སྨར་གྲྭ་ཐུབ་བསྟན་རྒྱལ་མཚན།
གངས་ལྗོངས་ཆོས་བརྒྱུད་ཆེན་པོ་བཞིའི་ཡ་གྱལ་དཔལ་ལྡན་ས་སྐྱ་པའི་ལུགས་གཉིས་ཀྱི་དབུ་ཁྲིད་དམ་པ་སྐྱབས་མཆོག་༧གོང་མ་བདག་ཁྲི་རིན་པོ་ཆེ་མཆོག་གིས་ཉེ་ཆར་ཕྱི་ཟླ་༡༢ ཚེས་༡༡ ཉིན་དཔལ་ས་སྐྱའི་འཇིག་རྟེན་ཞི་བདེ་སྨོན་ལམ་ཆེན་མོ་ཐེངས་ཉེར་གསུམ་པའི་ཚོགས་ཕེབས་བླ་སྤྲུལ་མཁས་དབང་འདུས་པ་ཡོངས་ལ་མ་འོངས་པའི་ས་སྐྱ་ཁྲི་པའི་ལམ་སྲོལ་ལ་འཕོ་འགྱུར་ཇི་ཕྱིན་སྐོར་བཀའ་ཡིག་དང་སྦྲགས་གསལ་བསྒྲགས་ཤིག་བསྐྱངས་ཡོད། མ་འོངས་སྔོན་གཟིགས་ཀྱི་ཚུལ་དུ་གང་ཉིད་ཀྱི་ཐུགས་ཀློང་ཡེ་ཤེས་ཆེན་པོས་དུས་ལས་གཡོ་བ་མེད་པར་གཟིགས་ནས་རླབས་ཆེན་གྱི་མཛད་པ་འདིས་གནམ་འོག་གི་སྐྱེ་འགྲོ་མང་པོ་དང་བ་འདྲེན་སོང་ལ། ལོ་རྒྱུས་ཀྱི་དེབ་ཐེར་དག་ན་གསེར་ཡིག་གི་དབུ་འཁྱུད་བཀོད་གནང་སོང་། དེ་རིང་གི་འཕོ་འགྱུར་འདི་ནི་སྤྱིར་ན་བོད་གངས་ཅན་པའི་ཁ་རྗེ་དང་ལས་དབང་ཡང་དགོས་དཔལ་ལྡན་ས་སྐྱ་པའི་ཆོས་བརྒྱུད་འདིར་འབྲེལ་བ་དམ་ཟབ་ཡོད་པའི་འགྱུར་ལྡོག་ཞིག་ཡིན།
འགྱུར་ལྡོག་འདིའི་བརྒྱུད་ནས་མ་འོངས་པའི་ཁྲིར་ཕེབས་སྐུའི་གདུང་སྲས་རྣམ་པར་མཚོན་ན་ཡང་མཁྱེན་རྒྱ་དང་དྲང་ཚུགས་ཐུགས་གཤིས་སོགས་གང་ལ་ལྟས་ཀྱང་འོས་མཚམས་ཤིག་དང་། རང་ཡུལ་གངས་ཅན་པའི་ལས་དབང་དང་ཆོས་བརྒྱུད་འདིར་སྲིད་ཞུ་དང་འཕྲིན་ལས་ཀྱི་གྲོགས་དན་ཡོང་ངེས་ཤིག་ཡིན་པས་ནམ་ཡང་ཐེ་ཚོམ་མེད། འོན་ཀྱང་འདས་པའི་མི་ལོ་ལྔ་ཅུ་ལྷག་གི་རིང་ང་ཚོའི་སེམས་ནང་ཚ་འུར་འུར་གྱི་བདེ་སྐྱིད་ཅིག་ཡོད་པ་དེ་ནི་ཆོས་བརྒྱུད་འདི་ལ་ཆིག་སྒྲིལ་དང་ཐུགས་མཐུན་དྭངས་གཙང་གི་ཁོར་ཡུག་གཅིག་ཡོད་པ་དེ་ཡིན། དེ་ནི་