ཡོང་ཁུངས། བོད་མིའི་སྒྲིག་འཛུགས་དྲ་རྒྱ
ཏེ་ལོ་རིན་པོ་ཆེ་མཆོག་ལ་ཆེ་བསྟོད་མཚན་གནས་ཀྱི་རུ་སོག་སྐུ་ཚབ་དོན་གཅོད་དུ་བསྐོ་གཞག་གནང་བ།
བཀའ་དྲུང་ཡིག་ཚང་ནས་ཕྱི་ལོ་༢༠༡༤ ཟླ་༡༠ ཚེས་༢༣ འཁོད་པའི་ལས་བྱེད་གནས་སྤོས་དང་ལས་འགན་བཀོད་སྒྲིག་གི་གསལ་བསྒྲགས་ནང་ཨུ་རུ་སུ་རྒྱལ་ཁོངས་ཀྱི་ཁལ་མུཀ་སྤྱི་མཐུན་རྒྱལ་ཁབ་ཀྱི་ནང་པའི་གཙོ་འཛིན་ཏེ་ལོ་རིན་པོ་ཆེ་མཆོག་ལ་ཆེ་བསྟོད་མཚན་གནས་ཐོག་རུ་སོག་སྐུ་ཚབ་དོན་གཅོད་དུ་བསྐོ་གཞག་གནང་འདུག
དེ་ཡང་རུ་སོག་སྐུ་ཚབ་དོན་གཅོད་ཞིང་ནོར་ངག་དབང་རབ་རྒྱས་ལགས་ཤེས་རིག་ལས་ཁུངས་ཀྱི་དྲུང་ཡིག་ཆེན་མོར་བསྐོ་གཞག་གནང་འདུག་པ་དང་། རྒྱ་གར་དུ་ལས་བཅར་ཞུ་རྒྱུའི་མཐོང་མཆན་ཡིག་ཆ་འགྲིགས་མཚམས་ནས་ལས་བཅར་ཞུ་རྒྱུ་ཡིན་འདུག
ཏེ་ལོ་སྤྲུལ་སྐུ་རིན་པོ་ཆེ་མཆོག་ནི། ཨ་རིར་འཁྲུངས་ཤིང་། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཏེ་ལོ་རིན་པོ་ཆེ་སྐུ་གོང་མའི་ཡང་སྲིད་དུ་ངོས་འཛིན་མཛད་རྗེས་དགུང་ལོ་བདུན་ལ་སོན་སྐབས་རྒྱ་གར་ལྷོ་ཕྱོགས་འབྲས་སྤུངས་སྒོ་མང་གྲྭ་ཚང་ནང་ཆོས་བཞུགས་གནང་སྟེ། གཞུང་ཆེན་བཀའ་པོད་ལྔ་ལ་གསན་བསམ་གནང་བ་མ་ཟད། ད་ལྟའི་ཆར་ཨུ་རུ་སུའི་མངའ་ཁོངས་ཁལ་མུཀ་སྤྱི་མཐུན་རྒྱལ་ཁབ་ཀྱི་ནང་པའི་གཙོ་འཛིན་གྱི་འགན་བཞེས་མུས་ཡིན་འདུག
ཏེ་ལོ་རིན་པོ་ཆེ་མཆོག་ནས་ང་ཚོ་བོད་མི་དཀའ་ངལ་ནང་ལྷུང་སྐབས་གདུང་སེམས་མཉམ་བསྐྱེད་གནང་བར་དགའ་ཚོར་ཆེན་པོ་བྱུང་བས་ཐུགས་རྗེ་བཀའ་དྲིན་ཆེ། རིན་པོ་ཆེ་སྐུ་ཁམས་བཟང་ཞིང་མཛད་འཕྲིན་ཡར་ངོའི་ཟླ་ལྟར་རྒྱས་པ་དང། བོད་མིའི་སྒྲིག་འཛུགས་ཀྱི་དགོས་འདོད་མཐའ་དག་བགེགས་མེད་བདེ་བླག་ཏུ་འགྲུབ་པ་བཅས་ཀྱི་སྨོན་འདུན་ཞུ་བ་དང་ཆབས་ཅིག་འཛིན་སྐྱོང་གི་མཛད་འཕྲིན་ལ་རྗེས་སུ་ཡི་རང་ཞུའོ།
རུ་སོག་རྒྱལ་ཁབ་དེ་བོད་དོན་ལ “གལ་ཆེན” ཞིག་ཆགས་ཡོད་པས་ཕལ་ཆེར་ང་ཚོ་བོད་པའི་ནང་ན་རུ་སོག་གི་སྐུ་ཚབ་ལ་འདུག་ཐུབ་མཁན་ཞིག་རྙེད་ཡོད་ས་མ་རེད། དེ་མིན་བོད་པ་མ་ཡིན་ཞིང་བོད་པའི་ལག་དེབ་ལྗང་ཁུ་སོགས་ཐོབ་ཐང་ལག་ཁྱེར་ཅི་ཡང་མེད་མཁན་ཞིག་སྐུ་ཚབ་ཏུ་བསྐོ་བཞག་བྱས་པ་ནི་ཁྱད་མཚར་ཞིག་རེད། ལར་ནས་བློ་སེང་གི་ཐོག་མའི་ཁས་ལེན་ཏེ་གསར་བཏོད་དང་ཆིག་སྒྲིལ། རང་ཁ་རང་གསོ་གསུམ་གྱི་ནང་ནས་གསར་བཏོད་ཀྱི་རང་བཞིན་དེ་ཡིན་པ་འདྲ། དེ་མིན་འཛམ་གླིང་གི་རྒྱལ་ཁབ་སུ་གང་ལའང་མེད་པ་ཞིག་སྟེ་སྤྱིར་རྒྱལ་ཁབ་དེའི་མི་སེར་མིན་ལ། བྱེ་བྲག་ཏུ་རྒྱལ་ཁབ་དེའི་ཐོབ་ཐང་ལག་ཁྱེར་སོགས་ཅི་ཡང་མེད་མཁན་ཞིག་དོན་གཅོད་དུ་བསྐོ་བཞག་བྱེད་མི་སྲིད་པ་ཞིག་ཡིན་པ་རེད་དེ་ང་ཚོ་ལ་དེ་འདྲ་ཞིག་བྱུང་བ་རེད། ལར་ནས་ངས་ཏེ་ལོ་རིན་པོ་ཆེ་བོད་དོན་ལ་སེམས་ཤུགས་མི་འདུག་ཟེར་གྱི་མེད་ལ། ང་ཁོ་རང་ལ་རྒྱུས་ཅུང་ཟད་ཙམ་ཡང་མེད་དེ་བཀའ་ཤག་གི་བྱེད་སྟངས་དེ་ཡ་མཚར་ཞིག་ལ་མཐོང་གི་ཡོད། བོད་དོན་ལ་སེམས་ཤུགས་ཀྱིས་སྐུ་ཚབ་ཏུ་བསྐོ་བཞག་བྱས་པ་ཡིན་ན་ཁོ་ཙམ་མ་ཟད་པའི་མགོ་སེར་དང་མགོ་ནག་ཚོའི་ནང་ན་ཡང་ཧང་སངས་བའི་སེམས་ཤུགས་ཅན་ཡོད་པས་དེ་ཚོ་ཁོ་ཚོའི་རྒྱལ་ཁབ་ཏུ་བཙུགས་ཡོད་པའི་སྐུ་ཚབ་ཏུ་བསྐོ་བཞག་མ་བྱས་པ་ཅི་ཡིན་ནམ།
རུ་སོག་རྒྱལ་ཁབ་དེ་བོད་དོན་ལ “གལ་ཆེན” ཞིག་ཆགས་ཡོད་པས་ཕལ་ཆེར་ང་ཚོ་བོད་པའི་ནང་ན་རུ་སོག་གི་སྐུ་ཚབ་ལ་འདུག་ཐུབ་མཁན་ཞིག་རྙེད་ཡོད་ས་མ་རེད། དེ་མིན་བོད་པ་མ་ཡིན་ཞིང་བོད་པའི་ལག་དེབ་ལྗང་ཁུ་སོགས་ཐོབ་ཐང་ལག་ཁྱེར་ཅི་ཡང་མེད་མཁན་ཞིག་སྐུ་ཚབ་ཏུ་བསྐོ་བཞག་བྱས་པ་ནི་ཁྱད་མཚར་ཞིག་རེད། ལར་ནས་བློ་སེང་གི་ཐོག་མའི་ཁས་ལེན་ཏེ་གསར་བཏོད་དང་ཆིག་སྒྲིལ། རང་ཁ་རང་གསོ་གསུམ་གྱི་ནང་ནས་གསར་བཏོད་ཀྱི་རང་བཞིན་དེ་ཡིན་པ་འདྲ། དེ་མིན་འཛམ་གླིང་གི་རྒྱལ་ཁབ་སུ་གང་ལའང་མེད་པ་ཞིག་སྟེ་སྤྱིར་རྒྱལ་ཁབ་དེའི་མི་སེར་མིན་ལ། བྱེ་བྲག་ཏུ་རྒྱལ་ཁབ་དེའི་ཐོབ་ཐང་ལག་ཁྱེར་སོགས་ཅི་ཡང་མེད་མཁན་ཞིག་དོན་གཅོད་དུ་བསྐོ་བཞག་བྱེད་མི་སྲིད་པ་ཞིག་ཡིན་པ་རེད་དེ་ང་ཚོ་ལ་དེ་འདྲ་ཞིག་བྱུང་བ་རེད། ལར་ནས་ངས་ཏེ་ལོ་རིན་པོ་ཆེ་བོད་དོན་ལ་སེམས་ཤུགས་མི་འདུག་ཟེར་གྱི་མེད་ལ། ང་ཁོ་རང་ལ་རྒྱུས་ཅུང་ཟད་ཙམ་ཡང་མེད་དེ་བཀའ་ཤག་གི་བྱེད་སྟངས་དེ་ཡ་མཚར་ཞིག་ལ་མཐོང་གི་ཡོད། བོད་དོན་ལ་སེམས་ཤུགས་ཀྱིས་སྐུ་ཚབ་ཏུ་བསྐོ་བཞག་བྱས་པ་ཡིན་ན་ཁོ་ཙམ་མ་ཟད་པའི་མགོ་སེར་དང་མགོ་ནག་ཚོའི་ནང་ན་ཡང་ཧང་སངས་བའི་སེམས་ཤུགས་ཅན་ཡོད་པས་དེ་ཚོ་ཁོ་ཚོའི་རྒྱལ་ཁབ་ཏུ་བཙུགས་ཡོད་པའི་སྐུ་ཚབ་ཏུ་བསྐོ་བཞག་མ་བྱས་པ་ཅི་ཡིན་ནམ།
