ཤ་ཀླན་འཇམ་དབྱངས་གྲགས་པ།
༡
ཝཱ་ཎའི་གནམ་གཤིས་དེ་གྲང་དུ་གྲང་དུ།།
རྐང་ཆུང་སེར་ཁ་དེ་ཆེ་རུ་ཆེ་རུ།།
ཀུན་དགའ་དོན་འགྲུབ་དེ་དཀོན་དུ་དཀོན་དུ།།
གྲྭ་རྐྱང་ལུས་པོ་དེ་ངལ་དུ་ངལ་དུ།།
མཛེས་མའི་ཟུར་མདའ་དེ་རྣོ་རུ་རྣོ་རུ།།
མི་ཁའི་རླུང་དམར་དེ་རྒོད་དུ་རྒོད་དུ།།
ས་མཐའི་འཚོ་བ་དེ་སྐྱོ་རུ་སྐྱོ་རུ།།
གྲྭ་རྐྱང་སེམས་པ་དེ་འཚབ་ཏུ་འཚབ་ཏུ།།
ཚོགས་པའི་སྒྲིག་ཁྲིམས་དང་རིང་དུ་རིང་དུ།།
རྒན་གྱི་ཞལ་རས་དེ་ནག་ཏུ་ནག་ཏུ།།
གྲོགས་ཀྱི་བརྩེ་བ་དེ་ཕྲ་རུ་ཕྲ་རུ།།
གྲྭ་རྐྱང་ལུས་སེམས་གཉིས་སྡུག་ཏུ་སྡུག་ཏུ།།
རྒྱ་གར་གློག་བརྙན་དེ་ཡག་ཏུ་ཡག་ཏུ།།
གྲོང་ལ་འགྲིམས་ཐེངས་དེ་མང་དུ་མང་དུ།།
ཁྱིམ་པའི་འཕྱ་སྟངས་དེ་བཙོག་ཏུ་བཙོག་ཏུ།།
གྲྭ་བའི་སྡིགས་སྟངས་དེ་ངར་དུ་ངར་དུ།།
༢
ང་ཡི་སློབ་གྲོགས་ཚོ་རིག་པའི་དཔའ་བོ་རེད།།
ང་ཉིད་ཁོང་ཚོའི་ཁྲོད་སྲིན་འབུ་མེ་འཁྱེར་འདྲ།།
ང་ཡི་སློབ་དཔོན་ཚོ་ལུང་རིགས་དབང་ཕྱུག་རེད།།
ང་ཉིད་ཁོང་ཚོའི་མདུན་ཤེས་མེད་རྒན་པོ་བཞིན།།
སློབ་གྲོགས་ཕོ་གཞོན་ཚོ་གཞོན་ནུ་དོན་འགྲུབ་རེད།།
བཙུན་མོ་ས་འཚོ་མས་སླར་ཡང་འགུག་ནུས་མིན།།
སློབ་གྲོགས་མོ་གསར་ཚོ་ཡིད་འཕྲོག་ལྷ་མོ་རེད།།
ནོར་བཟང་རྒྱལ་པོས་ཀྱང་རེ་ན་ངལ་བའི་རྒྱུ།།
སློབ་གྲོགས་གྲྭ་གཞོན་དག་བཻ་རོ་ཙ་ན་རེད།།
བཙུན་མོ་ཚེ་སྤོངས་བཟས་གཡོ་འོག་འགྲོ་ནུས་མིན།།
སློབ་གྲོགས་བཙུན་མ་ཚོ་སྣང་ས་འོད་འབུམ་རེད།།
གྲགས་པ་བསམ་འགྲུབ་ཀྱང་ཆོས་ལ་འགོད་པར་ངེས།།
བརྩོན་པའི་ཆུ་བོ་དེ་ཐན་པས་སྐམ་གྱུར་ཞིང༌།།
རྟོགས་པའི་མེ་ཏོག་དེ་གཡེང་བས་རྙིད་མེད་ན།།
ང་ཉིད་ཁ་སྟབས་དེ་མི་ལ་རས་པ་འདྲ།།
ཉིན་རེའི་སྤྱོད་ཚུལ་དེ་འབྲུག་སྨྱོན་ཀུན་ལེགས་ཉིད།།
༢༠༡༠ ༡ ༧ཉིན་བྲིས།
tashi delek!