ཁྲི་ཐོག་ཞེ་གཅིག་པ་འདིས་གྲང་ངར་གདོང་དུ་བཟེད་བཀའ་སྡུག་ཁུར་དུ་བླངས་པ་ལ་རྟེན་ནས་བྱུང་བ་ཞིག་ཡིན་པས་ཁོང་གི་བཀའ་དྲིན་ནི་ང་ཚོས་ནམ་ཡང་བརྗེད་ཐབས་མེད། མ་ཟད་བོད་ཀྱི་ཆོས་ལུགས་སྤྱི་དང་བྱེ་བྲག་དཔལ་ལྡན་ས་སྐྱ་པའི་ལུགས་གཉིས་གང་ཐད་ནས་ས་སྒང་ཧྲིལ་པོ་འདིའི་སྒང་མིང་ཙམ་ལས་ཉམས་ཆགས་འགྲོ་ལ་ཉེ་བའི་སྐབས་འདིར་རྗེ་འདི་ལས་ལྷག་པའི་བཀའ་དྲིན་ཆེ་བ་ཞིག་མ་བྱུང་ཟེར་ནའང་ཆོག།
དེ་ལྟ་བུ་བཀའ་དྲིན་དང་ཐུགས་རྗེ་བླ་ལྷག་ཏུ་ཆེ་བའི་ཁྱབ་བདག་དཔལ་ལྡན་བླ་མ་དམ་པ་གང་ཉིད་འབྱུང་གྱུར་ལོ་ཤས་ནང་ཁྲི་ཟུར་ལ་བཞུགས་རྒྱུའི་ཡིན་པས་གསལ་བརྡ་འདི་བཞིན་ཆེས་ཐོག་མ་རྣ་བར་གོ་དུས་རང་ཉིད་བསོད་དམན་གྱི་གང་ཟག་ཞིག་ཡིན་པ་དང་ཚེ་འདིར་གནས་ཚུལ་འདི་ལྟ་བུ་ཞིག་མཐོང་ཐོས་ཀྱི་ཡུལ་དུ་གྱུར་པའི་གང་ཟག་ཞིག་གི་གྲལ་དུ་སྐྱེས་པ་འདི་བསོད་ནམས་ཡང་ཟད་འགྱུར་རྒྱུ་ཞིག་ལས་ཅི་ཡོད་སྙམ་པའི་བློ་ཕམ་དང་སྨྲེ་ངག་བྱེད་མཁན་ཉུང་ཉུང་གཏན་ནས་མིན། དེ་ལྟ་བུ་བློ་ཕམ་དང་སྨྲེ་ངག་དེ་དག་མི་སྐད་གསོན་པོ་ཞིག་གི་འདུ་ཤེས་ལ་བཞག་ནས་ས་སྐྱ་པ་གཞི་བྱེས་གཉིས་དང་འཛམ་གླིང་ས་ཕྱོགས་གང་སར་ཡོད་པའི་ལྷ་སྡེ་ཆབ་འབངས་ཡོངས་རྫོགས་ཀྱིས་བློ་གཞི་གྲོས་རྒྱས་ངང་ནས་སླར་ཡང་རྩེ་གཅིག་ཏུ་མགོན་པོ་གང་ཉིད་ལ་ལས་འཆར་འདི་མ་འོངས་པའི་ལམ་སྟོན་ཞིག་གི་ངོ་བོར་བཞག་ནས་འདྲེན་མཆོག་དམ་པ་གང་ཉིད་ཇི་སྲིད་འཁོར་བ་མ་སྟོང་གི་བར་དུ་དཔལ་ལྡན་ས་སྐྱ་པའི་ཆོས་སྲིད་གཉིས་ཀྱི་དབུ་ཁྲིད་ལས་ནམ་ཡང་མི་གཡོ་བ་བཞུགས་རྒྱུའི་གསོལ་འདེབས་ཤིག་བྱ་དགོས་པ་དེ་ནི་ཁ་ཚ་དགོས་གཏུགས་ཀྱི་ལས་འགན་ཞིག་ཏུ་མཐོང་། ལ་ལས