ཞིབ་དཔྱོད་པས་་བཤད་པར་རྒྱབ་སྐྱོར་ཡོད། བཙན་བྱོལ་སྒྲིག་འཛུག་འདི་ད་དུང་ཡང་ཆོས་ལུགས་རྨོངས་ཞེན
རིང་ལུགས་གཡོན་ཐལ་ཅན་གྱི་བྱེད་སྟངས་དེ་ག་རང་བྱེད་བསྡད་ཀྱི་འདུག བཙན་བྱོལ་སྒྲིག་འཛུག་ནི་ཆོས་ལུགས་སྒེར་བཙན་པ་ཞིག་གིས་དབང་བསྒྱུར་བྱེད་བསྡད་པའི་ཟོལ་འདུག གཟིགས་དང་དྷ་སའི་བཙུན་དགོན། དྷ་སའི་དཔེ་མཛོད། ལྡི་ལིའི་བོད་ཁང། རིག་ལམ་སློབ་གཉེར་ཁང། ཐེ་ཝན་བོད་ཀྱི་དོན་གཅོད། ལྷོ་ཨབ་རི་ཁའི་དོན་གཅོད་ལས་སོགས་ལྟ་བུ་རེད་དེ་དག་ཏུ་ཆོས་ལུགས་སྒེར་བཙན་པའི་བླ་སྤྲུལ་དགེ་བཤེས་རེ་བསྡད་ནས་རང་ཉིད་ཀྱི་ལྟ་གྲུབ་ངོ་སྤྲོད་ཁྱབ་སྤེལ་བྱེད་ཀྱི་ཡོད། དེང་རབསས་ཀྱི་ལྟ་བ་ཡོད་པའི་གཞོན་ནུ་བློ་སེང་ཡང་གཞན་དབང་མགོ་བསྐོར་བསླུ་བྲིད་ཀྱི་འོག་ཏུ་ཟིན་འདུག
ཁྱུང་སེ་ལགས། སུ་ཞིག་ལ་བརྡ་གཏོང་གི་ཡོད་དམ། དེ་ལོ་སྤྲུ་སྐུ་ཨུ་རུ་སི་དོན་གཅོད་ལ་བསྐོ་བཞག་བྱེས་པ་དེ་མི་གཞན་ཞིག་གི་དབང་ཤིག་རེད་ཟེར་གི་ཡོད་དམ། སྲིད་སྐྱོང་ལ་རྒྱབ་བསྐྱོར་ཡོད་ན་ཡོད་ལེ་ཆོག། འོན་ཀྱང་རྒྱབ་སྐྱོར་བྱེད་སྟེང་འདི་འདྲ་རང་འེ་ཡིན། མིག་གི་ལྟོས་ལྟོས་རིགས་རིགས་ལ་འདི་འདྲ་ཧམ་བཤད་བྱེད་ནས་གང་ལ་ཕན། ཨུ་རུ་སི་དོན་གཅོད་ལ་དེ་ལོ་སྤྲུ་སྐུ་བསྐོ་བཞག་བྱེས་པ་དེ་འགྲིག་ཡོད་ན་འདྲ་འགྲིག་མེད་ན་འདྲ་འགན་ཡོངས་རྫོགས་སྲིད་སྐྱོང་ལ་ཡོད་བ་རེད་མ་གཏོགས་གཞན་སུ་གང་ལ་ཡོད་པ་མ་རེད་ལགས།
འདི་ནི་བློ་སེང་ལ་རྒྱབ་ཁ་ལོ་བས་བཟོས་ཡིན་ཙང་ཁག་མེད།བློ་སེང་གཞན་དབང་གི་སྲིད་སྐྱོང་བ་ཙམ་ཡིན།དོན་ངོ་མ་ཟམ་སྟོང་གིས་ཡོད་ཚད་བཟོ་གི་ཡོད།
ང་ཏེ་ལོ་སྤྲུལ་སྐུ་ལ་དགའ་པོ་ཡོད། ཁོང་བོད་རང་བཙན་ལ་རྒྱབ་སྐྱོར་གནང་མཁན་ཞིག་ཡིན་པས་དགའ་པོ་ཡོད། ཡིན་ཀྱང་སྐུ་ཚབ་དོན་གཅོད་བསྐོས་པ་འདི་ལ་མོས་མཐུན་མེད།
༡་་་གཅིག་ནས་བཙན་བྱོལ་བོད་མིའི་བཅའ་ཁྲིམས་དང་མི་མཐུན། གཉིས་ནས་ལོ་རྒྱུས་ཐོག་ཏུ་ཡག་པོ་མེད། བཅའ་ཁྲིམས་ནང་དུ་དོན་གཅོད་ཡིན་ན་བོད་ཀྱི་ཡུལ་མི་ཡིན་དགོས་ཅེས་བཀོད་ཡོད
དོན་ཚན་དོན་གཉིས་པ། ས་གནས་འགོ་འཛིན་དང༌། འགོ་འཛིན་ལས་རོགས།
ས་གནས་སོ་སོར་འགོ་འཛིན་དང༌། ས་གནས་ཆེ་སར་འགོ་འཛིན་ལས་རོགས་རེ་དགོས་པ་ནི།
བཅའ་ཁྲིམས་དོན་ཚན་ ༡༡ པ་དང་ ༣༨ པ་ནང་འཁོད་ལྟར་གྱི་ཁྱད་ཆོས་ལྡན་པའི་ས་གནས་དེ་གའི་ཁོངས་གཏོགས་བོད་མི་སེར་སྐྱ་ཕོ་མོ་ཡོངས་ལ་ས་གནས་འགོ་འཛིན་གྱི་འོས་གཞིར་གཞུག་པ་དང༌། འོས་འདེམས་བྱེད་པའི་ཐོབ་ཐང་ཡོད། འོན་ཀྱང་སྐུ་ཚབ་དོན་གཅོད་ཁག་འོས་འདེམས་མ་དགོས་པ་ཡིན།ཞེས་བཀོད་ཡོད།
སྐུ་ཚབ་དོན་གཅོད་འོས་འདེབས་བྱེད་མི་དགོས་པ་མ་གཏོགས་དོན་ཚན་༣༨་པའི་ཆ་རྐྱེན་ཚང་དགོས། དོན་ཚན་༣༨་པའི་ཆ་རྐྱེན་ཚང་དགོས་ན་བོད་ཀྱི་ཡུལ་མི་ཡིན་དགོས།
༢་་་་སྔོན་བྱུང་ལོ་རྒྱུས་ནང་དུ་སོག་པོའི་གུ་ཤིང་བསྟན་འཛིན་ཆོས་རྒྱལ་དཔུང་རོགས་བསུས་ནས་བོད་ཀྱི་གཙང་པ་རྒྱལ་པོ་ཀརྨ་བསྟན་སྐྱོང་དབང་པོའི་སྲིད་དབང་ཕྲོགས། བོད་མི་ཁྲི་ཕྲག་མང་པོ་བསད། བེ་རི་རྒྱལ་པོ་འཁོར་དང་བཅས་པ་རྩ་མེད་བཟོས། ལ་དྭགས་རྒྱལ་པོ་སེང་གེ་རྣམ་རྒྱལ་འཁོར་དང་བཅས་པ་བསད། སྡེ་སྲིད་སངས་རྒྱས་རྒྱ་མཚོའི་སྐེ་བཅད།
དེ་དག་ནི་སྔོན་མ་སོག་པོའི་མིས་བྱས་མྱངས་བའི་ལོ་རྒྱུས་མདོ་ཙམ་རེད། དེང་སང་སོག་པོའི་མི་ཞིག་སྐུ་ཚབ་དོན་གཅོད་ལ་བསྐོས་པ་འདིས་ཅི་བྱ་བརྩི་ཡིན་མིན་དོགས་པ་ཡོད། བོད་མི་ནང་ཁུལ་དུ་ཁ་གཏད་བཅག་ཆེད་དུ་མིན་འགྲོ་བསམས་ཀྱི་འདུག
༣་་་ཏེ་ལོ་སྤྲུལ་སྐུ་དོན་གཅོད་ལ་བསྐོས་མཁན་སྲིད་འཛིན་སེང་གེ་ཡིན་པར་མི་འདོད། བློ་བཟང་སེང་གེ་ཁོང་སེང་པགས་གྱོན་པའི་དགའ་ལྡན་ཕོ་བྲང་ཚང་གི་ལག་གཡོག་ཞིག་རེད། ཁོང་ལ་དབང་ཆ་ཡོད་སྣང་མི་ཤར། རང་དབང་ཤོར་བའི་སེང་གེ་ཁོང་རང་གིས་སོ་སོའི་རང་དབང་འཐབ་རྩོད་བྱོས།
དོན་གཅོད་བསྐོ་བཞག་བྱེད་མཁན་ངོ་མ་བློ་སེང་མ་རེད། བློ་སེང་ནི་ཁྲབ་སྟོན་བྱེད་མཁན་ཙམ་རེད།
བོད་པ་མིན་པ་ཞིག་གིས་བོད་པའི་རྒྱལ་པོ་བྱེད་ཆོག་པ་ལ། བོད་པའི་དོན་གཅོག་གནང་མི་ཆོག་པ་ག་རེ་ཡོད་པ་རེད།
