ང་ཚོས་རང་གི་སྐད་ཡིག་སྲུང་དགོས་ན་སྒྲ་སྦྱོར་བམ་གཉིས་ལ་སྲོག་གསར་པ་འཇུག་དགོས།

Comments (21) on “ང་ཚོས་རང་གི་སྐད་ཡིག་སྲུང་དགོས་ན་སྒྲ་སྦྱོར་བམ་གཉིས་ལ་སྲོག་གསར་པ་འཇུག་དགོས།”

1. དེང་སང་བོད་པས་བེད་སྤྱོད་བྱས་དང་བྱེད་བཞིན་པའི་འཛམ་གླིང་ནང་གི་རྒྱལ་ཁབ་བརྒྱ་དང་དགུ་ཅུ་གི་གཉིས་ཀྱི་མིང་ཡང་གཅིག་གྱུར་ཞིག་འབྲི་གི་མ་རེད། དྲ་ཐོག་དང་ཚག་པ་སོགས་ཀྱི་ཐོག་ཏུ་རང་སོ་སོས་གང་འདོད་འདོད་འབྲི་གི་འདུག

   སྤྱིའི་ཆ་ནས་བཙན་བྱོལ་སྒྲིག་འཛུགས་ཀྱིས་ངོས་ནས་བོད་ཀྱི་སྐད་ཡིག་རིག་གཞུང་སྲུང་སྐྱོབ་བྱེད་དགོས་ཅེས་ཁ་ནས་བཤད་པ་ཙམ་མ་གཏོགས་་་་རྒྱལ་ཁབ་༡༩༢་གྱི་མིང་ཚིག་གཅིག་གྱུར་ཙམ་ཡང་གཏན་འབེབས་བྱས་མེད། སེང་གེའི་ཤེས་རིག་ལས་ཁུངས་ཀྱིས་བཟོ་པའི་ཐ་སྙད་གསར་པའི་ཚིག་མཛོད་དེའི་མདོག་རྒྱབ་ལ་གཅིག་ལྟོས་དང་། དེ་འདྲ་ཐབས་སྡུག་ཞིག་བཟོས་འདུག བེད་སྤྱོད་གཏོང་དཀའ་བ། དེང་རབས་ཀྱི་ལག་རྩལ་བེད་སྤྱོད་གཏོང་མ་ཤེས་པ། ཚིག་ཞིག་འཚོལ་དགོས་ནའང་དུས་ཚོད་རིང་པོ་དགོས་པ།

   སྨོན་ལམ་ཚིག་མཛོད་འདྲ་ཞིག་ཡང་བཟོས་ཐུབ་མི་འདུག དྲ་ཐོག་ནས་ཕབ་ལེན་བྱེད་ཐུབ་པའི་ཨེན་ཡིག་ཚིག་མཛོད་དེ་དག་བེད་སྤྱོད་གཏོང་བདེ་བ། ཚིག་འཚོལ་བདེ་བ། ཚིག་གི་སྒྲ་གདངས་ཉན་གྱི་ཡོད་པ་སོགས་ཁྱད་ཆོས་ཡོད་རེད།

   ང་ཚོའི་ཤེས་རིག་ལས་ཁུངས་ཀྱིས་བཟོ་པའི་ཚིག་མཛོད་དེ་ལ་གཅིག་ལྟོས་དང་། ངོ་མ་སེམས་ཕམ་ཡ་རེད།

