འོས་སྦྱོར་བ། ལྡོང་སྲས།
ཀན་ལྷོའི་མཛའ་གླུ་ཞེས་པའི་གློག་བརྙན་འདིའི་སྐྱེས་མ་འཁྲབ་སྟོན་པ་གཙོ་བོ་ནི་བདེ་སྐྱིད་ལགས་(དཀྱིལ་གྱི་བོད་ལྭ་གྱོན་པའི་བུ་མོ་དེ་)རེད་ལ། ཁོ་མོ་ནི་དེང་གི་རྒྱ་ནག་རྒྱལ་ཡོངས་སུ་འཁྲབ་སྟོན་པ་ཡག་ཤོས་ཀྱི་རྟགས་མའམ། ༼ལུག་མྱེ་མེ་ཏོག་རྟགས་མ༽ཞེས་པ་དེ་ཐོབ་མཁན་གྱི་བོད་རིགས་དང་པོ་དེ་ཆགས་ཡོད་ཅིང་། རྟགས་མ་དེ་བཞིན་ཉིན་ཁ་ཤས་ཀྱི་ཡར་སྔོན་རེག་པ་ཞིག་རེད།
ཁོ་མོ་ནི་མདོ་སྨད་ཟུང་ཆུའི་ས་མ་འབྲོག་གི་ཁྱིམ་ཚང་ཕལ་བ་ཞིག་ནས་སྐྱེས་ཤིང་། རང་ཉིད་ཀྱི་དཀའ་སྤྱད་འབད་བརྩོན་དང་རྣམ་དཔྱོད་ལ་བརྟེན་ནས་ཡོང་བ་ཞིག་ཡིན་པས། བོད་མི་གཞོན་སྐྱེས་ཚོའི་མིག་དཔེ་མ་ཡིན་པར་སུས་ཀྱང་བརྗོད་ཐབས་མེད། ཡིན་ནའང་། ཁོ་མོ་ནི་དམིགས་བསལ་གྱི་ཁོར་ཡུག་ཅིག་ཏུ་འཚོ་སྡོད་བྱས་ཡོད་པས། གཞན་དབང་སྟབས་བསྟུན་གྱི་དཀའ་ངལ་མང་བ་ནི་བཤད་མ་དགོས་པའི་ཁར། འཁྲབ་སྟོན་ལ་བརྟེན་ནས་འཚོ་བའང་དེ་ལས་འདའ་ཐབས་མེད་པའང་གསལ་བོ་རེད། གཤམ་གྱི་འབྲེལ་ཐག་འདི་བརྒྱུད་ནས་གློག་བརྙན་དངོས་ལ་གཟིགས་རོགས།
གོང་གི་འབྲེལ་ཐག་གི་སྒོ་འབྱེད་མི་ཐུབ་པས། འདི་ནས་སྒོ་འབྱེད་ཐུབ་པར་སྨོན།
http://www.m1905.com/vod/play/719977.shtml
གློག་བརྙན་དེ་ཡག་པོ་ཞིག་འགྲོ་གི་མི་འདུག་མོད། ཆུ་ཚོད་ཁ་ཤས་བཀོལ་ནས་བལྟས་ཚར་སོང་། རྒྱ་མིས་བཟོས་པའི་གློག་བརྙན་ནང་གི་བོད་ཀྱི་འཚོ་བ་དང་ཐག་ཉེ་བ་དང་བོད་པའི་གཤིས་ཀ་དྲང་ཕྱོགས་ནས་བརྗོད་ཡོད་པའི་གློག་བརྙན་ཞིག་རེད། འདིའང་འཁྲབ་སྟོན་པ་གཙོས་ཕྱོགས་ཡོངས་ལ་འབྲེལ་བ་ཡོད་སྲིད། གང་ལྟར་དམིགས་འདུན་ལ་ངོས་ལེན་བྱེད་འདུན་མེད་ཀྱང་བྱུང་རིམ་ཐད་ནས་བཀའ་དྲིན་ཆེ་ཞུ་འདུན་བྱུང་སོང་།
དགྱ་སྐད་ཟིག་མི་ཤེས་མ་གཏོགས། ཅིག་ཤེས་རྒྱུ་ན། དགྱ་མི་དུང་ཕྱུར་དུང་ཕྱུར་བོད་ལ་གཏོང་འཆར་ཡོད་པའི་ལས་སྣེ་ལམ་ལ་འགྲོ་ཡ་ལ། ཁྱབ་བསྒྲགས་གང་ཐུབ་བྱེད་བཞིན་པའི་མངོན་ལྐོག་གི་འཆར་གཞི་ཞིག་འཁྲབ་ལོས་ཡོད་འདོད་ཀི།