བོད་པ་མི་པ་ཞིག་གིས་བོད་པའི་བླ་མ་བྱེད་ཆོག་པ་ལ་། དོན་གཅོག་བྱེད་ན་མི་འགྲིག་པ་ག་རེ་ཡོད་པ་རེད།
བོད་པ་མིན་པ་ཞིག་གིས་དགའ་ལྡན་ཁྲི་པ་བྱེད་ཆོག་པ་ལ་དོན་གཅོད་མི་ཆོག་པ་ག་རེ་ཡོད་པ་རེད།
ར་ཤི་ཡ་འི་དོན་གཅོད་ཏེ་ལོ་རིན་པོ་ཆེ་ལྟ་བུ་ཞིག་ཏག་ཏག་རེད། འགྲིག་ཤག་ཐུགས་རྗེ་ཆེ།་
འདི་ལ་ར་ཤི་ཡ་གཞུང་གིས་རྙོག་གྲ་མ་བཤད་ན་ང་ཚོ་བོད་པ་ཞིག་གི་དངོས་ན་རྙོག་གྲ་བཤད་དགོས་དོན་མི་འདུག
གོང་གི་མཆན་འདེབས་མཁན་ཁག་གཅིག་གི་མི་ཤེས་ཤེས་འདོག་བྱེད་ཡ་ཧ་ཅང་དགའ་པོ་འདུག། ལྷག་པར་དུ་ཅོ་རྒན་ལྟ་བུ་རེད། བོད་སོགས་གཉིས་ཀྱི་ལོ་རྒྱུས་མི་ཤེས་ན་ཤེས་འདོག་མ་བྱེད། ད་རུང་བླ་ོབཟང་སེང་གེ་ལ་དབང་ཆ་ཡོད་སྣང་མི་ཤར་ཟེར། མི་འདི་དག་གི་མ་འོངས་པ་བློ་བཟང་སེང་གེ་གང་ཡང་མ་འཇོན་དུས་མི་སུ་ཞིག་མགོ་ལ་བྱེས་ནོར་ཚང་མ་འཇོག་རྩིས་ཡོད་དམ། ད་ལྟ་སེམས་ནང་དུ་གསལ་པོ་དྲན་པ་ཞིག་ནི་གཉིས་སྟོང་བཅུ་གཅིག་ལོ་ཟམ་གདོང་བླ་མའི་ལས་འཁུར་འཁྱོར་དུས་ཁོང་གི་གཏམ་བཤད་སྐབས་འདི་འདྲ་གསུངས་པ་རེད། ཟམ་གདོང་གི་བཤད་རྒྱུ་ངའི་ལོ་ངོ་བཅུ་ཡིའི་རིང་ལ་རང་གི་རྩ་བའི་བླ་མའི་བཀའ་སྒྲུབ་པ་མ་གཏོགས་བོད་མི་རིགས་ཀྱི་ཆེད་དུ་ཉིན་ཅིག་ལ་ལས་ཀ་བྱེད་ཉོངས་མེད་ཟེར། གཏམ་བཤད་འདི་ནི་ངའི་ནམ་ཡང་སེམས་ནང་དུ་བརྗེད་ཐབས་མེད་པའི་གཏམ་བཤད་རེད་ལ། ལོ་ངོ་དུ་མང་ལ་ཟམ་གདོང་བླ་མ་ལ་རེ་བ་བཅོལ་བ་ཚང་མ་ཆུ་ནང་དུ་བསྐུར་བ་རེད། མ་འོངས་པ་ལོ་བཅུ་ཡི་རྗེས་སུ་བློ་བཟང་སེང་གེ་ཡི་གང་ཡང་མ་འཇོན་དུས་བློ་བཟང་དང་ཁོང་གི་རྗེས་འབྲངས་པ་ཚོའི་མི་སུ་ཞིག་དང་གང་འདྲ་ཞིག་ལ་ལྟོས་ནས་བློ་སེང་གི་སྐྱག་པའི་སྒང་ལ་ས་འགེབས་རྩིས་ཡོད་དམ།
བློ་བཟང་སེང་གེ་ལ་དོན་གཅོད་ཁང་གི་ནང་དུ་སྐུ་དཔར་ཡར་བཤམས་མར་སྒྲིག་ཙམ་བྱས་ཀྱི་དབང་ཆ་ཡང་མེད་པར་དངོས་ཡོད་མིག་གིས་མཐོང་བཞིན་དུ་སྐུ་ཚབ་བསྐོོས་དབང་ཡོད་སྣང་ག་ནས་ཤར་གི་རེད་དམ། ལོ་རྒྱུས་མཁས་པ་ཡིན་ན་འདི་དང་དེ་ནོར་འདུག་ཟེར་ནས་མཛུབ་མོ་འཛུགས་ཤོག་ཨ།
དོན་གཅོད་སུ་བསྐོ་ཐད་གྲོས་ཚོགས་ནས་ཐག་གཅོད་མི་དགོས་པར་བཀའ་ཤག་ལ་དབང་ཆ་ཆ་ཚང་ཡོད་པ་རེད། འོན་ཀྱང་ད་ཐེངས་སྲིད་སྐྱོང་མཆོག་གིས་སྲིད་བསྟེགས་འདིར་སེར་མོ་བ་ཞིག་བསྐོ་གཞག་གནང་སྟངས་འདིས་སེར་མོ་བས་ཆབ་སྲིད་འཁྲབ་སྟོན་འཁྲབ་རྒྱུ་མཇུག་སྒྲིལ་མེད་པ་གསལ་སྟོན་བྱས་པ་རེད།
རེད་ཡ
ཏེ་ལོ་རིན་པོ་ཆ་མཆོག་རུ་སོག་དོན་གཅོད་ལ་བསྐོས་གནང་བ་དེ་ནི་ཡང་དག་པའི་ཐག་གཅོད་ཞིག་རེད་ལ་མ་འོངས་པར་ཕྱག་ལས་དེའི་སྔོན་གྱི་དོན་གཅོད་ཁག་ལས་ལྷག་པ་གནང་ཐུབ་པའི་ཡིད་ཆེས་ཞུ་ཡི་ཡོད་གང་ལགས་ཤེ་ན་སྐྱེས་བུ་ཁོང་ནི་ཤེས་རབ་ལྡན་ཞིང་བློ་སྟོབས་ཆེ་ལ་ཕུག་རྒྱང་རིང་པོར་དགོངས་པ་བཞེས་ཐུབ་མཁན་ཞིག་དང་ལྷག་པར་དུ་༧གོང་ས་མཆོག་ལ་དད་གུས་ཚད་མེད་ཞུ་མཁན་ཞིག་དང་བོད་མིར་གདུང་སེམས་མཉམ་སྐྱེས་གནང་མཁན་ཡིན་པས་གོ་སྐབས་འདི་བརྒྱུད་རིན་པོ་ཆེ་མཆོག་ལ་འཚམ་འདྲིའི་བཀྲ་ཤིས་བདེ་ལེགས་གྲངས་མེད་ཞུ་བ་དང་ཆབས་ཅིག་རིན་པོ་ཆེ་མཆོག་གི་ཕྱག་ལས་མཛད་འཕྲིན་ཐ་དག་གེགས་མེད་ལྷུན་གྱིས་གྲུབ་པའི་སྨོན་འདུན་ཞུའོ།།
ད་རེས་ཏེ་ལོ་སྤྲུལ་སྐུ་བོད་གཞུང་གི་དོན་གཅོད་དུ་བསྐོ་བཞག་བྱས་པ་འདི་ཆབ་སྲིད་ཀྱི་ངོས་ཐད་ནས་བཤད་ན་འོས་འཚམས་ཤིག་ཏུ་གཏན་ནས་མཐོང་མ་སོང་། ཕྱི་མི་ཞིག་གཞུང་གི་ལས་བྱེད་དུ་བསྐོ་བཞག་བྱས་པ་ནི་ལུགས་དང་ལམ་སྲོལ་གང་ལ་ཡང་རན་པོ་མི་འདུག རྗེས་ཕྱོགས་རྒྱ་གར་དུ་ཡོད་པའི་གཞིས་ཆགས་ཁག་གི་གཞིས་འགོ་ལ་ཡང་ས་གནས་རྒྱ་གར་ཡུལ་མི་ཞིག་འཇོག་མི་སྲིད་པའི་ངེས་པ་མི་འདུག
ད་ཐེངས་ཡང་བློ་བཟང་སེང་གེ་ཡི་བོད་མི་རིགས་ལ་མཐོང་ཆུང་ཞིག་བྱེས་སོང། ང་ཚོའི་དོ་གནང་མ་བྱེས་ནོ་མ་གཏོགས་བློ་བཟང་སེང་གེ་ཡི་ཏེ་ལོ་སྤྲུལ་སྐུ་སྔོན་མ་ནས་ཨུ་རུ་སུ་དོན་གཅོད་སུ་བསྐོ་རྒྱུ་ཡིན་པ་གསལ་པོ་རེད། གང་ཡིན་ཟེར་ན་ཁ་སྔོན་ཟླ་དགུ་བའི་ནང་བོད་མི་མང་སྤྱི་འཐུས་ཚོགས་པའི་སྐབས་སྤྱི་འཐུས་ནང་གཏམ་བཤད་ཞིག་བཤད་སྐབས་བློ་བཟང་སེང་གེ་ཡི་སོགས་པོ་ང་ཚོ་སྤུན་ཟླ་ཟེར་ནས་ཚུར་འཁྱེར་ཡོངས་ཐུབ་བྱེད་སུང་བའི་སྐབས་དེ་དུས་སྤྱི་འཐུས་འགའི་སྲིད་སྐྱོང་གི་སོགས་པོ་ཡང་དོན་དག་འདིའི་ནང་འཁྱེར་ནས་སླེབས་སོང་ཟེར། ཏེ་ལོ་རིན་པོ་ཆེ་ལ་གང་ཡང་བཤད་གྱི་མེད། འོན་ཀྱང་བོད་མིའི་སྐུ་ཚབ་དོན་གཅོད་ལ་མི་རིགས་གཞན་ཞིག་བསྐོས་པ་དེ་འཐད་པ་མེད། ཡིན་ནའང་ང་ལྟ་བུ་ལ་བྱེད་ཐུབ་གང་ཡང་ཡོད་མ་རེད། ཡིན་ནའང་བོད་མིའི་རང་བཙན་ལག་དེབ་གྱི་དངུལ་ད་ནས་བཟུང་སྤྲོད་གི་མིན། ཉམས་ཆུང་ང་ལྟ་བུའི་རང་བཙན་ལག་དེབ་གྱི་དངུལ་ལོ་གཅིག་ཡང་མ་ཆད་པར་ད་ལྟ་བར་དུ་སྤྲད་པ་ཡིན། ད་སྤྲོད་གི་མིན། སྲིད་སྐྱོང་དང་སྤྱི་འཐུས་གཉིས་ཀྱི་འོས་བླུགས་པའི་སྐབས་སུ་དངོས་པར་དུ་རང་བཙན་ལག་དེབ་གྱི་དངུལ་སྤྲད་ཟིན་པ་དགོས་པ་རེད། ཐ་ན་ས་གནས་དོན་གཅོད་འམ་ལས་ཁུངས་ནས་ཤོག་ལེབ་གཅིག་དགོས་ན་རང་བཙན་ལེགས་དེབ་གྱི་དངུལ་སྤྲད་ཡོད་མེད་གྱི་བདེན་དཔང་དགོས་པ་རེད། སྲིད་སྐྱོང་གི་ལས་ཀ་བྱེད་སྟེང་འདིའི་དངོས་ནས་བློ་འཕམས་ཡོད། སྤྱིར་བློ་བཟང་སེང་གེ་ལ་ཧམ་བཤད་ཆེ་ནོ་མ་གཏོགས་ཅི་ཡང་མི་ཤེས་པ་ཅི་ཡང་མི་འཇོན་ནོ་སྔ་ས་ནས་ཤེས་ཡོད།
ཅོ་རི་ཉི་མ་ལགས། སྲིད་སྐྱོང་བློ་སེང་ལགས་མིའི་ཁ་འོག་དང་གནོན་ཤུགས་འོག་ལས་སླ་པོའི་ཕེབས་མཁན་ཞིག་མ་རེད། དོན་གཅོད་སུ་བསྐོ་མ་བསྐོ་སྲིད་སྐྱོང་ནས་དཔལ་ལྡན་དགའ་ལྡན་ཕོ་བྲང་ལ་མཚན་ཐོ་ཕུལ་དགོས་པ་ཡིན། རྒྱུ་མཚན་ནི་སྐུ་ཚབ་དོན་གཅོད་ནས་༧གོང་ས་མཆོག་གི་མཚན་གནས་བཞེས་ཀྱི་ཡོད། དེ་མིན་དཔལ་ལྡན་དགའ་ལྡན་ཕོ་བྲང་ལ་སྙན་སེང་ཞུ་དགོས་དོན་མེད། ད་ལྟའི་བཀའ་ཤག་ནས་བཙན་བྱོལ་སྤྱི་ཚོགས་ནང་གི་གནས་སྟངས་ལ་མ་ལྟ་བར་རྒྱལ་ཁབ་ཡོད་མཁན་གྱི་ལས་དོན་གནང་སྟངས་ལ་མིག་ལྟ་བྱ་བཞིན་འདུག དཔེར་ན་ཡུ་རོབ་ཕྱི་རྒྱལ་དོན་གཅོད་ཁག་ནང་ལས་བྱེད་གསར་བསྐོ་གསལ་བསྒྲགས་གནང་སྟངས་ལ་གཟིགས་དང་། གསོལ་ཕོགས་ལས་བྱེད་ཆ་རྐྱེན་མཐོ་པོ་བཞག་
གསོལ་ཕོགས་འདང་ངེས་གནང་རྒྱུ་མེད་པར་ལས་བྱེད་ཀྱི་ཆ་རྐྱེན་ཚད་མཐོ་བཞག་ རྗེས་སུ་ལས་བྱེད་སྙན་ཞུ་འབུལ་མཁན་མེད་སྟབས་ཤེས་ཚད་ཆ་རྐྱེན་དམའ་རུ་བཏང་ནའང་ས་གནས་ནས་ལས་བྱེད་མ་ཐོབ་ཀྱི་མེད། སྲིད་སྐྱོང་མཆོག་ནས་ང་རང་ཚོའི་སྤྱི་ཚོགས་ཀྱི་གནས་སྟངས་ག་འདྲ་ཡོད་མིན་ད་ལྟའང་དབུ་ཚོད་མེདཔ་མིན་ན་གསར་གཏོད་ཡིན་ངེས། དེང་སང་སྐུ་ཚབ་དོན་གཅོད་བསྐོ་བཞག་ཐད་བཙན་བྱོལ་སྒྲིག་འཛུགས་ནང་གི་ཤེས་ལྡན་ལྷག་བསམ་ཅན་གྱི་ལས་བྱེད་མེད་པ་ཡིན་ནམ། ཡང་ན་ ཇོན་ཐང་མེད་པས་ཕྱི་མི་བསྐོ་བཞག་གནང་དགོས་ཆགས་སམ། གང་ལྟར་ཐོག་ཕེབས་གནང་བའི་དོན་གཅོད་བསྐོ་བཞག་གནང་ནི་གཞུང་ཞབས་རྒན་གཞོན་ཚང་མར་སེམས་ཤུགས་ཆག་ངེས་ཡིན་པས་དེ་དོན་བསམ་མནོ་གཏོང་དགོས་པར་བསམ།
དྲ་གྲོགས་ཚོར་སྲིད་སྐྱོང་མཆོག་ནས་དོན་གཅོད་བསྐོ་བཞག་གནང་ཕྱོགས་ཐད་བཅའ་ཁྲིམས་རིན་པོ་ཆེ་འགལ་ཡོད་ན་གྲོགས་ཚོགས་ནང་བཀར་རྒྱུ་ཡིན་པས་བློ་བེད་ངང་ཞུ་རོགས། སྤྱི་འཐུས་མེད་ན་སྲིད་སྐྱོང་མཆོག་ནས་རང་འདོད་ལྟར་གནང་རྒྱུ་ཐེ་ཚོམ་མེད་པར་མཐོང་གསལ་ཡིན་ནོ།
ཏེ་ལོ་རིན་པོ་ཆེ་མཆོག་དོན་གཅོད་དུ་བསྐོ་བཞག་གནང་བར་བཀྲིས་བདེ་ལེགས་ཞུ་རྒྱུ་ཡིན། ཁོང་ནས་རླབས་ཆེན་བྱ་བ་གྲུབ་ཐུབ་པས་ཇོན་ཐང་དང་བོད་པར་ཤ་ཙ་ཙམ་མ་ཟད། ཆོས་ཕྱོགས་ཐོག་ནས་ང་རང་ཚོར་འབྲེལ་བ་ཟབ་མོ་ཡོད།
སྐུ་ཚབ་དོན་གཅོད་བསྐོ་སྐབས་དགའ་ལྡན་ཕོ་བྲང་ལ་མཚན་གནས་འཕུལ་དགོས་ཀྱི་ཡོད་ཟེར་བ་དེ་གནས་ཚུལ་མ་ཤེས་བ་རང་རེད། བདེན་པ་མ་རེད། ད་ལྟའི་ཆར་སྐུ་ཚབ་དོན་གཅོད་སུ་བསྐོ་རྒྱུ་ཡིན་མིན་དེ་དབང་ཆ་ཚང་སྲིད་སྐྱོང་གི་ལག་པ་ཡོད་རེད། དེ་མ་ཚད་དེ་སྔོན་བཀའ་ཁྲི་ཟམ་གདོང་བླ་མ་ཡིན་པས་སྐབས་སྐུ་ཚབ་དོན་གཅོད་སུ་བསྐོ་རྒྱུས་དབང་ཆ་ཁོང་ལ་ཡོད་རེད། དཔེར་ན་སྤལ་རེལ་སུ་བོད་རིགས་སྤྱི་མཐུན་ཚོགས་པའི་ཚོགས་གཙོ་ཐུབ་བསྟན་རྒྱལ་མཚོ་ཡོ་རུབ་དོན་གཅོད་སུ་བསྐོ་པ་དང་མཐའ་མ་ལས་ཀ་འགོ་མ་བརྩོམ་པའི་སྔོན་ལ་གནས་དབྱུངས་ལ་གཏོང་ཐུབ་པའི་དབང་ཆ་ཚང་མ་སྐབས་དེ་དུས་བཀའ་ཁྲི་ཟམ་གདོང་བླ་མ་ཡོད་རེད། སྐབས་དེ་དུས་བཀའ་ཁྲི་བླ་མའི་བོད་རིགས་ཉོམས་ཆུང་ཞིག་ལ་ཆབ་སྲིད་གྱི་རྩེ་མོ་ཆུང་ཆུང་ཞིག་བརྩེ་བ་རེད། ཐུབ་བསྟན་རྒྱལ་མཚོ་ལགས་ཀྱི་མི་འཚེ་ཟམ་གདོང་བླ་མའི་མེད་པ་བཟོས་པ་རེད། ང་ཚོའི་བོད་པའི་བླ་མ་ཟེར་ན་འདྲ་ཆབ་སྲིད་པ་ཟེར་ན་འདྲ་ལས་ཀ་བྱེད་སྟེངས་དེ་འདྲ་རེད། ད་སྲིད་སྐྱོང་གི་བོད་པ་མ་ཡིན་པས་མི་རིགས་གཞན་ཞིག་བོད་པའི་སྐུ་ཚབ་དོན་གཅོད་སུ་བསྐོས་པ་དེ་ནི་ཡ་མཚན་ནང་གི་ཡ་མཚན་ཞིག་རེད། ཕྱི་འདིངས་ཞིག་རྒྱབས་དུས་བཀའ་ཁྲི་ཟུར་དང་ད་ལྟའི་སྲིད་སྐྱོང་འདི་དག་ལ་གང་འདྲ་བྱེས་ནས་ཡིད་ཆེས་ཐུབ་བམ།
