<< མི་ཚོགས་འདིས་ཁྱེད་ཀྱི་འཁྲུངས་སྐར་བརྩི་གྱིན་འདུག >>

ཚེ་རིང་།

ཁྱོད་ལ་དགའ་ཞིང་དུང་བའི་མི་ཚོགས་འདིས
དགའ་དད་སྤྲོ་གསུམ་གྱི་ངང་ནས
དེ་རིང ཁྱོད་ཀྱི་འཁྲུངས་སྐར་ལ་རོལ་ཀྱིན་འདུག
ལོས་ཡིན་ཏེ ཁྱོད་ནི་ཁོང་ཚོའི་སེམས་ཀྱི་རྟེན་ས་དང
མིག་གིས་འཚོ་ས་ཁོ་ན་དེ་ཡིན
འཇིག་རྟེན་འདིར་ཁོ་ཚོར་ཅི་ཡང་མེད་ཀྱང་ཆོག་ལ
འོན་ཀྱང་ཁྱོད་ཁོ་ན་མེད་མི་རུང
ཁྱོད་ནི་ཁོ་ཚོའི་ཡོད་ཚད་དེ་ཡིན་འདུག
སེམས་དང་སེམས་ལ་ཐིམ་པའི་སྣང་བརྙན་དེས
ཡིད་དང་ཡིད་ལ་འདྲེས་པའི་བསླབ་སྟོན་དེས
ཁོ་ཚོར་བར་ཐག་གི་ཉེ་རིང་ཅི་ཡང་མེད་པར
ཁྱོད་ནི་ནམ་རྒྱུན
ཁོ་ཚོའི་སེམས་ཀྱི་གཏིང་ལ་ཟུག་ཅིང་སེམས་ཀྱི་གཏིང་ན་གནས་ཡོད
བསམ་བློ་རེ་གཏོང་དུས
སླར་ཡང་ལོ་ཟླའི་ཐེམ་པ་ཞིག་བརྒལ་འདུག
གྲངས་ཀ་འདིས ང་ཡི་སེམས་ལ་ན་ཟུག་དུ་མ་ཞིག་སློང་ཞིང
ལན་འདེབས་དཀའ་བའི་ལྡོག་འདྲི་དུ་མ་ཞིག་ཀྱང་བསླང་འོང
བསྐལ་བ་མར་འདྲིད་ཀྱི་དུས་འདིར
བརླན་གྱིས་བཟུང་བའི་ལས་དབང་གི་ངོ་གདོང་འདི་དག་གི་ཆེད་དུ
འཇིག་རྟེན་ན་རྒས་ཀྱི་རྫུ་བག་འདི་ཁྱོད་ཀྱིས་བསྟན་ཆོག་ཀྱང
འཇིག་རྟེན་ན་རྒས་ཀྱི་རྫུ་བག་འདི་ཁྱོད་ལ་ཡོད་མི་ཆོག

ཁྱོད་ནི་ནམ་ཡང་ཁོ་ཚོའི་སེམས་ནས་འབར་དགོས་ལ
ཁྱོད་ནི་ནམ་ཡང་ཁོ་ཚོའི་མིག་ནས་འཚེར་དགོས

2014/70/06