ཁ་ཆེའི་སྟོན་པའི་འཁྲུངས་སྐར་ལའང་གུས་བརྩི་དགོས་སམ།

Comments (16) on “ཁ་ཆེའི་སྟོན་པའི་འཁྲུངས་སྐར་ལའང་གུས་བརྩི་དགོས་སམ།”

1. ཉིན་ཤས་སྔོན་ནས་བཟུང་སྟོན་པ་ཡེ་ཤུ་བའི་འཁྲུངས་ཚེས་དང་ཕྱི་ལོ་གསར་ཚེས་ཀྱི་དགའ་སྟོན་ཆེད་ཤིས་ཤོག་བསྐུར་བ་དང་དྲ་བརྙན་གཏོང་བ་སོགས་མང་པོ་མང་པོ་ཞིག་བྱས་དང་བྱེད་བཞིན་མཆིས། ངའི་ཉེ་རིང་གཉིས་སུ་གནས་པའི་དྲ་གྲོགས་སྐོར་ཞིག་གིས་བོད་པ་ཚོས་ཡེ་ཤུའི་འཁྲུངས་སྐར་གལ་ཆེའི་དུས་ཆེན་དུ་བརྩི་སྲུང་བྱེད་པར་དགག་བྱ་གནང་མཁན་ཡང་ཡོད་སྐད། ཡིན་ཡང་། ཡར་ལུང་ཁོག་ལ་བསྡད་ན་ཡར་ལྷ་ཤམ་པོ་གསོ་དགོས་པའི་དཔེ་ལྟར་ཕྱི་གླིང་དུ་སྡོད་མཁན་ཚོས་ཡེ་ཤུའི་འཁྲུངས་སྐར་བརྩི་སྲུང་ཞུ་དགོས་པ་བཤད་མི་དགོས་ཤིང་དེས་ནི་ཤར་ནུབ་མི་རིགས་ཕན་ཚུན་བར་མཐུན་སྒྲིལ་གྱི་སྣེ་མོ་དམ་དུ་གཏོང་བར་ཕན་ཐོགས་ཀྱང་གང་འཚམས་རེ་འབྱུང་བ་ལས་གནོད་པའི་བྱ་བ་རྡུལ་ཙམ་ཡང་མ་མཐོང་། ཡང་ཅིག་བཤད་ན། ཕྱི་གླིང་དུ་ཡོད་པའི་བོད་པའི་ཆོས་ཚོགས་དང་སློབ་མ་རྣམས་ཀྱིས་རང་རེ་བོད་ཀྱི་ནང་བསྟན་ཆོས་ལུགས་ཀྱི་བྱེད་སྒོ་སངས་རྒྱས་དང་བླ་རབས་ཀྱི་འཁྲུངས་མཆོད་ལ་སོགས་པར་ཕྱི་གླིང་མགོ་སེར་བ་ཅི་ཙམ་ཞིག་གིས་སྲུང་བརྩི་དང་དགའ་བ་སྒོམ་བཞིན་འདུག གཅིག་བྱས་ན་དེ་དག་གི་སེམས་ལ་དད་པའི་ས་བོན་རྣམ་པར་དག་པ་རེ་སྐྱེས་ཡོད་སྲིད་ལ། ཡང་ན་བོད་མི་རིགས་ཀྱི་བསམ་བློའི་ཀུན་སྤྱོད་ལ་དུང་བའི་མཐུན་སྒྲིལ་གྱི་བག་ཆགས་མངོན་འགྱུར་བ་རེའང་ཡིན་སྲིད། དེ་བཞིན་བལ་ཡུལ་དང་རྒྱ་གར་སོགས་ལ་མཚོན་ན་ཡང་རྒྱལ་ཁབ་དེའི་ལོ་གསར་དང་། ཡང་ན་མེ་ལྷ་སོགས་ལྷ་ཡི་རོལ་རྩེད་ཀྱི་དགའ་སྟོན་སོགས་ལ་བོད་པ་མང་པོ་ཞིག་གིས་ཡུལ་མིའི་གོམས་སྲོལ་བཞིན་བསྲུ་བརྩིའི་ཆེད་སློབ་གྲྭས་གུང་གསེང་གཏོང་བ་དང་། དགོན་པའི་འཚོགས་ཐུན་འཇོག་པ་སོགས་བྱེད་པ་འདིས་ཕན་ཚུན་ཡུལ་གོམས་གཤིས་ལུགས་ཀ་གུས་ཞབས་དང་མཐུན་སྒྲིལ་གྱི་རྣམ་པ་ཞིག་ཏུ་འགྱུར་བས་སེམས་མི་ཆུང་བར་མཛོད་ཅིག །