འགའ་ཞིག་གིས་དགའ་ལྡན་ཁྲི་པ་བོད་པ་མིན་པ་ཞིག་བསྐོ་དུས་བོད་ཀྱི་དོན་གཅོད་བོད་པ་མིན་པ་ཞིག་ཅི་ཡིས་ཕྱིར་བསྐོ་མི་ཆོག་པའི་ཁྱ་་འགྲིག་གོ་ལོག་ཅིག་འཕེན་ཡོང་གི་འདུག ཆོས་སྲིད་ཀྱི་གནད་དོན་ཤེས་ཀྱི་མེད་ན་ཁ་བཙུམ་ནས་བསྡད་ན་ལེགས། ཡེ་ཤུའི
བླ་ཆེན་སྤོབས་ལ་རྒྱལ་ཁབ་ཀྱི་ས་མཚམས་འདུག་གམ། མི་རིགས་ཀྱི་ས་མཚམས་འདུག་གམ། ཨ་མེ་རི་ཁའི་དོན་གཅོད་པར་རྒྱལ་ཁབ་གཞན་གྱི་མི་སེར་ཡིན་མཁན་དེ་འདྲ་འདུག་གམ། ཆོས་ཆོས་རེད་སྲིད་སྲིད་རེད་ཆོས་སྲིད་ཉ་ཉུང་བསྲེས་ན་དགུ་ཐུག་རང་རེད།
གཅིག་བྱེས་ན་འདི་ནི་སྲིད་སྐྱོང་བློ་བཟང་སེང་གེ་ཡི་གསར་སྟོད་གྱི་རྣམས་གྲངས་གཅིག་ཡིན་སྲིད། འོན་ཀྱང་བྱེད་སྟངས་འདིའི་བཙན་བྱོལ་བོད་མའི་སྒྲིག་འཛིགས་གཙོས་ལས་བྱེད་རྣམས་པ་དང་བཙན་བྱོལ་བོད་མི་རྣམས་ལ་མཐོང་ཆུང་བྱེས་པ་རེད། སེང་གེ་ཀླད་སྟོང་གི་བོད་མི་སྒང་ལ་ཤ་ཚ་གང་འདྲ་ཞིག་ཡོད་མེད་ཕྱི་ལ་སྔོན་པ་རེད། ཁོང་ལ་རེ་བ་རྒྱབ་པ་ནི་སྟོང་པ་རེད། ཨུ་རུ་སུ་དོན་གཅོད་ལ་སྡོད་མཁན་བོད་མི་ཞིག་མེད་པ་རེད་དམ། དངོས་ནས་བློ་འཕམས་ཡོད།
ང་ཚོའི་རྒྱལ་ཁབ་ཤོར་བའི་ཡུལ་གྱར་བོད་མིའི་སྒྲིགས་འཛུག་ཞིག་གིས་གཞན་དབང་སྟབས་བསྟུན་སྲིད་ཇུས་གྱི་དགོས་པའི་དབང་གི་སོག་རིགས་ཏེ་ལོ་རིན་པོ་ཚེ་བོད་དོན་གྱི་ལས་ཀ་བསྐོས་པ་འདི་ལ་བསམ་འཆར་གང་ཡང་མེད། གཙོ་བོ་ཁོང་གི་ཕྱགས་ལས་གནང་ཕྱོགས་ལ་རག་ལས་ཡོད།
ཏེ་ལོ་སྤྲུལ་སྐུ་བོད་གཞུང་སྐུ་ཚབ་དོན་གཅོད་དུ་བསྐོ་བཞག་བྱས་པ་འདི་ལ་རྒྱབ་སྐྱོར་རྩ་བ་ནས་བྱེད་ཐུབ་མ་སོང་། འདས་པའི་ལོ་ངོ་བརྒྱ་ཕྲག་མང་པོའི་རིང་ལ་བོད་དང་སོག་པོ་གཉིས་ཆོས་དང་རིག་གཞུང་གི་ཐོག་ནས་འབྲེལ་ལམ་གཏིང་ཟབ་ཡོད་པ་དངོས་འབྲེལ་རེད། ཡིན་ཡང་། འབྲེལ་ལམ་འདི་ཙམ་གྱི་སྟེང་ནས་ཁོང་སྐུ་ཚབ་དོན་གཅོད་དུ་བསྐོས་པ་ཡིན་ཟེར་ན། དེ་རྒྱུ་མཚན་ཡང་དག་ཅིག་ཏུ་གཏན་ནས་མི་འགྲོ། མི་རིགས་ཐ་དད་ཡིན་པའི་རྒྱལ་ཁབ་གཞན་གྱི་མི་སེར་ཞིག་བོད་གཞུང་གི་གནས་རིམ་མཐོ་གྲས་ཀྱི་རྐུབ་སྟེགས་སྟེང་སླེབས་ན། འདི་ནི་ཆེས་ཡ་མཚན་ནང་གི་ཡ་མཚན་ཞིག་ཅིའི་ཕྱིར་མིན་ཨང་།
ཏེ་ལོ་སྤྲུལ་སྐུ་ནི་ར་ཤི་ཡ་རྒྱལ་ཁབ་ཀྱི་མི་སེར་དང་སོག་པའི་ལུངཚན་ཞིག་གི་བླ་མ་རེད། ཁོང་གི་སྐུ་ཕྲེང་སྔོན་མ་ནས་བཟུང་བོད་ལ་ནང་ཆོས་ཀྱི་ཐོག་ནས་འབྲེལ་ལམ་ཙམ་ཡོད་པ་མ་གཏོགས་གཞན་དམིགས་བསལ་གྱི་འབྲེལ་ལམ་ཅི་ཡང་མེད་ལ། ༧གོང་ས་མཆོག་གི་བཀའ་དགོངས་ཐོག་ཤར་བསྐྱོད་བྱེད་པ་དང་། བོད་མི་རིགས་ཀྱི་ལས་དབང་ལ་སེམས་ཁུར་དང་རྒྱབ་སྐྱོར་བྱས་མྱོང་བའི་ཆ་ནས་ཀྱང་། ད་རེས་ཀྱི་ལས་གནས་ཐོག་བསྐོ་བཞག་བྱས་པ་ན་འོས་འཚམས་ཤིག་གཏན་ནས་མིན། མགོ་བཀའ་བློན་ཁྲི་བ་བསྐོ་བཞག་བྱེད་པ་ནས་བཟུང་སྟེ་གཞུང་གི་ལས་བྱེད་ཆེ་མ་ཆུང་གསུམ་ཚང་མར་༼རང་དབང་དེབ༽དང་། དྭང་བླངས་དཔྱ་ཁྲལ་ཆད་ལྷག་མེད་པར་གཙང་འབུལ་བྱས་ཟིན་པ་ཞིག་དགོས་པ་མ་མཐའི་ཆ་རྐྱེན་ལྟ་བུར་ཡིན་མོད། བོད་གཞུང་བཀའ་ཤག་གི་ངོས་ནས་ད་རེས་སྔར་གྱི་ལམ་དང་ལུགས་སྲོལ་གང་དང་ཡང་མི་མཐུན་པའི་ཐོད་བརྒལ་གྱི་ལས་གནས་བསྐོ་བཞག་བྱེད་སྟངས་ཤིག་རེད་འདོད།
སོག་པོས་བོད་འདིའི་ལོ་རྒྱུན་གཙོག་པ་བཟོས་པ་རེད། སོག་པོས་བོད་འདི་བཞིན་དམར་པོ་ཁྲག་གི་འཁོར་ལོ་སྐོར་བ་རེད། བོད་འདི་རྒྱ་འོག་ཏུ་སོང་བ་ཡང་སོག་པོས་བྱས་པ་རེད། སྐྱེ་བ་སྔ་ཕྱིར་བར་དུ་སོག་པོས་བོད་ལ་དབང་སྒྱུར་དགོས་པའི་ལས་ཞིག་ཡོད་ན་ཆོག།
ཡཡཡ་་་་རྒྱུ་མཚན་ཆུང་ངུ་ཞིག་ལ་བརྟེན་ནས་ལས་ཀ་ཡོངས་རྫོགས་ཕྱི་མིའི་ལག་ཏུ་བཞག་དང་། བོད་མི་རྣམས་ཕྱི་རྒྱལ་དུ་ཕོར་པ་ཁྲུས་རྒྱུ་དང་། གསང་སྤྱོད་བཀྲུ་རུ་མི་འགྲོ་རང་འགྲོ་རེད། མཐའ་མར་བོད་མི་རྣམས་བར་དོའི་སེམས་ཅན་ལྟར་ཆགས་ངེས་རེད། ད་དུང་མུ་མཐུད་དེ་ཆོས་ལུགས་ཀྱི་དོན་དུ་བཙོང་རོགས།
ཏེ་ལོ་རིན་པོ་ཆེ་རུ་སོག་དོན་གཅོད་དུ་བསྐོས་པ་ཧ་ཅང་ཡག་པོ་རེད།དེ་ནི་རྨོངས་དད་དང་བོད་མི་ཡིན་མིན་སོགས་ཀྱི་སྐད་ཆ་མ་རེད།ཡུལ་དུས་གནས་བབ་ལ་ལྟོས་ཏེ་སུས་དོན་དག་སྒྲུབ་ཐུབ་མིན་ལྟ་དགོས་པ་རེད།བོད་མི་ཡིན་ནའང་རུ་སོག་གི་སྐད་ཡིག་མི་ཤེས་པ།ཡུལ་ལུང་ལ་ཆ་རྒྱུས་ཞན་པོ།ཡུལ་མིས་མཐོང་ཆ་འཇོག་དང་ནུས་པ་གང་ཡང་མེད་པ་ཅིག་བཞག་ན།མཇུག་འབྲས་ཧ་མི་གོ་རྒྱུ་གང་ཡང་མེད་པ་རེད།