ཝཱཎའི་ཐ་སྙད་འདི་མཐོང་དུས།།
བྷོ་ཊའི་སློབ་ཆེན་དེ་དྲན་བྱུང༌།།
སྐྱིད་སྡུག་འདྲ་མིན་གྱི་ཁྲོད་ནས།།
ལོ་མང་དཀའ་སྤྱད་དེ་དྲན་བྱུང༌།།
ཁོར་ཡུག་མེ་ཏོག་གི་ལྡུམ་རྭར།།
བཤེས་གཉེན་ཆུ་སྐྱེས་ནི་དཀར་དམར།།
སློབ་ཚོགས་རྐང་དྲུག་ཡི་བུང་བས།།
རིག་པའི་བཅུད་རོལ་དེ་དྲན་བྱུང༌།།
རྭ་བ་གྲུ་བཞི་ཡིས་སྐོར་བའི།།
པད་འབྱུང་ཁན་ཚན་གྱི་ནང་དུ།།
དགོང་མོའི་རང་སྦྱོང་དེ་ཚོགས་དུས།།
ཁུ་སིམ་དབེན་གནས་དེ་དྲན་བྱུང༌།།
བཀའ་བསྟན་གསུང་རབ་ནས་གཙོས་པའི།།
གནའ་དེང་ལེགས་བཤད་ཀྱི་ཕུང་པོ།།
མ་ལུས་གཞི་གཅིག་ཏུ་སྤུངས་པའི།།
ཞི་འཚོ་དཔེ་མཛོད་དེ་དྲན་བྱུང༌།།
ས་དགེ་བཀའ་བརྒྱུད་དང་རྙིང་མ།།
ཞ་དཀར་གཡུང་དྲུང་གི་བོན་པོ།།
རིས་མེད་གྲུབ་མཐའ་ཡི་བསྟི་གནས།།
ཝཱཎ་མཐོ་སློབ་དེ་དྲན་བྱུང༌།།
བཀྲ་ཤིས་ནས་བཀྲ་ཤིས་བདེ་ལེགས་གསུངས་པར་དགའ་བྱུང༌།སྒང་ནེ་འཇིགས་མེད་ནས་ཡག་པོ་གསུངས་འདུག ཁྱེད་ཀྱི་དྲན་སྟངས་ལ་གོ་རིམ་འདུག་ལ་གནས་ལུགས་འདུག
སྒང་ནེ་འཇིགས་མེད་ལགས། ཁྱེད་ཀྱིས་ཆོག་མཆན་སྟེར་ན་ངས་ཁྱེད་ཀྱི་དྲན་ཚུལ་དེ་སློབ་གྲྭའི་སྦྱར་པང་རུ་སྦྱར་ཆོག
བཀུར་འོས་ཤཀླན་བུ་ལགས།
ཁྱེད་ཀྱིས་རྩོམ་ཡིག་ལ་དགའ་བསུ་དང་བསྔགས་བརྗོད་མཚོན་ཕྱིར་ཤོ་ལོ་ཀ་རེ་ཟུང་ཞིག་འབྲི་ཁུལ་བྱས་པ་ལས། ཝཱཎའི་སྦྱར་པང་ཐོག་འགོད་པའི་རྩོམ་ཡིག་གི་ཆུ་ཚད་དང་བརྗོད་དོན། སྒྱུ་རྩལ་སོགས་འདི་ལ་ཚང་མེད་པས། སྦྱར་པང་ཐོག་མ་བཀོད་རོགས་གནང༌། ཐུགས་རྗེ་ཆེ།
མུ་མཐུད་ནས་སྙན་ངག་བྲིས་ཤོག
ཝྰ་ཎའི་ལྔ་པོ་དྲན་པ།
ཝྰ་ཎའི་མིང་གཅིག་གི་འོག་ལ། །
མཆོད་རྟེན་ཟླུམ་པོ་གཅིག་དྲན་བགྱིད། །
