སྐྲན།
བོད་ཀྱི་སྐད་དང་ཡི་གེ་ཁྲི་ལོར་ཤོག།
དགོས་སུ་བྱམས་དང་སྙིང་རྗེ་ཁྲི་ལོར་ཤོག།
མདོར་ན་ཐུན་མིན་ཡུལ་གོམས་ཁྲི་ལོར་ཤོག།
༧གོང་ས་ཡིད་བཞིན་ནོར་བུ་ཁྲི་ལོར་ཤོག།
ལྷོ་བ་འཛམ་བུ་གླིང་འདི་ཁྲི་ལོར་ཤོག།
དགོས་སུ་ས་དང་ནམ་མཁའ་ཁྲི་ལོར་ཤོག།
མདོར་ན་མི་ཡི་ཐོབ་ཐང་ཁྲི་ལོར་ཤོག།
འཛམ་གླིང་ཞི་བདེའི་བདེ་སྐྱིད་ཁྲི་ལོར་ཤོག།
དྲིན་ཆེན་ཕ་མའི་སྐུ་ཚེ་ཁྲི་ལོ་ཤོག།
དགོས་སུ་ནང་མིའི་མཛའ་བརྩེ་ཁྲི་ལོ་ཤོག།
མདོར་ན་གྲོགས་ཀྱི་ཕྱི་ཐག་ཁྲི་ལོར་ཤོག།
རང་གི་མི་གཞི་རིན་ཆེན་ཁྲི་ལོར་ཤོག།
༜ བོད་རྒྱལ་ལོ་༢༡༤༡ ཤིང་ཕོ་རྟ་བོད་ཟླ་དང་བོའི་ཚེས་གཅིག སྤྱི་ལོ་༢༠༡༤ སྤྱི་ཟླ་༠༣སྤྱི་ཚེས་༠༢ ཞོགས་པའི་ཉི་ཤར་དུ་དངོས་མིང་ལ་རྡོ་རྗེ་ཚེ་རིང་དང་ཀུན་བཤད་ཀྱི་མིང་ལ་ཚངས་སྲས་བཞད་པའི་རྡོ་རྗེ། མིང་གཞན་ལ་ཐོར་རྒོད་པ་སྤྱན་ཆབ་དང་སྐྲན་དུ་འབོད་པས་བོད་སྐད་ཡིག་གི་ལས་བྱེད་པའི་མི་ཚང་མ་ལ་བཀྲ་ཤིས་བདེ་ལེགས་ཞུ་བའི་དོད་དུ་ཕུལ་བ་དགེ་གྱུར་ཅིག་གུ། །།
༸གོང་ས་མཆོག་ཁྱེད་ཁྲི་ལོར་བརྟན། །
བོད་ཀྱི་སྐད་ཡིག་ཁྲི་ལོར་བརྟན། །
བོད་མིའི་གོམས་བཟང་ཁྲི་ལོར་བརྟན། །
བོད་མིའི་སྒྲིག་འཛུགས་ཁྲི་ལོར་བརྟན། །