   འདི་དག་གི་སྐོར་ལ་སྔོན་མ་ནས་མང་པོ་བཤད་མྱངས་ཡོད། ད་ནི་རེ་བ་འདྲ་ཞིག་རྫོགས་སོང་།

2. མི་རེ་རེས་ཕྱི་ལུགས་ཀྱི་ཐ་གསར་རྣམས་བོད་ཡིག་ཏུ་ཐ་སྙད་གསར་བ་རང་རང་འདོད་མོད་ལྟར་མང་ཙམ་དྲ་ཐོག་དང་ཚག་དཔར་སོགས་སྟེང་དུ་བཀོད་ཐུབ་ན་ངས་བལྟས་ན་དགེ་མཚན་ཆེ་སྙམ་སྟེ། སྒྲིག་ཚུགས་དང་བཙན་པ་ལྟ་བུས་དབང་ཡོད་ཀྱི་བཀའ་གཏོང་མི་དགོས་པར་རང་བཞིན་གྱིས་སྤྱི་ཚོགས་ཀྱི་འཚོ་བའི་འཁྲོད་དུ་གང་རྒྱུག་ཆེ་བ་དང་བདེ་བའི་ཐ་སྙད་གསར་བ་རང་བཞིན་གྱིས་བོད་སྐད་རང་དུ་གྱུར་གྱིས། དཔེར་ན། གློག་ཀླད། དྲ་རྒྱ། ལག་ཐོག་ཁ་པར། དྲ་ཚིག་སོགས་ཀྱིས་མཚོན་ཐ་སྙད་དེ་རྣམས་ནི་སུས་ཀྱང་བཀས་བཅད་མེད་ལ། སུས་ཀྱང་སྒྲིག་གཞི་བཟོས་མེད། དེ་རྣམས་སྤྱི་ཚོགས་རང་ནས་གཏན་དུ་ཕབ་པ་ཡིན་པས་རྩོམ་པ་པོ་དང་མཁས་དབང་། ལོ་རྩ་བ་སོགས་ནས་རང་རང་གྱིས་རྣམ་དཔྱོད་ཀྱི་རྩལ་ལས་ཐ་སྙད་གསར་བ་ཇི་ཙམ་བཟོས་པ་དེ་སྲིད་དུ་སྤྱི་ཚོགས་ནང་དུ་གདམ་ཁ་མང་སྙམ་མོ།

3. བོད་པའི་སྐད་ཡིག་ནི་ངེས་པར་སྲུང་དགོས་ཏེ། དོན་གཉིས་ཀྱི་སྒོ་ནས་སོ།།རང་དོན་ལ་བསམ་ན། བོད་མི་རིགས་འདི་གནས་དགོས་པས་སོ།།ཇི་སྲིད་སྐད་ཡིག་དེ་གནས་པ་དེ་སྲིད་མི་རིགས་དེ་ཡང་གནས་པའི་འགན་ཐེག་ཆེན་པོ་བྱ་ཐུབ་བོ།།སྤྱི་དོན་ལ་བསམ་ན། སེམས་ཅན་སྤྱིའི་བདེ་དོན་འབྲེལ་བའི་གནད་དོན་གལ་ཆེན་ཞིག་བོད་ཀྱི་སྐད་ཡིག་གིས་གཞི་འཛིན་ཡོད་པས་སོ་ཞེས་ཆེ་ལོང་ཙམ་ཞིག་ཡིན་ལ། ཞིབ་ཚགས་གཅིག་གཅིག་གཉིས་གཉིས་སུ་བགྲང་དུ་ཡང་ཡོད་པས་སོ།།
   དེ་ལ་ག་ལྔའམ། ག་དྲུག་གི་ལམ་ནས་རྒྱུན་སྐྱོང་དགོས་པ་ཞིག་མཐོང་ངོ་། དེ་ཡང་ཇི་ལྟར་ན། ག་རེ། ག་པར། ག་དུས། གང་གིས། ག་འདྲ་སེ། ག་རེ་བྱས་ནས་ཞེས་ག་དྲུག་གིས་རྒྱུན་བསྲིངས་དགོས། དེ་ལ་ག་རེ་ཞེ་ན། བོད་ཀྱི་སྐད་ཡིག ག་པར་ཞེ་ན། བཙན་འབྱོལ་དུ་མིན་པར་གཙོ་བོ་གཞིས་ལུས་བོད་ནང་། ག་དུས་ཞེ་ན། ད་ལྟ་རང་ནས་འགོ་བརྩམས་དགོས་པ། གང་གིས་ཞེ་ན། བོད་རིགས་ཡོད་དོ་ཅོག་དང་བོད་སྐད་ཡིག་ལ་དགའ་མོས་ཅན། ག་འདྲ་སེ་ཞེ་ན། ཐབས་ལམ་འདྲ་མིན་སྣ་ཚོགས་ནས། ག་རེ་བྱས་ནས ཞེ་ན། མཐའ་མ་འདི་དོ་གལ་ཆེ་ཤོས་ཡིན་པས། དགོས་པ་རྒྱུ་མཚན་རྣམ་གྲངས་མཐའ་ཡས་པའི་སྒོ་ནས་སོ།།

