱི་བརྩམས་ཆོས་དག་འཇལ་ཐུབ་པར་རེ་བས་སྒུག་ཡོད།
ཨ་ཁུ་གཡུང་དྲུང་ཚང་ཁྱེད་བོན་པོ་ཚང་གི་རྩོམ་པ་པོ་ཡག་པོ་ཞིག་རེད་ཟེར་བ་གོ་ཐོས་བྱུང་། ཁྱེད་ཀྱི་གསུང་རྩོམ་དེ་དག་མཇལ་འདོད་ཡོད། གང་ལྟར་ཤེས་རིག་གི་སྣེ་མོར་ཕྱག་ལས་གནང་བར་ཡག་པོ་འདུག
ག་ཚད་མང་བ་བྲིས་ཐུབ་ན། དེ་ཙམ་གྱིས་ཕན་ཐོགས་ཆེ་བར་འོང་ངེས་པས་་་་
ེརྩོམ་པ་པོ་ཁྲི་གཡུང་དྲུང་ལགས་ཀྱིས་་་ཁོང་རང་གི་་་མར་ནང་ཚང་དྲུང་མུའི་དཔེ་ཚོགས་་་ཅེས་པའི་དཔེ་དེབ་གསུམ་ངོ་སྤྲོད་གནང་བར་དགའ་བསུ་དང་བཀྲ་ཤིས་བདེ་ལེགས་ཞུ། ཁོང་རྩོམ་པ་པོ་ཡག་པོ་ཞིག་ཟེར་བ་གོ་སོང་། བྱ་བ་ཐམས་ཅད་ལེགས་ལམ་དུ་འགྲོ་བར་སྨོན། །
འདྲ་པར་གསལ་བོ་མེད་པའི་དེབ་ལ་རྟེན་འབྲེལ་ཞུ།
རྟེན་འབྲེལ་གྲངས་མེད་ཞུ།
མཁས་དབང་ཁྲི་གཡུང་དྲུང་ལགས་ལ་བཀྲ་ཤིས་བདེ་ལེགས་ཞུས་པ་ཡིན། གང་མགྱོགས་མགྱོགས་ཀི་ཉིད་ཀྱི་བརྩམས་ཆོས་དག་འཇལ་འདོད་ཡོད།