་གསལ་བསྒྲགས་ཀྱི་བཀའ་ཡིག་དེ་བསྐྱར་བཤུས་ཡང་བཤུས་བྱས་ནས་གཏམ་བཟང་ཉིད་དུ་རློམ་ནས་དགའ་འགུའི་རྟགས་སྣ་ཚོགས་དང་བཅས་རྒྱུད་ལམ་ཇི་ཡོད་ལ་བཀྲམ་སོང་ཡང་། གནས་ཚུལ་འདི་ནི་དགའ་འགུ་ཡིད་རངས་བྱེད་དགོས་པའི་གཏམ་བཟང་ཞིག་ཏུ་ངོས་འཛིན་དགོས་གལ་མ་མཐོང་།
གང་ཉིད་ཀྱིས་དབུ་ཁྲིད་ལམ་སྟོན་གྱི་འོག་ཆོས་བརྒྱུད་འདི་མི་ལོ་ལྔ་ཅུ་ལྷག་གི་རིང་ལ་འགྲན་ཟླ་མེད་པའི་ཆིག་སྒྲིལ་གྱི་སྟོབས་ཤུགས་སོགས་ཕྱོགས་གང་ལ་ལྟས་ནའང་ལེགས་ཕྱོགས་སུ་ཕྱིན་པ་ལས་ལམ་སྲོལ་འདི་དང་དབུ་ཁྲིད་འདིར་འགྱུར་བ་ཞིག་ཕྱིན་ན་བསམ་པའི་ཡིད་མ་རངས་པའི་ཀུན་སློང་དང་རྣམ་འགྱུར་སུ་ལ་ཡང་སྐྱེས་མྱོང་དང་ཐོན་མྱོང་མེད། མདོར་ན་དཔལ་ལྡན་ས་སྐྱ་པ་ཞེས་བོད་གངས་ཅན་གྱི་ལྗོངས་དང་ཆེན་པོ་ཧོར་གྱི་ཡུལ་ཁམས་ཚུན་ཆད་ནས་འཕྲིན་ལས་ཀྱི་གདུགས་དཀར་ཆེས་ཆེར་གཡོ་བའི་ཆོས་བརྒྱུད་འདིར། ལོ་ངོ་དགུ་བརྒྱ་ལྷག་ཙམ་རིང་བྱུང་མ་མྱོང་བའི་འཕོ་འགྱུར་འདི་དེང་རབས་ཀྱི་ལམ་སྲོལ་དང་མཐུན་པའི་གསར་གཏོད་རང་བཞིན་ཅན་ཞིག་ཡིན་ནའང་། ཕ་ཡུལ་གངས་ཅན་དང་ཁ་ཐག་རིང་ས་ཞིག་དང་གཞིས་བྱེས་བོད་མི་ཡོངས་ཀྱི་ཡི་ཆེས་དང་རེ་བ་བཅོལ་ས་ཞིག་ནས་འདི་ལྟར་འགྱུར་ལྡོག་ཞིག་གནང་ན་དེ་ལས་དཔགས་པའི་འབྲེལ་ཡོད་ཡོངས་ལ་གྲ་སྒྲིག་གི་འགན་ཁུར་ལྕི་མོ་རེ་ཡང་ངེས་པར་དུ་ཕྲག་ཐོག་ཏུ་བབ་པ་ཚོར་དགོས།
སྨར་གྲྭ་ཐུབ་བསྟན་རྒྱལ་མཚན་གྱིས་འཕགས་ཡུལ་མ་དགོན་བཤད་གྲྭ་ནས།
