སྐྱོ་བྲག་དགའ་དབང་།
ངའི་ངོ་ཤེས་སྒྲུབ་བླ་ཞིག་ཡུ་རོབ་ཆོས་ཚོགས་ཤིག་ཏུ་གདན་འདྲེན་ཞུས་ཏེ། ཁོང་ལོ་མང་ཆོས་ཚོགས་སུ་བཞུགས་འཆར་མཛད་ཡོད་ནའང་། རྒྱ་གར་གཞུང་གིས་སྤྲད་པའི་ཡོང་མཆན་ཟླ་བ་གསུམ་ལས་ལྷག་པ་མེད་པར་བསྙད་དེ་ལོ་མང་གི་ཐོངས་མཆན་མ་ཐོབ་པར་བརྟེན་ཟླ་ཤས་རྗེས་ནས་ཚུར་རྒྱ་གར་དུ་ཕེབས་དགོས་པ་བྱུང་ཤག ངས་འདི་སྐོར་ལ་ཅི་དགེ་གང་ལེགས་ཀྱི་སྐད་ཆ་འདྲི་ས་ཡག་ཤོས་རང་གཞུང་དོན་གཅོད་ལས་ཁུངས་རེད་སྙམ་པས། ལྡི་ལི་དོན་གཅོད་ལས་ཁུངས་ལ་ཁ་པར་ཕུལ་ཏེ་བཀའ་འདྲི་ཞུས་པ་ན་ལམ་སྟོན་འདི་ལྟར་གནང་གི་འདུག
ཡུ་རོབ་ཀྱི་རྒྱལ་ཁབ་སོགས་ལ་ཕྱིར་ལོག་ཐོངས་མཆན་ནམ་ཡོང་མཆན་(Return visa)ཞུ་བ་ན་རྒྱ་གར་གཞུང་གིས་ཟླ་བ་གསུམ་ལས་ལྷག་པ་སྤྲོད་ཀྱི་མེད། ཡིན་ནའང་། ཡུ་རོབ་ཀྱི་རྒྱལ་ཁབ་སོགས་ལ་ལོ་མང་རིང་སྡོད་དགོས་པ་དག་གིས་འགྲོ་སའི་རྒྱལ་ཁབ་ཀྱི་གཞུང་ཚབ་ནས་ཐོངས་མཆན་(visa)ཞུ་བ་ན། ང་ལ་ཡོང་མཆན་ཟླ་བ་གསུམ་ལས་ལྷག་པ་མེད་ནའང་། རྒྱ་གར་གཞུང་གིས་ལམ་ཡིག་ལ་ལོ་བཅུའི་ནང་རྒྱ་གར་གཞུང་ཚབ་ནས་ཐོངས་མཆན་ཞུས་ནས་ཚུར་ཡོང་ན་དགག་བྱ་མེད་པའི་ཐེལ་ཙེ་བརྒྱབས་ཡོད་པ་བཞིན་དགག་པ་མེད་པར་ཐོངས་མཆན་གནང་གིན་ཡོད་པས་ངས་ཀྱང་ཐོངས་མཆན་ཞུས་ནས་ཚུར་ལོག་ཡོང་གི་ཡིན། བོད་མི་གཞན་པ་རྣམས་ཀྱང་འདི་བཞིན་ཡུན་རིང་སྡོད་ཀྱིན་ཡོད་པས་ང་ལའང་ལོ་མང་གི་ཐོངས་མཆན་གནང་རོགས་ཞེས་ནན་ཞུ་བྱ་དགོས་པ་ཡིན། ད་དུང་མ་སྤྲད་ན་ཐོངས་མཆན་ཡུན་རིང་སྤྲོད་འདོད་མེད་པའི་ཁག་དཀྲི་ཙམ་རེད། ཅེས་གསུང་གི་གདའ།
ངས་བསྐྱར་དུ། ཐོངས་མཆན་ཡུན་རིང་འཐོབ་པའི་རྒྱབ་གཉེར་ཡི་གེ་ཞིག་དོན་གཅོད་ལས་ཁུངས་ནས་གནང་ཐབས་ཡོད་དམ་ཞུས་པ་ན། ཁོང་གིས། ད་བར་གནང་མྱོང་ཡོད་པ་མ་རེད་ལ། གནང་ཐབས་ཀྱང་ཡོད་པ་མ་རེད། གང་ཡིན་ཟེར་ན། མི་ལ་གནས་ཚུལ་ག་རེ་ཡིན་ནའང་འབྱུང་སྲིད་ཅིང་། གནས་ཚུལ་འདྲ་མིན་བྱུང་ན་དོན་གཅོད་ལས་ཁུངས་ཀྱང་འདྲུད་འགྲོ་ཡི་རེད། ཅེས་ཟེར་བས་ངས་ལགས་སོ་ཞུས་པ་ཡིན།
མི་ཡི་མཉམ་ལས་ནི་ཕན་ཚུན་བརྡ་འཕྲོད་པས་བྱ་དགོས་ལ། བརྡ་སྤྲོད་པ་ན་གནད་དོན་ཤེས་མིན་ནི་བསམ་དོན་འགྲུབ་མིན་གྱི་འགག་རྩ་ཡིན་ཕྱིར། ཡུ་རོབ་ཀྱི་རྒྱལ་ཁབ་སོགས་སུ་ལམ་ཡིག་སེར་པོས་བསྐྱོད་པར་ཐོངས་མཆན་ཞུ་བ་ན། གནད་དོན་འདི་རིགས་ཀྱང་ཤེས་དགོས་པ་ཧ་ཅང་གི་གལ་ཆེན་དུ་མཐོང་ནས་བྲིས་པ་ཡིན་ནོ། །
དགེ་ལུགས་པ་ཡིན་ན་སྤྲད་ཀི་རེད། སྔོན་མ་དོལ་ཚོགས་ལ་ཡིག་ཆ་སྤྲད་པ་དོན་གཅོད་ནས་བཤད་སོང་།
སྔོན་མ་སྤྲད་མྱོང་མེད་ཟེར་དུས་དེ་ག་རང་རེད། ཆོལ་ཆོས་ཀྱི་མིང་བེད་སྤྱད་ནས་མཉམ་བསྲེ་དགོས་དོན་མེད། གདོན་གྱིས་མྱོས་མེད་ན་མཆན་དང་ལན་དྲང་བཏབ་དགོས་པར་སེམས།
་་་་་་ ངས་བསྐྱར་དུ། ཐོངས་མཆན་ཡུན་རིང་འཐོབ་པའི་རྒྱབ་གཉེར་ཡི་གེ་ཞིག་དོན་གཅོད་ལས་ཁུངས་ནས་གནང་ཐབས་ཡོད་དམ་ཞུས་པ་ན། ཁོང་གིས། ད་བར་གནང་མྱོང་ཡོད་པ་མ་རེད་ལ། གནང་ཐབས་ཀྱང་ཡོད་པ་མ་རེད། གང་ཡིན་ཟེར་ན། མི་ལ་གནས་ཚུལ་ག་རེ་ཡིན་ནའང་འབྱུང་སྲིད་ཅིང་། གནས་ཚུལ་འདྲ་མིན་བྱུང་ན་དོན་གཅོད་ལས་ཁུངས་ཀྱང་འདྲུད་འགྲོ་ཡི་རེད། ཅེས་ཟེར་བས་ངས་ལགས་སོ་ཞུས་པ་ཡིན། ་་་་་་་
ཐོངས་མཆན། ཡོང་མཆན། འགྲོ་མཆན། ་་་་་་་མཆན།
༄།གཅེས་པའི་ཤ་རུས་གཅིག་པའི་གྲོགས་མཆོག་ཚོ། དེ་དང་དེ་འདྲ་བའི་དཀའ་ངལ་རྒྱ་ཕྲག་ཡོད་པར་བརྟེན་། རྒྱ་གར་མི་སེར་ལག་འཁྱེར་རག་པའི་གོ་སྐབས་བཟང་་པོ་དེ་དམ་གཟབ་དང་དུས་ཐོག་བཟོ་རྒྱུར་ཤིན་ཏུ་གལ་མི་ཆེ་འམ།
ཐུགས་རྗེ་ཆེ། དགའ་དབང་ལགས། ཕན་ཐོགས་བྱུང་། ངའི་གྲོགས་པོ་གུང་སེང་བླངས་པ་ཡིན། ཟླ་བ་གསུམ་ནང་ལོག་དགོས་བྱུང་སོང་། གནད་འགག་དེ་ཤེས་ཡོད་ཟླ་བ་ཁ་ཤས་སྡོད་རྒྱུ་བྱུང་ཡོད་ངེས།
༼(གནས་ཚུལ་འདྲ་མིན་བྱུང་ན་དོན་གཅོད་ལས་ཁུངས་ཀྱང་འདྲུད་འགྲོ་ཡི་རེད།)༽ རོགས་པ་གནང་གི་མེད། གནང་མི་སྲིད། ཧ་ཧ་ཧ།
ལས་ཁུངས་འདིའི་ནང་ན་ཁྱི་རྒན་མང་པོ་ཡོད་པ་གོ་སོང་། བདེན་པ་ཡིན་པ་གསལ་དུ་བྱིན་སོང་། ལས་ཁུངས་ཞིག་དང་ལས་མེད་འགས་ངོ་ཡོད་ངོ་མེད། རང་དོན་ཁུག་མ་བྱས་ནས་བསྡད་ཡོད་པ་འདི། ཡོ་རོབ་སོགས་ཕྱི་ཕྱོགས་ན་ཡོད་པ་ཚང་མས། དོན་གཅོད་ཀྱིས་རང་གི་འགྲོ་ལམ་ལ་བཀག་རྡོ་ག་རེ་སྤྲད་ཡོད་མེད་སོགས། མ་འོངས་བའི་ལས་དང་ལམ་ཕྱོགས་དྲང་བོར་བྱེད་ཐུབ་པའི་དགེ་མཚན་ཆོས་བས། སོ་སོས་འབྲི་མ་ཐུབ་ན་ཡང་། གཞན་ལ་འབྲི་བར་བཅུག་ནས། སྐུ་ངོ་ཁག་ནག་དེའི་ཚོའི་ཕྱི་ནང་གསལ་སྟོན་དང་ངོ་ཚ་མི་མང་ལ་ཤེས་སུ་འཇུག་པ་གལ་ཆེན་ཡིན་ནོ།
སྒྲུང་སྡུག་རྐྱ་མང་པོ་གོ་ཡ་འདུག་ཐལ།
ཡཡཡ་་་རང་གཞུང་ལ་རེ་ལྟོས་བཅའ་
ས་མེད་པ་ངས་སྔར་ནས་ཤེས་ཟིན།
ལྡི་ལི་དོན་གཅོད་ལ་སྐྱབས་རེ་་མ་དགོས་བར་ཤོག་་དེ་ལས་དངུལ་གྱི་འགྲོ་སོང་ཐོངས་དང་ཡག་ཤེས་རེད།