ཏེ་ལོ་སྤྲུལ་སྐུ་ནི་སོག་ཡུལ་དང་རུ་སུ་གང་སར་ཆ་རྒྱུས་དང་ཤུགས་རྐྱེན་ཡག་པོ་ཡོད་པ་མ་ཟད།དེ་སྔ་རྒྱ་དམར་དཔོན་རིགས་ཚོ་དེ་གར་ཡོང་དུས་ངོ་རྒོལ་ཁ་གཏད་དང་ས་གནས་མི་མང་གི་ཤུགས་རྐྱེན་བེད་སྤྱོད་ཀྱིས་རྗེས་སུ་ཡོང་མི་ཐུབ་པ་ཅིག་བཟོས་ཡོད་པ་རེད།
བོད་ཡིག་བོད་སྐད་དང་བོད་ཀྱི་ཆོས་དང་རིག་གཞུང་གི་སྟེང་ནས་ཀྱང་ཏེ་ལོ་སྤྲུལ་སྐུ་བཙན་བྱོལ་བོད་གཞུང་གི་ལས་སྣེ་གནད་ཡོད་མང་པོ་བསྡུར་ན།ཏེ་ལོ་སྤྲུལ་སྐུ་ཡག་ག་ཡོད་པ་རེད།བོད་མི་རིགས་ལ་ཤ་ཞེན་ལྷག་བསམ་ཡང་ཧ་ཅང་ཆེན་པོ་ནམ་རྒྱུན་མདུན་དུ་འཐོན་བསྡད་པ་ཅིག་རེད།
དེ་ནས་ཁ་ཤས་ནས་རང་བཙན་ལག་དེབ་སྐོར་བཤད་སོང་།དེ་མགོ་མ་ཚོས་གོང་ལྕེ་ལ་སྙོབས་པ་རེད།ཏེ་ལོ་སྤྲུལ་སྐུའི་གསང་ཡུམ་བོད་པ་རེད།བཙན་བྱོལ་བོད་གཞུང་གི་བཅའ་ཁྲིམས་གཞིར་བཟུང་ན།ཏེ་ལོ་སྤྲུལ་སྐུ་ཁོ་རང་བོད་ཀྱི་ཡུལ་མི་གནང་རྒྱུའི་ཐོབ་དབང་ཆ་ཚང་ཡོད་ཡོད་པ་རེད།
ཏེ་ལོ་རིན་པོ་ཆེ་དོན་གཅོད་ལ་བསྐོས་པ་དེ་ཧ་ཅང་བཟང་། བློ་བཟང་སེང་གེ་འདི་འདྲ་ས་མི་འདུག ལས་དོན་ཡག་པོ་འཇོན་པའི་རེ་བ་ཡོད།
ཏེ་ལོ་སྤྲུལ་སྐུ་དོན་གཅོས་སུ་བསྐོས་པ་ནི་བློ་སེང་གི་ཚབ་ཆེའི་ནོར་འཁྲུལ་ཞིག་རེད་ལ་འཙན་བྱོལ་བོད་མིའི་བླ་ན་མེད་པའི་བཅའ་ཁྲིམས་ཕྱོགས་འགལ་དུ་སོང་ཡོད་པས་མ་འོང་པར་བློ་སེང་ནས་གཞན་དབང་དུ་མ་སོང་བ་བྱེད་དགོས་སོ་
བཙན་བྱོལ་བོད་མིའི་སྒྲིག་འཛུགས་ཀྱི་ལས་འགན་གྱི་ཆ་ནས་བལྟས་ན་ཏེ་ལོ་སྤྲུལ་སྐུ་དོན་གཅོད་དུ་བསྐོས་ཀྱང་མི་འགྲིག་པ་མེད་སྙམ། ལྷག་དོན་ཆབ་སྲིད་ཀྱི་སྐུ་དབང་གནང་ཟིན་པའི་རྒྱལ་བ་རིན་པོ་ཆེའི་སྐུ་ཚབ་ཡིན་ན་དེ་བས་ཀྱང་འོས་པ་ཞིག་རེད་རྒྱུ་མཚན་འགྲོ་བ་མིའི་བདེ་དོན་གྱི་ལས་བསྒྲུབ་པ་ལ་མི་རིགས་དང་རྒྱལ་མཚམས་ཀྱི་དབྱེ་བ་མེད་པས་ཡིན། འོན་ཀྱང་སྐུ་ཚབ་དོན་གཅོད་ནི་བོད་མིའི་སྒྲིག་འཛུགས་ཀྱི་གཞུང་གི་ཆ་ཤས་ཡིན་པས་ན་བཅའ་ཁྲིམས་སུ་གསལ་བའི་བོད་མིའི་སྒྲིག་འཛུགས་ཀྱི་གཞུང་གི་ལས་བྱེད་ཀྱི་ཆ་རྐྱེན་ངེས་པར་དུ་ཚང་དགོས་པར་སྙམ། དེ་ལྟར་མིན་ན་བཅའ་ཁྲིམས་ཡིག་ཐོག་ཏུ་བཀོད་པ་ཙམ་ལས་ལག་ལེན་ལ་མེད་ན་རྒྱ་ནག་གིས་ལས་ཕྱོགས་དང་ཁྱད་མེད་པས་སོ། དགོས་པའི་དབང་གིས་ཡིན་རུང་བཅའ་ཁྲིམས་དང་མ་མཐུན་ན་དེ་ནི་བསྐོས་ཐབས་མེད་པ་ཞིག་རེད་སྙམ། དེས་ཕྱིར་རྣམ་པ་ཚོས་ཏེ་ལོ་རིན་པོ་ཆེ་སྐུ་ཚབ་ཏུ་བསྐོས་པར་བོད་མིའི་སྒྲིག་འཛུགས་ཀྱི་བཅའ་ཁྲིམས་དང་འགལ་ཡོད་མེད་ཀྱི་ཐོག་ནས་སྐད་ཆ་ཞིབ་བཤད་བྱས་ན་བཟང་གི་དེ་མིན་བློ་བཟང་སེང་གེར་སྡིགས་མོ་བྱས་པས་ཕན་པ་གང་ཡང་མེད་སྙམ། གལ་ཏེ་བློ་བཟང་སེང་གེས་ལས་སྟངས་དེ་བཅའ་ཁྲིམས་དང་འགལ་ན་ཆེས་མཐོའི་ཁྲིམས་ཞིབ་ཁང་ལ་སྐྱེལ་ན་གཞི་ནས་ཐག་གཅོད་ཅིག་ཡོང་གི་རེད་བསམ་གྱིན་འདུག
བློ་སེང་ལ་བཙན་བྱོལ་སྤྱི་ཚོགས་ནང་དང་བཙན་བྱོལ་སྒྲིགས་འཛུགས་གི་སྲི་བཞུ་བའི་ནང་སྐུ་ཚབ་དོན་གཅོས་གནང་ཐུབ་མཁན་མེད་པ་རེད་དམ་།
ཏི་ལོ་རིན་པོ་ཆེ་རུ་སོག་སྐུ་ཚབ་དོན་གཅོད་དུ་འོས་ཤིང་རན་ལ་འཚམས་པ་ཡོད་ན། རྒྱ་གར་མི་སེར་བ་ཁུ་ནུའི་བླ་མ་ལོ་ཆེན་རིན་པོ་མཆོག རྒྱ་གར་དིལླིའི་བོད་ཀྱི་དོན་གཅོད་ཁང་དུ་སྐུ་ཚབ་འོས་ཤིང་རན་ལ་འཚམས་པ་ཡོད་ངེས་རེད།
ཏེ་ལོ་དང་ལོ་ཆེན་འོས་བསྡུར་མཛོད་ཅིགུ
འདི་ནི་སྲིད་སྐྱོང་གི་གསར་བཏོད་གནང་བའི་ཆ་གཅིག་རེད་ལ། རུ་སོག་དེ་བོད་དོན་ལ”གནད་འགག”ཆེ་དྲགས་པའི་རྐྱེན་ཞིག་ཀྱང་མིན་འགྲོ ཨུ་་་་་་་་
ཏེ་ལོ་རིན་པོ་ཆེ་ལ་བཤད་གྱི་ཅི་ཡང་མེད། འོན་ཀྱང་བོད་མི་སྒྲིག་འཛུགས་ཀྱི་དོན་གཅོད་སུ་བསྐོ་པ་ཐད་པ་མིན། གང་ལ་ཟེར་ན། དོན་དག་འདི་ཡི་རྒྱ་ནག་གཞུང་དོན་གཞན་ཞིག་སྤྲོད་གྱི་འདུག། རྒྱ་གཞུང་གི་བཙན་བྱོལ་གཞུང་ན་མི་མཐུད་ནས་ལས་ཀ་བྱེད་ཐུབ་མཁན་ཡོད་པ་མ་རེད་ཟེར་ནས་བོད་ནང་གི་བོད་མི་ཚོ་འགྲེལ་བཤད་རྒྱག་གི་ཡོད་མོད། ད་དངོས་ནས་དེ་འདྲ་བོ་ཞིག་ཆག་གྱིན་འདུག།
རྒོད་པོ་ཟེར་བ་དེ་ཉོན་ཅིག་ཁྱོད་རི་བོང་གནམ་ལྡིབ་གྱི་སྡུག་སྐད་མ་རྒྱོབ་རྒྱ་ནག་གཞུང་ལ་དེ་འདྲས་ཡིད་ཆེས་ཡོད་པས་་རྒྱ་གཞུང་གི་དྲིལ་བསྒྲགས་སོགས་ལ་རྒྱ་ནག་མི་དམངས་ཀྱི་ཀྱང་ཡིད་ཆེས་བྱ་ཡི་མེད་ན་བོད་པས་ལྟ་ཅི་སྨོས་རྒྱ་ནག་ནང་བཤད་སྲོལ་དེ་འདྲ་ཞིག་འདུག་རྒྱ་གཞུང་གི་དྲིལ་བསྒྲགས་སོགས་ལ་དྲང་བདེན་གཅིག་ཡོད་པ་དེ་ཉིན་རེའི་གཟའ་སྐར་དང་ཚེས་གྲངས་དེ་ཁོ་ནའོ་ཟེར། བྱས་ཙང་མཁས་དབང་སྲིད་སྐྱོང་བློ་བཟང་སེང་གེ་མཆོག་གི་བཀའ་ཤག་ཀྱིས་ཐག་གཅོད་དེ་རྣམ་དཔྱོད་དོན་སྙིང་ལྡན་པ་ཞིག་ཡིན་པ་ངེས་སོ།