ཁྱིམ་ཚང་འདི་གཉིས་ཀྱི་ཁ་རྗེ་དབང་ཐང་དེ་བོད་སྤྱི་པའི་ཁ་རྗེ་དབང་ཐང་དང་འབྲེལ་བ་སྤུ་ཙམ་ཡང་ག་ལ་ཡོད། གསར་བཏོད་རྙིང་བཏོད་ག་རེ་ཡིན་ན་ཡང་བདག་ཆེན་འཇིགས་བྲལ་གྱི་བུ་ཚ་ཚོར་ཁྲི་དེ་ཕར་སྤྲོད་དང་དེས་མ་ཆོག་པ་མི་འདུག དེ་མིན་སུས་དགོངས་པ་ཞུས་མ་ཞུས་ལ་ང་ཚོར་བསམ་འཆར་ཅི་ཡང་མེད། གདུང་རྒྱུད་ཀྱིས་དགེ་འདུན་པའི་དབང་ཆ་འཛིན་སྲོལ་འདི་སྟོན་པ་ཐུགས་རྗེ་ཅན་གྱི་བསྟན་པ་དང་མི་མཐུན་པ་ཡིན་པས་ཁྱིམ་ཚང་དེ་ཁྱིམ་ཚང་སྒེར་བ་ཞིག་གི་སར་འདུག་ཐུབ་པ་བྱུང་ན་བསྟན་པའི་ཞབས་འདེགས་ངོ་མ་དེ་རེད།
སྤོབས་མཐའ་ལགས། ཁྱིམ་ཚང་འདི་གཉིས་ཀྱིས་ཡོད་ཚད་བློས་གཏང་ནས་ད་བར་བོད་རྒྱལ་ཁབ་དང་མི་རིགས་༧ གོང་ས་ཆེན་པོ་དབུ་འོག་དཔུང་འདེགས་ཞུས་པས་དཔལ་ལྡན་ས་སྐྱ་པའི་ལྷ་མི་སྡེ་ཡོངས་ནས་དགའ་ལྡན་ཕོ་བྲང་སྲིད་གཞུང་དང་བོད་མི་སྒྲིགས་འཛུགས་གཉིས་ལ་མི་རིགས་ཤིག་དང་དབུ་ཁྲིད་ཅིག་གི་འདུ་ཤེས་མི་འདོར་བའི་དམ་ཚིག་ཟུམ་ཁ་གཅིག་ཏུ་སྒྲིལ་ནས་གནས་ཐུབ་པ་དེ་བོད་སྤྱི་པའི་ཁ་རྗེ་དབང་ཐང་ལ་འབྲེལ་བ་མེད་པ་གཏན་ནས་མིན། ཁྱེད་རང་བདག་ཆེན་འཇིགས་བྲལ་གྱི་བུ་ཚ་ཚོས་ཁྲི་འདི་མ་རག་པའི་སེམས་ཁྲལ་ཡོད་མདོགས་བྱས་པ་དེ་ཁྱེད་ཁྱིམ་ཚང་འདི་གཉིས་ཀྱི་དབར་ན་དཀྲུགས་གཞི་ཞིག་གིས་མགོ་བརྩམས་ནས་རེ་སྟོང་གི་གོ་སྐབས་ཤིག་འཚོལ་གྱི་ཡོད་པ་ཟུར་ནས་གསལ་འདུག། གདུང་བརྒྱུད་ཀྱི་དགེ་འདུན་པའི་དབང་ཆ་འཛིན་པ་དེ་ཆོས་དང་མ་མཐུན་ན་སྲིད་དོན་རྐྱང་རྐྱང་གིས་བཟོས་པའི་སྤྲུལ་རྒྱུད་ཀྱིས་དབང་ཆ་ཟིན་པ་དེས་ཆོས་དང་མཐུན་ཚུལ་གང་འདྲ་ཡིན་ནམ།
ས་སྐྱ་བདག་ཁྲི་རིན་པོ་ཆེའི་དགོངས་པ་ཡག་པོ་འདུག རིམ་བཞིན་ཁྲི་འཛིན་ལ་མཁན་པོ་རྣམས་ཕེབས་ཐུབ་པའི་རེ་བ་ཞུ།
