བྱང་ཨ་རིའི་སྐུ་ཚབ་དོན་གཅོད་ལ་བཅར་འདྲི།

Comments (21) on “བྱང་ཨ་རིའི་སྐུ་ཚབ་དོན་གཅོད་ལ་བཅར་འདྲི།”

1. ཨ་རི་ཚང་ལ་བོད་པ་མང་ཞིག་འགྲོ་ཐུབ་ན་ཡག་པོ་འདུག། ཡོ་རོབ་ཁག་ལ་ཡང་དེ་བཞིན་རེད། ཡིན་ན་ཡང་། རྒྱ་བལ་འབྲུག་གསུམ་ན་ཡོད་པའི་བོད་མི་བོད་ཡིག་མཁས་བ་དང་སྒྲིག་འཛུགས་ཁག་གི་ལྟོ་ཟན་པ། སློབ་གྲྭ་ཁག་གི་དགེ་ལས་ཡིན་ཕྱིན། ཕྱི་ཕྱོགས་ལ་གཏོང་བའི་གོ་སྐབས་དང་ལམ་ཁ་བཀག་ན་ཡག་ཤས་རེད། དེ་མིན། ཆབ་སྲིད་དང་འབྲེལ་མི་འབྲེལ་གང་མང་ལ་གོ་སྐབས་གཅིག་ཐོབ་གྱི་ལམ་བཙལ་ནས་བཏང་ཐུབ་ན་ཡག་པོ་རེད་བསམ་པ་ཞིག་འདུག།

2. དགོངས་འགལ་མེད་པའི་ཐོག་ནས། གསལ་བཤད་འདིར་གསན་གནང་ཡོད་པར་མཁྱེན།

   ངས་བལྟས་ན་༧གོང་ས་མཆོག་གི་སྐུ་ཕྱྭ་ལ་གནོད་སྐྱོན་མེད་ན། སྐད་འབོད་བྱ་རྒྱུ་སོགས་ལ་སྨྲ་བརྗོད་ཀྱི་རང་དབང་ཞིག་ཏན་ཏན་སྤྲོད་དགོས་པ་རེད། རྒྱ་མས་ང་ཚོར་སྐད་འབོད་ཀྱི་རང་དབང་སྤྲོད་ཀྱིན་མི་འདུག་ཅེས་ཟེར་བཞིན་དུ། ཤུགས་ལྡན་ཚོགས་པར་སྐད་འབོད་ཀྱི་རང་དབང་མ་སྤྲད་ན་གང་ནས་འགྲིག ཤུགས་ལྡན་ཚོགས་པར་སྐད་འབོད་རང་དབང་དང་། སྨྲ་བརྗོད་རང་དབང་སོགས་ཡུལ་ཁྲིམས་དང་མ་འགལ་བ་ཡིན་ཚེ་ངེས་པར་དུ་སྤྲོད་དགོས་པ་རེད། ཕན་ཚུན་སྐད་ཆ་བཤད། རྒྱུ་མཚན་བཤད་ནས་དཀའ་ངལ་སེལ་དགོས་པ་དེ་ང་ཚོའི་བསམ་ཚུལ་ཙོ་བོ་ཞིག་མིན་ནམ།

   ང་ཚོས་འཇིག་རྟེན་རྙིང་པའི་ལམ་ལུགས་གཙོར་བཟུང་ཐོག་སྐད་འབོད་སོགས་འགོག་ཐབས་བྱས་ཀྱང་ཐབས་ཤེས་ལོས་ཡོད། ཡིན་ནའང་དེ་ནི་གནས་སྐབས་ཀྱི་སྐྱོན་སེལ་ཙམ་ལས་མཐར་ཐུག་ཐབས་ལམ་ཡག་ཤོས་དེ་ཆགས་མེད།
   ང་ཚོས་བྱེད་སྟངས་དང་བཤད་སྟངས་གཉིས་མ་འགལ་བ་གལ་ཆེ། གཞན་ལ་སྐད་འབོད་རང་དབང་སྤྲོད་དགོས་ཞེས་སྐུལ་མ་ཞུ་བཞིན་དུ། རང་ངོས་ནས་སྐད་འབོད་རང་དབང་འགོག་ན་འགལ་བ་སྟག་སྤྲོད་མིན་ནམ། འོན་ཀྱང་སྐྱབས་མགོན་མཆོག་གི་སྐུ་ཕྱྭ་ལ་གནོད་སྐྱོན་མེད་པ་མ་ཐོན་ཧ་ཅང་ཐབས་སྐྱོ་བོ་རེད།

3. དབང་འདུས་ལགས། སྨྱོ་བཤད་ག་རེ་བྱེད་ཀྱི་ཡོད། སྐད་འབོད རང་དབང་སྤྲད་མིན་ཟེར་མཁན་སུ་འདུག དོལ་རྒྱལ་བས་གོང་ས་མཆོག་ལ་གཞི་མེད་སྐྱོན་འཛུག་དང་ངོ་རྒོལ་བྱེད་པ་ལ། བོད་མིའི་སྒྲིག་འཛུགས་དང་བོད་མི་མང་གིས་དེ་ལ་ལན་དུ་ངོ་རྒོལ་བྱེད་པ་ནི་འོས་ཤིང་འཚམས་པ་ཞིག་རེད། འདི་སྐད་འབོད་རང་དབང་འཕྲོག་པའི་གནད་དོན་ཞིག་མ་རེད། ཁོང་ཚོས་གོང་ས་མཆོག་ལ་གཞི་མེད་སྐྱོན་བརྗོད་ག་ཚོད་བྱས་ཀྱང་ང་ཚོ་ཁ་བཙུམས་ནས་འདུག་དགོས་པ་རེད་ཟེར་བ་ཡིན་ན་གནས་ཚུལ་ཁ་ཁ་རེད།