ཚོགས་ཆེན་ལགས་ཁྱོད་ལ་ཉི་མ་རིང་པོ་ཡོད་ས་རེད། ཡག་པོ་རེད། ངན་པའི་རང་བསྟོད་དང་རུལ་མའི་བུ་བསྟོད་ཟེར་བ་མ་ཡིན་ནམ། མཁས་དབང་སེང་གེ་ལགས་ཀྱི་དབྱིན་ཡིག་གི་མིང་ཚིགས་ཁ་ཤས་ཞིག་ཤེས་ནོ་བདེན་པ་རེད། དེ་ནས་ཅང་མི་ཤེས་ནོ་གསལ་པོ་རེད། སྲིད་སྐྱོང་འདི་ང་ཚོ་བོད་མི་རིགས་ལ་ཕན་པའི་ལས་ཀ་ཞིག་གྱིན་ཡོད་ན་ང་ལྟ་བུ་སྡུག་སྐད་རྒྱག་དགོས་དོན་མི་འདུག། འོན་ཀྱང་སྡུག་སྐད་མི་རྒྱག་རང་རྒྱག་རེད། ང་ལྟ་བུ་སྡུག་སྐད་རྒྱབས་ནོ་འདིའི་ཅི་འདྲ་ཞིག་ཤུགས་ཐེབས་མིན་མི་ཤེས་མོད། འོན་ཀྱང་སྲིད་སྐྱོང་གི་འདི་ལྟ་བུ་ལས་ཀ་ནོར་འཁྲེལ་བྱེས་ན་སྡུག་སྐད་མ་རྒྱག་རང་རྒྱག་རེད།
གང་ལྟར་སྲིད་སྐྱོང་མཆོག་གིས་རྩ་ཁྲིམས་དང་འགལ་བའི་ལས་ཀ་བྱས་འདུག དོན་གཅོད་འོས་མིར་དང་པོ། བོད་མི་ཡིན་པ་ཞིག་ངེས་པར་དགོས། གཉིས་པ་རག་བཙན་ལག་དེབ། དེ་ནས་བུ་ལོན་ཁྲིམས་འགལ་མེད་པ། ཤེས་ཡོན་ཚད་གཞི་། རང་ལོའི་ཚད་གཞི་གཅིག་ཀྱང་་ཡོད་ངེས་རེད། ངའི་རྩ་ཁྲིམས་ད་ལྟ་མཇལ་མ་བྱུང་ཡང་ལས་བྱེད་སྤྱི་མཚུངས་འགྲོ་སྟངས་ལྟར་རེད་བསམ། བྱས་ཙང་ཏེ་ལོ་རིན་པོ་ཆེ་དང་པོ་བོད་མི་མ་རེད། ཁོ་རང་བོད་བརྒྱུད་ནང་བསྟན་དང་བོད་པར་འབྲེལ་བ་ཡག་པོ་་ཡོད་ནའང་རྩ་ཁྲིམས་དང་འགལ་མི་ཉན་པ་དྲྭ་གྲོགས་འགའ་ནས་གསུངས་པ་ལྟར་དངོས་ཡོད་རེད།
དྲང་མོར་བཤད་ན། མཆན་འདེབས་མཁན་ཕལ་མོ་ཆེ་ཡིས་གནད་དོན་དངོས་གླེང་གི་མི་འདུག ཤོག་ཁག་གཉིས་ཀྱི་ཕྱོགས་ལྷུང་བཤད་ཀྱིན་འདུག དེ་ནི། ཟམ་བླ་དང་བློ་སྲིད་གཉིས་ཀྱི་ཕྱོགས་སོ་སོར་རུ་སྒྲིག་ནས་ན་ཟུག་འདོན་རེ་བྱེད་ཀྱིན་འདུག ད་དུང་ལ་ལ་ཞིག་གིས་༧གོང་ས་མཆོག་ལའང་སེན་འབྲད་བྱེད་ཀྱིན་པའི་བཟོ་འདུག
དོན་རྩ་རྡོག་རྡོག་དེ་ནི་སྲིད་སྐྱོང་གིས་ཁྲིམས་འགལ་ཐོག་སྐུ་ཚབ་དོན་གཅོད་བསྐོ་འཇོག་བྱས་ཡོད་མེད་ཀྱི་གནད་དོན་རེད། དངོས་ཡོས་གནས་སྟངས་ཀྱི་ཐོག་ནས་ཁྲིམས་འགལ་ཡིན་པའི་རྒྱུ་མཚན་ཁུངས་སྐྱེལ་ཡང་དག་ཡོད་ན། བོད་མིའི་སྒྲིག་འཛུགས་ཀྱི་ཆེས་མཐོའི་ཁྲིམས་ཁང་ལ་ཁྲིམས་གཏུགས་བྱེད་དགོས་པ་རེད། ཁྲིམས་ལ་འགྲེལ་བཤད་རྒྱ་མཁན་དང་ཁྲིམས་འགལ་བྱས་ཡོད་མེད་ཐག་གཅོད་མཁན་ཁྲིམས་ཁང་རེད། མང་ཚོགས་ལ་ཁྲིམས་གཏུགས་ཀྱི་དབང་ཆ་མ་གཏོགས་ཁྲིམས་བཤེར་ཐག་གཅོད་ཀྱི་དབང་ཆ་ཡོད་མ་རེད།
ཏེ་ལོ་སྤྲུལ་སྐུ་ མོ་སུ་ཁོའི་དོན་གཅོད་བསྐོར་བཞག་གནང་བ་ལ་མོས་མཐུན་མེད་ ཡིན་ནའང་བསྐོས་ཟིན་དུས་མང་པོ་བཤད་ན་ཕན་འབྲས་མེད་་ ཡིན་འང་ང་ལ་དྲི་བ་ཞིག་ཡོད་་ ཏེ་ལོ་ཨ་རི་ནས་མོ་སུ་ཁོ་ལ་གནས་སྤོར་བྱེད་དགོས་ཀྱི་ཡོད་དམ་་་
ཁབ་ལགས་བཙན་བྱོལ་བོད་མིའི་སྒྲིགས་འཛུགས་ལ་ཁྲིམསཁང་་ཡོད་པ་ཤེས་རྟོག་ཡོད་ལ་གུས་པ་ཡང་བཙན་བྱོལ་བོད་མིའི་ཁྲིམས་དང་ལམ་ལུགས་ཀྱི་ཁྲིམས་རྩོད་པ་ཞིག་ཡིན་ཁ་བརྡ་ནང་བསམ་འཚུལ་ཙམ་གླིང་བ་ཡིན་ཟམ་དངསེང་གཉིས་ལ་མཐེན་འལྱེར་གང་ཡང་མེད་དགོང་པ་མ་ཆུུུུུམ་ལགས་།
ཁྲི་རལ་པ་ཅན་ལགས། གལ་སྲིད་རྒྱ་མི་ཞིག་བོད་གཞུང་གི་སྐུ་ཚབ་དོན་གཅོད་དུ་བསྐོ་བཞག་བྱས་ཚེ་ཁྱོད་ལ་བཟང་ཕྱོགས་ཀྱི་ལྟ་ཚུལ་ཙམ་ལས་བསམ་ཚུལ་གཞན་ཅི་ཡང་ཡོད་མི་སྲིད་པ་འདྲ། དེ་འདྲ་ཞིག་རེད་དམ། ད་རེས་ཀྱི་བོད་གཞུང་དོན་གཅོད་བསྐོ་བཞག་བྱེད་སྟངས་ནི་བོད་གཞུང་གི་ལས་བྱེད་བསྐོ་བཞག་བྱེད་སྟངས་ཀྱི་ཁྲིམས་དང་སྒྲིག་གཞིའི་དགོངས་དོན་དང་མི་འགལ་བ་ཞིག་བྱས་ཡོད་མེད་ལྟ་རྒྱུ་ལས། རྨོངས་དད་དང་ཕྱོགས་ལྷུང་བྱས་ཡོད་དང་མེད་ཟེར་བའི་སྐད་ཆ་ཅིག་ལྷག་ཡོད་པ་མ་རེད། འགོ་བཀའ་བློན་བསྐོ་སྟངས་ནས་མཇུག་ལས་བྱེད་ཆུང་ཁག་བསྐོ་སྟངས་བར་བཅའ་ཁྲིམས་ཀྱི་བསྟན་དོན་ཅི་བཞིན་ལག་བསྟར་བྱེད་རྒྱུ་ལས་ལྷག་ཡོད་པ་མ་རེད་ལ། བཅའ་ཁྲིམས་དང་སྒྲིག་གཞི་ནང་བཞིན་མ་སོང་ཚེ་གཞུང་ཡིན་ན་འདྲ། ཚོགས་པ་ཡིན་ནའང་འདྲ། མི་སྒེར་བ་ཡིན་ནའང་འདྲ་དོན་དངོས་སུ་ཁྲིམས་དང་སྒྲིག་གཞི་བརྩིས་མེད་བྱས་པ་གསལ་བོ་རེད། རྒྱལ་ཁབ་དེ་དང་དེའི་གནས་རིམ་མཐོའི་གཞུང་གི་ལས་བྱེད་ལ་རྒྱལ་ཁབ་དེ་དང་དེའི་མི་སེར་ཡིན་དགོས་པ་འཛམ་གླིང་སྤྱིའི་འགྲོ་སྟངས་ཤིག་རེད།