རིག་པའི་གླིང་ལགས། (ཁྱིམ་ཚང་འདི་གཉིས་ཀྱིས་ཡོད་ཚད་བློས་གཏང་ནས་ད་བར་བོད་རྒྱལ་ཁབ་དང་མི་རིགས་༧ གོང་ས་ཆེན་པོ་དབུ་འོག་དཔུང་འདེགས་ཞུས་པས་དཔལ་ལྡན་ས་སྐྱ་པའི་ལྷ་མི་སྡེ་ཡོངས་ནས་དགའ་ལྡན་ཕོ་བྲང་སྲིད་གཞུང་དང་བོད་མི་སྒྲིགས་འཛུགས་གཉིས་ལ་མི་རིགས་ཤིག་དང་དབུ་ཁྲིད་ཅིག་གི་འདུ་ཤེས་མི་འདོར་བའི་དམ་ཚིག་ཟུམ་ཁ་གཅིག་ཏུ་སྒྲིལ་ནས་གནས་ཐུབ་པ་དེ་བོད་སྤྱི་པའི་ཁ་རྗེ་དབང་ཐང་ལ་འབྲེལ་བ་མེད་པ་གཏན་ནས་མིན། ) བཙན་བྱོལ་བོད་གཞུང་གིས་ཡར་ལ་གནམ་མ་ཟིན། མར་ལ་ས་མ་ཟིན་པའི་སྐབས་སུ་བོད་ཀྱི་བླ་ཆེན་མི་ཆེན་འགའ་ཡིས་གོང་ས་མཆོག་གི་གཙོས་བོད་གཞུང་ལ་རྒྱབ་སྟོད་ཀྱིས་རང་མགོ་གང་ཐོན་ཐེ་ཝན་བོད་སོག་གི་འོག་ཏུ་ཕྱིན་པའི་གྲལ་ནས་ས་སྐྱ་བདག་ཆེན་ཚང་ཡང་ཡོད། སྒྲོན་ཕོ་ཚང་གི་གོང་ས་་མཆོག་ལ་གུས་སྐུལ་ཡོད་པར་བདེན་ཡང་དེས་ཁོང་གི་མཛད་འཕྲིན་སོགས་ལ་ཕན་པའི་གནས་ལུགས་དེ་ཁོང་རང་གིས་མཁྱེན་ནས་མི་ཆོས་དང་འབྲེལ་བ་ཡོད་པ་ཞིག་ཀྱང་རེད། ད་ལེན་ས་སྐྱའི་བཅོས་བསྒྱུར་བའི་སྐོར་མི་ཚང་གཉིས་ཀྱིས་གྲོས་མཐུན་དེས་མི་ཚང་གཉིས་ཀྱིས་ས་སྐྱའི་ཆོས་རྒྱུད་དེ་སྒེར་གཅོད་བྱེད་རྒྱུར་འགྱུར་བ་སྤུ་ཙམ་མེད་ཁར་མི་ཚང་གཉིས་ཀྱི་ཕོ་རྒོད་ཡོང་རྫོགས་ས་སྐྱ་ཚང་གི་སྐྱོབ་རྗེར་བཀོལ་རྒྱུ་དེ་རེད། དེ་ནི་ཆོས་ལུགས་སྒེར་གཅོད་ཀྱི་བྱ་ངན་ཞིག་ཏུ་འགྱུར་རྒྱུ་རེད། ས་སྐྱའི་ཆོས་རྒྱུད་དེ་ས་སྐྱའི་མི་དམངས་ཀྱི་ལག་ཏུ་བཞགས་པ་འདོད་ན་མི་ཚང་གཉིས་ཀྱིས་སྒེར་གཅོད་དེ་མེད་པ་བཟོ་དགོས། མ་འོང་པའི་ས་སྐྱའི་སྐྱབས་རྗེ་ལ་སྐྱོབ་འགྲོ་ཡོད་མེད་ཡང་ཞུ་མི་ཐུབ་པ་ཞིག་མི་འགྱུར་བའི་ངེས་པར་མི་འདུག་གོ།།
ངོ་མ་ཡིན་ན་ཁྲི་འཛིན་དེ་སྐྱ་སེར་མཁན་སྤྲུལ་ཡོངས་ལ་འདྲ་མཉམ་འདེམས་སྐོས་སུ་བསྒྲགས་ན་རྒྱུ་མཚན་དང་ལྡན་པ་རེད། དེ་མིན་གསལ་ཁ་ཅི་མི་འདུག
