དོལ་པོའི་སྐྱིད་སྡུག་བརྗོད་པ།

Comments (41) on “དོལ་པོའི་སྐྱིད་སྡུག་བརྗོད་པ།”

1. ་་་་་་་་་་་་་ ངའི་ཕ་ཡུལ་ནི་དོལ་པོ་ཡིན། ལོ་རྒྱུས་ཐོག་གནའ་བོའི་ཞང་ཞུང་གི་ཁོངས་སུ་གཏོགས་ཤིང་མངའ་རིས་དོལ་པོ་ཞེས་ཡུལ་མི་ཚོའི་ངག་རྒྱུན་དུ་ཡོད། ཕྱིས་སུ་བོད་སིལ་བུར་ཐོར་རྗེས་བཙན་པོའི་རྒྱལ་རྒྱུད་ཀྱི་རྒྱལ་ཕྲན་ཡ་ཙེ་འཛུམ་གླང་དང་། མང་ཡུལ་གུང་ཐང་། ཕྱིས་ཀྱི་གློ་བོ་རྒྱལ་རྒྱུད་བཅས་ཀྱི་ཁོངས་སུ་ཕར་རྩོད་ཚུར་རྩོད་ཀྱི་བར་དུ་གནས། ་་་་་་་་་་་་

2. ་་་་་་་་་ མ་གཞི་ནས་བྲམ་ཟེའི་རིགས་ཀྱི་སྣང་ངོར་༼བོད་རིགས་རྣམས་ནི་ཚངས་པའི་རྐང་འོག་ནས་སྐྱེས་པ་ཡིན་པས་བྲམ་ཟེའི་དབང་སྒྱུར་འོག་༽གི་རྒྱལ་ཁབ་བལ་ཡུལ་ལྟ་བུས་བོད་རིགས་གཙོས་པའི་གྲངས་ཉུང་མི་རིགས་ཁག་ལ་དེ་ཙམ་གྱི་ལྟ་སྟངས་ལེགས་པོ་ཞིག་བསྐྲུན་ཐུབ་མེད་པ་རེད། ་་་་་་་་

3. ་་་་་་་་་་་་་་་་་ ་ཉེན་རྟོག་པས་བཅར་རྡུང་བྱེད་སྐབས་ཉེན་རྟོག་པ་འགོ་གཙོ་ཞིག་གིས། “འདི་བལ་ཡུལ་རེད་མ་གཏོགས་ཁྱེད་ཚོ་བོད་རིགས་རྣམས་ཀྱི་རྒྱལ་ཁབ་མ་རེད།” ཅེས་གཤེ་གཤེ་བཏང་བྱུང་ཟེར། ་་་་་་་་་་་་་
   སྙིང་གཅེས།

4. ་་་་་་་་་ ད་དུང་ཡང་ཡིད་སྐྱོ་བ་ཞིག་ལ་ཉེ་ཆར་ཡང་བསྐྱར་ངའི་ཕ་ཡུལ་ནས་སྐུ་འདྲ་རྙིང་པ་མང་པོ་ཞིག་རྐུ་འཁྱེར་བྱས་འདུག ་་་་་་་་

5. ་་་་་་་་་ ངས་འདིར་བརྗོད་པ་རྣམས་འདི་ལོར་རང་ཉིད་ཕ་ཡུལ་ལ་གཉེན་འཕྲད་ཕྱིན་པའི་སྐབས་སུ་ལྷགས་པའི་དངོས་ཡོད་གནས་ཚུལ་ཡིན་པས་བོད་མི་རིགས་ལ་གདུང་བ་ཟབ་ཅིང་། བོད་ཡིག་འབྲི་ཀློག་ཤེས་མཁན་རྣམས་ཀྱིས་འདི་ལྟ་བུའི་རང་མི་རིགས་ཀྱི་ཡིད་སྐྱོའི་གནས་ཚུལ་རྣམས་གོ་ཐོས་བྱུང་ན་སྙམ་པ་ཙམ་ལས་གཞན་དམིགས་ཡུལ་མེད།
   ༢༠༢༤/༡༡/༢༥ ཉིན་དོལ་པོ་ངག་ལྷུན་གྱིས་རྒྱ་གར་དང་བལ་ཡུལ་ས་མཚམས་ནས།
   ༼དོལ་པོ་ངག་ལྷུན་གྱི་ངོ་དེབ་ལས་དྲངས།༽་་་་་་་་་་་་་

   ལན་ཅི་ག་བཀླགས་ཟིན། བརྗོད་བྱ་རྗོད་བྱེད་གཉིས་ཀ་ཕུན་སུམ་ཚོགས་པ་འདུག རྗེས་སུ་བོད་རིགས་སློབ་གྲའི་དབུ་འཛིན་བྱ་རྒྱུའི་བོད་ཡིག་གནས་ཚད་ད་ལྟ་ནས་ལོན་ཟིན་འདུག་པས་བཟང་ངོ་།། མུ་མཐུད་ནས་ཡིན་གདའ། ངས་ཀྱང་གྲོགས་བགྱིའོ།། །།

6. དེང་སང་གི་བོད་ཀྱི་གནས་བབ་འདིས་འཛམ་གླིང་གང་སར་གནས་འཆའ་བཞིན་བོད་མི་རིགས་ནི་སྡུག་གི་སྨྲེ་ངག་འདོན་བཞིན་སྡུག་གྱོང་རང་གིས་འཁུར་བ་ལས་བྱ་ཐབས་མེད་པ་རེད། གཞན་གྱིས་མཐོང་ཆུང་དང་བསྙེས་བཅོས་ཅི་འདྲ་བྱས་ཀྱང་ནང་ཆོས་ལ་སྐྱབས་བཅོལ་ཏེ་ཡོད་ཚད་རང་གི་བསགའ་པའི་”ལས་”ཡིན་པས་འཁུར་ཞིང་སྒོམ་དགོས་ཟེར་ན་ཅི་ཟེར། དོལ་པོ་མི་དམངས་ལ་གདུང་སེམས་མཉམ་སྐྱེད་ཡོད། མཐའ་མཚམས་ཁག་ཏུ་གོ་མེད་ཚོར་མེད་ངང་ཡལ་བཞིན་པའི་བོད་རིགས་དཀའ་ངལ་ཅན་ཡོད་དོ་ཅོག་ལ་གདུང་སེམས་མཉམ་སྐྱེད་ཡོད།
   ད་འདི་ལྟར་སྡུག་སྣ་རྒུ་མྱོང་བཞིན་བོད་མི་རིགས་འདི་ག་ལེར་གཞན་ལ་ཐིམ་དགོས་པ་ལས་བྱ་ཐབས་མེད་པ་རེད།
   དོལ་པོ་ངག་ལྷུན་གྱི་དོལ་པོ་མི་དམངས་ཀྱི་ཆེད་དུ་ཡིད་སྐྱོ་བའི་བྱུང་བ་ཡིག་ངོར་བཀོད་པར་བཀའ་དྲིན་ཆེ། མི་རིགས་དཔའ་བོ་རེད། བདེ་སྡུག་ལ་འགན་འཁུར་བ་རེད།