2. “ཁ་ཆེའི་སྟོན་པ་ཨིས་སི་ལ་མིན་དང་། ཧིན་དྷི་ཆོས་ལུགས་ཀྱི་སྟོན་པ་ལྷ་ཆེན་དབང་ཕྱུག་ལ་སོགས་པ་ཆོས་ལུགས་དེ་དག་གི་སྟོན་པ་འམ་ཨ་ལ་སོགས་ཀྱི་དུས་ཆེན་ལའང་གཅིག་མཚུངས་སུ་གུས་བརྩི་དང་། དགའ་སྟོན་བྱ་དགོས་ཏེ་རྒྱུ་མཚན་ཀུན་ནས་མཚུངས་པས་སོ།།”
   དེང་སང་གོ་ལ་གཅིག་གྱུར་ཅན་དུ་གྱུར། མེ་ཏོག་མཉམ་བཞད་དང་། མཁས་བརྒྱ་འགྲན་གླེང་གི་དུས་རབས་འདིར་སླེབས་དུས་ང་ཚོའི་རྩོམ་པ་པོ་ཚོས་སྤྱིར་བཏང་གི་ཤེས་བྱ་འདི་ལྟ་བུ་ཙམ་ལ་རྨོངས་པའི་རང་རྟགས་བསྟན་ན་མིའི་སྔོན་དུ་མཛེས་པོ་མེད། ཁ་ཆེའི་སྟོན་པ་ནི་མོ་ཧ་མད་རེད། ཨི་ཟི་ལམ་ཟེར་ན་ཆོས་ལུགས་ཀྱི་མིང་ཡིན་པ་མ་གཏོགས་སྟོན་པའི་མིང་མ་རེད། ཨི་ཟི་ལམ་ཟེར་བ་དེ་ཞི་བདེའི་དོན་རེད་ཅེས་པ་ཐོས། དབང་ཕྱུག་ནི་ཧིན་དྷུའི་ལུགས་ཀྱི་ལྷ་ཞིག་ཡིན་པ་མ་གཏོགས་སྟོན་པ་མ་རེད། སྤྱིར་ན་ཧིན་དྷུ་ཟེར་བ་དེ་ནི་རྒྱ་གར་གྱི་ཡུལ་གྱི་དད་མོས་སྲོལ་རྒྱུན་ཀུན་གྱི་སྤྱི་མིང་ལྟ་བུ་ཞིག་མ་གཏོགས་སྟོན་པ་གཅིག་ཁོ་ནའི་བསྟན་པར་ངོས་བཟུང་རྒྱུ་མེད། དེ་བཞིན་དུ་ཨལ་ལ་ནི་ཁ་ཆེའི་ཆོས་ལུགས་ཀྱི་དད་མོས་ངོར་འཇིག་རྟེན་བྱེད་པ་པོ་དང་སྣང་སྲིད་ཀྱི་ཁྱབ་བདག་ཕྱོགས་ལས་རྣམ་པར་རྒྱལ་བའི་ལྷ་གཅིག་པུ་དེ་ཡིན་པར་འདོད་པ་མ་གཏོགས་སྟོན་པ་མ་རེད།

3. ཧ་ཧ་ཧ། ཤེས་མི་ཤེས་གཉིས་ཀ་གསུང་རྐྱང་རེད་འདུག་གི་ཨ། གདོང་སྤོབས་ཆེ་བ་ལ། ཨ་ལ་ལ་ལ། དིས་སེང་གི་མྱི། ཅིག་ཉན་གི་ན་གསེར་ཡུམ་དུམ་པ། ཧ་ཧ་ཧ།

4. དྲྭ་གྲོགས་སྤོབས་མཐའ་ལགས་ལ་ཡ་ཡ་ཟེར་རྒྱུ་དང་། ལྡོང་གསེར་ལགས་སུ་རྩོམ་ཡིག་མགོ་འཇུག་ཡོངས་རྫོགས་ཀྱི་དོན་སྙིང་ལ་བསམ་གཞིགས་རེ་གནང་དགོས། སྤྱིར་ཡིག་ཚོགས་ཧ་ཅང་ཉུང་བའི་རྩོམ་ཡིག་ཞིག་ཡིན་མོད། གནད་དོན་མི་ཉུང་བ་ཞིག་འདུས་པར་བྱས་ཡོད། དཔེ་ན་འདས་པའི་བདུན་ཕྲག་གཅིག་ཡས་མིན་སོགས་སོ།།