དང་ཐོག་སྟོན་འཁོར་གཉིས་འཛོམས་ས། །
གནས་སྐོར་ཐེངས་ཙམ་གཉིས་བསླེབས་ས། །
གནས་ཆེན་གསུམ་པ་ཡི་ས་གཞིར། །
དཀོན་མཆོག་གསུམ་པོ་དེ་འཛོམས་ས། །
བདུད་བཞི་བཅོམ་པ་ལ་མཁས་པས། །
བདེན་བཞི་གསུངས་ས་དེ་དྲན་བྱུང་། །
སྙིགས་ལྔའི་དུག་ལྔ་འདི་རྩུབ་དུས། །
ལྔ་སྡེའི་ཞི་འཇམ་དེ་དྲན་བྱུང་། །
གནས་སྐོར་ཐེངས་གཉིས་ཙམ་་་་་་་་་་་། ལ་བཅོས།
རྣམ་པ་གཉིས་ཕེབས་པ་དགའ་བྱུང༌།
ད་དུང་་
དུས་གསུམ་ཐ་སྙད་ལ་རྨོངས་པའི།།
སུམ་རྟགས་དག་གསུམ་གྱི་མཁན་པོ།།
ལེགས་བཤད་ལྗོན་དབང་ཙམ་འཆད་ཀྱིན།།
འགྱིང་ཉམས་སྟོན་ཚུལ་དེ་དྲན་བྱུང་།།
གཞན་ཡུལ་སྐྱབས་གནས་སུ་བཅོལ་བཞིན།།
གཞན་བརྟེན་སྲིན་འབུ་རུ་གྱུར་མོད།།
གཞན་མོ་བཙན་རྒྱོ་ལ་དཔའ་བ།།
གཞན་ཕན་དགེ་རྒན་དེ་དྲན་སོང་།།
དུས་གསུམ་ཐ་སྙད་ལ་རྨོངས་པའི།།
སུམ་རྟགས་དག་གསུམ་གྱི་མཁན་པོ།།
ལེགས་བཤད་ལྗོན་དབང་ཙམ་འཆད་ཀྱིན།།
འགྱིང་ཉམས་སྟོན་ཚུལ་དེ་དྲན་བྱུང་།།
གཞན་ཡུལ་སྐྱབས་གནས་སུ་བཅོལ་བཞིན།།
གཞན་བརྟེན་སྲིན་འབུ་རུ་གྱུར་མོད།།
གཞན་མོ་བཙན་རྒྱོ་ལ་དཔའ་བ།།
གཞན་ཕན་དགེ་རྒན་དེ་དྲན་སོང་།།
མིའུ་ཕྲུག་དང་འཆི་བདག་སྐྱབས་གཉིས་མཆན་འདེབས་མཁན་གཅིག་ཡིན་པ་འདྲ། ཨེ་རེད། གང་ལྟར་ཁྱེད་གཉིས་ཀྱི་འཆད་སྟངས་དེ་ཤ་འཁོན་ཞིག་རྩོད་པ་དང་འདྲ་བོ་འདུག ཡིན་ཡང་ཤ་འཁོན་རྩོད་ས་ཁ་བརྡ་དྲ་དེབ་མ་རེད་ལ་ཁོ་བོ་ནི་དེ་བས་མ་རེད། དེ་བས་ཁྱེད་གཉིས་ཉེ་བའི་རིག་བདག་གི་ཡིག་ཚང་དུ་བཅར་བའམ་འབྲེལ་ཡོད་ལས་ཁུངས་ཤིག་ལ་གཏུགས་གཤེར་བྱས་ན་ཅི་འདྲ་རེད། འདི་ཁྱེད་གཉིས་ལ་བཤད་པའི་སྐད་ཆ་ཐ་མ་དེ་ཡིན། རྗེས་སུ་ཁ་སྔོག་རྒྱུ་མིན། ཤེས་སོང་ངམ།