4. ད་བར་གྱི་དངོས་མྱོང་ལ་གཞིར་བྱས་ན། མིང་ཚིག་རྣམས་དང་པོའི་སྐད་དང་བྱ་ཚིག་རྣམས་བོད་སྐད་། མིང་ཚིག་ཕྱི་སྐད་བོད་ཡིག་འབྲི་སྐབས་ལོག་ཡིག་མ་ཡིན་པར་དཔེར་ན། ཕ་རན་སི། རྡ་རམ་ས་ལ། ལྡི་ལི་ཞེས་བྲིས་ན་བོད་ཡིག་འབྲི་ཀློག་ཤེས་པ་ཚང་མས་འབྲི་ཀློག་ཤེས་པས་དེ་ནི་བོད་ཡིག་ལ་ངོ་མའི་སྲོག་སྦྱིན་པ་ཞིག་རེད་སྙམ།

5. བོད་ཞེན་པས་སྐད་ཆ་བདེན་པ་རེད། ཡི་གེ་འབྲི་དུས་དག་ཆ་གཏན་ཁེལ་ཡོད་པ། རྡ་རམ་ས་ལ་ཞེས་པ་ལྟ་བུའི་རིགས་ཚང་མས་གཅིག་པ་འབྲི་དགོས་ངེས་རེད། མ་ཟད་ཚིག་མཛོད་ནང་དུ་གཏན་ཁེལ་བྱེད་ནས་འབྲི་དགོས་པ་གལ་ཆེ་རེད་བསམས་ཀྱི་འདུག ང་ཚོ་ལ་ཚིག་མཛོད་ཆ་འཇོག་ས་ཤིག་དང་རྩ་བ་བརྟེན་ས་ཤིག་དགོས་ཀྱི་འདུག

   གལ་སྲིད་ལོག་ཡིག་འབྲི་གྱི་མང་སོང་ན་མཐའ་མ་བོད་ཡིག་ཀློག་མི་ཤེས་པ་ཞིག་འོང་ངེས་རེད། ཡི་གེའི་དག་ཆ་གཏན་ཁེལ་མེད་ན་དེ་ལས་ཀྱང་ཉེན་ཁ་ཆེ་པོ་རེད།

6. དེང་སང་དཀའ་ངལ་གསར་པ་གཅིག་ནི་བོད་ཕྱི་ནང་གི་གྲངས་འདྲེན་སྟངས་འདི་རེད། བོད་ལ་ཞུགས་པ་ཚོས་རྒྱའི་ལུགས་ལྟར་གྲངས་གནས་ཁྲི་ལ་སྐོར་བ་མང་པོ་རྒྱག་པར་བྱེད། དཔེར་ན། ཁྲི་བརྒྱ། ཁྲི་བཅུ། ཁྲི་སྟོང་ལྟ་བུ། རྒྱ་གར་ལ་འབུམ་ལ་སྐོར་བ་མང་པོ་རྒྱག་པ་ནི། ཁ་སྔོན་ལམ་རིམ་གསུང་ཆོས་སྐབས་ལ་འབུམ་གསུམ་བརྒྱ། འབུམ་བཅུ། འབུམ་སྟོང་གཅིག་ལྟ་བུ། གང་ལྟར་གྲངས་འདྲེན་ཚུལ་ལ་ཡང་གཅིག་འགྱུར་ཞིག་མིན་འདུག དེ་བཞིན་ཕྱི་རྒྱལ་ལ་ཞུགས་པའི་བོད་པ་མང་ཆེ་བས་སྟོང་ལ་སྐོར་བ་རྒྱག་པར་བྱེད་པ་ནི། སྟོང་གཅིག། སྟོང་བཅུ། སྟོང་ལྔ་བཅུ་ལྟ་བུ་ནི་རྒྱུན་གཏན་རེད། གཞུང་ལུགས་ལྟར་ན་བོད་པའི་གྲངས་འདྲེན་ཚུལ་ནི།

   གཅིག (One)
   བཅུ། (ten)
   བརྒྱ། (hundred)
   སྟོང་། (thousand)
   ཁྲི། (10 thousand)
   འབུམ། (100 thousand)
   ས་ཡ། (million)
   བྱེ་བ། (10 million)
   དུང་འཕྱུར།་ (100 million)
   ཐེར་འབུམ། (billion)
   ཁྲག་ཁྲིག ( 10 billion)
   རབ་བཀྲམ། ( 100 billion)
   གཏམས། (trillion)
   དཀྲིགས། (10 trillion)
   མི་འཁྲུགས་ (100 trillion)
   ཁྱད་འབྱིན། (1 quadrillion)
   སྤང་རྟེན། (10 quadrillion)
   དེད་འདྲེན། (100 quadrillion)

7. ད་དུང་ཡོད། བོད་ཡིག་གི་ཐ་སྙད་བེད་སྤྱོད་དེ་ཙམ་མེད་པ་ཞིག་རིག་གཞུང་གཅེས་འཛིན་ཡིན་ཞེས་བེད་སྤྱོད་ཡོད་པའི་སྡིང་ཆ་ཞིག་ཏུ་འདྲུད་ཡོང་ཚེ་བེད་སྤྱོད་ཡོད་པ་དེའང་མེད་པ་ཞིག་ཏུ་འགྱུར་ཉེན་འདུག དཔེར་ན་རྡ་ས་སྨན་རྩིས་ཁང་གི་གྱང་འགེལ་ལོ་ཐོ་དེ་བོད་ཟླའི་ཚབ་ཏུ་སྣྲོན་ཟླ་དང་སྣུབས་ཟླ་མགོ་ཟླ་ཞེས་བྲིས་འདུག་པས་ངས་ཤེས་དགོས་པ་ནི་དེ་རིང་གི་བོད་ཟླ་དང་བོད་ཚེས་ཡིན་པ་ལས་གཟའ་སྐར་གྱི་མིང་མ་ཡིན་ལ། མཆུ་ཟླ་བ་ལྟ་བ་བོད་ཟླ་ག་རེ་ཡིན་ཤེས་ཀྱི་ཡང་མེད། སྨན་རྩིས་ཁང་གི་རྩིས་པ་ཚོ་དོན་དངོས་། བེད་སྤྱོད་ཟེར་བ་དེ་ཚོའི་གོ་བ་ཡག་པོ་ཞིག་མེད་པ་འདྲ། ད་དུང་ཞོར་འཕྲོས་ལ་ཨ་རིར་གདོང་ཐོག་སྤྲུལ་སྐུ་ཟེར་བ་མཁས་དབང་གི་མིང་ཡོད་པ་ཞིག་ནས་བོད་ཟླ་ཟེར་བ་དེ་ཧོར་ཟླ་ལ་བཅོས་དགོས། རིག་གཞུང་དང་ལོ་རྒྱུས་ཡིན་ཟེ་ཚགས་པར་ཐོག་བཀོད་འདུག ཐ་སྙད་ཡོངས་གྲགས་ཞིག་ཡོངས་གྲགས་ལ་བཞག་ན་དེའང་རིག་གཞུང་ལ་སྲོག་སྤྲད་པ་ཞིག་རེད་སྙམ

8. བོན་ལུགས་རྩིས་གཞུང་ནང་་་བྱེ་བ་་སྔོན་དང་་་ས་ཡ་་་རྗེས་སུ་བཞག་པ་འདུག དཔེར་ན།
   གཅིག (One)
   བཅུ། (ten)
   བརྒྱ། (hundred)
   སྟོང་། (thousand)
   ཁྲི། (10 thousand)
   འབུམ། (100 thousand)
   བྱེ་བ། (10 million)
   ས་ཡ། (million)
   དུང་འཕྱུར།་ (100 million)

