རྔ་བ་རྒྱལ་ཁམས་པ།
གནམ་མཐའ་དང་འབྲེལ་བའི་རྒྱང་རིང་བོའི་རི་བོ་དང་རི་ཕྲན་དག་ནི། གཤོངས་པ་ཆེན་པོ་འདིའི་མཐའ་སྐྱོར་ལྟ་བུ། སྐབས་རེར་སྨུག་ཤར་རེ་བ་དང་སྐབས་རེར་སྐྱ་ཤར་རེ་བར་མངོན་ཞིང་། ལོ་ངོ་བརྒྱ་སྟོང་མང་བོའི་ཡར་སྔོན་དུ་བྱུང་བའི་མེ་རི་འབར་གས་ལས་གྲུབ་པའི་བྲག་ཞུན་ནག་པོ་རྗེས་ཤུལ་གཉེར་སུལ་ཅན་རྣམས་དང་། དེ་དག་ལས་སྐྱེས་པའི་བདུད་པོའི་དབུ་སྐྲ་ལྟ་བུའི་རྩྭ་ཁམ་སྐྱ་རྩུབ་རེག་དང་ལྡན་པ། གཉོམ་ལག་མ་རྒྱས་པའི་ཤིང་སྡོང་ཁེར་སྐྱེས་དག་གིས། ཡུལ་འདིའི་སྐམ་རྒྱུད་ཕལ་ཆེ་བ་བཀབ་ཡོད་པར་རྟོགས། ང་ཚོ་ཆུ་ཚོད་གཉིས་ལྷག་རིང་ལྷོ་རྒྱུད་དུ་ཕྱིན་མཐར། བྱེ་མ་ནག་པོའི་མཚོ་གླིངPunaluu Black Sand Beachཞེས་པར་གཞི་ནས་སླེབས། བྱེ་ནག་མཚོ་ཚལ་འདི་ཧ་བ་ཡས་ལྷོ་རྒྱུད་ཀྱི་རྒྱལ་ཡོངས་མེ་རིའི་གླིང་གར་གནས་ཤིང་། མཚོ་ཚལ་འདིའི་རྒྱབ་ངོས་བེ་ཏའི་ཤིང་སྡོང་དང་རྩི་ཤིང་མེ་ཏོག་ཅན་སྣ་ཚོགས་ཀྱིས་བསྐོར། འགྲུལ་བ་བརྒྱ་ཕྲག་མང་བོས་ཆུ་རྐྱལ་བྱེད་ཅིང་། གཟུགས་པོ་བྱེ་ནག་ཚ་དྲོད་ནང་ལྡེ་བ། མཐིང་མདོག་གི་རྒྱ་མཚོ་ལས་འོང་བའི་ཚིངས་ཐིག་ལྟ་བུའི་རྦ་རླབས་དཀར་བོ་དག་རྒྱབ་ལྗོངས་སུ་བླངས་ནས་པར་ལེན་པ། འཛམ་གླིང་ན་དཀོན་པའི་རུས་སྦལ་ལྗང་ཁུ་ཉི་མར་ལྡེ་བའི་ངོ་མཚར་ལ་བལྟ་བ། ད་དུང་ཡུལ་མི་ཉ་པ་དག་གིས་ཉ་འཛིན་པའི་རྐྱེན་པོའི་རྩལ་སོགས། ལྟད་མོ་མང་བོ་ཞིག་ཉམས་སུ་མྱོང་རྒྱུ་འདུག ང་ཚོས་ལྷམ་མགོ་ཕུད་ནས་བྱེ་ཚན་སྟེང་གོམ་པ་བརྒྱབ། ཚ་ཤུགས་ཤིན་ཏུ་ཆེ་བས་རྒྱུན་རིང་བོར་འགྲོ་མ་ཐུབ། མཚོ་རླབས་དང་འདྲེས་པའི་བྱེ་མའི་ངོགས་སུ་ཕྱིན་ནས། མེ་རིས་བཞུས་པ་ལས་བྱུང་བའི་བྲག་རྡོའི་བཀོད་པ་ངོ་མཚར་ཅན་དག་ལ་ཞིབ་ཏུ་བལྟས། རྟེན་འབྲེལ་དུ་བསམས་ནས་ངོ་མཚར་ཅན་གྱི་རི་མོ་ཡོད་པའི་རྡོ་ནག་ཐེབ་མགོ་ཙམ་ཞིག་ལྐོག་ཏུ་སྦས། 
