རྗེ་ང་རོ་ཚང་།
མཚན་མོ་འདིའི་ཕ་རོལ་ན་ཞོགས་པ་ཞིག་ཡོད
ཞོགས་པ་དེའི་ཉི་འོད་རྒྱ་ཕིབས་ཀྱི་ངོས་སུ་འཕྲོས་ཡོད
རྒྱ་ཕིབས་དེའི་ལྡོག་འོད་ཕྲ་མོ
སླར་ཡང་མཁར་གྲོང་གི་ངོས་ཟུར་ལ་ཟུག་ཡོད་པས
མུན་པ་དང་ཆེས་ཉེ་ས་ན་ཡོད་པའི་འགྲོ་བ་དག་གིས
དེ་ནི་དཀོན་མཆོག་གིས་གནང་བ་ཡིན་ཟེར
མགོ་བོ་རུམ་ལ་བཏུམས་པའི་ཁོ་བ་ཚོའི་རེ་སྨོན་གྱི་ཁ་དོག
མཁར་གྲོང་གི་ཁང་བརྩེགས་དག་གི་སྐྱིད་དུ་སྨིན་ན་ཡང
དད་འདུན་ཁོ་ན་ལ་འཁྱིལ་བའི་དཔྱིད་དཔལ་གྱི་གླུ་སྒྲ
སྙིགས་རོ་ལྟར་ཁོ་ཚོའི་རྐང་མཐིལ་ན་རྒྱུ་བཞིན་འདུག་པས
ཧམ་སེམས་ལྷག་མ་དེ་ནི་དཀོན་མཆོག་གིས་གནང་བ་ཡིན་ནམ
༢༠༡༤-༠༢-༢༠