5. འདི་ནི་བདག་ཅག་གི་༧སྐྱབས་མགོན་༧རྒྱལ་བ་༧རིན་པོ་ཆེས་ཁ་ཞྭ་དཀར་པོ་གྱོན་པ་ཁ་ཆེ་ལྷ་ཁང་དུ་སྤྲོ་སྐྱིད་གསོལ་འདེབས་སྨོན་ལམ་གནང་ཆོག་ན་དད་འབངས་གངས་ཅན་པ་ཚོ་མགོ་གར་འགྲོ་རྔ་མ་ཟེར་བ་དེ་མིན་ནམ། འདི་ཕྱི་གཉིས་ཀ་ལ་ཕན་མེད་དོན་མེད་ཀྱི་གསོན་བསྲེག་བཏངས་བ་ལ་གུས་རྩི་དགོས་ན་འགྲོ་བ་མི་རིགས་སུ་ཡིན་ཡང་དགའ་སྤྲོ་དང་བདེ་མཉམ་དུ་རོལ་ན་ལེགས་ཆ་ལས་སྐྱོན་ཆ་ཞིག་གཏན་ནས་མ་མཐོང་ལོ་འཇམ་གཅེས་ལོ་ལོ། །

6. གསལ་བཤད་ཐུང་ཙམ་ཞུ་དགོས་པར་སྣང་། གོང་གསལ་རྩོམ་ཡིག་དང་འབྲེལ་བའི་མྱི་སྐད་སྨྲ་བ་དག་ལ་ནི་གང་འོས་ཀྱི་ལན་རེ་འབུལ་འཆར་ཡོད། དེ་ལས་ལོག་པ་དག་ནི་ལན་མེད་དེ་ཡང་ལན་གྱི་དོད་ཡིན་པས་ཤེས་པར་གྱིས།

7. དིས་སེང་གི་མྱི། ཅིག་ཉན་གི་ན་གསེར་ཡུམ་དུམ་པ། ཧ་ཧ་ཧ།

8. བོད་ཀྱི་དེབ་ཐེར་རྙིང་པའི་ནང་ཀླ་ཀློའི་ཆོས་ཞེས་འཁོད་ཡོད་པ་ཅིག་དྲན། དེ་ཁ་ཆེའི་ཆོས་ལུགས་ལ་ཟུར་བ་ཡིན་ཤས་ཆེ། ཧཧཧཧ།
   ཁ་ཆེའི་དཀོན་མཆོག ཀླ་ཀློའི་དཀོན་མཆོག་ཡིན་ན། ཡེ་ཤུའི་དཀོན་མཆོག་ཀྱང་། ཀླ་ཀློའི་དཀོན་མཆོག་ཏུ་དོན་གྱིས་ཁས་བླངསསུ་སོང་བ་རེད། ཨོ་ཧོ། སྐད་ཆ་འདིའི་རིགས་ཕྱི་བསྒྲགས་སུ་འགྲོ་མི་ཉན་ནོ།། །།

9. སྤོབས་པ་མཐའ་ཡས་ཀྱིས་གསུངས་པ་བདེན་པར་གོ།ཁ་ཆེའི་སྟོན་པའི་འཁྲུངས་སྐར་སྲུང་བརྩི་བྱས་ན་སྡུག་པོ་གང་མ་རེད་ཡག་པོ་རེད།Islamཟེར་བ་ཁ་ཆེའི་ཆོས་མིང་ཞི་བ་ལ་གོ།དེང་སང་གི་ཁ་ཆེའི་བསྟན་སྲུང་དམག་སྐུལ་སློང་གི་jihadཟེར་བ་དེའང་སོ་སོའི་ནང་གི་ཉོན་མོངས་དང་འཐབ་རྩོད་བྱས་པར་གོ།ཁ་ཆེའི་གསུང་རབ་ཀོརན་གྱི་ནང་དུ་ལྷ་ཆོས་དགེ་བ་བཅུ་དང་མི་དགེ་བ་བཅུ་སོགས་ཧ་ལམ་ནང་པ་དང་གཅིག་མཚུངས་སུ་བཀོད་འདུག་པ།ང་རང་གིས་བཀླགས་པ་ཀོརན་དབྱིན་འགྱུར་མ་ཞིག་ཏུ་དངོས་སུ་མཐོང་།
   དེ་འདྲ་སྟོན་པ་དང་བསྟན་པ་ལ་སྲུང་བརྩི་བྱས་ན་མི་འོས་པ་གང་ཡང་མ་རེད།