7. བོད་ཆོས་བྱེད་མཁན་གྱི་བོད་རིགས་ཡོད་དོ་ཅོག དམ་ཚིག་རྡོག་རྩགགཅིག་སྒྲིལ་དགོས། ལེགས་ཉེས་མཐོ་དམན་སུ་ཡིན་ཡང་། སྤྱི་མཐུན་ཀྱི་ལས་གཅིག་ལས་གྲུབ་པ་ལྟར་ར་མཐོང་བས་སོ།།

8. ང་ཚོ་ལ་བླ་མ་དཀོན་མཆོག་གསུམ་ཡོད། ལས་འབྲས་ལ་ཡིད་ཆེས་ཡོད། ལྷ་ཆོས་སྐྱོང་སྲུམ་ཡོད་པས། སེམས་ཤུགས་མ་ཆགས་པར་ལུས་སེམས་ལ་འཕྲོད་བསྟེན་དང་། ཤེས་རིག་དང་དཔལ་འབྱོར་ཡར་རྒྱས་གཏོང་དང་། སུས་ཐུབ་ཚོད་བཏང་ཀྱང་། ཐུབ་ཚོད་འོག་ལ་མི་ཚེ་དོན་དང་ལྡན་པ་འོངས་ངེས་ལགས།། །།

9. གནས་ཚུལ་སྐྱོ་བོ་རེད། ས་མཐའི་ལམ་ཁ་ཞིག་ནས་བཀླགས་ཡིན། སྔོན་ཡིན་ན་དོལ་པོ་པ་ཤེས་རབ་རྒྱལ་མཚན་ཞེས་ཇོ་ནང་བའི་གཞུང་ནས་མཇལ་མྱོང་བ་ལས་ཆ་རྒྱུས་མེད། རྗེས་སུ་ལྷ་རྩེ་ནས་ཡར་སོང་ན་ཇོ་ནང་མ་དགོན་ཕུན་ཚོགས་གླིང་ལ་མཇལ་སྐོར་འགྲོ་སྐབས་དགོན་པ་དེ་ནས་རི་ཐད་གར་བརྒལ་ན་དོལ་པོ་ལ་སླེབ་ཐུབ་པ་ཧ་གོ་སོང་། འགྲོ་མ་མྱོང་། རྒྱུ་མཚན་གང་མང་ཞིག་ལ་བརྟེན་ནས་ད་ལྟ་པོ་ཏ་ལའི་ནང་ན་ཡོད་པའི་ཟངས་ཀྱི་དཀྱིལ་འཁོར་སོགས་སྐུ་རྟེན་མང་པོ་ཞིག་རྒྱལ་བ་སྐུ་འཕྲེང་ལྔ་བས་ཕུན་ཚོགས་གླིང་ནས་༼དམར་བཤད་བྱས་ན༽་འཕྲོགས་འོང་བའི་ལོ་རྒྱུས་ཐར་ཐོར་ཞིག་ཡང་རྣ་ལམ་ལ་གོ་སོང་། ལོ་འགའི་སྔོན་དོལ་པོ་སྤྲུལ་སྐུ་ཟེར་བ་གྲྭ་གཞོན་ཞིག་༼གྲྭ་བ་ཚད་ལྡན་ཞིག་རེད་བསམ་བྱུང་།༽ དང་ས་མཐའ་འདི་ནས་ཐེངས་དུ་མར་འཕྲད། ཁོང་གིས་དོལ་པོ་ཡར་རྒྱས་ལ་གཏོང་བའི་བྱ་བ་མང་ཙམ་བྱེད་བཞིན་འདུག

10. དོལ་པོ་བ་ཚོས་ཀྲུང་གོ་གུན་ཁན་ཏང་གིས་འཛིན་སྐྱོང་བྱེད་བཞིན་པའི་བོད་རང་སྐྱོང་ལྗོངས་ལ་སྐྱབས་འཇུག་ཞུ་དགོས་རེད། བོད་རང་སྐྱོང་ལྗོངས་ཀྱི་ཁུངས་གཏོགས་འཛུལ་གྱི་ཡིན་ཟེར་དགོས་རེད། ལོ་རྒྱུས་ཀྱི་ཐོག་ནས་དོལ་པོ་དང་ཀློ་པ། ཀླུ་སྨད་དང་ཤར་པ། མུག་སྒམ་སོགས་བོད་རིགས་རེད།

    ཁྱོད་ཚོ་མེས་རྒྱལ་ཁྱིམ་ཚང་ཆེན་མོའི་ནང་དུ་ཕྱིར་ལོག་བྱེད་ཀྱི་ཡིན་ཟེར་དགོས་རེད། ཧན་མ་ལ་ཡའི་རི་རྒྱུད་ཀྱི་བོད་རིགས་རྣམས་ལ་རང་ཐག་རང་གཅོད་ཀྱི་ཐོབ་ཐང་ཡོད་དགོས་ངེས་རེད། དེ་འདྲ་བྱུང་ན་རྒྱ་ནག་གཞུང་གིས་རོགས་བྱེད་ཀྱི་རེད། དེ་དུས་བལ་པོ་ལ་ག་རེ་བྱེད་ཡ་འདུག་མཐོང་ཡོང་གི་རེད།

    བོད་རང་སྐྱོང་ལྗོངས་ཀྱི་ཁུངས་སུ་ཞུགས་ན་ཁེ་ཕན་ཆེ་ཡི་རེད། བལ་པོའི་བརྙས་བཅོས་ཁུར་མི་དགོས། རྒྱ་ནག་གཅིག་གི་སྲིད་ཇུས་དང་མཐུན་པ། བོད་རིགས་ཡོངས་ལ་མིང་དོན་མཚུངས་པའི་རང་སྲིད་རང་སྐྱོང་གི་དམིགས་ཡུལ་དང་མཐུན་པ། དབུ་མའི་ལམ་དང་མཐུན་པ། དོལ་པོ་ཚོ་ཕྱིར་བོད་ལ་ལོག་ཤོག

11. ད་ལྟའི་དུས་ཚོད་འདི་ལ་དོལ་པོ་བ་ཚོ་སྐྱོབ་ཐུབ་མཁན་གཅིག་ཡོད་པ་ནི་བོད་རང་སྐྱོང་ལྗོངས་རེད། བོད་རང་སྐྱོང་ལྗོངས་ཀྱི་དབུ་ཁྲིད་ཚོས་ཀྱང་འགན་ཁུར་དགོས་ངེས་རེད། དོལ་པོ་བོད་རིགས་རེད། སོ་སོའི་མི་རེད། བོད་རང་སྐྱོང་ལྗོངས་ཀྱི་དབུ་ཁྲིད་ཚོས་བྱས་རྗེས་འཇོག་རིན་པའི་དུས་ལ་བབ་བཞིན་འདུག་གོ

