ཐེ་བོ་སངས་རྒྱས།
ད་ལོའི་ཕྱི་ཟླ་དགུ་བའི་ཚེས་ལྔ་ཉིན་དབྱིན་ཡུལ་གྱི་ཝེལ་སིའི་རྒྱལ་ས་ཁར་སྒྲི་ཧྥུ་Wales Cardiff, རུ་སྐད་གྲགས་ཡོད་པའི་ལོ་རེའི་རྒྱུག་རྩེད་འགྲན་ཚོགས་ཆེན་མོ་Cardiff Half Marathon:་ཞེས་པ་དེ་བསྡུས། དེར་འཛམ་གླིང་གི་ལུས་རྩལ་བ་མིང་གྲགས་ཅན་མང་དག་ཅིག་གིས་སྣེ་ཁྲིད་པའི་རྩེད་འགྲན་པ་ཉིས་ཁྲི་ཆིག་སྟོང་ཙམ་ཞུགས་ཡོད་པ་དང་། རྩེད་མོ་བ་རྣམས་ཉིན་དེའི་ཞོགས་པ་ཆུ་ཚོད་དགུ་བའི་ཐོག་འགོ་བརྩམས་ཏེ་ལོ་རྒྱུས་ལྡན་པའི་གྲོང་དང་། གྲོང་ཁྱེར་གྱི་ཁང་བརྩེགས། སྐྱེད་མོས་ཚལ། རང་བྱུང་ཁམས་ཀྱི་མཛེས་ལྗོངས་སོགས་བརྒྱུད་དེ་རྒྱུག་ཤར་གློད་པའི་ཁྲོད། བོད་དོན་ལས་འགུལ་བ་གཟའ་རུ་ཉི་མ་ལགས་དང་། ཁོང་གི་བཟའ་ཟླ་རྗོར་ཇེ་Georgie, སོགས་ནང་མི་བཞིས་Free Tibet བོད་རང་དབང་ཞེས་བྲིས་པའི་སྟོད་ཐུང་སྔོ་སྐྱ་རེ་གྱོན་ཅིང་། བོད་ཀྱི་རྒྱལ་དར་འཕྱར་ནས་མཉམ་ཞུགས་བྱས་ཡོད་པར་མ་ཟད། གཟའ་རུ་ཉི་མ་ལ་བྱ་དགའ་ཞིག་ཀྱང་རག་འདུག
ཕྱི་གླིང་བའི་ལྟད་མོ་བ་མང་པོས་གཟའ་རུ་ཉི་མ་སོགས་མཐོང་བས་བོད་དོན་ལ་རྒྱབ་སྐྱོར་གྱི་འབོད་སྒྲ་ཤུགས་ཆེར་བསྒྲགས་ཡོད་པ་དང་། དེ་རྗེས་འབྲེལ་བ་བྱེད་མཁན་གང་འཚམས་བྱུང་ཡོད་ཚོད་རེད།
ཁོང་གིས་བརྗོད་དོན། རྩེད་འགྲན་འདི་རིགས་ནམ་རྒྱུན་དགེ་རྩ་ཚོགས་པ་Charity རེས་བཀོད་སྒྲིག་བྱེད་ཀྱི་ཡོད། དེར་ཞུགས་པ་ཙམ་གྱིས་མི་མང་གིས་དཔེ་མཐོང་ཆེན་བྱེད། དེའི་ནང་སྔོན་ཚུད་ནས་ཐོ་འགོད་ཀྱིས་དངུལ་ཏོག་ཙམ་སྤྲོད་དགོས་པ་ལས་དེར་མི་ཚུད་པའི་དཀའ་ངལ་མེད་ནའང་། བོད་མི་ཚོ་འདི་འདྲ་བའི་ནང་ཞུགས་བློ་ཡོད་མཁན་ཧ་ཅང་ཉུང་བས་གོ་སྐབས་ཤོར་གྱི་ཡོད་པ་དང་། བོད་དོན་ཁྱབ་བསྒྲགས་ལ་ཆ་བཞག་ན་འདི་ལྟ་བུའི་སྡིངས་ཆ་ནི་ཆེ་མཐོང་ལྡན་པའི་ལས་འགུལ་གལ་ཆེན་ཡིན་ཏེ། གལ་ཏེ་སུ་ཞིག་ཆུ་ཚོད་ལ་དཔག་པའི་ལེ་དབར་གྲངས་བཅད་དུ་རྒྱུག་ཐུབ་ཚེ་བྱ་དགའ་རིམ་པ་ལྟར་གནང་བའི་ཁར། གསར་འགོད་པས་མི་སྒེར་གྱི་དམིགས་ཡུལ་སོགས་དྲིས་ནས་ཁྱབ་བསྒྲགས་བྱེད་སྲོལ་ཡོད་པར་བཤད། ཁོ་འདིར་ཞུགས་པའི་དམིགས་ཡུལ་གཙོ་བོ་ནི་བོད་དོན་དྲིལ་བསྒྲགས་དང་། ཕྱི་སྡོད་བོད་མི་ཚོར་འདི་འདྲའི་ཆ་ཤས་ལེན་པར་སྐུལ་འདེད་གཏོང་ཆེད་ཡིན་ཟེར།