9. ངས་ཡང་ཅིག་ཞུས་ན་འདོད་སོང་། བསམ་འཆར་ཙམ་ལས། ལྐུག་པའི་བློ་ལ་མ་འདྲེན་རོགས།
   བོད་ས་མིན་པའི་ཡུལ་མིང་དང་གནས་མིང་གཞན་ལ། ས་ཆ་ཡིན་པར་སྟོན་པ་ལ་བརྡ་རྟགས་ཤིག་བརྒྱབས་ན་ཡག་པོ་མེད་འགྲོར་བསམ། དཔེར་ན། (པ་ལམ་པོར་)Palampur ཟེར་བ་ཡིན་ན། (པྭ་ལམ་པོར)་ལྟ་བུ། ས་ཆ་ཞིག་བཤད་ཀི་ཡོད་པར་མཚོན་པ་དང་། མྱི་མྱིང་ལ་ཡང་བོད་མྱིང་མིན་པའི་མྱིང་ལ་བརྡ་རྟགས་ཤིག་བཀོད་ན་ཡང་ཡག་པོ་མེད་འགྲོར་བསམ། དཔེར་ན། (ར་རྗེ་བུ)Rajvi་ཟེར་ན། (རཱ་རྗེ་བུ་)ལྟ་བུར་བྲིས་ན། ད་དུང་ང་ཚོ་ལ་དཀའ་ངལ་ཆེན་པོ་མེད་ཀྱང་། རྗེས་ཕྱོགས་སུ། འཇིག་རྟེན་སྟེང་གི་ཤེས་བྱའི་མིང་བརྡ་ཡོད་ཚད་བོད་ཡིག་དུ་གནས་དུས། མགོ་རྙོག་མགོ་འཁོར། གོ་ལོག་དོན་ལོག་ལ་མི་འགྲོ་བར་གསལ་ལེ་བྱེད་པའི་རིགས་གཞུང་ཆུང་ཆུང་ཞིག་དགོས་བ་འདྲ།
   ཨོ། (ཝ་ཟུར)་དང་(འ་ཆུང)་གཉིས་བཀོལ་དགོས་བ་ནི་བོད་ཡིག་གི་འབྲི་འགྲོས་ལ་རྡབ་གསིག་མི་གཏོང་བའི་ཆེད་དུ་ཡིན། (ཝ་ཟུར་ས་ཆ་སྟོན་བྱེད)་དང་(འ་ཆུང་མྱི་མྱིང་སྟོན་བྱེད)གཉིས་བཀོལ་བས་སྔར་ཡོད་ཀྱི་མྱིང་དོན་མང་པོ་ལ་གོ་ཆག་ཆེན་པོ་མི་ཡོང་བ་འདྲ་ཞིག་འདུག།
   གློག་ཀླད་ནང་ནས་རྩེག་ཅན་མང་པོ་ལ་འདི་འདྲ་འབྲི་མི་ཐུབ་ན་ཡང་། ད་ལྟ་ནས་འབྲི་ཐུབ་པར་བཟོ་དགོས་བ་འདྲ་ཞིག་འདུག་པའི་འབོད་སྐུལ་ངས་ནི་ཞུས་བ་ཡིན། དེ་འདྲའི་དཀའ་ངལ་ཆེན་པོ་ཡོད་པ་མ་རེད།
   དེ་ནས་སྐད་གྲགས་དང་ཆབ་ཆེ་ཕྱི་མིའི་མིང་ཡུལ་གྱི་གོ་དོན་ས་གནས་སོགས་ཀྱི་བོད་ཡིག་གི་ཐོ་དེབ་དེ་འདྲ་དྲ་རྒྱའི་ནང་ལ་འཚོལ་རྒྱུ་ཡོད་པ་བྱེད་ཐུབ་ན་ཡང་ཡག་པོ་ཡོད་པར་འདོད།
   ཡ། ད་ཉལ་འི་ཡིན། ཐང་ཆད་འདུག། རྣམ་པ་ཚོས་བསམ་བློ་རེ་གཏོང་རོགས།

10. ༼རྩིས་ལོ་ ༢༠༡༤ དང་ ༢༠༡༥ ལོར་བོད་མིའི་སྒྲིག་འཛུཊ་ཀྱི་ཕྱོཊ་བསྡོམས་སྔོན་རྩིས་ཡོང་འཆར་བསྡོམས་སྒོར་ས་ཡ་ཆིག་སྟོང་བརྒྱད་བརྒྱ་རེ་གསུམ་བདུན་འབུམ་དྲུག་ཁྲི་སྔ་སྟོང་ལྔ་བརྒྱ་ང་དགུ་ ༡.༨༦༣.༧༦༥.༥༥༩ དང་། འགྲོ་འཆར་སྒོར་ས་ཡ་ཆིག་སྟོང་བརྒྱད་བརྒྱ་གོ་གཅིག་དང་དྲུག་འབུམ་སུམ་ཁྲི་བརྒྱད་སྟོང་སུམ་བརྒྱ་རེ་གཉིས་ ༡.༨༩༡.༦༣༨.༣༦༢ ཡིན་འདུག༽