ཡུམ་ཤེས་ན། དོ་ཡོང་ཡོང་སར་བརྒྱུགས་ན། རོ་སྲེག་སར་ཐུག་ཡོང་ཟེར་བ་ཞིག་གོ། དགའ་རྟགས་ཞིག་ཐོབ་ཡོད་ནི་ན། བསླུ་རྟགས་ཞིག་ཐོབ་ཡོད་ནི་སུས་ཤེས།
ཁྱེད་རང་ཚོ་དགྱ་ཡིག་ཤེས་ནི་ཚོས། སུས་སུ་བསླུ་བཞིན་འདུག་པའི་སྐད་བསྒྱུར་མདོ་ཙམ་བྱས་དང་། དེ་ནས་དགྱ་འདྲེ་ཚང་གི་མགོ་ལུ་གང་ཟིག་ལ་འཁྱོག་གི་ཡོད་མེད་ཤེས་ནི་རེད།
ལྷ་སྡེ་ཡིས་ཁྱབ་བསྒྲགས་བྱེད་དགོས་ཡ་ལ་དམིགས་ཡུལ་ཞིག་ལོས་ཡོད། ཅི་ཞིག་ཡིན། ཅིག་ཤོད་དང་།
མཚར་རོ། གནམ་ཟེར་བར་ག་རེ་མ་འགྲིག་པ་རེད། གོང་ས་མཆོག་གི་དགོངས་གཞིར་བརྩི་བཀུར་ཡོད་ཤག་གནང་མཁན་ཞིག་གིས་འདི་ལྟར་གནང་བ་ནི་མ་བྷེན་ནག་པོ་ཞིག་མ་རེད་པས། རྒྱ་མིའི་རྩ་ཁྲིམས་འོག་ཏུ་འགྲོ་མཁན་ཞིག་ཡིན་པ། ཁེ་བཟང་ལས་དད་པ་རྩེད་མོ་རྩེད་མཁན་ཚོ་འདི་འདྲ་རེད། ཧ་ཧ་ཧ། ཁ་དབུ་མ་དང་ཁོག་རང་བཙན་བ་ནི་གནམ་ལྟ་བུ། ཁ་ཁོག་གཉིས་ཀ་དབུ་མ་ནི་གོང་ས་མཆོག་ལྟ་བུ། གཉིས་ཀ་གང་ཡང་མ་ཡིན་པ་ནི་སྲིད་དོན་ཚོང་ཆེན་ཚོ་ལྟ་བུ། རང་བཙན་ཡིན་ལ་དབུ་མ་མ་ཡིན་པ་ནི་ཚོགས་ཟུར་ཀརྨ་ཆོས་འཔེལ་ལྟ་བུ། འདི་ནི་སྲིད་དོན་གྱི་མུ་བཞི་འཇོག་སྟངས་སོ།
ཡ་མཚར་ན་ཡ་མཚར་ཁྱོད་མཚར་རེད། རང་བཙན་དབུ་མ་ག་རེ་ཡིན་ན་ཡང་། ཁྱོས་གོ་བ་ག་འདྲ་ཞིག་ལོན་ཡོད་ན་ཡང་འདྲ། ང་ཚོས། བོད་འཇིག་རྟེན་འདི་ནས་འཚོ་ཐུབ་པ། ཡུལ་སྲོལ་གོམ་སྲོལ། ཟ་ལུགས་འཐུང་ལུགས། ཆོས་དང་རིགས་གཞུང་། རང་ཁྱིམ་རང་འཛིན་། རང་བདག་རང་དབང་ཡིན་པ། རང་ས་རང་གི་ཡིན་པ་ལས། དགྱ་བོད་གཉིས་ཀ་ཇ་རྩམ་དཀྲུག་དཀྲུག་བྱས་ན་འགྲིག་གི་ཞིག་སུས་ལ་བཤད་ཡོད་པ་མ་རེད་ལ། གང་གིས་ཡང་གསུངས་ཡོད་པ་མ་རེད་ལ། དེ་འདྲ་ལ་ཁེས་ལེན་ཡང་བྱེད་ཀི་མ་རེད། ཤེས་སོང་ངམ།
དགྱ་མིའི་རྩ་ཁྲིམས་ཡོད་བཞིན་པ་དེའི་འོག་ལ་མ་སོང་བར་རྩ་ཁྲིམས་གསར་བ་ཞིག་ལ་རེ་བ་བརྒྱབས་པ་དེ་ཡིས་ཡང་། ཁྱོད་དུད་འགྲོ་ཟོག་འདྲ་ཞིག་མིན་ན། ཐོབ་ཐང་མེད་བཞིན་པའི་ཐོབ་ཐང་ཞིག་དགོས་ཟེར་གི་ཡོད་པ་ལོས་ཤེས།