4. དེང་སང་བོད་མི་ཚོས་གོང་ས་མཆོག་ཁར་འཁྱེར་ནས་རྒྱ་ནག་དམར་པོའི་གཞུང་གིས་ལས་སྟངས་དང་བཤད་སྟངས་ཇི་མ་ཇི་བཞིན་རེད་འདུག། དོལ་ཚོགས་ཀྱིས་ནུབ་ཕྱོགས་རྒྱལ་ཁབ་ཁག་གི་ཡུལ་ཁྲིམ་དང་མཐུན་པའི་ཡུལ་དེར་སྐད་འབོད་ཁྲོམས་སྐོར་བྱེད་པ་དེ་དག་ཡང་མི་ཆོག་པ་བཟོ་དགོས་ཞེས་གླེང་བཞིན་པ་འདི་རེད། མ་གཞི་ནི། ཁྱེད་རྣམ་པའི་བཤད་ཚུལ་ལ་དོལ་རྒྱལ་རྗེས་འབྲངས་པ་མི་ཉུང་ཤས་ལས་མེད་པ་དང་། ཁོ་ཚོས་བཤད་པའི་སྐད་ཆ་ལ་བདེན་པ་སྤུ་ཙམ་མེད་པའི་རྫུན་གཏམ་རྐྱང་ཡིན་ཚུལ་དང་། ཕྱོགས་གཞན་དག་ཞིག་ནས་བཤད་ན། བདེན་པ་མེད་པས་མི་ཉུང་ཤས་ཞིག་གི་རྫུན་གཏམ་དང་ངོ་རྒོལ་སྐད་འབོད་ལ་ཁྱེད་རྣམ་པ་སེམས་འཚབ་དེ་འདྲ་བྱེད་དགོས་དོན་གང་ཡིན་ནམ། ནུས་མེད་བདེན་མེད་ཞིག་ལ་གྲ་སྒྲིག་དང་ཕར་རྒོལ་འདི་འདྲ་བཟོ་དགོས་དོན་ཅི་ཡིན་ནམ། དོལ་ཚོགས་ནི་བདེན་པ་དང་ནུས་པ་མེད་པའི་གནས་དོན་ཞིག་ཏུ་བཤད་བཞིན་དུ་ཕྱི་ནང་གང་སར་རྒྱ་དམར་ལས་སྡུག་ཙམ་ཞིག་དང་དེ་ལས་ཉེན་ཁ་ཆེ་བར་ཞིག་གི་རྣམ་པར་སྟོན་བཞིན་པ་ནི་ངོ་མ་གད་མོའི་གནས་ཞིག་ཏུ་མཐོང་། ཁྱེད་ཚོས་རྒྱུན་དུ་རྒྱ་དམར་ལ་ཞི་མཐུན་དང་འདྲ་མཉམ། ཕན་ཚུན་བསམ་ཚུལ་གུ་ཡང་དང་བཟོད་བསོན། མཐུན་ལམ་དང་ཡར་རྒྱས་བཅས་ཀྱིས་གྲོས་མོ་ཡོད་ཚུལ་བཤད་བཞིན་པར་རྒྱ་ནག་དམར་པོ་གཞུང་གིས་ཡིད་ཆེས་ཇི་ལྟར་དགོས་སམ། གང་ལྟར་ཁྱེད་རྣམ་པས་དོལ་ཚོགས་ལ་ཕར་རྒོལ་ཇི་ཙམ་བྱེད་པ་དེ་ཙམ་གྱིས་དོལ་ཚོགས་ཀྱི་ཀྱང་དེ་ཙམ་གྱིས་རྒོལ་ལན་ཡོད་པ་ནི་གཞི་གྲུབ་པ་རེད། ད་དུང་ཕྱོགས་ཕན་ཚུན་གཉིས་ཀའི་བྱ་ངན་དང་སྤྱོད་ངན་མང་དག་ཞིག་ཕྱིར་གསལ་ཡོང་རྒྱུ་ཡོད་པ་ནི་ངས་འདི་ནས་མཐོང་ཡོང་གི་འདུག། བསམ་གྱིས་བསམ་གྱི་སེམས་པ་སྐྱོ་ཡོང་གིན། ལྟས་ཀྱི་ལྟ་ཡི་ལྟད་མོ་མཐོང་ཡོང་གི།

5. ་་་་་་་ དོགས་པ་ཞིག་བསླེབས་ནས་བཙུན་མ་དེ་གཉིས་གྲལ་གྱི་མཐའ་མ་དེར་ལངས་སུ་བཅུག་འདུག ༸གོང་ས་མཆོག་མཛད་སྒོ་ཞིག་གི་ཆེད་མགྲོན་ཁང་ནས་མར་ཕེབས་སྐབས། བཙུན་མ་དེ་གཉིས་ཀྱིས་༸ཏཱ་ལའི་བླ་མ་སྐྱག་རྫུན་མ་བཤད་ཅེས་མཚན་སྨད་ཞུ་བའི་མགོ་བཙུགས་སོང་། གནས་ཚུལ་དེར་སྐར་མ་གཅིག་ཀྱང་ཕལ་ཆེར་འགོར་ཡོད་པ་མ་རེད། སྐབས་དེར་༸གོང་ས་མཆོག་གིས་ཤུགས་ལྡན་བསྟེན་ན་ཡག་པོ་མེད་པའི་གསལ་བཤད་གནང་སོང་། ཡིན་ནའང་། བཙུན་མ་གཉིས་ཀྱིས་གསལ་བཤད་ལ་ཉན་གྱི་མི་འདུག
   ཁོ་མོ་གཉིས་ཀྱིས་༸རྒྱལ་བ་རིན་པོ་ཆེར་མཚན་སྨད་ཞུས་བའི་བརྙན་ཐུང་དེ་དྲ་ལམ་དུ་བརྒྱུད་བསྒྲགས་བྱེད་པ་ཁོ་ནར་དམིགས་འདུག གང་ལྟར་རྗེས་ཕྱོགས་ཕེབས་ལམ་དུ་མཇལ་ཁ་ཞུ་བའི་ཐད་ང་ཚོས་ད་ལྟ་བསམ་བློ་ཞེ་དྲག་ཅིག་གཏོང་བཞིན་ཡོད་པ་མ་ཟད། གནས་ཚུལ་དེ་རིགས་ལ་གདོང་ལེན་ག་འདྲ་བྱེད་དགོས་མིན་ཐད་ཐབས་ལམ་འཚོལ་བཞིན་ཡོད། ་་་་་་་་