བླ་མ་ཀ་ལུའི་ཆོས་ཚོགས་དེར་བསྐྱོད་མ་མྱོང་། དེ་ཡོད་ལུགས་གོ་མྱོང་།
ཆོས་ཚོགས་དེའི་སྐོར་ལ་དགོད་བྲོ་བའི་སྐད་ཆ་མང་བོ་གོ་རྒྱུ་འདུག ངས་རྩད་གཅོད་བྱས་ཏེ་ཅུང་ཟད་ཅིག་བྲིས་ཡོད། རྗེས་སོར་འགོད་ཡོང་། ཉིད་ཀྱིས་བྲིས་པའི་ས་སྐྱ་བདག་ཆེན་གྱི་ལོ་རྒྱུས་ཉིན་ཐོ་མ་ཆ་ཚང་བཀླགས་པ་ཡིན། ས་སྐྱའི་སྐོར་ལ་གོ་རྟོགས་མང་བོ་ཞིག་འཕེལ་སོང་། བཀའ་དྲིན་ཆེ།
བཀའ་ལུའི་ཆོས་ཚོགས་དེར་ངས་ཀྱང་འགྲོ་མྱོང་མ་ཟད་བཀའ་ལུ་རིན་པོ་ཆེའི་སློབ་མ་ཕ་རན་སི་ཡིན་པ་བླ་མ་ཌེ་ཎི་སིའི་ཆོས་ཚོགས་སུའང་འགྲོ་མྱོང་རྣམ་ཐར་མང་པོ་འདུག བླ་མ་ཌེ་ཎི་སི་ཟེར་བ་ཆས་གོས་ཀྱང་མི་འདྲ་བ་ཞིག་གྱོན་སྲོལ་འདུག ཁོ་རང་གིས་ཟེར་ན་ཁོ་རང་གི་ནུབ་ཕྱོགས་པའི་ནང་བསྟན་པའི་བརྒྱུད་རིམ་ནང་ནས་རྩ་བ་ཐུག་ས་དེ་ཁོ་རང་ཡིན་ཟེར། ཁོ་རང་གི་ཆོས་ཚོགས་ལྟེ་བ་སྟེ་ཕ་རན་སི་དང་སུས་ཛ་ལེནཊ་གྱི་བར་དུ་ཡོད། ཁོ་རང་ཧ་ཅང་གི་ང་བོ་ཆེ་འདོད་ཡོད་པའི་མི་ཞིག་རེད། ཁོ་རང་གིས་ཟེར་ན་བོད་དང་རྒྱ་གར་རྒྱ་ནག་སོགས་རང་རང་གི་ཆོས་བྱེད་མི་སྣ་དག་གིས་ཆས་གོས་མི་འདྲ་བ་ནང་བཞིན་ནུབ་ཕྱོགས་སུའང་འདི་ལྟར་དགོས་ངེས་རེད་ཟེར། སྟོད་གོས་དང་སྨད་ཤམ་བཟོ་འདྲ་བོ་འགག་རིང་བཟོ་འདྲ་བ་ཞིག་གྱོན་སྲོལ་འདུག
༡༩༤༩་ལ་དབུས་གཙང་དུ་འགྲོ་བའི་སྐབས་ལ་དྭགས་དང་གར་ཞའི་བར་གྱི་ལམ་དུ་ཁ་བ་བབས་པས། ཐད་ཀར་འགྲོ་མ་ཐུབ་པར་ཟངས་དཀར་སྟོད་གར་ཞ་སོགས་ཀྱི་ལ་མཐོན་པོ་་མང་ཙམ་བརྒལ་ཏེ་རྒྱ་གར་བརྒྱུད་བོད་དུ་སླེབས། དེ་དུས་ང་ལ་མིག་ཤེལ་ནག་པོ་ཞིག་ཡོད་པ་ཕན་པ་ལ་ཚོད་མ་བྱུང་། ཁ་བར་ཉི་ཟེར་ཕོག་པ་མདངས་ཆེས་པས་ལམ་གྲོགས་ཚང་མའི་མིག་གིས་ལྟ་མི་ཐུབ་པ་ལོང་བ་ལྟར་ཆགས།