ལྷན་རྒྱས་ཕེབས་ནས་བགྲོ་གླེང་གནང་བར་བཀའ་དྲིན་ཆེ། ཞིབ་འཇུག་པ་ཞིག་གི་ངོས་ནས་བཤད་ན། གོང་གི་རྡ་སའི་མུ་བཞི་འགོད་སྟངས་དེ་ཧ་ཅང་གི་གནད་ལ་འཁེལ་བ་ཞིག་རེད། དྲ་ཐོག་ནས་རེ་གཉིས་ཤིག་མ་གཏོགས་རང་མིང་བཀོད་ནས་དངོས་སུ་དབུ་མའི་ལམ་ལ་རྒྱབ་བསྐྱོར་རྒྱག་ཐུབ་མཁན་ཞིག་མི་འདུག ཡོད་པའང་ཁ་རྒྱབ་ཀྱི་ཆེད་དུ་ལས་ཕུགས་བསམ་གྱི་ཆེད་དུ་མ་རེད། དེ་བས། དབུ་མའི་ལམ་ལ་འདི་ལྟར་ཡུན་རིང་གྲུབ་འབྲས་མ་ཐོན་ཚེ་མཐའ་མ་ནུབ་ཕྱོགས་ནས་རོགས་དངུལ་ལེན་བྱེད་ཙམ་ལས་ཅི་ཡང་ལྷག་ཁག་པོ་རེད། དེ་མ་གཏོགས་བོད་ནང་གི་དོན་དག་ཆེ་མ་ཆུང་གསུམ་རྒྱ་མིའི་རྩ་ཁྲིམས་འོག་ཏུ་བྱུང་བཞིན་པའི་དོན་དག་རིགས་ཡིན་པས། དེ་ལ་མ་དགའ་བ་བྱེད་པ་ནི་ཡེ་ཤེས་དབྱིངས་དཔྱད་བསྙོན་འབྱིན་བྱེད་སྟངས་གཞན་ཞིག་ཡིན། དེ་འདྲ་ཞིག་མ་རེད་དམ།
ཧ་ཧ་ཧ། སྐུ་ངོ་གནམ་ཁོང་ཁྲོ་ལངས་ནས་ཚིག་རྩུབ་བརྗོད་འདུག ནང་པ་ཞིག་མིན་རྟགས་རེད། དབུ་མ་བ་མ་ཡིན་ལ། ནང་པའང་མ་ཡིན་པ་ཁྱོད་རང་སུ་ཡིན་ནམ།
གློག་བརྙན་དེ་ལྟོས་བ་ཡིན། གློག་བརྙན་འཁྲབ་ཁྲིད་མ་བདེ་སྐྱིད་ལགས་ཀྱིས་བོད་སྐད་གཙང་མ་མི་ཤོད་གི ཕར་ལྟོས་ཚོད་ལ་ཨུ་ཚུགས་བྱས་ནས་ཚིག་འབྲུ་རེ་རེར་ཁ་ནང་ལ་བཞག་པ་མིན་འགྲོ་བསམ་སོང་། ཡིནའང་འཁྲབ་སྟོན་མའི་ཉམས་འགྱུར་ཅིག་འཇིགས་གི་གོ
བོད་སྐད་མ་ཤེས་ནི་མ་རེད། ཟུང་ཆུའི་ཁ་སྐད་དང་འབྲོག་སྐད་བར་ཁྱད་པར་འདུག དེ་བས་འབྲོག་སྐད་བཤད་སྐབས། ཅུང་ཙམ་བཙིར་བཞིན་པའི་བཟོ་ལྟ་འདུག
གནས་ཚུལ་ངོ་སྤྲོད་བྱས་བར་ཐུགས་རྗེ་ཆེ།
ག་རེ་མུ་བཞི་སྒྲིག་གི་ཡོད་ཨ
ཁ་དབུ་མ་དང་ཁོག་རང་བཙན་བ་ནི་གནམ་ལྟ་བུ། ཁ་ཁོག་གཉིས་ཀ་དབུ་མ་ནི་གོང་ས་མཆོག་ལྟ་བུ། གཉིས་ཀ་གང་ཡང་མ་ཡིན་པ་ནི་སྲིད་དོན་ཚོང་ཆེན་ཚོ་ལྟ་བུ། རང་བཙན་ཡིན་ལ་དབུ་མ་མ་ཡིན་པ་ནི་ཚོགས་ཟུར་ཀརྨ་ཆོས་འཔེལ་ལྟ་བུ། འདི་ནི་སྲིད་དོན་གྱི་མུ་བཞི་འཇོག་སྟངས་སོ།
ཡ་ཡ། མུ་བཞི་མུ་མཐུད་ནས་ཡིན་ད།