གནས་ཚུལ་གཏོང་མཁན། ཙ་ཡུས་ཕུན་ཚོགས།
ཕྱི་ལོ་༢༠༡༤ ལོའི་ཟླ་༤ ཚེས་༢ ཉིན་སུད་སིར་གནས་སྡོད་ལྷུན་གྲུབ་ཚང་ཀརྨ་བཀྲ་ཤིས་ཚེ་རིང་དང་། སྟག་ཚང་དཀོན་ཅོག བཀྲ་བསྟན་ཚང་པ་སངས་ནང་མི་གསུམ་གྱིས་རྒྱལ་ཚོགས་ལ་བོད་དོན་ཞུ་གཏུག་ལས་འགུལ་མུ་མཐུད་སྤེལ་གྱིན་ཡོད་འདུག་ཅིང་། ཐེངས་འདི་ནི་ད་ལོའི་ལས་འགུལ་ཐེངས་བཞི་བ་དེ་ཡིན་འདུག
ཁྱིམ་ཚང་གསུམ་གྱི་རྒྱལ་ཚོགས་མདུན་དུ་བོད་དོན་ཞུ་གཏུགས་ལས་འགུལ་འདི་ནི་ཁྱིམ་ཚང་གསུམ་གྱི་ནང་མི་ཚོས་སུད་སི་ཇི་ནི་ཝར་རྟེན་གཞི་བྱས་པའི་མཉམ་འབྲེལ་ཚོགས་ལས་ཁུངས་མདུན་དང་། མཉམ་འབྲེལ་རྒྱལ་ཚོགས་འགྲོ་བ་མིའི་ཐོབ་ཐང་མདུན་ཐང་བཅས་སུ་བོད་ཀྱི་རྒྱལ་དར་སྒྲེང་འཛུགས་དང་། བོད་ནང་གི་དཀའ་སྡུག་གི་གནས་བབ་འཁོད་པའི་ཡིག་ཆ་ཁག་འགྲེམས་སྤེལ། ལྷག་པར་དུ་སྐུ་ལུས་མེར་སྲེག་གནང་མཁན་རྒྱལ་གཅེས་དཔའ་བོ་དཔའ་མོ་ཚོའི་སྐུ་པར་འགྲེམས་འཇོག དེ་བཞིན་ཁོང་རྣམས་ཀྱི་སྐུ་ལུས་མེར་སྲེག་གནང་དགོས་པའི་རྒྱབ་ལྗོངས་འབྲེལ་བརྗོད་དང་ཁོང་རྣམས་ཀྱི་འབོད་སྒྲའམ་དགོས་འདུན་འཁོད་པའི་ཡིག་ཆ་ཁག་དང་འཕྲེད་དར། དེ་བཞིན་སྐུ་ལུས་མེར་སྲེག་གནང་བའི་ཐད་༧གོང་ས་མཆོག་དང་དབུས་བོད་མིའི་སྒྲིག་འཛུགས་ཀྱི་ལངས་ཕྱོགས་དང་དགོངས་ཚུལ་ག་རེ་ཡིན་པའི་སྐོར་གྱི་ཡིག་ཆ་དང་འཕྲེད་དར། ༧གོང་ས་མཆོག་གིས་དམིགས་བསལ་རྒྱ་རིགས་ཚོར་བཀའ་སློབ་བསྩལ་བའི་ཡིག་ཆ་སོགས་རྒྱ་ཡིག་དང་། དབྱིན་ཡིག འཇར་མན་ཡི་གེ་བཅས་ཀྱི་ནང་བསྒྱུར་ཏེ། ཕྱི་རྒྱལ་མི་རིགས་དང་། རྒྱལ་ཚོགས་ཀྱི་ལས་བྱེད། ལྷག་དོན་རྒྱ་རིགས་ཡུལ་སྐོར་བ་མང་པོར་འགྲེམ་སྤེལ་བྱེད་ཀྱིན་འདུག་ཅིང་། ཐེངས་རེ་རེ་བཞིན་མཉམ་འབྲེལ་རྒྱལ་ཚོགས་ཀྱི་ལས་ཁུངས་དང་། མཉམ་འབྲེལ་རྒྱལ་ཚོགས་འགྲོ་བ་མིའི་ཐོབ་ཐང་ཆེས་མཐོའི་ལས་ཁུངས་གཉིས་ལ་སྔ་མའི་གསར་གནས་ཁག་ཏུ་འཁོད་ཟིན་པའི་དགོས་འདུན་དོན་ཚན་དྲུག་གི་དགོས་འདུན་སྙན་ཞུ་གཏོང་བཞིན་ཡོད་འདུག