དེ་ནས་༡༩༦༠ རེ་གྲངས་སུ་ཝཱ་རཱ་ཎ་སཱིར་ མིག་ཤེལནག་པོ་ཞིག་་རྒྱབ་པ་ན། གྲོགས་དངོས་གྲུབ་ཀྱིས་མིག་ཤེཀ་ནག་པོ་བརྒྱབས་ཏེ། མིག་མེད་པར་མ་བཟོ་ན་ལེགས་ཞེས་པ་ཞིག་ཐོས། སྣང་རྟགས་མེད་པར་ཨ་རིར་ཡང་མིག་ཤེལ་ནག་པོ་ཞིག་ཡོད་པ་གཟིགས་ནས། སོག་པོ་དགེ་བཤེས་ཟླ་བ་བཟང་པོས་མིག་ཤེལ་ནག་པོས་མིག་ཤུགས་མེད་པར་འགྲོ་ཚུལ་གསུངས་པ་ནས། དེ་ནས་མིག་ཤེལ་ནག་པོ་རྒྱབ་པ་སྤངས་པ་ལྟ་བུ་ཡིན། ད་བར་ལོ་ལ་དཔགས་པས་བདག་རང་མིག་གསལ་ཐག་ཆོད་ཡོད། རྒྱུན་རིང་པོར་ལ་དྭགས་ཀྱི་ཐང་སྐམ་ལྟ་བུར་འགྲོ་དགོས་བྱུང་ན། ཉི་ཟེར་ལུས་ལ་ལ་ཕན་པར་མ་ཟད་མིག་ལ་ཡང་ཕན། ཁུ་ནུ་བླ་མ་རིན་པོ་ཆེ་བསྟན་འཛིན་རྒྱལ་མཚན་ཞབས་ཀྱིས་ཉི་ཟེར་ལ་བརྟེན་ནས་སྤྱན་ལ་སྨན་བཅོས་མཛད་ཅེས་གསུངས་པ་ཐོས།
གོང་གི་བུ་ལོ་ཆུང་དེས་མིག་ཤེལ་ནག་པོ་གྱོན་པ་མཐོང་ནས་འདི་ལྟར་བྲིས་པ་དགེ་བར་གྱུར་ཆིག །
ལ་དྭགས་བློ་བཟང་འཇམ་དཔལ་ལགས། ཁྱེད་ཀྱིས་རང་ཉམས་དང་འབྲེལ་བའི་ཞལ་ཏ་གནང་བར་བཀའ་དྲིན་ཆེ་ཞུ། ངའི་བུ་ཆུང་གིས་གྱོན་པའི་མིག་ཤེལ་དེ་བཞིན་ཉི་ཟེར་དང་འཕྲད་སྐབས་མདོག་ནག་པོར་འགྱུར་འགྲོ་བ་དང་། ཉི་འོད་དང་མ་འཕྲད་ཚེ་ཁ་དོག་དཀར་བོར་འགྱུར་འགྲོ་བའི་སྟབས་བདེའི་མིག་ཤེལ་ཞིག་རེད། ངས་ཀྱང་མིག་ཤེལ་དེ་འདྲ་ཞིག་གྱོན་བཞིན་ཡོད། ད་ཕན་མིག་ལ་གནོད་སོང་སྙམ་པའི་ཚོར་སྣང་དེ་འདྲ་བྱུང་མ་སོང་། འོན་ཏེ། ཕྱི་ནས་དེ་སྐོར་ལ་དྲི་རྩད་དོ་སྣང་ངེས་པར་དུ་བྱ་ངེས་ཡིན། སླར་ཡང་ཐུགས་རྗེ་ཆེ་ཞུ།