དགའ་ལྡན་ཕོ་བྲང་ཕྱིར་འཐེན་བྱས་སོང་། དགེ་ལུགས་ཚང་ཕྱོགས་གཉིས་གྱུར་སོང་། ས་སྐྱ་གོང་མ་ཁྲི་ནས་འབབ་རྒྱུ་ཟེར་གི། ཀརྨ་པ་གཉིས་ཆགས་སོང་། ད་མ་འོང་བ་ན་བཛྲ་གུ་རུ་རེ་ཞལ་འདོན་བྱས་ན་གང་འདྲ། གཞན་བོད་པ་ཚང་གི་རེ་བ་རྒྱག་ས། གསོལ་བ་འདེབ་ས། སྨོན་ལམ་བྱེད་ས་ཚང་མ་ནམ་མཁའི་འཇའ་དེད་པ་བཞིན་འགྱུར་འགྲོ་གི་འདུག ཨ་ཤི་རེ་ཁོ། ངའི་སྒང་བ་བོད་ཀྱི་ཡུལ་ན་ད་དུང་ཁོང་ཚོས་གཙོར་བྱས་བོད་པའི་ཕ་ཆོས་འཛིན་ནས་རྡོག་རྡོག་ཞིག་ཡོད་བསམ་ནས་སྒང་བ་ཚང་གི་བསྟན་པ་སླར་གསོའི་ཆེད་ལས་འགུལ་གང་མང་སྤེལ་བཞིན་པ་དང་ལྷག་པར་ཤ་ཁྲག་ལས་གྲུབ་པའི་རང་ལུས་མེ་ལ་འབར་འཇུག་གི་ཡོད་པ་འདི་ཚོ་སྙིང་མ་རྗེ། ཚེ་ཕྱི་མ་ཕར་ཞོག་ད་ངོག་ལ་སྐྱོབ་མཁན་ཞིག་ཕར་དེད་དུས་མི་འདུག་ག།
ས་སྐྱ་གོང་མ་རིན་པོ་ཆེ་དང་བདག་ཁྲི་རིན་པོ་ཆེ་གཉིས་ཞལ་མཐུན་གྱིས་ཐབས་འདི་འདྲ་ཞིག་བླངས་པར། ངེད་ཚོས་ཡི་རངས་དང་གསོལ་འདེབས་ལས་གཞན་འཇུས་གཏོགས་མེད། དགོན་པ་དམངས་གཙོའི་ལམ་ནས་སྐྱོང་མཁན་གྱི་རྒྱལ་ཁབ་སུ་འདུག སྟོན་དང་།
དཔོན་ལ་ལ། ཁ་བདེ་པོ་བྱུང་ན་འགྲིགས། དེ་ཆབ་སྲིད་པའི་དཔོན་ཚོ་རེད། དཔོན་ལ་ལ་སྦྱོང་བརྡར་དང་ཤེས་ཡོན་མང་པོ་སྦྱོང་དགོས། དཔེར་ན་དམག་དཔོན་ལྟ་བུ་རེད། དེ་ལ་དམངས་གཙོ་དགོས་ཟེར་མཁན་རྒྱལ་ཁབ་མིན་འདུག དཔོན་ལ་ལ་རིག་གནས་དང་། རྒྱུད་པ། རྟོགས་པ་སོགས་དགོས། དེ་ཆོས་ལུགས་ཀྱི་དཔོན་རེད། དེ་ཚོ་གསོ་སྐྱོང་བྱས། བཤད་གྲྭ་དང་སྒྲུབ་གྲྭ་འགྲིམས་ན་མ་གཏོགས་ཁ་བདེ་པོ་དང་ལག་བདེ་པོས་མི་ཡོང་།