ཐེངས་འདིའི་ལས་འགུལ་ནང་ཁྱིམ་ཚང་གསུམ་གྱི་ནང་མི་མ་ཡིན་པའི་གདུང་སེམས་མཉམ་བསྐྱེད་ཆེད་མཉམ་ཞུགས་གནང་མཁན་སུད་སི་དང་ལིཀ་ཏེན་སིཊཡན་བོད་མི་མང་ས་གནས་འཐུས་མི་ཟུར་བ་ས་ར་ཟླ་བ་རྒྱལ་མཚན་ལགས་དང་། སུད་སི་ས་གནས་སྦརན་ནང་གནས་སྡོད་ཀརྨ་འབྲུག་གྲགས་གཉིས་ཡིན་འདུག་ལ། ཉིན་འདིར་ལས་འགུལ་བ་རྣམས་ཀྱིས་བོད་གནས་འགྲེལ་བརྗོད་ཡིག་ཆ་གྲངས་ལྔ་བརྒྱ་ལྷག་ཕྱི་རྒྱལ་མི་རིགས་རྣམས་ལ་འགྲེམ་སྤེལ་གནང་ཐུབ་ཡོད་པ་མ་ཟད་། རྒྱ་རིགས་ཡུལ་སྐོར་སྤྲོ་འཆམ་པ་ཚོར་བོད་མི་ཡོངས་ལ་མིང་དོན་མཚུངས་པའི་རང་སྲིད་རད་སྐྱོང་ཡོང་ཐབས་ཀྱི་བསམ་འཆར་ཡིག་ཆ་སོགས་འགྲེམ་སྤེལ་གནང་ཡོད་འདུག
འབྲེལ་གཏུག་ཞུ་ཡུལ།
ཁ་པར། 0041764774162 སྟག་ཚང་དཀོན་ཅོག
ཁ་པར། 0041763080018 ལྷུན་གྲུབ་ཚང་ཀརྨ་བཀྲ་ཤིས།
མི་ཚང་རེ་རེས་སམ་མི་རེ་རེས་བོད་དོན་ཆབ་སྲིད་དང་འབྲེལ་བའི་རྣམ་འགྱུར་མངོན་གསལ་ཅན་རེ་སྟོན་རྒྱུ་འདི་དུས་ཀྱི་དགོས་མཁོ་ཞིག་རེད། ལྷག་བསམ་དང་ཐབས་བྱུས་དག་ལ་ཡི་རང་དང་རྒྱབ་སྐྱོར་ཞུ་བཞིན་ཡོད།
གྲོགས་སྟག་ཚང་ལགས་སུ་བཅར་འདྲི་ཞིག་ཀྱང་བྱེད་འདོད་ཡོད་པས་འབྲེལ་བ་ཞིག་གནང་རོགས།
chapbrag@gmail.com
ཁྱིམ་ཚང་གསུམ་ལ་། ལུས་ངག་ཡིད་གསུམ་ནས་། དམངས་གཙོའི་ཀ་བ་གསུམ་དང། བོད་ཆོལ་ཁ་གསུམ་ནས། བཀའ་དྲིན་ཆེ་ཞེས་ལེན་གསུམ་ཞུ། ཁྱེད་ཁྱིམ་ཚང གསུམ་གྱི་བསམ་དོན་། ཆོལ་གསུམ་རང་དབང་་ཐོབ་པ་། དཀོན་མཆོག་གསུམ་ལ་གསོལ་འདེབས་ལེན་གསུམ་ཞུ།
དངོས་གནས་ཡག་པོ་རེད། ད་བོད་མིར་རེ་བ་གསར་པ་ཅིག་ཐོན་བཞིན་འདུག
ཁ་མིག་ཡར་ལྟ་བྱེད་ས་ཡིན་པའི་ཁྱིམ་ཚང་ཁྱེད་ཚོ་ལ་གུས་སོ།