6. དབང་འདུས་ཅན་གྱིས་བསམ་ཤེས་མདོག་གིས་གླེན་བཤད་སྤུངས་པ་ལ་འདྲེ་ཤན་ཅན་བཙན་པོ་བཏགས་པས་གནས་ལུགས་ཡོད་མདོག་གིས་མང་དུ་བཤད་འདུག ཐབས་སྐྱོ་བོ་རེད། གླེན་པས་གླེན་པ་སྲུང་ན་དཔུང་གིས་རྒྱལ་ཟེར་བ་ཅི་མ་བདེན།

   དབང་འདུས་ཅན་ལ་འདྲི་རྒྱུར་བོད་མིའི་ངོས་ནས་རྒྱ་འདྲེའི་ཕྱོགས་ལ་རང་དབང་མ་བྱིན་པའི་གནས་སྟངས་གང་བྱུང་འདུག ཨ་རི་ནས་རྒྱ་འདྲེ་ཚོགས་པས་སྐད་འབོད་རྒྱག་པ་དེ་བོད་མིའི་ངོས་ནས་རང་དབང་སྟེར་དང་མི་སྟེར་གྱི་སྐད་ཆ་ཡོད་པ་རེད་དམ།

   བཙན་པོ་བཏགས་པར་འདྲི་རྒྱུར། ད་སྔ་རྒྱ་འདྲེ་བསྟེན་བཞིན་པ་སུ་ལ་ཐམས་ཅད་མཁྱེན་པས་བཀག་འགོག་བྱས་ཏེ་གནོད་ཤུགས་སྤྲད་འདུག ལི་ཐང་ཨ་དར་ལ་གནོད་ཤུགས་སྤྲད་འདུག་གམ། གྲྭ་བ་ཤོ་རྒྱག་མཁན་དེ་ལ་སྤྲད་འདུག ཡང་ན་དབྱིན་ལན་གྱི་དགེ་བཤེས་དེ་ལ་སྤྲད་འདུག སེམས་ཁམས་ཐང་ཐང་་མེད་པའི་མགོ་སེར་དེ་ཚོ་གཡུགས་ཞོག སྒོར་རྡོག་འགའ་རེ་ཐོབ་པ་ལས་གཞན། ཏཱ་ལའི་བླ་མར་ངོ་རྒོལ་བྱེད་པ་ནི་མ་འདྲ་བའི་ཚོར་བ་ཞིག་རེད་ཅེས་པ་ཙམ་ལས་ཁོ་ཚོར་དམིགས་ཡུལ་གཞན་ཡོད་པ་མ་རེད།

7. དཔལ་དོན་མིང་ཅན་ལགས། ཁྱེད་ཀྱིས་ཨ་དར་དང་ཤོ་མཁན་ཅན་མ་གཏོགས་དོལ་ཚོགས་མི་བུ་ཞིག་ཆོས་ཅན་མེད་སོང་བ་དེས་ཁྱེད་ཀྱི་རང་བཞིན་ཅོག་ཅོག་དང་རང་འདོད་རྐྱང་པ་ལས་མེད་པ་གསལ་པོ་རེད། དྲང་ཚུབ་མེད་པའི་མི་ཁྱེད་ཚོས་བོད་འདིར་བཞི་མི་བདེ།་བརྒྱད་མི་བདེ། བརྒྱད་གཉིས་བཅུ་དྲུག་མི་བདེ་བ་བཟོས་པ་རེད། ད་མང་པོ་མི་བཤད། ཁྱེད་ཚོས་རང་འདོད་ལྟར་གནང་དང་སྟོན་མོ་ག་ལེ་མཐོང་ཡོང་། དོལ་རྒྱ་ངར་ཤོག། དོལ་རྒོལ་ངར་ཤོག། གཉིས་ཆའི་རྫུན་གཏམ་སྒྲོགས་ཤོག། བླ་མའི་ཆོས་ལུགས་ཀྱི་རང་འདོགས་ངོ་མ་དེ་མཐོང་སོང་ལ་དེར་ཞན་པ་སྟེང་ནས་ལོག་སོང་། ངས་དོལ་ཚོགས་ལ་མི་སྨད་ལ་དོལ་རྒོལ་ལ་མི་སྟོད། གཉིས་ཆ་ཡིས་གཟུགས་མེད་ལྷ་འདྲེ་སོགས་ལ་རེ་བ་ནི་འདྲ་མཉམ་རེད། གཉིས་ཆ་ཡིས་གཞན་མགོ་སྐོར་བ་ནི་གཅིག་མཚུངས་རེད། གཉིས་ཆ་ཡིས་རང་འདོད་སྒྲུབ་པ་ནི་འདྲ་འདྲ་མཉམ་མཉམ་རེད་འདུག་གོ།

8. བཙན་པོར་བཏགས་པ་ཁྱོད་སྙིང་ན་གི་འདུག་གམ། རྒྱ་འདྲེའི་བྱིན་རླབས་རེད། མིག་ཡོད་དམ། བློ་ཡོད་དམ། རྒྱ་འདྲེའི་གནད་དོན་འདི་རྒྱ་དམར་པོའི་འདྲེ་ཡིན་པས་རེད། དོལ་རྒྱལ་བསྟེན་མཁན་རྒྱ་གར་ལྷོ་ཕྱོགས་སུ་བོད་གཞུང་ཆོས་རིག་ལས་ཁུངས་ཀྱི་ཁྱབ་ཁོངས་འོག་ཡོད་པ་རེད། ཁྱོད་རང་དངོས་གནས་བསྟེན་བསམ་ན་བོད་ལ་བརྣག་སེམས་གནོད་སེམས་མ་འཛིན་པར་དེ་རུ་སོང་ནས་བསྟེེན་ཅིག ཟླ་བ་རེ་ལ་ཟས་དོད་ཡང་ཆོས་རིག་ལས་ཁུངས་ནས་ཕུལ་གྱི་རེད་དོ། ཡིན་ཡང་། དེ་མའོ་བདུད་རྒན་གྱི་མགོ་ཅན་དེ་མ་རེད་དོ།