མ་འོངས་པའི་ས་སྐྱ་ཁྲི་འཛིན་དེ་དཔལ་ལྡན་ས་སྐྱའི་མཁན་བླ་སྤྲུལ་ཚང་མའི་ནང་ནས་འདེམས་བསྐོའི་ལམ་ཁ་ཞིག་སྟོན་ན་དེ་ནི་གསེར་དངུལ་གྱི་ཡི་གེ་འབྲི་འོས་པ་ལས། རང་ཉིད་ཁ་རྗེ་དབང་ཐང་རྫོགས་ལ་ཉེ་བར་སླེབས་ཚེ་བུ་ཕྲུག་ཁྲི་ལ་བཀོད་པའི་ཆོས་ལུགས་སྒེར་གཅོད་པའི་ཇུས་ངན་དེ་ཡིན་ན་ཧ་ལས་རྒྱུ་མི་འདུག ཡིན་ན་ད་དུང་གསལ་ཁ་བྱུང་མ་སོང་།
ས་སྐྱ་གོང་མ་ཚང་གིས་གདོང་རྒྱུད་བསྐྱངས་ན། དེ་ལ་དམངས་གཙོ་མི་འདུག་དང་སྒར་གཅོད་ཡིན་རབ་བཤད་ནས། མིག་ཚ་བ། སྙིང་ན་བ། སེམས་འཁྲུག་པ། ག་རེ་བྱུང་ན་ཡང་། སོ་སོའི་སྡུག་གྱོང་ལས་ཅི་ཡང་ཡོད་པ་མ་རེད།
ས་སྐྱ་བ་ཚང་གི་སྐུ་རབས་ན་བོད་ལ་ཕན་ཐེག་པའི་སྐྱེ་རྒྱུད་ལས་གནོད་བསྐྱལ་བའི་ཡིག་ཚིག་ན་གཅིག་གོ་ཐོས་མཐོང་གསུམ་མ་བྱུང་བས། ས་སྐྱ་བ་ཚང་ལ་གུས་སོ། ཆོས་རྒྱུད་བུས་སྐྱོང་ན་འདྲ། བུ་མོས་སྐྱོང་ན་འདྲ། གདོང་རྒྱུད་ཤ་མ་ཤོར་བ། ཁྲག་རྒྱུན་མ་ཆད་པ། རུས་རྐང་མ་ཟད་པ་ཞིག་ནི་ཡོད་དགོས་ངེས་སོ། བཀྲ་ཤིས་བདེ་ལེགས།
བོད་དང་རྒྱ་གཉིས་བར་ཐག་ཆོད་རྒྱུ་མེད་པའི་ལོ་རྒྱུས་ངན་པ་འདི་སོག་པོས་ས་སྐྱའི་སྲིད་དབང་འཕྲོགས་ནས་བྱུང་བ་ཞིག་རེད། བོད་འདི་སོག་པའི་ལག་ཏུ་ཐོག་མར་སྐྱེལ་མཁན་ཡང་ས་སྐྱ་ཚང་རེད། བོད་ཀྱི་ལོ་རྒྱུས་གཙོག་པ་ཡང་དེ་ནས་གྱུར་བ་རེད། རྒྱ་ཡིས་བོད་འདི་བདག་དབང་དུ་གྱུར་པའི་ལོ་རྒྱུས་ཡང་དེ་ནས་འཛིན་པ་རེད། སོག་པོའི་མི་སྣས་བོད་དུ་དབང་ཤུགས་ཡང་དེ་ནས་སླེབས་པ་རེད། སོག་པོས་བོད་ལ་ནང་འཁྲུགས་མཚམས་མ་ཆད་པ་ཡང་དེ་ནས་བཟོས་པ་རེད། སོག་པོའི་རྒྱུ་དངོས་དང་དམག་སྲིད་ཀྱིས་བོད་འདི་འཆི་ལམ་དུ་རྫོངས་བ་ཡང་དེ་ནས་བྱུང་བ་རེད།