12. ཅོ་རི་ལ་བདེན་པ་མེད་པ་མ་རེད་མོད། ལས་སླ་བོ་ཞིག་ཨེ་ཡོད། ཀྲུང་གོ་བས་ཧིན་དྷི་སི་ཐན་དང་བལ་ཡུལ། པ་ཀེ་སི་ཐན། ཨབ་གྷན་སོགས་ལ་འཆིང་ཡིག་ཞིག་སྔོན་མ་ནས་ཡོད་ཚོད་འདུག དེའི་སྐོར་རྒྱ་གར་ནག་གི་དམག་འཁྲིག་བྱས་ནས་ལོ་སུམ་ཅུ་འགོར་རྗེས་གསང་བ་ནས་གྲོལ་བའི་ཡིག་ཆ་PDF ཤོག་ལེབ་ལྔ་བཅུ་ཙམ་ཞིག་མཐོང་མྱོང་།

13. བོད་དང་བོད་གཞུང་ཟེར་དུས་སྡང་མིག་བགྲད།།
    བོད་ཡིག་བོད་སྐད་བཀོལ་ནས་མི་ཚེ་ཕུད།།
    བོད་མིན་བལ་མིན་དོལ་པོའི་སྡེ་ཚོགས་འདི།།
    བོད་པ་ཡིན་ཞེས་སྐད་ངན་འདོན་འདིར་ལྟོས།།

14. མེ་ཏོག་དཀར་པོ་ལགས། བོད་དང་བོད་གཞུང་ཟེར་ནས་སྡང་མིག་བགྲད་མཁན་དོལ་པོ་ཡིན་ས་མེད། བོད་མིའི་རྐུབ་ལ་ཚ་ལྕགས་བརྒྱབས་མཁན་དོལ་པོ་ཡིན་ས་མེད། ང་ཚོ་བོད་མི་ཚོའི་སེམས་ལ་གསལ་པོ་ཡོད།

15. ཅོ་རི་ལགས། ཐུགས་རྗེ་ཆེ།

16. བལ་ཡུལ་ས་ཁོངས་ཀྱི་བོད་རིགས་ཚོས་བོད་མི་སྐྱབས་བཅོལ་བ་ཚོར་ལམ་སྐབས་སུ་རོགས་མགོན་ཧ་ཅང་མང་པོ་གནང་བ་དང་།རྒྱལ་ཁོངས་མི་འདྲ་ཡང་བོད་རིགས་གཅིག་གྱུར་ཡིན་པའི་འདུ་ཤེས་མ་དོར་བར།བོད་མི་རིགས་ཀྱི་ཞེན་ལར་རྒྱ་ཆེན་པོ་ཡོད་པ་ངོ་མཚར་ཆེན་པོ་རེད།དངོས་གནས་ཁོང་ཚོ་ལ་གདུང་སེམས་མཉམ་བསྐྱེད་ཡོད།དེ་འདྲ་ཐུབ་ཚོད་བརྙས་བཅོས་བཏང་ན།མཉམ་འབྲེལ་རྒྱལ་ཚོགས་དེ་འདྲར་ཞུ་གཏུག་གནང་ན།བལ་ཡུལ་དེ་རྒྱ་ནག་ལྟ་བུ་སྟོབས་ཆེན་རྒྱལ་ཁབ་ཅིག་ཙང་།གཅིག་བྱས་ན་ནུས་པ་གང་འཚམས་འཐོན་སྲིད་པ་རེད།

17. བཀྲ་ཤིས་བདེ་ལེགས། ང་ལྟ་གསར་ཞུགས་པ་ཞིག་ཡིག ད་བར་ཁྱེད་ཚོའི་ཁ་བརྡ་དྲ་ཚིགས་བརྒྱུད་ནས་སྤྱི་སྒེར་ལ་ཕན་རླབས་ཆེན་པོ་བྱུང་སོང་བར་སྙིང་ནས་ཡི་རང་ཞུ་བ་དང་། ང་མཉམ་ཞུགས་བྱེད་པ་འདི་ལ་ཁྱེད་རྣམས་པས་ངོས་ལེན་གནང་བའི་རེ་བ་ཡོད།

18. མགོ་ཐོག་ལ་སྡུག་པོ་ཡོང་དུས། སྡུག་སྐད་ཤུགས་ཆེ་སུ་རྒྱོབས་ཤོག་ཨ། འདི་འདྲའི་ཕམ་ཉེས་ཀྱི་དངོས་མྱོང་བདེན་བཀོད་ནི། ལོ་རྒྱུས་བ་བརྒྱ་ཡིས་དུས་གཅིག་དུ་ཚོད་བགམས་བྱས་བའི་དེབ་རྒན་ལས་ཀྱང་རྩ་ཆེ་བ་ཡོད།
    བལ་བོད་སྤུན་ཟླའི་བདེ་སྡུག་བཤད་པའི་སྨྲ་ལྕེ་ཁྱོད་ལ་ལྡན་པ་འདུག་པས། དོལ་ཕོ་ངག་ལྷུན་ལགས་ཀྱིས། མགོ་རུས་ཐང་ལ་མ་ཟགས་པར་དུ་རེ་བ་བཅོལ་ཡོད་དོ། ཨ་མའི་བུ།

    བདེན་པ་བཤད་པས་རྒྱལ་ཁ་མ་ཐོབ་ན།
    མུར་འཛོག་གཡུགས་པས་རྒྱལ་ཁ་མི་ལོན་པ།
    ད་ལྟ་དུས་ལ་ལས་ཀྱིས་བསྐོས་བ་རེད།

    བདེན་པ་སྡུག་པོ་ས་ལ་མ་འཐུམ་པར།།
    བྱུང་བ་རང་བྱོན་བྲག་ལ་བཀོད་དང་ན།
    རེ་བ་ཆད་ནས་འཆི་དགོས་མ་ཡོད་དོ།