ཁྲི་རལ་པ་ཅན་ལགས། ཏེ་ལོ་སྤྲུལ་སྐུ་ནི་ནང་ཆོས་ཀྱི་ཐོག་ནས་བོད་ལ་འབྲེལ་ལམ་ཟབ་པ་དང་། ༧གོང་ས་མཆོག་ལ་བརྩི་བཀུར་དང་། ཐུགས་དགོངས་ཐོག་ཤར་བསྐྱོད་གནང་མཁན་ཞིག་ཡིན་པར་གོ་ཐོས་བྱུང་། ཡིན་ཡང་། དེ་ནི་ཆོས་ཕྱོགས་ཀྱི་འབྲེལ་ལམ་ཙམ་ཡིན་པ་མ་གཏོགས་བོད་མི་རིགས་ཀྱི་གནད་དོན་ཐོག་ལ་དེ་སྔ་ལས་ཀ་བྱས་མྱོང་ཡོད་རབས་མི་འདུག དེར་མ་ཟད་ཁོང་ནི་དུས་རྒྱུན་ཆབ་སྲིད་དང་འབྲེལ་བའི་བོད་ཀྱི་ལས་དོན་གང་ཞིག་ཡིན་ཡང་གཡས་གཟུར་དང་གཡོན་གཟུར་བྱས་ནས་འགྲོ་མཁན་ཞིག་དང་། ཁ་ནས་ཀྱང་བོད་ཀྱི་ཆབ་སྲིད་ཀྱི་གནད་དོན་ཐད་ལ་འབྲེལ་ལམ་སྤུ་རྩེ་ཙམ་ཡང་མེད་ཅེས་སྒྲོག་མཁན་ཞིག་ཡིན། འདི་ལྟར་བོད་ཀྱི་ཆབ་སྲིད་ཀྱི་ལས་དོན་ཁག་ལ་ཐེ་གཏོགས་ཅི་ཡང་བྱེད་པའི་རྒྱལ་ཁབ་གཞན་གྱི་མི་སེར་དཀྱུས་མ་ཞིག བོད་ཀྱི་ཆབ་སྲིད་ཀྱི་གནས་རིམ་མཐོ་བའི་སྡིངས་ཆའི་སྟེང་སླེབས་སུ་བཅུག་པ་ནི་ཕན་ཚུན་གཉིས་ཀའི་ནོར་འཁྲུལ་ཚབས་ཆེན་ཞིག་ཡིན་པ་སྨོས་མེད་ཐོག མ་འོངས་པར་ཡང་བཙལ་བྱོལ་བོད་མིའི་སྒྲིག་འཛུགས་ཀྱི་ཁ་ཕྱོགས་གང་ཞིག་ཏུ་འགྱུར་མིན་དོགས་གནས་དང་། བོད་མདོ་དབུས་ཁམས་གསུམ་མམ། བོད་མི་ས་ཡ་དྲུག་གི་ངོ་ཚབ་མཚོན་པའི་སྒྲིག་འཛུགས་ཚད་ལྡན་ཞིག་ཆགས་ཐུབ་མིན་ཡང་བཤད་ཚོད་དུ་སྣང་།
༼ བཤད་དཀའ་ཚོད ༽
ཏེ་ལོ་སྤྲུལ་སྐུ་མོ་སུ་ཁོའི་དོན་གཅོད་བསྐོ་བཞག་གནང་བ་ལ་བཀྲ་ཤིས་བདེ་ལེགས་དང་དགའ་བསུ་མོས་མཐུན་ཡོད། བོད་མི་རིགས་ལ་བློ་དཀར་ལྷག་བསམ་ཅན་ཁོང་གིས་བོད་བརྒྱུད་ནང་བསྟན་རིག་གཞུང་དང་བོད་སོག་གི་འབྲེལ་ལམ་ཐད་ནུས་པ་འདོན་ཐུབ་པའི་ཡིད་ཆེས་ཡོད། ད་ཐེངས་བློ་སེང་གིས་ཕུགས་རྒྱང་གི་དོན་ལ་དགོངས་པ་ཡག་པོ་བཞེས་འདུག །
གཞན་ཡང་། ཁོང་གི་སྐྱེད་དམན་བོད་རིགས་ཡིན་པས་ཁོ་རང་ཡང་བོད་ཀྱི་ཡུལ་མི་གནང་རྒྱུའི་ཐོབ་ཐང་ཡོད་རབས་ལབ་ཀྱི་འདུག ། སྐད་ཆ་འདི་ནི་བྱིས་པའི་ལབ་བརྡོལ་ལྟ་བུ་ཞིག་རེད། མ་གཞི་ཏེ་ལོ་སྤྲུལ་སྐུ་ཁོང་བོད་ཀྱི་ཡུལ་མི་གནང་རྒྱུ་རེད་དམ་མ་རེད། ཡང་ན། ཁོ་ལ་བོད་ཀྱི་ཡུལ་མི་གནང་རྒྱུའི་འདོད་པ་ཡོད་ཀྱི་རེད་དམ་མ་རེད། གནད་འགག་གཙོ་བོ་འདི་རེད། ཡིན་ཡང་། ངས་བལྟས་ན་ཕལ་ཆེར་དྲི་བ་འདིའི་ལན་བོད་མི་ཚང་མའི་སེམས་ན་གསལ་བོ་ཡིན་རྒྱུ་རེད་འདོད། ད་དུང་བོད་གཞུང་གི་གནད་ཡོད་ལས་སྣེ་མང་པོ་དང་བསྡུར་ན་ཏེ་ལོ་ཡག་རབས་རྒྱན་རབས་དང་། བོད་མི་རིགས་ལ་ཤ་ཚ་དང་ལྷག་བསམ་ཡོད་རབས་མང་དག་ཅིག་འཆད་ཀྱིན་འདུག་མོད། ང་ཚོས་རང་ཉིད་ལ་ཤ་ཚ་མཁན་རང་ཉིད་ལས་ཀྱང་ལྷག་པ་གཞན་ཞིག་འཚོལ་རྒྱུ་ཡོད་ན། དེ་ནི་དགད་མོ་འཆོར་བའི་གནས་སམ། ངོ་མཚར་དགོས་པའི་གནས་ཤིག་མ་རེད་དམ།
སེང་གེ་བཀའ་ཤག་ལ་མདུན་ལམ་མི་འདུག།
བོད་པས་མ་འཇོན་པ་མང་ཐག་ཆོད་ཡོད་ནི་རེད། བོད་པ་ཡིན་མིན་གཙོ་བོ་མ་རེད། བོད་མིའི་གནད་ཡོད་ཁྲོད་དུ་ལྐོག་ཟ་དང་སྒེར་དོན་གྱིས་ཁེངས་བ་ཡོད་ནི་རེད། གཙོ་བོ་བོད་སྤྱི་བའི་དོན་དང་ཆོས་དང་རིག་གཞུང་ལ་དངོས་ཤུགས་བརྒྱུད་གསུམ་ནས་ཕན་ཐོགས་པ་ཞིག་བྱུང་ན་བཟང་གི་བསམ། ལྷག་བསམ་མེད་པའི་བོད་མི་ལས།།ལྷག་བསམ་ཅན་གྱི་ཤེས་འཇོན་གལ།།
ཏེ་ལོ་སྤྲུལ་སྐུ་མཆོག བོད་ཀྱི་ཡུལ་མིའི་ཆ་རྐྱེན་ཚང་ཡོད་དམ། དེ་མེད་ན་ཨ་རི་དང་དགའ་ལྡན་ཁྲི་པ་སོགས་ལ་མི་རིགས་གཞན་ཆོག་ཟེར་བའི་རྒྱུ་མཚན་འདི་མི་འགྲོ་བ་རེད།
ཤེས་མེད་ཚོས་ཉོན་ཨ། བོད་མི་མིན་པ་ཞིག་དགའ་ལྡན་ཁྲི་པ་ལ་བསྐོས་འདུག་ཟེར་སྟངས་ལ་བལྟས་ན་དགའ་ལྡན་ཁྲི་བ་ལ་དྭགས་ཐུབ་བསྟན་ཉི་མ་མཆོག་ལ་ཟེར་གྱི་ཡོད་ཟོལ་འདུག བོད་ཆེན་པོའི་རྒྱལ་ཁབ་ཀྱི་ལོ་རྒྱུས་ནང་དུ་ལ་དྭགས་པ་བོད་ཀྱི་ཁུངས་གཏོགས་ཡིན། མགོ་སྟོང་ཚོས་འདིར་ཤེས་དགོས་ཀྱི་ཡོད། རང་ངོ་རང་གིས་ཤེས་པའི་ཐབས་ཤེས་བྱོས་ཤོག་ཨ།
བོད་མི་མིན་པ་སུ་དགའ་ལྡན་ཁྲི་བ་ལ་བསྐོས་འདུག་གམ། མཛུབ་མོ་འཛུགས་ཤོག་ཨ།
ཅོ་རི་ཁྱོད་གླན་པ་ཨུ་ཚུགས་ཅན་ཞིག་ཡིན་བཟོ་འདུག འོན་ཀྱང་ལོ་རྒྱུས་ཤེས་འདོད་ན་འདི་འདྲ་རེད། མར་ཡུལ་ལ་དྭགས་ཟེར་བ་འདི་བོད་མ་རེད། ད་ལྟའི་དགའ་ཁྲི་བོད་པ་མ་རེད། ཁྱོད་ལ་གོ་བདེ་པ་བྱས་ནས་བཤད་ན། ཁོང་རྒྱ་གར་གྱི་ཡུལ་མི་རེད་ལ་རང་བཙན་ལག་དེབ་ལྗང་གུའི་ཚབ་ཏུ་ལག་དེབ་སྔོན་པོ་ཞེས་པ་ཞིག་ཡོད་རེད། དེ་བོད་མིར་རྒྱབ་སྐྱོར་དང་བོད་པའི་ཆོས་རིག་ལ་དགའ་པོ་ཡོད་པ་མཚོན་པའི་ཆེད་རེད། ད་ཁྱོད་ཀྱི་མགོ་སྟོང་པ་དེ་བློ་བསྐྱེད་གསར་པས་བཀང་ཡོད་དོ།