10. ནང་པ་སངས་རྒྱས་པའི་སྟོན་མཆོག་འགྲན་ཟླ་མེད་པ་ཁོང་ཉིད་སྐུ་འཁྲུངས་པའི་དུས་བཟང་ལ་བོད་པ་ཚོས་མཆོད་མཇལ་བྱེད་སྲོལ་ཙམ་དང་། དགོན་པ་གྲྭ་ཚང་དུ་ཆོས་ཕྱོགས་ཀྱི་བྱེད་སྒོ་རེ་མ་གཏོགས་སྤྲོད་སྐྱིད་དམ་དགའ་སྟོན་གྱི་རྣམ་པ་གང་ཡང་མངོན་གྱི་མེད་ལ། ཕྱི་ཡུལ་གྱི་སྟོན་པའི་དུས་བཟང་ཟེར་ནས་རང་རིགས་བསྟན་སྲིད་ཀྱི་དོན་དུ་སྐུ་ལུས་མེ་མཆོད་འབུལ་བཞིན་པའི་ཉིན་སྔར་ཕྱི་དག་ལ་བོད་པ་ཚོས་སྤྲོ་སྐྱིད་ཀྱི་ལས་སུ་འཚང་བཞིན་པ་འདི་ཚོ་ལ་བསམ་ན་ཡིད་མུག་དགོས་པ་ཞིག་མ་ཡིན་ནམ། བོད་པའི་ལོ་གསར་ལ་མཚོན་ན་གོང་གསལ་བཞིན་དུས་ཡིན་གང་ཙམ་རིང་མཉམ་རོལ་ཐུབ་མེད། གང་ལྟར། དགོས་ས་ལ་ཆད། མི་དགོས་ས་ལ་ལྷག་ཟེར་བ་དེ་རེད། སྤྱིར་བཏང་ནི་ཆོས་ལུགས་གང་ཞིག་ཡིན་རུང་གུས་བཀུར་དགོས་པ་དང་། ཆོས་བྱེད་མི་སྣའི་བར་གྱི་མཐུན་ལམ་ནི་གལ་ཆེན་ཡིན་པར་ངས་ཀྱང་ངོས་འཛིན་ཞུ་བཞིན་ཡོད། འོན་ཀྱང་རང་ཚུགས་མེད་པའི་རྣམ་པ་དང་། གསར་འགྲོགས་སམ་ཨ་སར། རང་རིགས་ཀྱི་གནས་སྟངས་ལ་བསམ་ཤེས་ཙམ་ཡང་མི་ནུས་པའི་སྤྱོད་ངན་འདི་དག་ནི་བདག་ལ་མཚོན་ན་སྙིང་ན་བྱེད་རྒྱུད་ངོ་མ་དེ་ཡིན།