19. གནས་ཚུལ་ཧ་ཅང་གསལ་པོ་བཀོད་འདུག་པས་དགའ་བསུ་དང་། སྐྱིད་སྡུག་མཉམ་གཅིག་ཡོད།

20. བོད་རིགས་འདིར་ཐུག་ཚོད་གཏོང་མཁན་ཞིག་མ་གཏོག་གླིང་འདི་ན་མི་འདུག། འཛམ་བུ་གླིང་གི་མི་རིགས་གཞན་ལ་མེད་པའི་བླ་མ་དང་ལྷ་སྲུང་གིས་བོད་ལ་བདེ་སྐྱེད་དང་ཞི་བདེ་སྐྲུན་ཚུལ་མང་ཡང་། བླ་མ་ཚོས་འགྲོ་བ་ཡོངས་ལ་འདི་ཕྱིའི་བདེ་སྐྱེད་སྐྲུན་རྒྱུ་གཏམ་དུ་སྒྲོགས་ནས་རང་རང་གི་སྤྱི་ཚོགས་སུ་གདན་ཐོབ་དང་མིང་གྲགས་ཀྱི་རང་འདོད་སྒྲུབ་རྒྱུ་ལས་དོན་དམ་དུ་རང་ཁོངས་ཀྱི་མི་རིགས་ཉུང་ངུ་འདི་དག་ལ་འགྲོ་བ་མིའི་རང་དབང་སྤྱི་མཚུངས་ཙམ་ལ་ཡང་ནུས་པ་ཐོན་གྱི་མེད། ལྷ་སྲུང་རྣམས་ཀྱིས་ནང་ཁུལ་ཆགས་སྡང་ཕྱོགས་རེས་ཀྱིས་ནང་དམེ་རྐྱང་རྐྱང་གི་བྱ་སྤྱོད་ཙམ་ལས་བོད་རིགས་འདི་ཚོར་ལྟ་སྲུང་གིས་མི་གྲལ་དུ་ཡར་འདེབས་བྱེད་པའི་ནུས་པ་ཡང་མེད། ཁ་ནས་ཆིལ་སྒྲིལ་དང་བྱམས་སེམས་བཤད་མཁན་མང་ཡང་དོན་དུ་ནང་ཁུལ་ཁ་བྲལ་དང་ནང་དམེ་བཟོ་མཁན་ནི་བླ་དཔོན་དགེ་བཤེས། ཆོས་གཟུགས་མཐོ་དམན་ཚང་མས་རྒྱུན་ལྡན་གྱི་མཛད་པ་ཡིན། མི་ཆོས་བླ་མའི་རྫུན་ཆོས་སྤྱོད་སྤྱོད་དེ་ཉིད་ཀྱིས་ད་ནི་རེ་ཐངས་ཆད་སོང་། འཛམ་བུ་གླིང་གི་མི་རིགས་ཀྱི་ནང་ནས་དགེ་བ་སྒྲུབ་མཁན་ནི་བོད་རིགས་འདི་ལས་འཇོན་པ་ཞིག་མེད་པར་རང་སྟོད་བྱེད། འཛམ་བུ་གླིང་གི་མི་རིགས་ཀྱི་ནང་ནས་སྡུག་བསྔལ་སྡུག་ཤོས་མྱོང་མཁན་ནི་བོད་རིགས་ལས་སྡུག་པའི་མི་རིགས་ཞིག་མི་འདུག། ཨ་ཁ་ཁ་ཁ། མི་རིགས་འདི་ལས་མ་དག་པ་ཞིག་རེད་འདུག།

21. བོད་མི་ཞིག་གི་འདུ་ཤེས་ཤུགས་དྲག་འོག་ནས་ཕ་ཡུལ་གྱི་བདེ་སྡུག་དྲང་བདེན་ངང་བརྗོད་པར་དགའ་བསུའི་བསྔགས་བརྗོད་ཡོད། ཁྱེད་ཀྱི་བདེ་སྡུག་ནི་བོད་མིའི་བདེ་སྡུག་ཡིན་ཞིང་། ཁྱེད་ཚོའི་ལས་དབང་སྐྱོ་བོ་དེ་ནི་བོད་སྤྱི་ཡོངས་ཀྱི་ལས་དབང་སྐྱོ་བོ་ཡང་ཅིས་ཀྱང་ཡིན་པས་གདུང་སེམས་མཉམ་བསྐྱེད་ཡོད། ང་ཚོ་བོད་སྤྱིའི་ལས་དབང་ཐབས་རྡུག་དེར་བསམ་དུས་ཡིད་སེམས་ཧ་ཅང་སྐྱོ་ཡོང་།

    བོད་ས་གཅིག་ཤོར་གཉིས་ཤོར།།
    བོད་ཡུལ་ཁ་འཐོར་བཟོས་སོང་།།
    ལྷག་ལུས་བོད་ཁམས་དེ་ཡང་།།
    བཙན་རྒྱལ་རྒྱ་འོག་བཅུག་སོང་།།

22. བསྟན་འཛིན་ལགས་ཀྱིས་བཤད་པར་བདེན། བོད་མི་རིགས་ཀྱིས་ཤེས་དགོས་པའི་གནད་དོན་གལ་ཆེན་ཞིག་ནི་ལྷ་སྲུང་ཟེར་བ་དང་སྤྲུལ་སྐུ་ཟེར་བ་འདི་དག་གིས་མ་མཁྱེན་མཁྱེན་མདོག་དང་། མ་ཤེས་ཤེས་མདོག མ་ཡིན་ཡིན་མདོག་ཤ་དག་བྱས་ནས་བོད་མི་རིགས་སྡུག་བསྔལ་གྱི་རྒྱ་མཚོའི་ནང་དུ་གཡུགས་ཡོད།

    བོད་མི་རིགས་ནང་ཁུལ་དུ་མཐུན་ལམ་ཡོང་མི་བཅུག བླ་ཆེན་དང་མི་ཆེན་གཉིས་ཁ་མཐུད་བྱས་ནས་ཆོས་སྲིད་གཉིས་ཀྱི་དབང་ཆ་འཛིན། རྫུན་ཤ་དག་བཤད་ནས་བོད་མི་རིགས་ཐུག་པ་དཀྲུགས་དཀྲུགས་བྱས། ནང་བསད་བཏང་རེའི་བྱས་བཅུག

    ལྷ་དང་བླ་མ་སྤྲུལ་སྐུ་གསུམ་བོད་མི་རིགས་ཀྱི་གཉའ་གནོན་དང་། བོད་མི་རིགས་འཛམ་གླིང་གི་མིའི་རིགས་ཀྱི་གྲལ་མཐའ་གཡུགས་མཁན་གྱི་ཕུང་རྒན་ཡིན་པར་བོད་མི་དམངས་ཀྱིས་གང་མགྱོགས་ངོ་ཤེས་ཐུབ་པའི་རེ་བ་ཡོད། གལ་སྲིད་བླ་གོག་སྤྲུལ་གོག་ལྷ་གོག་གསུམ་ལ་ཡིད་ཆེས་བྱེད་ནས་བསྡད་པ་ཡིན་ན་བོད་མི་རིགས་འགྲོ་མིའི་རིགས་ཀྱི་གྲལ་མཐའ་ནས་ལང་ཐུབ་པའི་རེ་བ་མེད།

    བོད་མི་རིགས་གཉིད་ལས་སད་པར་ཤོག
    གཉིད་རྨོངས་དད་འདི་ལས་སད་པར་ཤོག
    བོད་མི་རིགས་གཉིད་ལས་སད་པར་ཤོག
    རྫུན་མགོ་སྐོར་གང་ཡིན་ཤེས་པར་ཤོག

23. ཅོ་རི་དང་བསྟན་འཛིན་པ་གཉིས་ཀྱིས་མཁྱེན་རྒྱ་བཞེས་དགོས་ས་ཞིག་བླ་མ་ཚོ་བཟོ་མཁན་ངེད་ཅག་བོད་པ་སྤྱི་ཡིན་པ་ལས་ཁོ་ཚོས་སོ་སོ་བཟོ་བ་མིན་པ་འདི་རེད་བསམ། རང་ངོས་ནས་ང་བླ་མ་དང་ང་གུ་རུ་ཡིན་ཟེར་མཁན་རྒྱ་གར་བ་ཨ་ཏི་ཤ་དང་ཨབ་གྷན་པ་གུ་རུ་གཉིས་ལས་བོད་ལ་བྱོན་ཨེ་ཡོད། ཁོང་གཉིས་བྱོན་སྐབས་ཡང་བོད་བཙན་པོ་དུས་སྐབས་ལས་ད་ལྟ་ནང་བཞིན་ཉམ་ང་བ་མེད་པ་དེ་རེད། བོད་འདིམའདྲ་ཞིག་ཆགས་དགོས་བའི་རྒྱུ་མཚན་ནི་བླ་མ་དང་དགེ་བཤེས་བེད་སྤྱོད་མཁན་ཚོ་ཡིན་པ་འདྲ།