9. གལ་སྲིད་དོལ་ཚོགས་རྒྱ་འདྲེ་ཡིན་ན། རྡ་རམ་ས་ལ་རྒྱ་གདོན་ཅིས་མ་ཡིན། གཉིས་ཀ་ལོས་མགོ་འདོགས་ས་རྒྱ་ནག་དབུས་འཐབ་ཕྱོགས་གཅིག་གྱུར་ཁང་ཡིན་པས་ཕྱིར། དེར་ཐལ། མ་གྲུབ་ན། རྒྱ་མིའི་ཁྲིམས་འོག་ཏུ་མགོ་འབུལ་ལུས་བྱས་པའི་ཡིག་ཆ་ནག་པོ་ཆོས་ཅན། གདོན་གྱིས་བརླབས་ཡོད་པར་ཐལ། གོང་ས་མཆོག་གཅིག་པུའི་མ་འོངས་པ་ལས་བགྲོ་གླེང་བྱེད་གཞི་ལྷག་མེད་དུ་བཏང་ཟིན་པ་མ་ཡིན་ནམ། ཨུ་ཧུ་ཧུ་ཧུ། ད་ཅིག་ཡིན་མདོག་ལབ་ཀྱིན་འདུག

10. བཙན་པོ་འདི་ཤར་ལྷོ་ནུབ་བྱང་གང་གི་ལམ་སྣེ་མ་ཟིན་པའི་ཐ་ཆད་ཨ་བྲ་འདྲ་བ་ཞིག་ཡོད་པ་འདྲ། འབྲོག་པའི་རྩྭ་ས་ལ་གནོད་པོ་ཡོད་པ་རེད་ཐལ། ཁ་འདག་རྒྱུ་འདི་ཚོ། ཡར་གི་ལྷ་གྲལ་མི་འཛུལ། མར་གི་འདྲེ་གྲལ་ལ་ཡང་མི་འཛུལ། བར་མ་བར་ཞིག་ནས་ས་ཞིག་གེ་མ་ཚད་རྡུལ་གཏོར་རྒྱུ་ཟེར་ནོ་ཅི་རེད། ཁྱོད། སྐྱེས་དུས་ཡུལ་ལྷ་མེད་སོང་བ་རེད་དམ། ཁྱོད། ཤི་དུས་འདྲེན་ལྷ་མི་དགོས་བའི་རྒྱུ་མཚན་ཡིན། ཨ། ཅིག་ཤོད་དང་།

11. ཨ་རིག་ཀར་བློ། བོད་མིའི་སྒྲིག་འཛུགས་ཀྱིས་མིང་དོན་མཚུངས་པའི་རང་སྐྱོང་རྩོད་པ་ལས་མགོ་འབུལ་ལུས་འབུལ་བྱས་རབས་མེད། མགོ་འབུལ་ལུས་འབུལ་བྱེད་མཁན་ནི་དོལ་ཚོགས་རེད། ཁྱོད་རང་གི་རྟགས་དེ་མི་ལོ་དགུ་ལ་མ་གྲུབ་བོ།

12. ཁ་ཡོད་ལག་ཡོད་ཀྱི་དམངས་ཚོགས་དང་རང་དབང་ལ་དགའ་ཞེན་བྱ་མཁན་ཞིག་ཡིན་ན།
    སྐད་འབོད་ངོ་རྒོལ་བྱེད་མཁན་ཚོར་བསྟོད་ར་བྱེད་མ་ཐུབ་ནའང་སྨད་ར་དང་དགག་པ་བྱེད་མི་རུང་།
    དེ་མིན་མིང་ཙམ་གྱི་དམངས་གཙོ་དང་མིང་ཙམ་གྱི་རང་དབང་ཡིན་སོང་ན་་་་སོ་སོའི་འདོད་པ་རེད་དའོ།

13. ཨ་རི་ལ་འགྲོ་འདོད་ཡོད་ན་རྒྱུགས། ཁྲིམས་འགལ་ཡིན་མིན་ཁྱད་པར་མེད། དོན་དག་སོ་སོ་དེར་སྐྱིོད་པོ་འཚོར་དགོས་རེད།
    བོད་ལ་འགྲོ་འདོད་ཡོད་ན་རྒྱུགས། པེ་ཅིང་ལ་འགྲོ་འདོད་ཡོད་ན་རྒྱུགས། དག་ཞིང་འགྲོ་འདོ་ཡོད་ན་རྒྱུགས། དམྱལ་བར་འགྲོད་ཡོད་ན་རྒྱུགས། སྐུ་སྐབས་དོན་གཅོད་ཀྱི་ངོས་ལེན་ཤོག་ལྷེ་བླངས་མི་དགོས་པས་་་་་་ རྒྱུགས། ད་ལྟ་རྒྱུགས།

    ཆབ་སྲིད་པས་ཆབ་སྲིད་པས། ཆབ་སྲིད་ཁྲབ་ཆུག ཨ་རིར་འགྲོ་འདོད་ཡོད་ན། ཁྲིམས་འགལ་མ་འགལ་གལ་ཆེན་པོ་མ་རེད། དོན་དག་ཐ་མ་སོ་སོ་ལ་ཕན་པ་དང་། ཨ་རི་ལ་ཕན་ཅིག་བྱས་ནས་ཤོག ཧཧཧཧཧཧཧཧཧཧཧཧཧཧཧཧཧ།། །།

14. དབུ་མའི་ལམ་གྱིས་རྒྱ་ནག་གི་རྩ་ཁྲིམས་སྒྲོམ་གཞིའི་འོག་ལ་སྐད་ཆ་བཤད་ཀྱིན་པ་དང་།
    དོལ་ཚོགས་སོང་ནས་གུང་ཁྲན་ཏང་ལ་བསྟོད་པ་བྱས། ཐ་ན་༼ང་ཚོས་གུང་ཁྲན་ཏང་ལས་གཞན་སུས་ཁ་ལའང་ཉན་དགོས་མ་རེད་དཱ༽ཟེར་ནས་བཤད། གཞིས་བཞུགས་བོད་མིའི་ཁྲོད་སོང་ནས་རྒྱལ་བ་དོན་གྱི་བདག་པོར་མཚན་སྨད་བྱས་ཏེ་བོད་ཀྱི་ཆིག་སྒྲིལ་གྱི་ནུས་པ་གཏོར་བསམ་པ་དེ་གཉིས་འདྲ་བོ་འདུག་བསམ་མཁན་ནི་དོལ་རྒྱལ་ལས་ཀྱང་སྡུག་པོ་རེད།

