བོད་ཀྱི་དུས་བབ་ནས་དྲངས།
བོད་རིཊ་ཤིག་ལ་གསེར་གྱི་རྟགས་མ་ཐོབ།
བོད་རིགས་ལུས་རྩལ་བ་དབང་རྒྱལ་ལགས་ཀྱིས་རྒྱ་ནག་ཁུང་ལུང་རྟགས་མའི་ཁུ་ཚུར་གཞུ་རྩལ་འགྲན་བསྡུར་ཁྲོད་ཨང་དང་པོ་བླངས་ཏེ་གསེར་གྱི་རྟགས་མ་ཐོབ་འདུག
ཉེ་སྔོན་རྒྱ་ནག་རྒྱལ་ཡོངས་ཁུང་ལུང་རྟགས་མའི་ཆེད་ལས་རང་བཞིན་གྱི་ཁུ་ཚུར་གཞུ་རྩལ་འགྲན་བསྡུར་རྟིང་རྩོད་འགྲན་ཐེངས་བརྒྱད་པ་དང་། མཚོ་སྔོན་ཟི་ལིང་འགྲན་ཚོགས་ཀྱི་ཁུ་ཚུར་གཞུ་རྩལ་གྱི་རྟིང་རྩོད་འགྲན་བསྡུར་ཚོགས་ཏེ། ཟླ་འདིའི་ཚེས་༢༤ ཉིན་མཚོ་སྔོན་ཞིང་ཆེན་ཧུའུ་ཀྲུའུ་རྫོང་དུ་མཇུག་སྒྲིལ་ཡོད་འདུག ཐེངས་འདིའི་འགྲན་བསྡུར་ཐོག་འཛམ་གླིང་གི་རྒྱལ་ཁབ་ཧྥ་རན་སི་དང་ཀོ་རི་ཡ། ཐའེ་ལན་ཌི། རྒྱ་ནག་བཅས་གཙོས་པའི་རྒྱལ་ཁབ་༩ ལྷག་གི་ཁུ་ཚུར་གཞུ་རྩལ་བ་མཉམ་ཞུགས་གནང་ཡོད་པ་དང་། ཟི་ལིང་འགྲན་ཁུལ་གྱི་མཐའ་མའི་རྟིང་རྩོད་འགྲན་བསྡུར་ཁྲོད་བོད་རིགས་གཞོན་སྐྱེས་གཞུ་རྩལ་བ་དབང་རྒྱལ་ལགས་སྤྱི་རྒྱ་ ༩༥ ཡི་ཤུགས་ཚད་ཡོད་པའི་འགྲན་བསྡུར་ཁྲོད་ཁོང་གི་ཁ་གཏད་ལས་རྣམ་པར་རྒྱལ་ཏེ་ཨང་དང་པོ་ཐོབ་ཡོད་པ་མ་ཟད། རྒྱ་ནག་རྒྱལ་ཡོངས་ཁུང་ལུང་རྟགས་མའི་ཁུ་ཚུར་གཞུ་རྩལ་འགྲན་བསྡུར་ཁྲོད་ཀྱི་གསེར་གྱི་རྟགས་མ་ཐོབ་ཡོད་འདུག
རང་ལོ་ ༣༢ ཡིན་པའི་བོད་རིགས་ཁུ་ཚུར་གཞུ་རྩལ་བ་དབང་རྒྱལ་ལགས་ནི། མཚོ་སྔོན་ཞིང་ཆེན་མཚོ་ཤར་ས་ཁུལ་ཡ་རྫི་རྫོང་རྡོ་སྦིས་ཞང་དཔའ་སྡེ་ཞེས་པའི་སྡེ་བ་ནས་ཡིན་འདུག་ལ། ཁོའི་མ་མིང་ལ་རྡོ་རྗེ་སྐྱིད་ཞུ་བཞིན་ཡོད་འདུག ཁོང་ཆུང་དུས་ཡ་རྫི་རྫོང་རྡོ་སྦིས་ཞང་གི་སློབ་ཆུང་དང་སློབ་འབྲིང་བཅས་རིམ་པ་འགྲིམས་རྗེས། མཚོ་སྔོན་ཞིང་ཆེན་ཟི་ལིང་གྲོང་ཁྱེར་དུ་ཡོད་པའི་ལུས་རྩལ་སློབ་གྲྭར་ཞུགས་ཏེ་ད་བར་ཁུ་ཚུར་གཞུ་རྩལ་གཙོས་པའི་ལུས་རྩལ་གྱི་རིགས་ལ་སྦྱོང་བརྡར་བྱས་ཡོད་འདུག
གསར་འགོད་པ། དོན་གོ
བརྟེན་འབྲེལ་ཞུ
རྟེན་འབྲེལ་ཞུ
དཔའ་བོ་ངོ་མ་རྡོ་རྗེ་སྐྱིད་དེ་འདྲ་རེད། བོད་ཀྱི་དཔའ་བོ་ལ་འཚམས་འདྲི་དང་མུ་འཐུད་དུ་འཛམ་གླིང་དུ་གྲགས་པ་དོན་དང་ལྡན་པར་སྨོན་ནོ།།
དེ་དཔེ་ཡག་པོ་རེད་དགའ་འོས་པའི་གཏམ་ཞིག། བཀྲ་ཤིས་བདེ་ལེགས་ཞུ།
རྒྱ་མི་ཕར་གཏོར་བའི་རྟགས་ཡིན་ན་ཡག་པོ་རེད།
ཁོང་གི་དངོས་སུ་ཁུ་ཚུར་འགྲན་བསྡུར་གནང་བའི་བརྙན་འཕྲིན་ལ་བལྟ་འདོད་ཧ་ཅང་ཆེ་བས་དྲ་གྲོགས་རྣམས་ནས་དེ་སྐོར་ལ་མཁྱེན་ཚེ་གསུང་རོགས་གནང་།
གོ་སྐབས་ཐོབ་ཚེ་བོད་མིས་མི་འཇོན་པ་ཅི་ཞིག་ཡོད།