གཟའ་རུ་ཉི་མ་ལགས་ནི། དབྱིན་ཡུལ་དུ་གནས་སྡོད་བྱེད་མཁན་བོད་རིགས་སྤུན་ཟླ་ཞིག་ཡིན་ལ། ཁོང་གིས་ཡུལ་དེར་སྤྱི་ཚོགས་ཞབས་ཞུ་སྒྲུབ་ཞོར་SaveTibetWales, ཞེས་པའི་ཚོགས་པ་བཙུགས་ཏེ། ཁཱར་མར་ཐེན་དཔེ་མཛོད་ཁང་དང་། carmarthen library, སི་ཝན་སེ་སློབ་གྲྭ་ཆེན་མོ། Swansea University, ལཱམ་སྦེ་ཐྲེར་སློབ་གྲྭ་ཆེན་མོ།Lambeter University,སོགས་སུ་བོད་དོན་བྱ་འགུལ་རབས་དང་རིམ་པ་སྤེལ་འདུག
ཁོ་ནི་ཝེལ་སི་རུ་བོད་དོན་ལས་འགུལ་སྤེལ་མཁན་ཐོག་མ་དེ་ཆགས་ཡོད། ད་དུང་ཁོས་བཙན་བྱོལ་བོད་མིའི་ཁྲོད་དུ་སློབ་ཡོན་དང་། སྨན་ཡོན། འཚོ་ཐབས་བཅས་ཀྱི་ཐད་མངོན་གསལ་དཀའ་ངལ་ཡོད་རིགས་ལ་རོགས་སྐྱོར་གང་ཐུབ་བྱས་དང་བྱེད་བཞིན་ཡོད། ཁོང་གིས་ད་ལོ་གཟའ་རུ་བོད་ཀྱི་ཐེབས་རྩ་ཚོགས་པ། Zari Tibet Found ཞེས་པའང་བཙུགས་འདུག
ཚོགས་པའི་དྲ་རྒྱ།
www.zaritibet.org
ཡག་པོ་འདུག བཀའ་དྲིན་ཆེ། བོད་དོན་ཤེས་བྱ་ས་བསྒྲགས་གནམ་བསྒྲགས་ཀྱི་ཞོར་དུ་སྒོར་རྡོག་འགའ་བསོག་ཨེ་བཏུབ་བྱོས།
དེ་མིན་ལོ་རྗེས་མར་འགྲོ་འདོད་བརླག་འགྲོ ཐུགས་ཆེ་གནང་།
གཟའ་རུ་ཉི་མ་ལས་འགུལ་པས། །
བྱ་ག་གཟེངས་ཐོབ་རྗེ་ཡི་རང་། །
ཧ་ཅང་གི་ཡག་པོ་རེད། བཀའ་དྲིན་སྙིང་དབུས་ནས་ཞུ་རྒྱུ་ཡིན།
ཕྱི་ཟླ་དགུ་བ་དེ་བཅུ་བ་ལ་བཅོས་རོགས། དགོངས་དག
ད་་་་་གང་ཤེས་་་་དཔལ་འབྱོར་གྱི་ཆེད་དུ་་་་་བོད་འདི་བཙོང་མཁན་མང་གི་་་་་ཧ་ཧ་་་་་་་་་་་་་
སྤུན་ཟླ་ཚོ་་་ད་དུང་དོགས་པ་ཁོ་ནའི་མི་ཚེ་ཞིག་སྐྱེལ་བསྡད་པ་ཡིན་ན་བློ་ཕམ་དགོས་པ་ཞིག་མ་རེད་དམ་་་
སྤྱིར་བཏང་ཐུགས་རྗེ་ཆེ་ཞུ་རྒྱུ་ལས་གང་ཡང་མེད་ འོན་ཀྱང་མཆན་གཅིག་གཉིས་མཐོང་སྐབས་མ་བྲིས་དཀའ་མེད་རེད་འདུག་ སྤྱི་དོན་བྱེད་མཁན་རེ་ཟུང་ལས་མེད་པས་ཚང་མར་དོགས་པ་དེ་འདྲ་མ་གནང་ གལ་སྲིད་བོད་ཀྱི་རྒྱལ་དར་ལག་ཏུ་མཁྱེར་ནས་སྤྱི་དོན་འགྲུབ་ཀྱི་འདུག་ན་སྒོར་མོ་བསག་ནའང་སྐྱོན་གང་ཨེ་ཡོད་ དེ་ལས་གསུང་འདོད་ཡོད་དངབཀའ་བཀྱོན་གནང་འདོད་ཡོད་པ་ དོགས་པ་ཟ་འདོད་སོགས་ཡོད་ན་དེང་སྐབས་ནུབ་ཕྱོགས་ཡུལ་ནང་བོད་མི་ཁག་གཅིག་གི་བོད་གཞུང་དང་༧རྒྱལ་བ་རིན་པོ་ཆེར་མཚན་སྨོད་ཞུས་ནས་རྒྱ་སྒོར་བསག་གི་འདུག་པས་འདི་ཚོར་མང་ཙམ་གསུང་རོག་གནང།
ཧ་ཅང་དགའ་དགོས་