11. ངས་སྟོང་ལོ་གསར་པའི་ལོ་གསར་མི་བསུ་ལ། ཡེ་ཤུའི་སྟོན་པའི་འཁྲུངས་སྐར་དེའས་ཀྱང་མི་བསུ། ཅིའི་ཕྱིར་ཞེ་ན། ང་བོད་པ་ཞིག་དང་ནང་པ་ཞིག་ཡིན་པས་འདི་དག་བསུ་དགོས་དོན་མི་འདུག ང་ལ་བོད་གངས་ཅན་པ་རང་ཉིད་ཀྱི་ལོ་གསར་བསུ་རྒྱུ་ཡོད་ལ། སངས་རྒྱས་བཅོམ་ལྡན་འདས་ཀྱི་འཁྲུངས་སྐར་བསུ་རྒྱུ་ཡོད། བོད་པ་ཚོ། ཁྱོད་ཚོ་ཅིའི་ཕྱིར་འདི་ལྟར་གཡམ་རྒྱུག་བྱེད་བཞིན་ཡོད། ཁྱོད་ཚོ་ལ་འདི་དག་སྲུང་རྩི་བྱེད་དགོས་པའི་འགན་འཁྲི་ཅི་ཞིག་ཡོད། ཁྱོད་ཚོས་སངས་རྒྱས་བཅོམ་ལྡན་འདས་ཀྱི་འཁྲུངས་སྐར་སྲུང་བརྩི་བྱེད་མཁན་ཡེ་ཤུའི་ཆོས་དད་པ་ཞིག་མཐོང་ཨེ་མྱོང་། ནུབ་ཕྱོགས་པ་ཚོས་རང་ཉིད་ཀྱི་དཔལ་འབྱོར་དང་། ཆབ་སྲིད། དམག་སོགས་ཀྱི་སྟོབས་ཤུགས་ལ་རྟེན་ནས། ཁོཚོའི་ཆོས་ལུགས་དང་། སྐད་ཡིག རིག་གཞུང་དང་། གོམ་བཤིས་སོགས་ཀྱིས་འཛམ་གླིང་དབང་བསྒྱུར་རྒྱུའི་ཧམ་སེམས་འཆང་བཞིན་པ་མ་ཤེས་སམ། ཁོ་ཚོས་རང་ཉིད་ཀྱི་སྐད་ཡིག་ལ་འཛམ་གླིང་སྤྱི་སྐད་དུ་འབོད་བཞིན་ཡོད་ལ། ཡེ་ཤུས་ཆོས་ལུགས་ལ་འཛམ་གླིང་སྤྱིའི་ཆོས་ལུགས་སུ་འབོད་བཞིན་ཡོད་པ་འདིས་སྟེང་ནས་ཁོ་ཚོའི་ཧམ་སེམས་དེ་གསལ་པོ་མཐོང་ཐུབ། དོན་ངོ་མ་འཛམ་གླིང་སྤྱི་སྐད་ཟེར་བ་དང་སྤྱིའི་ཆོས་ལུགས་ཟེར་བ་ཞིག་གཏན་ནས་མེད། ལྷག་ཏུ་ཡེ་ཤུའི་ཆོས་སྤེལ་མཁན་ཚོའི་ཧམ་སེམས་ནི་ཚད་ལས་བརྒལ་བ་ཞིག་ཡིན། ཁོང་ཚོ་གྲོང་ཁྱེར་ནང་དུ་སླེབས་ཡོད་ཅིངགྲོང་རྡལ་ནང་དུ་སླེབས་ཡོད། ཁོང་ཚོ་སློབ་གྲྭའི་ནང་དུ་སླེབས་ཡོད་ལ་སྨན་ཁང་ནང་དུ་སླེབས་ཡོད། ཁོང་ཚོ་གྲོང་གསེབ་ཏུ་སླེབས་ཡོད་ལ་དགོན་པའི་ནང་དུའང་སླེབས་ཡོད། མདོར་ན་རི་བོའི་རྩེ་དང་རྒྱ་མཚོའི་འགྲམ་གང་དུ་ཡང་ཁོང་ཚོ་མ་སླེབས་པའི་གནས་མེད། ཁོ་ཚོས་སློབ་གྲྭ་རྒྱག་པ་དང་སྨན་ཁང་བཙུགས་པ་ཉམ་ཐག་ལ་རོག་པ་བྱེད་པ་སོགས་དགེ་ལས་འདི་དག་གི་རྒྱབ་ལ་ཆོས་ལུགས་སྤེལ་རྒྱུའི་ཧམ་སེམས་རི་འདྲ་བ་རེ་འཆང་མེད་པ་ཧ་ཅང་དཀོན། འདི་ལྟ་བུའི་གནས་སྟང་གི་འོག་ནས་ང་ཚོས་ད་དུང་ཁོ་ཚོའི་རྗེས་སུ་གཡམ་རྒྱུག་གིས་ཁོ་ཚོའི་འདོད་དོན་སྒྲུབ་རོག་བྱེད་པ་ནི་དཔེར་ན་རང་ཉིད་གསོད་པའི་ཤན་པ་ལ་གྲི་བསྡར་རོག་བྱེད་པ་དང་ཅིག་མཚུངས་ཡིན། བོད་པ་ཚོ། “རང་ཚུག་མ་ཤོར་གཞན་སེམས་མ་དཀྲུག” མཐའ་དོན་མཁས་དབང་དགེ་ཆོས་ཀྱིས། གཞན་ཕན་སྙིང་རྗེའི་སྣུམ་དང་བྲལ་ན་ཡང་། །རིག་རྩལ་ཐབས་མཁས་གློག་གི་འཁྲུལ་འཁོར་གྱིས། །དྲང་པོའི་མི་ལ་འཁྱོག་པོའི་ལམ་སྟོན་པ། །སྐྲ་སེར་སྤྲེའུའི་རིགས་ལ་དོག་ཟོན་མཛོད།། ཞེས་པའི་བསླབ་བྱ་འདི་ཡིད་ལ་བཟུང་རོག།