15. ཨ་རིའི་དོན་གཅོད་འདི་ཞེད་སྣང་ཚ་བོ་རེད།
    ཤར་ཕྱོགས་ཁུག་རྟ།
    གནས་ཚུལ་འདི་རིགས་རང་ཤི་རྒྱག་ཏུ་བཅུགས་ན་བོད་ཀྱི་རྩ་དོན་ལའང་ཕན་ལས་གནོད་ཆེ། ད་བར་གནས་ཚུལ་འདི་རིགས་ནང་ཁུལ་ནས་མེད་པ་བཟོས་ཏེ། བོད་རྒྱ་ཆེའི་མི་མང་གི་སྤྱན་སྔར་གཙང་མདོག་མདོག ཡིན་མདོག་མདོག་བྱེད་ཀྱི་ཡོད། རྒྱ་གར་དང་ཨ་རིའི་གཞུང་གཉིས་ཀྱིས་མཚོན། དབུས་བོད་མིའི་སྒྲིག་འཛུགས་དང་མི་མང། གཞན་ཡང་གྲངས་ཀྱིས་མི་ཟིན་པའི་འཛམ་གླིང་མི་མང་དུང་ཕྱུར་མང་པོས། གདོན་འདྲེ་དོལ་རྒྱལ་རྗེས་འབྲངས་པ་ཚོས་༧གོང་ས་མཆོག་གི་སྐུ་ཕྱྭར་གནོད་འཆར་ཡོད་པར་གཟབ་གཟབ་བྱེད་བཞིན་པའི་སྐབས་འདིར། ཁ་སྔོན་བཀའ་ཤག་གི་ཐག་གཅོད་ལྟར། དོལ་རྒྱལ་རྗེས་འབྲངས་པ་བྱེད་གཏེ་ཁག་ཅིག་དབུས་བོད་མིའི་སྒྲིག་འཛུགས་ཀྱི་དྲྭ་རྒྱར་ཕྱི་དྲིལ་ལས་ཁུངས་གསར་འགྱུར་ཚན་པས་ཨིན་བོད་གཉིས་སུ་ཡོངས་བསྒྲགས་གནང་བ་རེད།
    ཡིན་ནའང། ཨ་རིའི་དོན་གཅོད་གསར་པས་ཐད་ཀར་ཕྱི་དྲིལ་ལས་ཁུངས་ཀྱི་གསར་འགོད་སྡེ་ཚན་གྱི་འབྲེལ་ཡོད་ལས་བྱེད་ལ་ཁ་པར་བཏང་སྟེ། ག་རེ་བྱས་ནས་ཨིན་ཡིག་དྲྭ་བའི་སྟེང་གནས་ཚུལ་དེ་འདྲ་བཀོད་པ་ཡིན་ནམ། ཁྱེད་ཚོས་འགན་ཁུར་ཐུབ་ཀྱི་ཡོད་དམ། ད་ལྟ་རང་གནས་ཚུལ་དེ་བསུབ་དགོས་ཞེས་བཀའ་བཀྱོན་དྲག་པོ་གནང་མཐར། གསར་འགྱུར་ཚན་པའི་འབྲེལ་ཡོད་ལས་བྱེད་ཚོ་གནས་རིམ་དམའ་བ་དང། ཆེན་པོ་རྣམས་ལ་འབྲེལ་འདྲིས་མེད་སྟབས་ཅི་བྱེད་འདི་བྱེད་མེད་པར་དེ་མ་ཐག་ཨིན་ཡིག་ཐོག་གི་གནས་ཚུལ་དེ་བསུབ་འདུག ཡིན་ནའང། དཔལ་ལྡན་བཀའ་ཤག་ནང་གི་༧གོང་ས་མཆོག་ལ་ཡིད་ཆེས་རྩེ་གཅིག་ཏུ་ཡོད་པའི་བཀའ་བློན་བྱེ་བྲག་པ་རེ་ཟུང་གིས་བཀའ་ཤག་གི་ཐག་གཅོད་ཟིན་པ་དེ། ཨ་རིའི་དོན་གཅོད་ཀྱིས་རྩིས་མེད་བཏང་བ་ཚུལ་མཐུན་མིན་པ་ངོས་འཛིན་དང་འབྲེལ། བསུབ་ཟིན་པའི་གནས་ཚུལ་དེ་བསྐྱར་དུ་དྲྭ་ངོས་སུ་བཀོད་འདུག
    གནས་ཚུལ་འདི་ནི་རྒྱ་ཆེ་ཆུང་གང་ས་ནས་བསམ་བློ་ཞིབ་ཚགས་ཤིག་བཏང་ན་ཧ་ཅང་ཞེད་སྣང་བྱེད་དགོས་པ་ཞིག་ཡིན་པ་བློ་ལྡན་ཀུན་གྱིས་མཁྱེན་གསལ་རེད། དབུས་བོད་མིའི་སྒྲིག་འཛུགས་ནི་ཁྲིམས་གྱིས་དབང་བསྒྱུར་ཡིན་པ་ལས། གང་ཟག་གིས་དབང་བསྒྱུར་མིན་པ་གསལ་བོ་ཡིན་ནའང། ཨ་རིའི་དོན་གཅོད་མཆོག་ལ་བཀའ་ཤག་གི་ཐག་གཅོད་ཐད་ཀར་ནག་བསུབ་བཏང་ཆོག་པའི་དབང་ཚད་དང་ཐུགས་སྤོབས་སུས་གནང་བ་རེད་དམ། འཛིན་སྐྱོང་གི་འགྲོ་སྟངས་བྱས་ནའང་ཐད་ཀར་ལས་བྱེད་ལ་དེ་ལྟར་ཁ་པར་བཏང་སྟེ་བཀའ་བཀྱོན་གནང་ཆོག་པའི་ལམ་སྲོལ་ཞིག་གང་ན་ཡོད། འདིའི་ཅི་ཞིག་མཚོན་གྱི་རེད་དམ།
    གཉིས་ནས། དོལ་རྒྱལ་གྱི་གནས་ཚུལ་འདི་༧རྒྱལ་བ་རིན་པོ་ཆེ་སྐུ་སྒེར་ལ་ཕན་གནོད་ཀྱི་འབྲེལ་བ་གང་ཡང་ཡོད་པ་མ་རེད། ༧གོང་ས་མཆོག་གི་སྤྱན་མདུན་ནས་དོལ་རྒྱལ་ཐད་རྣམ་འགྱུར་གཅིག་དང། ཕྱོགས་གཞན་ཞིག་ནས་རྣམ་འགྱུར་གཅིག་འཛིན་གྱི་ཡོད་པ་འདི་ཧ་ལས་པའི་ཞེད་སྣང་ཚ་པོ་རེད། གནང་སྟངས་འདིས་བོད་ཀྱི་རྩ་དོན་ལ་གནོད་ཚབས་ཆེན་པོ་ཐེབས་རྒྱུ་ཡིན་པ་ཚང་མས་ཤེས་གསལ་རེད། ཡང་ན་སྐུ་ངོ་དོན་གཅོད་མཆོག་གིས་དོལ་རྒྱལ་སྐོར་འགན་འཁུར་འདོད་མེད་ན་བཀའ་ཤག་ལྷན་རྒྱས་ལ་གསལ་བོ་ཞུ་དགོས་པ་རེད། ང་ལ་མཚམས་འདིར་སྐད་ཆ་གསལ་བོ་ཞིག་བཤད་རྒྱུ་ཡོད་པ་དེ། བོད་མཐོང་མ་མྱོང་ཞིང་བོད་ཀྱི་ཆོས་རིག་ལ་ཞེ་འདྲིས་ཁྱོན་ནས་མེད་མཁན་ཁག་ཅིག་གིས། ཕྱི་རྒྱལ་ལུང་པའི་ནང་མགོ་སེར་ཚོའི་མདུན་ནས། བོད་དང་བོད་ཀྱི་ཚབ་མཚོན་མདོག་དང། རང་ཉིད་བོད་ཀྱི་མགྲིན་ཚབ་པ་ཡིན་ཚུལ་བྱེད་འདོད་ཡོད་ན། ངེས་པར་དུ་གཞིས་ལུས་མི་མང་དང་༧གོང་ས་མཆོག་གི་དམ་ཚིག་དང་གནས་ལུགས། ལོ་རྒྱུས་བཅས་ཀྱི་འབྲེལ་བར་དགོངས་བཞེས་ཡག་པོ་གནང་ན་མ་གཏོགས། བོད་མི་རང་ངོས་སམ། ལྷག་པར་གཞིས་ལུས་བོད་མིའི་ཁྲོད་ནས། སྐུ་ངོ་དོན་གཅོད་འདྲ་བ་དག་གིས་གཞིས་ལུས་རྒྱ་ཆེ་མི་མང་གི་དོན་དག་བཤད་མི་དགོས། བཤད་ཤེས་ཀྱི་མི་འདུག དགོས་དོན་མི་འདུག་ཅེས་གསུངས་པ་ཡིན་ན། དེ་དུས་ལྟ་སོ་བརྟན་ས་མེད་པ་ཞིག་ཆགས་ངེས་སྟབས། ད་ལྟ་ནས་གནད་དོན་ཆེ་ས་འདི་རིགས་གཟབ་གཟབ་གནང་དགོས་པ་རེད་ཅེས་ཚིག་ཉུང་ལ་དོན་འདུས་པའི་ལམ་ནས་ཞུ་ཡི་ཡོད། གལ་སྲིད་སྐུ་ངོ་དོན་གཅོད་དང་དོན་གཅོད་འདྲ་བ་དག་གིས་བོད་མི་རིགས་ཀྱི་ཕ་ཡིག་ཀློག་རྒྱུར་དཀའ་ངལ་བྱུང་བ་ཡིན་ན། འབྲེལ་ཡོད་དོན་གཅོད་ལས་བྱེད་ལྷན་རྒྱས་ནས་གསལ་བོ་དག་པོ་ཞིག་གསེར་སྙན་སྒྲོན་འབུལ་ཡོང་བ་ཞུ།

