རྒྱ་གར་གྱི་གྲགས་ཅན་བརྙན་འཕྲིན་ལེ་ཚན་༼བདེན་པ་ཉིད་རྒྱལ་གྱུར་ཅིག༽

Comments (9) on “རྒྱ་གར་གྱི་གྲགས་ཅན་བརྙན་འཕྲིན་ལེ་ཚན་༼བདེན་པ་ཉིད་རྒྱལ་གྱུར་ཅིག༽”

1. གོང་ན་རིག་འཛིན་ཟེར་བའི་མིང་ཅན་འདིས་ལོག་གཡེམ་མམ་བཙན་གཡེམ་ཞེས་ཐ་སྙད་འདི་གཉིས་དོན་གཅིག་མིང་གི་རྣམ་གྲངས་སུ་འཁྲུལ་འདུག ལོག་གཡེམ་ནི་ལོག་པར་གཡེམ་པ་སྟེ་རང་གི་ཆུང་མ་ལས་བུད་མེད་གཞན་ལ་འཁྲིག་སྤྱོད་བྱེད་པའི་ཐ་སྙད་ཡིན། བཙན་གཡེམ་ནི་གཞན་ལ་འདོད་མོས་མེད་པར་བཙན་དབང་གིས་འཁྲིག་སྤྱོད་བྱེད་པར་གོ་སྟེ་ལོག་གཡེམ་ཡིན་པ་གཉིས་ཀ་འདྲ་ནའང་བཙན་དབང་དང་འཇིགས་སྐུལ་བྱས་ཡོད་མེད་ལ་ཁྱད་པར་ཡོད་དོ།

2. རྒྱ་གར་སྐད་མི་གོ་སྟབས་གསལ་བོ་ཞིག་ཤེས་དཀའ་སོང་མོད།འོན་ཀྱང་བུད་མེད་ཚོ་དང་ཉམ་ཆུང་རིགས་ཀྱི་ཡིད་སྐྱོ་བའི་གནས་སྟངས་ཞིག་བཤད་ཀྱི་ཡོད་ཚུལ་རེད།ཁ་སྔོན་ཞིག་ལ་དྲ་ཐོག་འདིར་བོད་པ་རྒད་པོ་ཞིག་གིས་གངྒའི་འགྲམ་ནས་རྒྱ་གར་ཕྲུག་གུ་བུ་མོ་དམར་རྗེན་འགའ་རྙེད་ནས་རྒད་པོ་དེས་གསོ་སྐྱོང་གནང་བ་ཞིག་འདིར་བཀོད་ཡོད་པ་ཞིག་དྲན་སོང་། རྒད་པོ་དེ་ཡང་བརྙན་འཕྲིན་སྡེ་ཚན་འདི་ལ་ངོ་སྤྲོད་རེ་གནང་ཐུབ་ན་ཤིན་ཏུ་ལེགས་སྙམ་པས་རེ་སྐུལ་ཞུ་བཞིན་ཡོད།

3. བཙན་གཡེམ།
   བཙན་གཡེམ་ནི། ངོ་ཚ་རེད།
   བཙན་གཡེམ་ནི། ཞབས་འདྲེན་རེད།
   བཙན་གཡེམ་ནི། ཁྲིམས་འགལ་རེད།
   བཙན་གཡེམ་ནི། སྡིག་པ་རེད།

4. བཙན་གཡེམ་བྱེད་མཁན་དང་། མྱོང་མཁན་གཉིས་ཀྱི་ཁྱད་པར།
   བཙན་གཡེམ་བྱེད་མཁན་ངོ་ཚ་དགོས་པ་ལས། བཙན་གཡེམ་མྱོང་མཁན་ངོ་ཚ་དགོས་མེད།
   བཙན་གཡེམ་བྱེད་མཁན་ཞབས་འདྲེན་ཡིན་དགོས་པ་ལས། བཙན་གཡེམ་མྱོང་མཁན་ཞབས་འདྲེན་མ་རེད།
   བཙན་གཡེམ་བྱེད་མཁན་ཁྲིམས་འགལ་ཡིན་པ་ལས། བཙན་གཡེམ་མྱོང་མཁན་ཁྲིམས་འགལ་མ་རེད།
   བཙན་གཡེམ་བྱེད་མཁན་ལ་སྡིག་པ་ཡོད་པ་ལས། བཙན་གཡེམ་མྱོང་མཁན་ལ་སྡིག་པ་མེད།