12. ཆོས་ལུགས་འཐེན་ཁྱེར་གྱི་སྐད་ཆ་མ་བཤད་ན་ཡག་གི་རེད་།
    ཡུལ་ཆུ་ཐུང་ནས་ཡུལ་ཁྲིམས་བརྩི་དགོས་པ་རེད་།
    ཆོས་ལུགས་ཡོངས་རྩོགས་ལ་དག་སྣང་དགོས་པ་རེད་།
    ཆོས་ཐམས་བཅས་བུ་རམ་རེད་།
    ག་ནས་ཟས་ཀྱང་མངར་མོ་རེད་།།

13. ཧཧཧ མགོ་སྟོང་ཚོའི་སྐད་ཆ་བཤད་ལུགས་འདི་འདྲ་རེད། དོན་ངོ་མ་ཁོང་ཚོས་ཆོས་ལུགས་ཅིག་ལ་ཡང་དད་པ་དག་སྣང་ཡོད་མ་རེད།

14. ཇུས་ཏོག་ཟེར་བའི་དྲྭ་གྲོགས་ལགས། འབྲེལ་མེད་དོན་གཞན་གྱི་སྐད་ཅོལ་མ་གནང་རོགས། ཨ་རི་གཙོ་བྱས་པའི་ནུབ་ཕྱོགས་རྒྱལ་ཁབ་དག་ནི་མང་གཙོའི་རྒྱལ་ཁབ་རེད་ལ། སྤྱིར་འཛམ་གླིང་འདིའི་ནང་དུ་ཡེ་ཤུའི་ཆོས་ལ་དད་མོས་མ་བྱས་ཡིན་ན་ཁྲིམས་ལུགས་གང་འགལ་གྱི་ཡོད་དམ། ཡུལ་ཁྲིམས་གང་དང་འགལ་འགྲོ་བ་རེད་དམ། དེ་ལས་ཀྱང་དུས་ཆེན་བརྩི་སྲུང་མ་བྱས་པ་ཡིན་ན་ཡང་ཁྲི་ས་ལུགས་གང་ཡང་འགལ་གྱི་མེད། མདོར་ན་ཆོས་དད་རང་མོས་རེད། ད་དུང་ཆོས་ལུགས་འཐེན་ཁྱེར་ཅིའི་ཕྱིར་རེད་སོང་བ་རེད།

15. རྒྱལ་བ་་ལྔ་པ་དང་ཟླ་བ་ལྔ་བ་ནོར་མི་ཉན་།
    གཡག་རྔ་དཀར་དང་གྲངས་ལྔ་ནོར་མི་ཉན་།

16. ཧ་ཧ་ཧ་སྤོབས་མཐའ་འདི་ཡིས་སྐད་ཆ་སྔ་ཕྱི་རྒྱབ་འགལ་དང་མགོ་རྔ་མེད་པའི་སྐད་ཆ་དག་བཤད་ཀྱི་རེད། ཡང་དེ་རིང་ཁོས་འདི་ན་ཆོས་ལུགས་མི་རིགས་མཐུན་འབྲེལ་ཡིན་ན་ཅིག་དགོས་ཟེར། ནམ་རྒྱུན་གཞན་གྱི་ཆོས་ལུགས་ལ་དམའ་འབེབས་རྐྱང་བྱེད་ཀྱི་ཡོད།
    གང་ལ་སྲུང་བརྩི་དང་གུས་ཞབས་བྱེད་མིན་མི་རང་རང་སོས་སོས་ཐག་ཆོད་བྱེད་ཆོག་པའི་རང་དབང་རེད། དེ་ལ་ང་ཚོ་བོད་པ་མང་ཆེ་བ་ནང་པ་བ་ཡིན་པས་བོད་པས་ཁ་ཆེ་དང་ཡེ་ཤུའི་ཆོས་ལུགས་དང་དེའི་སྟོན་པའི་འཁྲུངས་སྐར་དང་དུས་ཆེན་ལ་སྲུང་བརྩི་བྱེད་མི་རུང་ཟེར་བ་དེ་གནམ་གྱི་བཀའ་ཡིན་ན་མ་གཏོགས་གཏན་ཚིགས་དང་གནས་ལུགས་མེད་པའི་སྐད་ཆ་རང་རེད། མི་འདི་རིགས་ནི་ཆོས་ལུགས་ཏྨོངས་དད་དང་ཕྱོགས་ཞེན་གྱི་སྐྲན་ནད་ཀྱིས་ཟིན་རྟགས་རང་རེད།