    ༢༠༡༤། ༥། ༣༠། ཉིན།།

16. དོལ་རྒྱལ་གནས་ཚུལ་འདི་གོང་ས་མཆོག་ལ་ཕན་གནོད་མེད་ན། བོད་མི་མང་ལ་དེ་ལས་ཀྱང་ཕན་གནོད་ཡོད་པ་མ་རེད། དད་མཁན་ཡོད་ན་རང་དབང་རེད་ལ། མི་དད་ནའང་རང་དབང་རེད། ད་ག་རེ་བཤད་ཀྱི་ཡོད་དམ། ང་སྤྲུལ་སྐུ་ཆོས་འཕེལ་ལགས་འདི་སུན་ཡ་རང་རེད།

17. དོལ་ཚོགས་ཁོ་རང་ཚོའི་སྐད་འབོད་དང་ངོ་རྒོལ་ག་ཚད་བྱ་རྒྱུ་འདུག་ན་བྱེད་བཅུག་ཤོག །ང་ཚོར་གནོད་པ་གང་ཡང་གཏོང་མི་ཐུབ་བོ། དོལ་ཚོགས་རིམ་གྱིས་མེ་རང་ཡལ་དང་། དུ་བ་རང་ཤི་ཆགས་འགྲོ་གིན་རེད་སྙམ།