    རྩིས་བརྗོད་བཟོ་སྟངས་འདི་ལ་སྐྱོན་ཆ་འདྲ་འདུག་གམ། ཁྱེད་ཚོས་ལམ་སེང་ཧ་གོ་ཐུབ་ས་རེད་དམ། དངུལ་འབོར་འདི་ཙམ་ཨ་སྒོར་ལ་ཕབ་ན་ག་ཚོད་བབས་ཀྱི་ཡོད་དམ།

11. ས་ཡ་དང་བྱེ་བ་གཉིས་ལ་དངོས་གནས་རྙོག་དྲ་འདུག་ ང་སློབ་སྦྱོང་བྱ་ཡུལ་དང་ ཡུལ་ཚོའི་མི་རྣམས་ཀྱིས་བྱེ་བ་ས་ཡ་ཞེས་བྱེ་བ་བཅུ་ལ་ས་ཡ་གཅིག་དང་། ས་ཡ་བཅུ་ལ་དུང་ཕྱུར་གཅིག་རེད་་་ བོད་མི་ས་ཡ་དྲུག་དེ་དུང་ཕྱུར་གཅིག་གི་ཕྱེད་ལྷག་རེད། སྤྱི་ལོ་དྲུག་ཅུ་རེ་གྲངས་ནང་དགེ་རྒན་འོས་སྦྱོང་སྐབས་ཛེ་སྨད་རིན་པ་ཆེས་ཆོས་འབྱུང་སློབ་འཁྲིད་སྐབས་ས་ཡ་ནས་བྱེ་བ་ཞེས་ས་ཡ་བཅུ་ལ་བྱེ་བ་གཅིག་གི་གྲངས་གནས་བཀོད་འདུག གང་ལྟར་གྲངས་གནས་དེ་གནད་འགག་ཆགས་ནས་ནོར་འཁྲུལ་དེ་འདས་པའི་ལོ་རྒྱུས་ལ་འགྲོ་གི་འདུག་པས་ཚང་མས་འགྲོ་གླེང་དགོས་ཀྱི་འདུག

12. བོན་པོ།
    བྱེ་བའི་རྗེས་ལ་ས་ཡ་འཇོག་པ་དེ་བོན་པོ་ཚོ་ནོར་བ་རེད།
    བཤུ་དུས་བཤུ་སྟངས་མ་ཤེས་ནས་ས་ཡའི་སྔོན་ལ་བྱེ་བ་བཞག་པ་རེད།
    ཧ་གོ་སོང་ངམ།

13. སྒོར་ས་ཡ་ཆིག་སྟོང་བརྒྱད་བརྒྱ་གོ་གཅིག་དང་དྲུག་འབུམ་སུམ་ཁྲི་བརྒྱད་སྟོང་སུམ་བརྒྱ་རེ་གཉིས།
    དང་
    ༡.༨༩༡.༦༣༨.༣༦༢ སྒོར། གཉིས།
    དོན་གཅིག

14. གཏན་ཚིགས་ཆེན་པོ་མེད་པ་རྣམས་ནི་མི་བསྒྱུར་བར་རྒྱ་གར་སྐད་སོན་ཞོག་ཅིག །
    འདི།
    གཏན་ཚིགས་ཆེན་པོ་མེད་པ་རྣམས་ནི་མི་བསྒྱུར་བར་རྒྱ་གར་སྐད་སོ་ན་ཞོག་ཅིག །

15. དགེ་སློང་རྒྱ་ཕྲག་ཕྱེད་དང་བཅུ་གསུམ་ཞེས་འབྱུང་བ་ལ་སོགས་པ་ནི། དགེ་སློང་སྟོང་གཉིས་བརྒྱ་ལྔ་བཅུ་ཞེས་པའོ། ཟེར།

16. ་་་་་སྐད་ཀྱི་ལུགས་འདི་ལྟར་བཀས་བཅད་པ་ལས་སོ་སོ་ནས་སུ་ཡང་འཆོས་ཤིང་འོག་ཏུ་མིང་གསར་དུ་འདོགས་སུ་མི་གནང་གིས། ་་་་་་་