24. སྤྲུལ་སྐུ་བཟོ་མཁན་བོད་མི་དམངས་མིན། སྤྲུལ་སྐུའི་བཟོ་གྲྭ་ཆེ་ཤོས་གཉིས་ཀྱི་བདག་པོ་བོད་མི་དམངས་མིན། བཟོ་གྲྭ་དེ་གཉིས་ཀྱི་ནང་ནས་སྤྲུལ་སྐུ་ཐོན་པ་རྣམས་བོད་མི་དམངས་ཀྱིས་ངོས་ལེན་མ་བྱས་ན་བཟོ་གྲྭའི་རྒྱུ་བདག་གཉིས་ཀྱིས་བོད་མི་དམངས་ལ་འཇིགས་སྐུལ་དང་བཙན་གནོན་བྱེད་ཀྱི་རེད། ཁོ་ཚོས་བཟོ་པའི་སྤྲུལ་སྐུ་རྣམས་ལ་བོད་མི་དམངས་ཀྱིས་ངོས་ལེན་མི་བྱེད་རང་བྱེད་རེད། གཅིག་་གིས་མེ་མདའ་གྱིས་འཇིགས་སྐུལ་དང། གཅིག་གིས་དམྱལ་བའི་ནང་དུ་གཡུག་གྱི་ཡིན་ཟེར་ནས་བོད་མི་དམངས་ལ་འཇིགས་སྐུལ་བྱེད་ཀྱི་རེད།

    ཤཀྱའི་རྒྱལ་པོ་ཡང་ཤི་ཚར་དུས་ཕྱིར་ཡོང་ཡ་མི་འདུག་ཀྱང་བོད་པའི་སྤྲུལ་སྐུ་དེ་དག་ག་དུས་ཡིན་ནའང་དག་ཞིང་ལ་མ་བསྡད་པར་བོད་ལ་ཕྱིར་ལོགས་ཡོང་གི་འདུག ཕྱིར་བསླེབས་དུས་ལྐུགས་པ་ཆགས་ནས་བསླེབས་འོང་གི་འདུག ཀ་ཁ་ག་ང་ཡང་བརྗེད་ཚར་འདུག ད་དུང་སྤྲུལ་པའི་སྐུ་ཡིན་ན་ཅིག་ཟེར་གི་འདུག་ལ་ཐམས་ཅད་མཁྱེན་པ་ཡིན་ན་ཅིག་ཡིན་ཟེར་ནས་རྫུན་བཤད་ཀིན་བཤད་ཀིན་བསླེབས་ཡོང་གི་འདུག ངོ་མ་སྐྱུག་མེར་ལངས་ཡ་རང་རེད། བོད་མི་དམངས་མགོ་སྐོར་རང་རེད།

25. བོད་པ་ནས་སྤྲུལ་སྐུ་ལ་ཡིད་ཆེ་དང་དགོས་པ་མ་མཐོང་ན་སྤྲུལ་སྐུ་ཡོང་གི་རེད་དམ། ཤ་ཟ་མཁན་མེད་ན་བཙོང་མཁན་དང་བཤའ་མཁན་ཨེ་ཡོད།

26. ཤཀྱའི་རྒྱལ་པོས་རྒྱལ་སྲིད་གཡུགས་ནས་ཕེབས།
    བོད་པའི་སྤྲུལ་སྐུས་རྒྱལ་སྲིད་བདག་བཟུང་བྱས།
    ཤཀྱའི་རྒྱལ་པོས་རྒྱལ་གཞི་གཡུགས་ནས་ཕེབས།
    བོད་པའི་སྤྲུལ་སྐུས་རྒྱལ་གཞིར་བདག་བཟུང་བྱས།
    ཤཀྱའི་རྒྱལ་པོས་ལྷུང་བཟེད་ཁུར་ནས་ཕེབས།
    བོད་པའི་སྤྲུལ་སྐུས་སྤྱི་ནོར་བདག་བཟུང་བྱས།
    ཤཀྱའི་རྒྱལ་པོས་དམ་པའི་ཆོས་འཁོར་བསྐོར།
    བོད་པའི་སྤྲུལ་སྐུས་ཆོས་མིན་སྲིད་མིན་བཤད།
    ཤཀྱའི་རྒྱལ་པོས་བདག་འཛིན་སྤོང་དགོས་གསུངས།
    བོད་པའི་སྤྲུལ་སྐུས་ཡུལ་གྱི་བདག་དབང་འཛིན།
    ལྷ་ཆོས་མ་བྱས་ཤཀྱའི་བཀའ་དང་འགལ།
    མི་ཆོས་མ་ཤེས་ཡུལ་ལུང་དགྲ་ལ་ཤོར།
    ཆོས་མིན་སྲིད་མིན་འབྲུག་སྟོང་གྲགས་གྲགས་ཀྱིས།
    བོད་ཀྱི་མི་རིགས་ངོ་བོ་སྟོང་ལ་མྱུར།

27. ངེད་བོད་པ་ཚང་ལ་དགོན་པ་དགོས།
    མ་སེམས་ཅན་གཉེར་བའི་བླ་མ་དགོས།
    སྡོམ་དམ་ཚིག་གཙང་བའི་གྲྭ་བ་དགོས།
    མདོ་སྡེ་རྒྱན་འཆད་པའི་ཆོས་པ་དགོས།
    ༜༜༜༜༜༜༜༜༜༜༜༜༜༜༜༜༜༜༜༜
    ངེད་བོད་པ་ཚང་ལ་སློབ་གྲྭ་དགོས།
    སེམས་བསམ་པ་དཀར་བའི་དགེ་རྒན་དགོས།
    ལས་ཧུར་བརྩོན་ལྡན་པའི་སློབ་བུ་དགོས།
    བོད་ཕོ་མོ་ཀུན་ལ་ཡོན་ཏན་དགོས
    ༜༜༜༜༜༜༜༜༜༜༜༜༜༜༜༜༜༜༜༜༜
    ངེད་བོད་པ་ཚང་ལ་ཁྲོམ་ར་དགོས།
    རྒྱུ་དཔལ་འབྱོར་ཅན་གྱི་ཚོང་པ་དགོས།
    སྒོར་ལག་ལ་ཡོད་པའི་ཉོ་མཁན་དགོས།
    བོད་ཕྱི་ནང་ཡོང་པའི་ཚོང་རྫས་དགོས།
    ༜༜༜༜༜༜༜༜༜༜༜༜༜༜༜༜༜༜༜༜