    :-D

18. དོན་གཅོད་ངོ་སོ་བསྟོད། དོལ་ཚོགས་ཕམ་པར་རྒྱོབ།

19. ཤར་ཁུག་ལགས་ཀྱིས་འདིའི་སྐོར་ནས་་མཆན་རྒྱས་པ་ཞིག་གནང་བ་ཐུགས་རྗེ་ཆེ་ཞུ་ཀི་ཡིན།

20. ཁོང་།
    སྟོད་ཉི་མ་ལྷ་ས་ནས་རེད་དམ།
    སྟོད་སྟོད་ཀི་སྟོད་པ་བ་རེད།

    མྱི་གཞི་ལ་དཔྱད་ཙམ་བྱ་འདོད་ཡིན། གཞན་ཅི་གང་མིན། ལན་ཞིག་ཡོད་ན། ལམ་སང་གནོངས་དང་། དྲ་ཉེ་ཚོ།

21. རིས་མེད་ཆོས་བརྒྱུད་ཁག་གི་བླ་སྤྲུལ་རྣམས་ནས་དོལ་རྒྱལ་ཚོགས་པའི་རྗེས་སུ་གཡང་མཆོངས་བྱེད་མཁན་རེ་ཟུང་ཚོར་ལས་ངན་མི་བསགས་པའི་ལམ་སྟོན་ཡོང་བའི་འབོད་སྐུལ་ཞུས་པ།
    ༢༠༡༤ ཟླ་ ༦ ཚེས་ ༡༨ རེས་གཟའ་ལྷག་པ།

    ༄༅། །འདི་གར་མི་ནི་སོ་ཊ་ཨ་རི་བོད་མིའི་སྤྱི་མཐུན་ཚོགས་པས་ཕྱི་ལོ་ ༢༠༡༤ ཟླ་ ༦ ཚེས་ ༡༡ ཉིན་བཏང་གནས་ནང་འཁོད་དོན།

    བོད་ཀྱི་རིས་མེད་ཆོས་བརྒྱུད་ཁག་གི་དབུ་འཁྲིད་བླ་ཆེན་རྣམ་པས་དབུས་བླ་སྤྲུལ་ཡོངས་ཀྱི་ཞབས་དྲུང་དུ།

    གུས་འབངས་མི་ནི་སོ་ཊ་ས་གནས་བོད་རིགས་སྤྱི་མཐུན་ཚོགས་པའི་རྒྱུན་ལས་ཐུན་མོང་ནས་སྒོ་གསུམ་གུས་པས་ཕྱག་བཅས་ཞུ་གསོལ་འདེབས་སྙིང་། ད་ལྟ་ང་ཚོའི་མི་རབས་འདི་བོད་ཀྱི་ལོ་རྒྱུས་ཐོག་དཀའ་ཚེགས་ཆེ་ཤོས་ཀྱི་དུས་སྐབས་སུ་གནས་ཀྱང་། དོལ་རྒྱལ་ཚོགས་པས་དཀར་ནག་བཟང་ངན་ཕྱིན་ཅི་སློག་སྟེ་ཕྱི་རྒྱལ་ལུང་པ་སོགས་སུ་དགྲ་དགའ་གཉེན་སྡུག་གི་བྱ་བ་བྱེད་པ་ཕུད། ད་དུང་བོད་ནང་གི་བོད་མིར་དོལ་རྒྱལ་བསྟེན་གསོལ་ཐད་ཡུལ་མི་མགོ་སྐོར་བཏང་དང་གཏོང་མུས་དང་། ལྷག་པར་རྒྱ་ནག་གཞུང་དང་ཁ་ཕྱོགས་གཅིག་ཏུ་གྱུར་ནས་ཆབ་སྲིད་ཀྱི་བྲན་བཀོལ་ལག་ཆ་ཆགས་ཏེ་བོད་མདོ་དབུས་ཁམས་གསུམ་གྱི་རྒྱ་ཆེའི་བོད་རིགས་མི་མང་ཡོངས་ཀྱི་ཁ་གཏད་དུ་ལངས་ཏེ་༸གོང་ས་༸སྐྱབས་མགོན་ཆེན་པོ་མཆོག་ལ་༼ཏཱ་ལའི་བླ་མ་རྫུན་མ་ཤོད། ཆོས་དད་རང་དབང་སྤྲོད་དགོས།༽ ཟེར་རྒྱ་མིས་རྗོད་བཞིན་པའི་བརྗོད་ཚིག་དེ་དག་བེད་སྤྱོད་ཀྱིས་དོན་དངོས་མ་ཡིན་པའི་མཚན་སྨད་ཞུས་ཏེ། ངོ་རྒོལ་གྱི་ལས་འགུལ་བརྩམས་ནས་བོད་མི་རིགས་ཀྱི་ཆིག་སྒྲིལ་གྱི་གོང་བུར་གཏོར་བཤིག་གཏོང་ཐབས་བྱེད་བཞིན་པ་འདི་ལགས། སྐྱབས་མགོན་བླ་ཆེན་རྣམས་ནི་བོད་ཀྱི་ཡུལ་ལུང་སོ་སོའི་ཡུལ་མིས་རང་ཉིད་ཀྱི་ཚེ་འདི་དང་ཕྱི་མའི་སྐྱབས་དང་རེ་ས། སེམས་པའི་མགོན་སྐྱབས་བླ་ན་མེད་པར་བརྩིས་བས། ས་གནས་མི་མང་གི་ལས་དབང་ཁ་ཕྱོགས་ཁྲིད་སྟོན་གནང་བའི་ནུས་པ་ཡོད་སྟབས། ཁྱེད་རྣམས་ནས་རང་ཉིད་ཀྱི་གནས་བབས་ཀྱི་འོས་འགན་བླང་གནང་སྟེ། རང་རང་དང་འབྲེལ་བ་ཡོད་པའི་ཡུལ་ལུང་མི་མང་རྣམས་ལ་༸གོང་ས་༸སྐྱབས་མགོན་ཆེན་པོ་མཆོག་གིས་ལོ་མང་རིང་བརྟག་དཔྱད་ཞིབ་འཇུག་དང་ལུང་རིག་ཡང་དག དག་སྣང་ཚད་ཐུབ་སྒོ་དུ་མ་ནས་དོལ་རྒྱལ་བསྟེན་གསོལ་བྱས་ན་བོད་ཀྱི་བསྟན་སྲིད་ལ་ཕན་ལས་གནོད་ཆེ་བའི་དགེ་སྐྱོན་ལ་དགོངས་དཔྱད་གཟབ་ནན་གྱིས་སྤང་བླང་ཇི་དགེའི་སྐོར་བཀའ་སློབ་རབ་དང་རིམ་པ་ཕེབས་པའི་དགོས་དོན་གཙོ་བོ་ཇི་ཡིན་གསལ་འགྲེལ་དང་།