17. ་་་་་་དེའི་དུས་ཀྱི་རིག་གནས་གསར་པ་ནང་བསྟན་གྱི་མིང་བརྡ་དང་ཐ་སྙད་དག་བོད་ཡིག་ཐོག་གཅིག་འགྱུར་གྱིས་གཏན་འབེབས་ཁྲིམས་བསྒྲགས་གསལ་པོར་བྱས་འདུག པ་ལྟར།
    ད་ལྟ་ཡང་རང་རེའི་སྐད་ཡིག་ཐོག་ཆོས་དངོས་གསར་པ་ཁག་གི་མིང་བརྡ་དང་ཐ་སྙད་སོགས་ལ་གཅིག་མཐུན་གྱིས་གཏན་འབེབས་ཁྲིམས་བསྒྲགས་དེ་ལྟ་བུ་ཞིག་ལག་བསྟར་ཐུབ་ན་ང་ཚོས་ང་ཚོའི་སྐད་ཡིག་ལ་བརྟན་བཞུགས་ཤིག་ཕུལ་ཐུབ་པ་མ་ཡིན་ནམ།། ་་་་་་་་

18. རང་སྐད་ལ་དུང་བ་ཟབ་པའི་་གྲོགས་པོ་ཚོས་དེའི་ཐོག་ནས་བགྲོ་གླེང་རེ་བྱ་རྒྱུ་ངའི་རེ་བ་ཡིན།
    འདི།
    རང་སྐད་ལ་དུང་བ་ཟབ་པའི་་གྲོགས་པོ་ཚོས་དེའི་ཐོག་ནས་བགྲོ་གླེང་རེ་བྱ་འོང་སྙམ་པ་ནི། ངའི་རེ་བ་ཡིན།
    ཡང་ན།
    རང་སྐད་ལ་དུང་བ་ཟབ་པའི་་གྲོགས་པོ་ཚོས་དེའི་ཐོག་ནས་བགྲོ་གླེང་རེ་བྱ་རྒྱུར་ང་ལ་རེ་བ་ཡོད།

    བོད་ཡིག་སྨྱུག་ཐོགས་པ་ཚོས། རེད་དང་ཡིན་གཉིས་ཀྱི་ཐོབ་ས་སོ་རོར་གསལ་པོ་བཟོ་དགོས་པ་གལ་ཆེའོ།།

19. རྣམ་དཔྱོད་ཅན་་ཀུན་གྱིས་འཛེམས་མེད་ཐོག་ནས། རང་གཞན་གྱི་ཡིག་ནོར་དག་ཁུངས་ཐུབ་་ཀྱི་གཞུང་ལ་ལྟ་རྟོག་བྱས་ཏེ། ཡོངས་གྲགས་བོད་ཀྱི་དག་ཆ་སོགས་སྲུང་ཐུབ་ན། དགེ་མཚན་ཆེ་བར་མཐོང་ངོ་།

20. གྲངས་གནས་དྲུག་ཅུ་རྩ་བཞི་ནི། གྲངས་འདྲེན་ཚུལ་ལ་འཛམ་གླིང་ནང་གྲངས་གནས་མང་ཤོས་དེ་བོད་ཀྱི་གྲངས་འདྲེན་ཡིན་པ་གོ་ཐོས་དང་། ཚན་རིག་པས་ཀྱང་དེ་དང་མཐུན་པ་ཞིག་བཟོས་པ་དྲ་རྒྱར་མཐོང་རྒྱུ་འདུག
    གང་ལྟར་ཚང་མས་དཔུང་རྩལ་སྒྲིལ་ས་དེ་འདི་འདྲར་སྤུངས་ཐུབ་ན་དངོས་གནས་རྗེས་བྱས་ཆེན་པོ་ཡོང་ས་རེད། དེ་མིན་ཟིན་མེད་ཀྱི་སྦུན་པ་འཕྱར་ནས་དགོས་གལ་ཆེ་བ་ཨེ་ཡོད་སྙམ་པ་བདག་གི་བསམ་ཚུལ་ཡིན།།

21. གཅོད་པ་ལགས། །
    བྱེ་བ་་་ལབ་དུས་བྱེ་མ་ལ་གོ་བ་འདྲ་པོ་དང་། ས་ཡ་་་ལབ་དུས་ས་རྡུལ་ལ་གོ་བ་འདྲ་པོ་འདུག། གལ་སྲིད་དེ་འདྲ་ཡིན་ན་བྱེ་མ་དང་ས་རྡུལ་གཉིས་གང་རྒྱ་ཆེའམ། ད་ེལ་བརྩིས་པའི་སྔོན་རྗེས་ཀྱི་འཇོག་སྟངས་ཤིག་དགོས་ངེས་པར་སེམས་སོ། །