28. དོལ་པོ་བའི་སེམས་ཀྱི་ཅོང་ནད་དགུ་འགྱུར་མ་ཕྱིར་ཕྱུང་བ་ལ། བོད་རིགས་ཡོད་དོ་ཅོག་གིས་བསམ་བློ་ལོས་གཏོང་དགོས། ཁྱེད་དང་མཉམ་དུ་གདུང་སེམས་བསྐྱེད་ཡོད་དོ། བལ་ཡུལ་གྱིས་བྲམ་ཟེ་བ་ཚོས་གངས་བརྒྱུད་ཀྱི་བོད་རིགས་ཚོ་ལ་་་སྦོ་ཀྲེ་་་ཟེར་ནས་རིགས་ངན་དུ་བལྟས་ནས་མཐོང་ཆུང་དང་བརྙས་བཅོས་ཚད་མེད་པ་བྱས་ཡོད་པ་རེད། བརྙས་བཅོས་གཏོང་སྟངས་འདི་ནི་ཕལ་ཆེར་མི་ལོ་བརྒྱ་ཕྲག་ཁ་ཤས་ནས་ད་ལྟའི་བར་འདི་མུར་འགྲོ་བཞིན་པའི་གནད་དོན་ཞིག་ཡིན། གནད་དོན་འདི་ལ་གངས་བརྒྱུད་ཀྱི་བོད་རིགས་ཡོངས་རྫོགས་གཅིག་ཏུ་བསྒྲིལ་ནས་ལས་གཞི་གནད་ལ་འཁེལ་བ་ཞིག་སྤེལ་མ་ཐུབ་ན། ཁྲེལ་མེད་ཁོ་ཚོས་ནི་དུས་དང་རྣམ་པ་ཀུན་དུ་བརྙས་བཅོས་བྱེད་ཀྱང་ཡིན་པ་ཀུན་གྱིས་ལོས་ཤེས། ད་གང་བྱེད་ན་ཡག་གམ། བསམ་བློ་ཐོངས། ཀླད་པ་དཀྲུགས། བལ་པོའི་བོད་རིགས་ཡོངས་རྫོགས་མཉམ་འབྲེལ་གྱིས་ནུས་ཤུགས་གཅིག་ཏུ་བསྒྲིལ་ཐུབ་བམ། དེེ་མ་བྱུང་བ་ཡིན་ན་ལས་དོལ་པོའི་བོད་རིགས་ཡོངས་རྫོགས་རྡོག་རྩ་བཅིག་ཏུ་བསྒྲིལ་ཐུབ་བམ། འདི་གཉིས་ནི་གཞན་ལ་རེ་མི་དགོས་པར་ཁྱེད་རང་ཚོ་ལ་ཡོད་པའི་སྟོབས་ཤུགས་དངོས་གནས་དེ་རེད། འདི་ནི་བལ་ཡུལ་གྱི་བྲམ་ཟེ་ཚོ་སྐྱག་པ་ཤོར་ཤོར་བཟོ་བྱེད་ཀྱི་ལག་ཆ་ཡག་ཤོས་དེ་རེད། ཡིན་ནའང་དྲང་པོ་དང་བདེན་པ་འཚེ་བ་མེད་པ་གཞི་རུ་བཟུང་དགོས། འདི་ནི་ང་ཚོ་བོད་རིགས་ཚོ་ལ་ཡོད་པའི་དངོས་མེད་ཀྱི་ལག་ཆ་་ནུས་རྩལ་ཆེ་ཤོས་དེ་ཡིན། བལ་ཡུལ་གྱི་བོད་རིགས་ཚོས་འཛམ་གླིང་ངེས་པར་དུ་མཐོང་དགོས་ལ། འཛམ་གླིང་གིས་ཀྱང་བལ་ཡུལ་གྱི་བོད་རིགས་ཚོ་དམིགས་བསལ་གྱི་མཐོང་ཐུབ་པ་ཞིག་ནི་ངེས་པར་དུ་བཟོ་ཐུབ་དགོས་པ་རེད། །

    དོལ་པོ་བ་ཚོ་མི་འབོར་ཆེན་པོ་དེ་འདྲ་རང་མིན་དུས། མི་གྲངས་གང་ཡོད་པ་དེ་ནང་ཁུལ་མཐུན་ལམ་ཡག་པོ་ཡོད་དགོས། དཔེར་ན་ལོ་རབས་བརྒྱད་ཅུའི་སྨད་དང་དགུ་ཅུའི་སྟོད་དེ་འདྲ་ལ་ངས་གོ་བ། དོལ་པོ་ཚར་ཁ་ཟེར་ས་དེར། ལོ་རྒྱུས་ཅན་གྱི་བོན་པོའི་ཁྱིམ་ཚང་ཞིག་ལ། དབྱར་ས་དང་དགུན་ས་ཟེར་ནས་ཕ་མེས་ཀྱི་དུས་ནས་དབང་བའི་ས་ཆ་གང་འཚམས་བདག་དབང་དུ་ཡོད་སྐད་འདུག རྗེས་སུ་བལ་ཡུལ་དམངས་གཙོ་ལ་བསྒྱུར་དུས། ཡུལ་དེ་གའི་བན་དེ་ཚོས་དམངས་གཙོ་ཁ་ལ་ཁྱེར་ནས། བོན་ཁྱིམ་དེའི་ས་ཆ་མང་པོ་བཙན་ཕྲོགས་བྱས་སོང་ཟེར་ནས་མིག་ཆུ་ལྷན་དུ་སྡུག་སྐད་འདོན་བཞིན་པ་ངས་དངོས་སུ་མཐོང་། ཐུབ་ས་ཞིག་ལ་དེ་འདྲ་ཐུབ་ཚོད་བཏང་ན་ཡག་པོ་རྩ་བ་ནས་མ་རེད་བ། མི་ཐུབ་ས་ལ་ཐུག་དུས་ག་རེ་བྱེད་ཐུབ་ཀྱི་འདུག་གམ། མདོག་སྐྱ་འདི་ལ་ལྟོས། བསམ་བློ་ཡག་པོ་ཐོངས། ཁྱེད་ཚོས་བཙན་དབང་གིས། ཕ་མེས་ནས་དབང་བའི་བོན་ཁྱིམ་དེའི་ས་ཆ་ཕྲོགས་ཚད་ངེས་པར་དུ་ཕྱིར་སློག་བྱོས། ཕྱི་ལ་ཞབས་བྲོ་འཁྲབ་པ་ལ། ནང་དུ་རྡོག་གྲ་བསྒྲིག་དགོས་ཟེར་བ་དེ་བོད་མའི་ཁ་དཔེ་རེད་ད། དང་པོ་ནང་ཁུལ་ཁ་ཡོད་ལག་ཡོད་ཀྱི་སྐྱིད་སྡུག་ཡོད་པ་བྱོས་ཤིག ། །