བསྟན་འཛིན་་་་ས་སྐྱ་པས་སོག་པོའི་ལག་ནས་བོད་ཆོལ་ཁ་གསུམ་གཅིག་ཏུ་སྒྲིལ་བའི་རང་བཙན་གཙང་མ་རྒྱལ་ཁབ་ཅེས་ཚུར་བླངས་པ་ལས་སོག་པོ་དང་རྒྱའི་ལག་པར་ཕར་རྒྱལ་ཁབ་འདིའི་བདག་དབང་ནམ་ཡང་སྤྲད་པའི་ལོ་རྒྱུས་མེད། མ་ཟད་ས་སྐྱ་པས་སོག་པོའི་དཔོན་ངན་རེ་གཉིས་དང་ངན་པ་ལག་འབྲེལ་བྱེད་དེ་སོག་དམག་ཁྲིད་ནས་བོད་ཀྱི་ཆོས་བརྒྱུད་བྱེ་བྲག་པའི་དགོན་པ་དང་ཁ་རྗེ་དབང་ཐང་ལ་གཏོར་སྐྱོན་གཏང་བའི་གནས་ཚུལ་མེད། བོད་རང་བཙན་བཤད་ན་བོད་པའི་སྤྱི་ཚོགས་ནང་བསྡོད་བློས་མི་བཟོད་པ་བཟོ་མཁན་ཡང་ས་སྐྱ་མ་རེད། དེ་དག་ཚང་མ་ཤེས་པ་བྱོས།
9 གནམ་ལགས་ཀྱིས་༼ས་སྐྱ་བ་ཚང་གི་སྐུ་རབས་ན་བོད་ལ་ཕན་ཐེག་པའི་སྐྱེ་རྒྱུད་ལས་གནོད་བསྐྱལ་བའི་ཡིག་ཚིག་ན་གཅིག་གོ་ཐོས་མཐོང་གསུམ་མ་བྱུང་༽ཞེས་བཤད་པ་ནི། འབྲུག་ཕོ་ཐང་གནམ་ནས་གྲག་ན་ཡང་།། དེ་མ་འོ་ཟེར་ན་འོན་པ་རེད།། གློག་དམར་ཆེན་ས་ལ་འཁྱུགས་ན་ཡང་།། དེ་མ་རིག་ཟེར་ན་ལོང་བ་རེད།། ཅེས་པའི་གནའ་མིའི་ཁ་དཔེ་དེ་ཁྱོད་ལ་གདམས་པ་འདྲ། གལ་སྲིད་ས་སྐྱ་བས་ཕྱི་མི་ནང་འདྲེལ་བྱས་ཏེ་བོད་སྟོར་བརླག་གཏོང་བའི་གནས་ཚུལ་དངོས་གནས་ཤེས་གི་མེད་ན་ངས་ལོ་རྒྱུས་ཡིག་ཆ་ངོ་སྤྲོད་བྱེད་དགོས་ལོ།
ས་སྐྱ་བར་གུ་ཡངས་ཡོད་ན་མཁན་ཆེན་སུ་བྱུང་རྣམས་ཁྲི་འཛིན་དུ་བསྐོས་ན་ལྷག་བསམ་རེད་མ་གཏོགས་་་བུ་རྒྱུད་ཚོས་ཁྲི་ཁ་བརྟན་པོ་བྱས་པ་ཙམ་ལ་ཙམ་ལ་ཧང་སངས་ཡ་ཕར་ཞོགས་་་་དུས་རབས་དང་མི་མཐུན་པའི་སྒེར་གཅོད་པའི་ལམ་ཁ་སྐྱར་གསོ་བྱས་པ་ཙམ་རེད་་་་་་་་ཡིན་ན་བདག་ཆེན་ཚང་ལ་ཕར་སྤྲད་དགོས་པ་ལས་རྒན་རབས་པ་ཟེར་དུས་་་་ཁོ་རང་གི་བུ་ཕྲུག་ཚོར་རྒན་པ་ཡིན་ཤག་་་་་་་ཨ་ཙི་་་་