5. བཙན་གཡེམ་ལ་མི་དགའ་ན་དང་པོ་ནས་ཁར་ཡག་པོ་ཉན་པ་ཡིན་ན་གླེང་གཞི་གང་ཡང་ཡོད་པ་མ་རེད། དགོས་ན་མི་དགོས་མདོག་མདོག་བྱེད་རྒྱུ་ཡོད་པ་མ་རེད། བསམ་བློ་གུ་ཡངས་ཙམ་བཏང་དགོས་པ་རེད། བུ་མོ་ཚོ་ལ་ཟེར་གྱིན་ཡོད་དོ་་་་་་

6. བཙན་གཡེམ་ནི། ཕ་རོལ་པོར་འདོད་མོས་ཡོད་མིན་མ་ལྟོས་པར་བཙན་དབང་གིས་སྤྱད་པ་ལ་ཟེར། དེ་ནི་ཆོས་འཇིག་རྟེན་གང་གི་དངོས་ནས་བཤད་ཀྱང་གཅིག་ཏུ་ཐ་ཆད་པའི་ཁྲིམས་འགལ་ཞིག་ཡིན། ལྷག་པར་དུ་སངས་རྒྱས་ཆོས་ལུགས་ཀྱི་དངོས་ནས་བཅལ་ན། ཐ་ན་རང་གི་ཆུང་མ་ལས་གཞན་ལ་འདོད་པ་སྤྱད་པའང་ལས་ངན་པ་དང་། ནག་ཉེས་ཤིག་ཏུ་བགྲང་ཡོད། དེ་ལ་ཆོས་ལུགས་ཀྱི་བརྡ་ཆད་ལྟར་ན་ལོག་གཡེམ་ཟེར། འདི་ལ་དཔག་ན། བཙན་གཡེམ་ནི་དེ་ལས་ཀྱང་ནོར་འཁྲུལ་ཞིག་ཏུ་བལྟས་ཡོད་པ་ལྟ་ཅི་སྨྲོས། ཡིན་ནའང་། བཙན་གཡེམ་ཕོག་པའི་སྐྱེས་པའམ་བུད་མེད་དེར་གདོན་དུ་བལྟས་ཤིང་། འདྲེ་རུ་བརྩི་བ་དེ་ནི་”མི་གེའི་སྟེང་ལ་ཟླ་ལྷག་”ཟེར་ལྟར་ཡ་ང་སྙིང་རྗེ་མེད་པ་ཞིག་རེད། འོ་ན་དེ་གཉིས་ལ་ཁྱད་པར་ཅི་ཡོད་ཅེེ་ན། མུ་བཞི་བཞག་ཆོག རང་གི་ཆུང་མར་འདོད་མོས་གཏན་ནས་མེད་བཞིན་དུ་བཙན་གྱིས་སྤྱད་ན་བཙན་གཡེམ་ཡིན་ཡང་། ལོག་གཡེམ་མ་ཡིན། ཡང་གཞན་གྱི་ཆུང་མ་ལ་གཉིས་མོས་ཀྱིས་སྤྱད་པ་ནི། ལོག་གཡེམ་ཡིན་ཡང་། བཙན་གཡེམ་གྱི་ཁོངས་སུ་མི་བརྩི། དེ་བཞིན་དུ་གཉིས་ཀ་ཡིན་པ་དང་། མ་ཡིན་པའང་ཡོད་དེ་ཤེས་ནུས་སོ། །