29. བོན་པོ། ར་ཤ་གསར་བའི་དུག་རོ་རྙིང་བ་མ་ལོང་། བན་བོན་བརྩད་བསྡད་ན་སྟོད་ཕྱོགས་ནས་བོན་པོ་གང་ཞིག་གིས་བདས་རྗེས་སྨད་ལ་སོང་། ད་ལྟའི་ཇོ་ནང་བ་གཞི་ཆགས་སའི་འཛམ་ཐང་དགོན་ནི་སྔོན་བོན་དགོན་སྨད་ལ་བྱོལ་རྗེས་གཞི་ཆགས་ས་ཡིན་ལ་རྗེས་སུ་གཙང་ནས་ཇོ་ནང་ཡང་བྱོལ་དགོས་བར་ཐུག་དུས་སྨད་དུ་སོང་ནས་འཛམ་ཐང་ན་གསར་ཆགས་ཀྱི་བོན་སྒོན་རྔ་ཁོག་ལ་གནས་སྤོར་བཅུག་པའི་ལོ་རྒྱུས་ཡོད་རེད། ཐད་གར་བརྗོད་ན་བསྟན་པ་ཕྱི་དར་ནས་བཟུང་ད་བར་ངེད་ཅག་གིས་འདིའི་རིགས་བརྩད་བསྡད་ནས་འགོ་ཚག་མ་དོམ་པ་རེད། ད་ལྟའི་སྐབས་འདི་ལ་སྒང་བ་ཚང་ལ་ཡོད་ན་མེད་ན་ངོམ་ཆོག་པ་གཅིག་ཡོད་པ་ནི་མི་བུ་བསྟན་འཛིན་རྒྱ་མཚོ་ཁོང་རེད། ཁོང་གིས་ནི་འཛམ་གླིང་སྤྱི་དང་བྱེ་བྲག་དུ་སྒང་བ་ཚང་གི་ཆོས་རྒྱུད་ཚང་མའི་ཞྭ་མོ་འདྲ་མིན་གོན་བཞིན་པ་འདི་རེད།

30. ཆོས་འཕེལ་དར་རྒྱས་ལགས།
    བཀའ་སློབ་གནང་བ་ལེགས་བྱུང་། འདིར་དོལ་པོ་ཚོའི་སྐྱིད་སྡུག་གླེང་ས་ལ་ངས་ཀྱང་དོལ་པོ་ཚོའི་སྐྱིད་སྡུག་ཅིག་གླེང་བ་ཡིན། དཀར་ན་དཀར་མཉམ་དང་ནག་ན་ནག་མཉམ་ཡིན་ནོ། ཁྱེད་ཀྱིས་གསུངས་པ། ༼ད་ལྟའི་ཇོ་ནང་བ་གཞི་ཆགས་སའི་འཛམ་ཐང་དགོན་ནི་སྔོན་བོན་དགོན་སྨད་ལ་བྱོལ་རྗེས་གཞི་ཆགས་ས་ཡིན་ལ་རྗེས་སུ་གཙང་ནས་ཇོ་ནང་ཡང་བྱོལ་དགོས་བར་ཐུག་དུས་སྨད་དུ་སོང་ནས་འཛམ་ཐང་ན་གསར་ཆགས་ཀྱི་བོན་སྒོན་རྔ་ཁོག་ལ་གནས་སྤོར་བཅུག་པའི་ལོ་རྒྱུས་ཡོད་རེད།༽ ལོ་རྒྱུས་འདི་ག་བར་གསལ་ཡོད་དམ་གཅིག་གསུངས་རོགས་གནོངས། བཀའ་དྲིན་ཆེ། །

31. ངེད་ནས་ཇོ་ནང་བླ་མ་ཡོན་ཏན་བཟང་པོ་ཞལ་བཞུགས་སྐབས་ཁོང་ནས་གསན་མྱོང་། འདིར་རག་ཙམ་ཞིག་ལྟ་སར་འདུག http://jonangwellbeing.org/j/index.php?option=com_content&view=article&id=20:2011-08-17-10-15-57&catid=16:2011-08-14-12-08-43&Itemid=23

32. གནས་མ་ངན་ངན་ཙམ་གྱིས་ཆོག་ཤེས་དང་།
    ཐོས་བསམ་སྒོམ་པའི་སྒྲུབ་ལ་རྟག་ཏུ་སྦྱོར།
    འབུལ་བ་ཆུང་ཆུང་ཙམ་གྱིས་ཐུགས་དགྱེས་པས།
    ལེན་དང་གྲགས་པ་མེད་པས་ཆོས་འཁོར་སྐོར།
    སྤྱི་འཁོར་སྡུས་སྡུས་ཙམ་ལ་ཐུགས་བརྩོན་པས།
    སངས་རྒྱས་ཡིད་དམ་ཀུན་གྱིས་རྗེས་སུ་བཟུང་།
    རང་ཉིད་དམན་དམན་ཙམ་གྱིས་དོན་སྒྲུབ་པས།
    སྐྱེ་བོ་མཐོ་དམན་ཡོངས་ཀྱིས་སྐྱབས་སུ་སྐུལ།
    དེ་ལྟར་མཛད་པའི་ཤཱཀྱ་ཐུབ་པ་སོགས།
    རྒྱ་གར་འཕགས་པའི་ཡུལ་གྱི་སྤྱོད་ལུགས་ཡིན།

    གནས་མ་བཟང་བཟང་དེས་ཀྱང་ཆོག་མི་ཤེས།
    ཐོས་བསམ་སྒོམ་པའི་བྱ་བ་ཟོལ་གྱིས་སྟོན།
    འབུལ་བ་ཆེ་ཆེ་ཕྱོགས་སུ་ཐུགས་དགྱེས་ནས།
    འཁོར་དང་སྙན་གྲགས་ཙམ་གྱིས་ཚུལ་ཆོས་སྨྲ།
    ལྷ་ཚོགས་བརྒྱ་ཕྲག་བརྒལ་བར་སྒྲུབ་སྦྱོར་ཡང་།
    ལྷ་གཅིག་ཐུགས་ཀྱིས་མ་ཟིན་མཐར་མ་པ།
    རང་ཉིད་བདེན་བདེན་འཛིན་ནས་གཞན་ལ་རྒོལ།
    གཞན་གྱིས་བདེན་ཁ་མི་སྐུལ་རང་ས་ཤོར།
    དེ་ལྟར་མཛད་པའི་བོད་ཀྱི་བླ་དཔོན་དང་།
    ཁ་བ་ཅན་གྱི་མི་ཡིས་སྤྱོད་ལུགས་ཡིན།

33. ༼རབ་བྱུང་དང་པོའི་མེ་སྟག་ཕྱི་ལོ་༡༡༤༦ལ་བོན་བསྟན་དར། རབ་བྱུང་བདུན་པའི་ཤིང་སྦྲུལ་ལོ་༡༤༢༥ལ་ཇོ་ནང་དུ་བསྒྱུར་བ་ནས་བཟུང་དུས་རབས་བཅུ་བཞིའི་དུས་དཀྱིལ་ཙམ་དུ་ཚེས་བཅུ་རངྣ་ཀཱིརྟིས་དགོན་འདི་ཕྱག་འདེབས་བྱས་པར་སྣང༌།༽ ཡང་ཁྱེད་ཚོས་ཀྱང་ལོ་ངོ་༢༧༨་ཅན་གྱི་བོན་དགོན་ཞིག་ཇོ་དགོན་ལ་བསྒྱུར་འདུག་བ། །
    ཁྱེད་ཇོ་ནང་པའི་ཐུགས་དམ་ཡོད་ན་མེད་ན་དེ་གང་ཡིན་ནམ། འཐོབ་བྱའི་འབྲས་བུ་དེ་གང་ཡིན་ནམ། མདོར་བསྡུས་ཤིག་གསུངས་རོགས་གནོངས། །