    ལྷག་པར་ཆོས་འབྲེལ་སྐབས་དོལ་རྒྱལ་བསྟེན་གསོལ་བྱེད་མཁན་རིགས་ལ་ཆོས་འབྲེལ་གནང་ན་འཐུས་མིན་དང་། ཕྱི་རྒྱལ་གྱི་མི་རིགས་ལའང་ཆོས་འབྲེལ་དང་མཛད་སྒོ་སོགས་འདུ་འཛོམས་ཀྱི་ཚོགས་མགོན་དུ་ཆིབས་སྒྱུར་སྐབས། ཕྱི་མི་ནང་ཆོས་དོན་གཉེར་བ་རྣམས་ལ་བོད་བརྒྱུད་ནང་བསྟན་གྱི་བསྟན་དོན་སྙིང་པོ་དང་། དོལ་རྒྱལ་བསྟེན་གསོལ་བར་ལ་དབྱེ་བ་ཕྱེས་ཏེ་དོན་གཉེར་དགོས་པ་ལས། མགོ་འཚོས་ལ་མ་འཚོས་དོལ་རྒྱལ་ཚོགས་པའི་རྗེས་སུ་གཡང་མཆོངས་བརྒྱབ་སྟེ་ལས་ངན་གསོག་རྒྱུ་མེད་པའི་ལམ་སྟོན་བཀའ་སློབ་ཡང་ཡང་གནང་ཐུབ་ཚེ། དེ་ནི་༸གོང་ས་༸སྐྱབས་མགོན་ཆེན་པོ་མཆོག་ལ་གཡས་གཞོགས་གཡོན་འདེགས་ཀྱི་ཐུགས་ཕན་གསོལ་རྒྱུ་དང་།

    ལྷག་པར་ང་ཚོ་འཛམ་གླིང་འདིའི་ཐོག་༼ང་བོད་པ་ཡིན།༽ ཟེར་མགོ་བོ་བཏེགས་ནས་འགྲོ་རྒྱུ་བྱུང་བ་དང་། བོད་ཀྱི་ནང་ཆོས་ལ་འཛམ་གླིང་གིས་དོ་སྣང་གསར་པ་བྱེད་པའི་གནས་བབ་སོགས་ཇི་ལྟར་བྱུང་བ་གོ་བསྐོན་གསེད་བཀྲོལ་གྱི་བཀའ་སློབ་གནང་དགོས་པའི་དུས་ལ་སླེབས་འདུག་པས། ཁྱེད་རྣམས་ནས་རང་ཉིད་ཀྱི་མཚན་སྙན་གནས་བབ་ལ་བརྟེན་ནས་དགྲ་དགའ་གཉེན་སྡུག་གི་བྱ་ངན་དེ་རིགས་འབྱུང་འགྱུར་མི་ཡོང་བའི་ཆེད། རང་རང་ས་ཁུལ་མི་མང་ལའང་ཟབ་གསལ་བཀའ་སློབ་དུས་ནས་དུས་སུ་གནང་ཐབས་དང་། ༸གོང་ས་༸སྐྱབས་མགོན་ཆེན་པོ་མཆོག་དང་། རིས་མེད་བླ་སྤྲུལ་རྣམས་དད་འདུན་གཡོ་བ་མེད་པར་བོད་དང་བོད་མི་རིགས་ཀྱི་ཆོས་དང་རིག་གཞུང་། མི་རིགས་ཀྱི་རྩ་དོན་འཐབ་རྩོད་སོགས་ཀྱི་ཕྱོགས་ལ་ནུས་པ་མཉམ་སྤུངས་ཐུབ་པ་བྱུང་ཚེ། དེ་ནི་གཞིས་ལུས་བོད་མིའི་སྙིང་སྟོབས་ཀྱི་འབྱུང་རྩ་དང་རེ་བའི་ས་བོན་ཡང་རེད། ལྷག་པར་དོན་དངོས་ཇི་བཞིན་མ་རྟོགས་པ་རྣམས་ཀྱི་སྤང་བླང་ཚུལ་བཞིན་ཞུ་རྒྱུར་ཡང་ཕན་ཐོགས་ཅི་ཆེ་ཡོང་རྒྱུ་གདོན་མི་ཟ་བས། དེས་ན་བོད་མི་རིགས་ཀྱི་དམིགས་འདུན་བསྒྲུབ་རྒྱུའི་འཐབ་རྩོད་ཀྱི་ཁ་ཕྱོགས་དང་གོང་བུའི་ནུས་ཤུགས་ཕྱོགས་གཅིག་ཏུ་སྒྲིལ་ཐུབ་རྒྱུར་ཟོལ་མེད་ཀྱི་འགན་འཁྲི་ཅིས་ཀྱང་བཞེས་གནང་ཡོང་བ་མཁྱཻན། མཁྱེན། ཞེས་ལག་གཉིས་ཐལ་མོ་སྦྱར་ནས་ཞུ་བ་ལགས།། ཨ་རིའི་མི་ནི་སོ་ཊ་གནས་འཁོད་བོད་རིགས་སྤྱི་མཐུན་ཚོགས་པ་ནས
    ཕྱི་ལོ་ ༢༠༡༤ ཟླ་བ་ ༦ ཚེས་ ༡༡ ཉིན།། གུས་ཕྱག་དང་བཅས་ཕུལ།།

    http://bod.asia/2014/06/%E0%BD%A2%E0%BD%B2%E0%BD%A6%E0%BC%8B%E0%BD%98%E0%BD%BA%E0%BD%91%E0%BC%8B%E0%BD%86%E0%BD%BC%E0%BD%A6%E0%BC%8B%E0%BD%96%E0%BD%A2%E0%BE%92%E0%BE%B1%E0%BD%B4%E0%BD%91%E0%BC%8B%E0%BD%81%E0%BD%82%E0%BC%8B/