7. དྲ་གྲོགས་ཚོས་གནད་དོན་ཐོག་ནང་ཆོས་དང་བོད་ཀྱི་གོམས་སྲོལ་གྱིས་ཐོག་ནས་ལྟ་སྟངས་གསུངས་རོགས། རྒྱ་གར་ལ་ཆ་་མཚོན་ན། ལོག་གཡེམ་མམ་བཙན་གཡེམ་གྱི་དོན་རྐྱེན་ནི་ཧ་ཅང་གི་གནས་ཚུལ་ཡ་ང་བ་ཞིག་རེད། དཔེར་ན། སྤྱི་ལོ་༢༠༡༢ནང་རྒྱ་གར་ནང་ལོག་གཡེམ་མམ་བཙན་གཡེམ་གྱི་འགྱོད་གཞི་༡༠༡༠༤༡ཙམ་བྱུང་ཡོད་པ་དང། དེ་དག་ལས་༣༥༦༣མ་གཏོགས་ཁྲིམས་ཐག་བཅད་ཐུབ་མེད་པ་དང་། ལྷག་མ་༨༦༠༣༢ད་དུང་ཡང་འགྱོད་དོན་འགྲོ་བཞིན་པ་རེད། དེ་བས་ཡིད་ཆེས་དཀའ་བ་ནི། ལོག་གཡེམ་གྱི་ཆག་སྒོ་བྱུང་སའི་བུ་མེད་ཀྱི་ལོ་ཚད་ནི། ཟླ་བ་གཉིས་ཀྱི་བྱིས་པ་ནས་རྒས་མོ་ལོ་༩༣བར་ཆགས་ཀྱི་ཡོད་འདུག སོམས་དང།

8. བོད་པའི་སྤྱི་ཚོགས་ནང་བུད་མེད་ཞིག་བུ་གཞན་དང་ལུས་འབྲེལ་བྱུང་ན་བུད་མེད་དེ་མ་རབས་ལ་རྩི་གི་འདུག བུ་ཞིག་བུད་མེད་གཞན་དང་ལུས་འབྲེལ་བྱུང་བ་ལ་ཇོན་ཐང་ལྟ་བུ་ཞིག་ལ་རྩི་གི་དེ་ཁྱད་ཚར་རེད། ནང་ཆོས་ནང་ལ་ལོག་གཡེམ་ནི་བུ་བུ་མོ་གཉིས་ཀ་ལ་མཉམ་དུ་བྱུང་གི་ཡོད་པ་དེ་འདྲ་རེད། འདི་བུ་བུ་མོ་ཐོབ་ཐང་འདྲ་ཉམ་མེད་པའི་རྟགས་མཚན་ཞིག་རེད། ཧྀན་དྷུ་ཆོས་ལུགས་དང་ཁ་ཆེའི་ཆོས་ལུགས་ལ་ཡང་དེ་རེད་འདུག

9. Satyamev Jayate ཡི་ནང་དོན། བདེན་པ་ཉིད་རྒྱལ་ལོ་རེད། བདེན་པ་ཉིད་རྒྱལ་གྱུར་ཅིག མ་རེད། སྔ་་མ་ནི་བསྒྲགས་ཚིག་དང་ཕྱི་མ་ནི་སྨོན་ཚིག་ཡིན། དཔེར་ན། ང་ཁང་པ་འདིའི་བདག་པོ་ཡིན་ཞེས་པ་དང་། ང་ཁང་པ་འདིའི་བདག་པོར་གྱུར་ཅིག་ཅེས་པ་ལྟ་བུ་རེད། རྒྱ་གར་གྱི་རྒྱལ་རྟགས་སུ་གྱུར་པའི་མྱང་མེད་སེངྒེའི་རྡོ་རིང་གི་གཤམ་ལ་ཚིག་འདི་བཀོད་ཡོད། རྒྱ་གར་ལ་རང་བདེན་པ་ཡོད་པས་སྐབས་དེའི་བཙན་རྒྱལ་སྟོབས་ཆེན་དབྱིན་ཡུལ་འོག་ནས་རང་བཙན་རེག་ཟིན་པས་མིང་བསྒྲགས་ཚིག་འདི་ཤིན་ཏུ་འཚམས། བོད་འདི་ད་ལྟའི་སྟོབས་ཆེན་བཙན་རྒྱལ་རྒྱ་དམར་འོག་ཏུ་ཡོད་ཀྱང་བདེན་པ་ང་ཚོར་ཡོད་པས་མཐར་ཐུག་གི་རྒྱལ་ཁ་གཏན་ནས་ང་ཚོར་ཡོད་ཅེས་པ་མཚོན་གྱི་ཡོད་པས་དེ་ཡང་འཚམས་པ་ཡིན། དུས་ཕྱིས་བོད་ལ་ལོག་རྒྱུ་བྱུང་སྐབས་རྒྱལ་རྟགས་འོག་གི་འབོད་ཚིག་དེར་ཡང་གཏན་གཏན་འགྱུར་བ་ཐེབས་སྲིད་པ་ཞིག་རེད།