34. བསྟན་འཛིན་ལགས། །
    ད་གང་ཤེས། ང་ལ་་་བན་རྡེ་རྗི་་་་གྲོགས་པོ་མང་པོ་ཡོད་ད། གཅིག་བྱས་ན་ཁྱེད་ལས་ང་རྒྱུས་ཆེ་ཡོང་། །

35. ཧ་ཧ། འདྲི་ས་དང་བཤད་ས་གཉིས་ཆ་ནོར་ཡོད་ས་རེད་དོ། མ་གཞི་ལོ་རྒྱུས་ནི་ལོ་རྒྱུས་རེད་ལ་ཁྱད་པར་མི་འདུག ངེད་ལ་ནི་བན་བོན་གྱི་དབྱེ་བ་མེད་ལ་ཆོས་ལུགས་ཀུན་ནས་མཁོ་བ་ལེན་མཁན་དང་མི་དགོས་བ་དོར་མཁན་ཞིག་ཡིན། བོན་པོ་ནས་རང་ལ་ཕན་ཐོག་པའི་ཆོས་ལེན་མྱོང་ལ། ཇོ་ནང་བ་ནས་ཡང་ལེན་མྱོང་། ས་སྐྱ་ནས་ཆོས་ཞུ་མྱོང་ལ། བཀའ་རྒྱུད་ནས་ཡང་མྱོང་། དགེ་ལུགས་ནི་བཤད་ཅི་ལ་དགོས། དེ་བཞིན་ཡེ་ཤུའི་ལྷ་ཁང་ནས་མཆོད་མེ་མཆོད་མྱོང་ལ་ཁ་ཆེའི་ལྷ་ཁང་ནས་ཡང་གསོལ་བ་འདེབ་མྱོང་ངོ་།

36. ཆོས་འཕེལ་དར་རྒྱས་ལགས།
    ཧིན་རྡུ་ག་བར་ཕྱིན་པ་ཡིན་ནམ། མཐོང་ས་ལ་མི་འདུག་བ། ཧཧཧ
    དངོས་གནས་ཁྱེད་འདྲ་པོ་ཞིག་བྱུང་སོང་ན་རྗེས་སུ་ཡིད་རངས་ཡོད།
    བདེན་པ་གསུངས་འདུག འདིར་དོལ་པོའི་སྐྱིད་སྡུག་གླེང་ས་ཡིན་ད།
    དོལ་པོའི་ཕོ་གསར་སྟག་འདྲ་གཟིག་འདྲ་དེས་དཔེ་ཡག་པོ་བྲིས་འདུག བོད་མི་རིགས་ཟེར་ནས་སྨྲས་འདུག་པས་དངོས་གནས་དགའ་པོ་བྱུང་། ཁོའི་ཁ་ལ་མར་བྱུག ད་ནས་བཟུང་བོད་པ་ཚོས་ཁོང་ཚོ་ལ་ཧི་མི་དང་། ཧི་མ་ལ་ཡི་མི་རིགས་ཟེར་ནས་ཟུར་འདོན་མ་གནང་རོགས། །

37. ཚེ་གཅིག་ལུས་གཅིག་སངས་རྒྱས་་འདོད་ན་།
    ཆོས་ལུགས་མ་འདྲེས་་གཅིག་ལ་རྟེན་།
    ལྟ་སྤྱོད་གཙང་མའི་རྒྱུད་པ་སྤེལ་།
    ཐབས་དང་ཤེས་རབ་དེ་ནས་སྙེད་།
    ཆོས་ལུགས་མང་ན་འཆོལ་་བ་ཡིན་།
    སྟོང་པའི་ངང་ལ་དུས་ཚོད་རྫོགས་།ཧ་ཧ་

38. དོལ་རྒྱལ་ཚོགས་པས་ཨི་ཊ་ལི་ལ་རྒྱལ་དབང་མཆོག་གི་ཆིབས་སྒྱུར་ལ་ངོ་རྒོལ་བྱ་རྒྱུ་རེད་འདུག འདིར་ཁོང་ཚོའི་འཆར་གཞིག་ཁག་གཅིག་འདུག ཚང་མས་རྒྱ་ཆེར་སྒྲོགས་རོགས།

    http://internationalshugdencommunity.com/prebooking-advice-rome-demos/

39. བླ་མ་དང་སྤྲུལ་སྐུ་རྣམས་ནི་ནང་ཆོས་ལ་དད་པ་དང་དམ་ཚིག་ཅན་ཀྱི་མི་རིགས་རྣམས་དང་། ལྷག་པར་ད་ཡང་བོད་མི་རིགས་འདི་ལ་བྱས་རྗེས་ཆེན་པོ་འཇོགས་གནང་ཡོད་ལ་བོད་མི་རིགས་གི་གུས་བསྐུར་ཞུ་འོས་པ་ཞིག་རེད། དེ་མིན་ཅོ་རི་ཉི་མའི་བླ་མ་ང་བླ་མ་ཟེར་མཁན་དོད་འདྲེ་ལ་དད་པ་བྱེད་མཁན་དང་དོད་འདྲེའི་རྗེས་འཇུགས་དང་རྒྱ་གུང་ཁྲན་གི་རྒྱུག་ཁྱི་xxལྟར་མ་རེད་

40. བློ་དོལ་བོའི་ལུང་པར་ང་རང་བོད་ནས་ཕྱི་ལོ་1959 ལོར་སྐྱབས་བཅོོལ་དུ་ཡོང་སྐབས་ལམ་ཁ་དེ་ནས་ཡོང་པ་ཡིན་།དོལ་པོའི་ལུང་པ་
    དམུ་དང་བ་རོང་ཞང་པ་དངས་དཀར་རྫོང་་ཕ་ལག་དང་སང་དགས་་སོགས་ལ་ལོ་
    མང་པོ་སྡོད་མྱོང་བས་བདེན་དཔང་ཐུབ་པའི་གནས་ཚུལ་བྲིས་པར་ཅགའ་པ་བྱུང་
    ཐུགས་རྗེ་ཆེ་།

41. ཁམས་གསུམ་སེམས་ཅན་བསད་ལས་སྡིག་ཆེ་བ་།
    བྱང་ཆུབ་སེམས་པ་རྣམས་ལ་བཀུར་བ་བཏབ་།
    དོན་མེད་སྡིག་ཆེན་བསགས་པ་འཐོལ་ལོ་བཤགས་།
    སྡིག་མཁན་ཁྱོད་སྙིང་རྗེ་ཡ་ང་ཤ་་ཚ་་